Օգնություն անգլերեն սովորողներին

[StrangeLittleGirl]

Եվս մի քանի բան, որ մեզ սխալ են սովորեցրել դպրոցում:
- Որ ճաշը dinner է, ընթրիքը՝ supper: Չնայած ըստ վիկիի որոշ ռեգիոններում հենց այդպես էլ կա, անգլոսֆերայում առավել տարածված են հետևյալ "ուտելաժամերը". breakfast` առավոտ յոթից սկսած (մյուս ծայրը պարզ չէ, որոշ մարդիկ շատ ուշ են նախաճաշում), lunch` 12 - 2 PM, dinner`6 - 8 PM: Supper բառը native speaker-ից երբևէ լսած չկամ:
- Շնորհակալությանը պատասխանել not at all: Աբսուրդ է: Ենթադրում եմ, որ մեկը շփոթել է "do you mind" տիպի հարցին պատասխանի հետ, ու այդպես ամրագրվել է դպրոցական դասագրքերում:
- Butcher-ը արտասանել "բատչր": Իրականում արտասանվում է "բուտչր":
- Ֆորմալ "բարև ձեզ"-ին ասել how do you do: Չկա նման բան: Hello-ն լիովին ընդունելի է նույնիսկ շատ բարձր պաշտոնյայի բարևելիս: Նամակագրության մեջ կարելի է փոխարենը սկսել "Dear <անուն>"-ով: Եթե անունը չգիտես, ապա "Dear Sir or Madam": Տարատեսակ how are you today-ները շատ ավելի ընդունելի են ոչ ֆորմալ միջավայրում: How do you do հենց այդ տեսքով ես երբևէ չեմ լսել:

Ա՜խ, էս ինչ լավ բան ասեցիր։ Ես դպրոցում իմ դասատուների հետ վիճում էի, որ dinner-ը ճաշը չի, ընթրիքն ա, ասում էին՝ դու չգիտես։ Ահամ, երկու տարի բրիտանական դպրոցում սովորելուց հետո իմ սովետահայ դասատուներն ավելի լավ գիտեին։ Ընդհանրապես, էն, ինչ մեզ դպրոցում սովորեցրել են, սովետական անգլերեն ա, որն աշխարհում ոչ մի տեղ գոյություն չունի։ Not at all-ն էլ ա էդ կատեգորիայից։

Բայց supper-ը գոյություն ունի։ Անգլիայի տարբեր հատվածներում շատ եմ լսել, dinner-ից հետո ա։ Ավելի մանրամասն բառի տարբեր տեսակի կիրառությունների մասին կարող ես էստեղ կարդալ։ Butcher-ի արտասանությունն էլ էլի տեղից ա կախված, տեղեր կան, որ կարաս բաթչեր լսես, տեղեր՝ բըթչըր։ Ընդհանրապես, անգլերենի ձայնավորների մասին ընդհանրացված պնդումներ անելը մի քիչ անշնորհակալ գործ ա, որովհետև տարբեր տեսակի անգլերենների հիմնական տարբերակիչ հատկանիշը հենց ձայնավորներն են։ Ասենք, բրիտանական դպրոցի իմ դասարանում Անգլիայի հարավից մի տղա կար, որ բաթըրին բութըր էր ասում։ Սաղ դասարանով վրան ղժժում էինք, բայց ամբողջ դասարանում անգլերենի միակ լեզվակիրն ինքն էր։ Հետո, սաղ աշխարհն իռլանդացիներին ասում ա այրիշ, իսկ իրանք իրանց՝ օյրիշ։ Դե էլ չենք խոսում նորզելանդացիների ձայնավորների մասին, որոնց վրա սաղ աշխարհն ա ղժժում։

How do you do-ն էլ կա, բայց շատ հազվադեպ կլսես։ Ես Նյուքասըլում մեկումեջ լսել եմ։ Հիմա փոխարենը how are you-ով են բարևում։ Համենայնդեպս, Անգլիայում ու Իռլանդիայում համատարած ա։