Խենթ պարուհին

[comet]

Սենյակը գրեթե մութ էր: Լուսավորվել էր միայն միացված հեռուստացույցի ու նվագարկիչի լույսի հաշվին: Ինչ-որ արևելյան երաժշտություն էր տարածվել սենյակում:
-Անջատիր էդ երաժշտությունը, կինո եմ նայելու:
Երիտասարդ կինը ամուսնուն դարձավ. աչքերում ինչ-որ խնդրանք կար:
-Սպասիր...
Խորամանկ, մի փոքր անհանգիստ ժպտաց ու դուրս վազեց սենյակից:
Քիչ անց վերադարձավ, դռան հետևից ստուգեց` հո երաժշտությունը չի՞ անջատել: Ամեն ինչ նորմալ էր: Մի փոքր հավաքեց իրեն, խոր շունչ քաշեց ու ներս մտավ սենյակ: Ամուսինը, տեսնելով կնոջ արտասովոր հագուկապը, անակնկալի եկավ: Նրան այդպիսին երբեք չէր տեսել:
Կինը հագել էր մինչև սրունքները հասնող բալի գույն ունեցող թափանցիկ զգեստ, այնպիսին, ինչպիսին հագնում են արևելյան պորտապարուհիները: Դեմքը, մազերը ծածկված էին նույն գույնի թափանցիկ քողով: Երևի շքեղ էր... Կամ գոնե գեղեցիկ...
Կինը ամենայն հավանականությամբ չափից շատ էր ջանացել անթերի ու գեղեցիկ երևալու համար: Արևելյան հնչյունների տակ մի փոքր անվարժ, բայց միաժամանակ սահուն շարժումներով սկսեց պարել: Որպեսզի ավելի լավ տեսներ ամուսնու աչքերի արտահայտությունը, հանեց գլխաշորը, բավականին վարժ պտտեց գլխավերևում ու նետեց նրա ոտքերի մոտ: Դեմքի արտահայտությունը դեռևս ոչինչ չէր ասում, բայց կինը շարունակում էր պարել` առանց հայացքը ամուսնու աչքերից կտրելու:

wena wena wena....

Ամուսինը հանգիստ կռացավ, վերցրեց գլխաշորը հատակից, դանդաղ քայլերով մոտեցավ կնոջը: Նա շարունակում էր պարել, իսկ ամուսինը գնալով ավելի էր մոտեցել, ու կինը, նրա` դեռևս ոչինչ չասող հայացքի տակ կանգ առավ: Երաժշտությունը դեռ շոյում էր սենյակի կիսախավարը, կնոջ արևելյան հագուստը, կիսաբաց կուրծքն ու ոտքերը, կիրքը, որ կար աչքերում... Նա շատ էր ջանացել այդ տեսքն ունենալու ու այդ պարը պարելու համար: Անհանգիստ աչքերը թարթեց: Շնչառությունը գնալով անհանգստությունից արագանում էր... Ամուսինը շատ մոտ էր կանգնած, այնքան մոտ, որ կարելի էր անգամ նրա հոտն զգալ: Թվում էր` վերջապես հաշտության եզր են գտել: Կինն ուզեց աչքերը փակել... Համբույրի էր սպասում... Բայց հանկարծ համբույրի փոխարեն մի տաք ապտակ շոյեց դեմքը.
-Ես փողոցայինի հետ չեմ ամուսնացել,- բռնեց կոկորդն ու սեղմեց պատին,- Հանի'ր, հանի'ր էդ պոռնիկի զգեստը հագիցդ,- աչքերում լիքը ատելություն էր, խանդ, կատաղություն...
Մի քանի վայրկյան պատին սեղմած պահելուց հետո բաց թողեց, հավաքեց իրեն ու ցածր, հանգիստ տոնով, ասես ինքն իրեն ասաց.
-Վաղվանից գիշերային ակումբում կպարես... Պորտապարոհի է դարձել գլխիս...
Փնթփնթալով դուրս է գալիս սենյակից` հեկեկացող կնոջը թողնելով հատակին...
Իսկ երաժշտությունը դեռ հնչում էր, հնչում էր, որ շոյեր կիսամերկ պորտապարուհու արցունքները...

