Վթարվել է Թեհրան-Երևան ՏՈւ-154 ինքնաթիռը

[Cassiopeia]

Այսօր վթարի է ենթարկվել Թեհրան-Երեւան Տու- 154 ինքնաթիռը, որում եղել է 153 ուղեւոր եւ 16 հոգի սպասարկող անձնակազմ:

Ըստ իրանական մի պաշտոնյայի' «օդանավը կտոր-կտոր է եղել եւ բոլոր ուղեւորները մահացել են»:

Վթարը տեղի է ունեցել Իրանի հյուսիսում, օդանավը վայր է ընկել թռիչքից 16 րոպե անց' Քազվին նահանգի Տակեստան շրջանում: Դեպքի վայրում սկսվել է հրդեհ:

«Զվարթնոց» օդանավակայանի կայքէջում խորհուրդ է տրվում դիմել ավիաընկերությանը: Իսկ «Կասպյան էյրլայնս» ավիաընկերությունը, ում պատկանում էր ինքնաթիռը, որեւէ հստակ տեղեկատվություն առայժմ չի տրամադրում:

«Զվարթնոց» օդանավակայանում ստեղծվել է շտաբ, որտեղ առաջին բուժօգնություն եւ հոգեբանական ծառայություն է ցուցաբերվում զոհվածների հարազատներին: Այլ տեղեկություններ առայժմ չկան:

Ըստ Ա1 Պլյուսի

[ministr]

Ընկերներիցս մեկի մայրն էլ էր մեջը....
Էս էլ դեմոկրատական արվամոլ ամերիկայի ու եվրոպայի դեմոկրատիայի արդյունքը, որ նորմալ ինքնաթիռ չեն վաճառում Իրանին: Էս դարում ինչ Տու 154.....

[Ձայնալար]

«Կասպիան էյրլայնսը» իրանակա՞ն ա:

[Cassiopeia]

Հուլիսի 15-ին ՙԿասպիական ավուիաղուներ՚ ընկերության Թեհրան-Երեւան չվերթ իրականացնող ինքնաթիռը վթարի է ենթարկվել:

Նախնական տվյալներով ինքնաթիռում եղել են մոտ150 անձ:

Վթարի հետ կապված ՀՀ ԱԳՆ-ում բացվել է թեժ գիծ: Տեղեկություններ ստանալու համար կարող եք զանգահարել +37410562543, +37410566811 եւ +37410544041 (ներքին 202 կամ 217)

Ըստ Ա1+

[ministr]

«Կասպիան էյրլայնսը» իրանակա՞ն ա:

Ռուս-իրանական համատեղ ընկերությունա... որ ռուսների 100 տարվա ինքնաթիռները հանումա օդ...
Կոնկրետ էս ինքնաթիռը 1987 թվի էր...

[Ձայնալար]

Ռուս-իրանական համատեղ ընկերությունա... որ ռուսների 100 տարվա ինքնաթիռները հանումա օդ...
Կոնկրետ էս ինքնաթիռը 1987 թվի էր...

Թանգարանային էքսպոնատներով մարդ են տեղափոխում արա, ես դրանց …

[Ribelle]

Հայաստան ամեն զիբիլ ինքնաթիռ կուղարկեն հա

[Kuk]

Վթարի ենթարկված ինքնաթիռը փորձել է արտակարգ վայրէջք կատարել


Արևմտյան լրատվամիջոցները, այդ թվում՝ CNN–ը, Reuters–ը և Associated Press–ը, քննարկում են Թեհրան–Երևան չվերթն իրականացնող ինքնաթիռի վթարը՝ ներգրավելով ավիացիայի մասնագետների։ Սկզբնական շրջանում առաջ էր քաշվել վարկած, համաձայն որի ինքնաթիռը գերծանրաբեռնված է եղել։ Սակայն այդ վարկածը հերքվել է, քանի որ ТУ-154 ինքնաթիռը կարող է տեղափոխել մինչև 180 մարդ, իսկ ինքնաթիռում գտնվել է 168 ուղևոր և անձնակազմի անդամ։

Ինչպես հայտնում է CNN-ը, եղանակը նույնպես չէր կարող հանդիսանալ ինքնաթիռի վթարի պատճառ, քանի որ երկինքն այդ պահին ամպամած չի եղել։

Ինքնաթիռի կործանման վայրում առաջացել է 10 մետր խորությամբ ձագարափոս։ Ինչպես FARS գործակալությանը մեկնաբանել է փրկարարներից մեկը, դեպքի վայրում 200 քառ. մետր մակերես ունեցող տարածքը ծածկված է ուղևորների մարմինների հատվածներով և ինքնաթիռի բեկորներով։

Ըստ նախնական տվյալների՝ վթարի պատճառ են հանդիսացել տեխնիկական խնդիրները, որոնք առաջացել են թռիչքից անմիջապես հետո։ Ինքնաթիռը փորձել է արտակարգ վայրէջք կատարել, սակայն օդում այն բռնկվել է և մասնատվել։

Թերթ

[Kuk]

Ավիավթարում մահացել են Իրանի ձյուդոյի հավաքականի անդամները


Իրանի ձյուդոյի երիտասարդական հավաքականի տասը անդամներ, ովքեր Երևան էին ժամանում ուսումնամարզական հավաք անցկացնելու համար, մահացել են Թեհրան-Երևան չվերթն իրականցնող ինքնաթիռի վթարի հետևանքով: Այս մասին հաղորդում է իրանական Press TV–ին:

Թերթ

[Kuk]

Թեհրան–Երևան չվերթն իրականացնող ինքնաթիռի ուղևորների մեծ մասը հայեր էին


Թեհրանից հյուսիս գտնվող Քազվին քաղաքի մոտակայքում ուղևորատար ինքնաթիռի վթարի վայրում աշխատում են փրկարարները և հրշեջ ծառայության աշխատակիցները: Նշենք, որ ինքնաթիռում եղել են Իրանի, Հայաստանի և Վրաստանի քաղաքացիներ։ Ուղևորների մեծ մասը Հայաստանի քաղաքացիներ էին, հայտնում է Tert.am-ի լրագրողը։

ՀՀ ԱԳՆ–ից մեզ հաջողվեց ճշտել, որ անձնակազմի առնվազն մեկ ներկայացուցիչ նույնպես եղել է ՀՀ քաղաքացի։

Նշենք, որ բոլոր ուղևորները, ամենայն հավանականությամբ, զոհվել են, հաղորդում են իրանական լրատվամիջոցները:
Ըստ IRNA գործակալության՝ ինքնաթիռը, որը պատկանում էր իրանական Caspian Airlines ավիաընկերությանը, իրականացնում էր Թեհրան-Երևան չվերթը: Այն վթարի է ենթարկվել 12։00–ի սահմաններում, թռիչքից 16 րոպե անց։

Քազվինի արտակարգ իրավիճակների ծառայության պետ Հոսեյն Բոհազադփուրը տեղեկացրել է, որ ինքնաթիռն ամբողջովին կործանվել է, իսկ դրա մասերը` այրվել: Նրա խոսքերով նույնպես ինքնաթիռում եղած բոլոր մարդիկ հավանաբար զոհվել են: Իրանի Քաղավիացիայի մամուլի խոսնակը հայտարարել է, որ ռուսական ТУ-154 ինքնաթիռն իրականացնում էր 7908 չվերթը դեպի Երևան։ Համաձայն նախնական տվյալների ինքնաթիռում եղել է 153 ուղևոր, անձնակազմի 16 անդամ։

Թերթ

[Kuk]

[Kuk]

[Բարեկամ]

Ռուս-իրանական համատեղ ընկերությունա... որ ռուսների 100 տարվա ինքնաթիռները հանումա օդ...
Կոնկրետ էս ինքնաթիռը 1987 թվի էր...

Авиакатастрофы – частое явление в стране, что неудивительно, если учесть возраст большинства иранских пассажирских лайнеров: 16 лет. Иран возлагает ответственность за сложившуюся ситуацию на санкции США, запрещающие американским компаниям продавать иранцам новые самолеты. Иранские авиакомпании делают попытки обновить парк самолетов европейскими моделями, однако США оказывают давление на Европу, призывая ее не иметь дел с Ираном. В сентябре 2006 года самолет российского производства Ту-154 загорелся при посадке на северо-востоке страны, жертвами катастрофы стали 30 пассажиров и членов экипажа, передает NEWSru Israel.

[Kuk]

Մի տեղ ասում են՝ մեծ մասը հայեր են եղել, մի ուրիշ տեղ ասում են՝ 25-26 հոգի:

Զոհվածների ցուցակը փակցված է


Թեհրանից Երեւան թռչող Տու 154 ինքնաթիռի վթարի պատճառների մասին ոչինչ այս պահին հայտնի չէ: Թռիչքն իրականացնում էր «Կասպյան ավիաուղիները»

Ենթադրվում է' օդանավում գտնվող 168 հոգին էլ զոհվել են: Ուղեւորների մեջ եղել է 2 երեխա:

Երեւանում Կասպյան ընկերության ներկայացուցիչ Կառլեն Դավուդյանը «Ա1+»-ին տեղեկացրեց, որ քանի դեռ ինքնաթիռի սեւ արկղը գտնված չէ, պատճառների մասին ոչնիչ չեն կարող ասել, իրենք ընդամենը կարող են ասել, որ թռիչքից առաջ ինքնաթիռը ստուգվել է:

Զոհվածների մեջ 25-26-ը եղել են հայեր, հիմնականում եղել են Իրանի քաղաքացիներ: Այս պահի դրությամբ Իրանի օդանավակայանում ստեղծվել է հատուկ շտաբ, որը տեղեկատվություն է տրամադրում զոհվածների հարազատներին: Շտաբ է ստեղծվել նաեւ "Զվարթնոց" օդանավակայանում:

Այժմ Երեւանի օդանավակայանում բազմաթիվ բժիշկներ են ներկա, որոնք օգնություն են ցուցաբերում զոհվածների հարազարտներին: Որեւէ մեկին հնարավոր չէ մոտենալ: Կան մարդիկ, ում երեխաներն են զոհվել, ամենամոտ հարազատները: Այդ մարդկանց որեւէ հարց տալ հնարավոր չէ, քանի որ բուժօգնության կարիք ունեն:

Պատից փակցված է զոհվածներից 129-ի անունները:

Ա1+

[Ռուֆուս]

Սարսափելի է, ցավակցում եմ զոհվածների հարազատներին....