Ջեֆֆ Բաքլի (1966-1997)
Ամերիկացի հանրահայտ կիթառահար ու ռոք երգիչ Ջեֆ Բաքլին ծնվել է 1966թ-ին: Իր կարճատև կյանքի ընթացքում հասցրել է թողարկել ընդամեն մեկ ալբոմ "Grace" անվանումով 1994թ-ին (երկրորդ ալբոմը Sketches (For My Sweetheart The Drunk) անվանումով թողարկվել է նրա մահվանից հետո): 1997թ.-ին մահացել է 30 տարեկան հասակում խեղդվելով Միսսիսսիպպիի վտակ Վուլֆ գետում:
Չնայած կարճատև կարիերային, Ջեֆֆ Բաքլին շատ մեծ ավանդ է թողել երաժշտության ասպարեզում: Բաքլիի երաժշտության վրա մեծ ազդեցություն են ունեցել Pink Floyd-ը, Led Zeppelin-ը, Jimi Hendrix-ը, The Who-ն, Rush-ը, Genesis-ը, Yes-ը, Ալ Դի Մեոլան, Նինա Սիմոնը, Ջուդի Գարլանդը և այլոք, համադրելով այս ազդեցությունները ստացվել է Բաքլիի ունիկալ ամբիենտ հնչողությունը:
Բաքլին իր ազդեցությունն է թողել նաև ժամանակակից երգիչների և խմբերի վրա, որոնցից կարելի է նշել Radiohead-ը, Ռուֆուս Վեյնրայթին և այլոց:
1995թ-ին "Grace" ալբոմի համար արժանանում է ֆրանսիական պատվավոր Gran Prix International Du Disque մրցանակին, որը ժամանակին ստացել են այնպիսի հայտնի երգիչներ ինչպիսիք են Էդիթ Պիաֆը, Ժակ Բրելը, Իվ Մոնտանը, Բրուս Սպրինգստինը, Լենարդ Քոհենը, Բոբ Դիլանը, Ջոան Բաեզը և այլոք:
Հետաքրքիր է, եթե Ջեֆֆ Բաքլին իր կարճատև կարիերայի ժամանակ կարողացավ այդքան ճանաչում ձեռք բերել, ապա հիմա կենդանի լիներ, ինչքան հանրահայտ կլիներ ու ինչքան շատ բան կաներ երաժշտության համար:
Սրանք էլ տեսահոլովակները
Hallelujah (embedding-ը անջատած է, սեղմեք լինքի վրա, որպեսզի տեսահոլովակը դիտեք Յութուբում) - Լեոնարդ Քոհենի քավր տարբերակը, շատ ավելի լավն է, քան օրիգինալը: Ամեն լսելուց մարմնովս դող է անցնում...
Grace
Last Goodbye
Dream Brother
Մեջբերել
Էջանիշներ