[Lion]

Լավն էր, չնայած սկիզբը կարդալուց վերջն արդեն պատկերացնում էի...

[Ariadna]

Ես էլ հավանեցի, բայց էնքան եմ զզվում պորտապար պարող հայ կանանցից, որ էս դեպքում ես տղու կողմից էի

[Dayana]

Շարունակություն 1.
Ամուսնու հոտը զգալու փոխարեն զգաց խոնավ հատակի հոտը: Հիշեց սարսափելի ասացվածքը՝ Քեզ նմանները պիտի երկնքից ցած գցվեն, որ ասֆալտի հոտը զգան: Դա էլ կհասցնի: Չկա ամուսին, չկա սեր, չկա ընտանիք, բայց կա երեխա, որին պետք էր խնամել ու բալագույն պարտապարուհու զգեստ: Ապագան պարզ էր անձրևաջի պես՝ ցեխոտ ու անանցանելի: Վեր կացավ, լվաց երեսը, վերցրեց խոհանցոի դանակն ու...


Շարունակություն 2.
Հատակին պառկած անիծում էր իրեն, կորցրած սերն ու կրծքի տակ ապրող մանկիկին: Հիշում էր Աստվածաշնչյան խոսքերն ու անիծում ինքն իրեն, ոչ այնքան գայթախղության համար, որքան կորցրածի՝ կրկնակի: Վաղն ևեթ կազատվի օտարի մանկիկից ...


Սիրուն էր հուսով եմ իմ շարունակություններս չեն նեղացնի ամեն դեպքում եթե տղամարդ լինեի, կցանկանայի, որ կինս ինձ համար պորտապար պարի

[Լեո]

Ես կուզեի արևելյան մե՜ծ հարեմ ունենալ, ու իմ տասից ավել կանայք ինձ համար ամեն օր պորտապար ու ստրիպտիզ պարեին (ու ոչ միայն...)

comet, վատիկը չէր

[Surveyr]

Պորտապար եմ ուզուուուում



Պատկերավոր էր, չգիտեմ ում մոտ ոնց, բայց ես պատկերացրեցի էդ ամեն ինչը, ապրես:

[Kuk]

Ես գրվածքի ասելիքը չհասկացա

[Փոքրիկ]

Պորտապար....
comet սիրուն էր, հետաքրքիր կլիներ շարունակել

[comet]

Ես էլ հավանեցի, բայց էնքան եմ զզվում պորտապար պարող հայ կանանցից, որ էս դեպքում ես տղու կողմից էի

Բայց չէ որ իր ամուսնու համար էր պարում, ոչ թե ուրիշի: Ամուսինը պեռք է որ գոհ լիներ

Kuk-ի խոսքերից.

Ես գրվածքի ասելիքը չհասկացա

Ասելիքն էն էր, որ որոշ հայ տղամարդիկ անհանդուրժելի ստերեոտիպեր ունեն, ինչի հետևանքով պրոբլեմների առաջ են կանգնում ու սկսում են մտածել, թե որն ինչի հետևանք է...

Փոքրիկի խոսքերից.

comet սիրուն էր, հետաքրքիր կլիներ շարունակել

Չեմ կարծում, որ կշարունակեմ: Իմ փոխարեն Դայն արդեն 2 տարբերակ առաջարկեց

[Lion]

Ես էլ հավանեցի, բայց էնքան եմ զզվում պորտապար պարող հայ կանանցից, որ էս դեպքում ես տղու կողմից էի

Ես էլ չեմ սիրում...

[comet]

Ես էլ չեմ սիրում...

Բայց դեմ չէիր լինի, որ քեզ համար պարեին Չասես` կլինեի...

[Ariadna]

Բայց չէ որ իր ամուսնու համար էր պարում, ոչ թե ուրիշի: Ամուսինը պեռք է որ գոհ լիներ

Comet ջան, ես պորտապար շատ եմ սիրում մուսուլմանների կատարմամբ, չեմ հիշում որ ալիքով, մի ժամանակ հաճախ ցույց էին տալիս, մեծ հաճույքով նայում էի, բայց հայի կատարմամբ օրգանիզմս չի ընդունում, ինչ ասեմ։ Էդ նույնն ա որ հայ տղեն իր սիրած աղջկա համար մուղամ կլկլացնի։ Բայց արաբները, թուրքերը, օրինակ, որ երգում են, մեծ հետաքրքրությամբ լսում եմ երբեմն։

[comet]

Comet ջան, ես պորտապար շատ եմ սիրում մուսուլմանների կատարմամբ, չեմ հիշում որ ալիքով, մի ժամանակ հաճախ ցույց էին տալիս, մեծ հաճույքով նայում էի, բայց հայի կատարմամբ օրգանիզմս չի ընդունում, ինչ ասեմ։ Էդ նույնն ա որ հայ տղեն իր սիրած աղջկա համար մուղամ կլկլացնի։ Բայց արաբները, թուրքերը, օրինակ, որ երգում են, մեծ հետաքրքրությամբ լսում եմ երբեմն։

Պարզ երևում էր, որ կինը պորտապարուհի չի, պարզապես ցանկացել էր ամուսնուն անակնկալ անել կամ ուրախացնել: Այդ կինն հաստատ հասարակության մեջ կամ մի այլ տեղ պորտապար չէր պարի: Էս պարագայում սա շատ անձնական էր ու արված հատուկ ամուսնու համար, իսկ ամուսինների մեջ էդ արգելքը կարծում եմ` չպետք է որ լիներ...

[Ariadna]

Պարզ երևում էր, որ կինը պորտապարուհի չի, պարզապես ցանկացել էր ամուսնուն անակնկալ անել կամ ուրախացնել: Այդ կինն հաստատ հասարակության մեջ կամ մի այլ տեղ պորտապար չէր պարի: Էս պարագայում սա շատ անձնական էր ու արված հատուկ ամուսնու համար, իսկ ամուսինների մեջ էդ արգելքը կարծում եմ` չպետք է որ լիներ...

Հա, հասկանում եմ, բայց ես իմ վրա եմ վերցնում, եթե կնոջս շատ սիրեի, ու նա էդպիսի անակնկալ որոշեր ինձ մատուցել, կգրկեի, կհամբուրեի (և ոչ միայն), կասեի խնդրում եմ, ինձ համար այլևս պորտապար չպարես, եթե ինձ սիրում ես, ես զզվում եմ դրանից։ Ամուսինների մեջ արգելքներ չպետք է լինեն, էդ ուրիշ հարց ա, ու ես դրա հետ լրիվ համամիտ եմ, համապատասխան թեմաներում բազմիցս գրել եմ դրա մասին, բայց սա զուտ աշխարհընկալման հարց ա, որ ես չեմ ընդունում հայ կնոջը էդ կարգավիճակում։ Մի խոսքով, ես վատն եմ՝ ֆաշիստական հակումներով

[comet]

Հա, հասկանում եմ, բայց ես իմ վրա եմ վերցնում, եթե կնոջս շատ սիրեի, ու նա էդպիսի անակնկալ որոշեր ինձ մատուցել, կգրկեի, կհամբուրեի (և ոչ միայն), կասեի խնդրում եմ, ինձ համար այլևս պորտապար չպարես, եթե ինձ սիրում ես, ես զզվում եմ դրանից։ Ամուսինների մեջ արգելքներ չպետք է լինեն, էդ ուրիշ հարց ա, ու ես դրա հետ լրիվ համամիտ եմ, համապատասխան թեմաներում բազմիցս գրել եմ դրա մասին, բայց սա զուտ աշխարհընկալման հարց ա, որ ես չեմ ընդունում հայ կնոջը էդ կարգավիճակում։ Մի խոսքով, ես վատն եմ՝ ֆաշիստական հակումներով

Եթե գառումդ մի փոքր մշակեմ, դեմ չես լինի?

Հա, հասկանում եմ, բայց ես իմ վրա եմ վերցնում, եթե կնոջս շատ սիրեի, ու նա էդպիսի անակնկալ որոշեր ինձ մատուցել, կգրկեի, կհամբուրեի (և ոչ միայն), Ամուսինների մեջ արգելքներ չպետք է լինեն, էդ ուրիշ հարց ա, ու ես դրա հետ լրիվ համամիտ եմ, համապատասխան թեմաներում բազմիցս գրել եմ դրա մասին, սա զուտ աշխարհընկալման հարց ա: