Կհամագործակցե՞ն արդյոք ՀԱԿ-ը, ՀՅԴ-ն և Ժառանգությունը

[Վիշապ]

Եթե ՀԱԿ-ն է միավորվում ՀՅԴ-ի հետ, վատ է: Եթե ՀՅԴ-ն է միավորվում ՀԱԿ-ի հետ, լավ է: Պարադադոքս է, բայց՝ փաստ:

Անձամբ ես կողմ եմ ցանկացած կուսակցության՝ ՀԱԿ-ին միանալուն, ՀՌԱԿ-ՄՌԱԿ-ից բռնած մինչև ՀՅԴ: Փոփոխություններ հաստատ պետք են: Թո՛ղ միանան. դրանից հետո կամ կշարունակեն մարդավարի գործել ընդդիմադիր ճամբարում, կամ էլ կդառնան հերթական անիմաստ դավիթհակոբյանը: Չմոռանանք, որ Լևոն Տեր-Պետրոսյանը անցած տարի իր «ակտիվացման» հենց սկզբում հանդիպում ունեցավ Բյուրօյի ներկայացուցչի հետ, որը, ավաղ, անհաջող դուրս եկավ:

Հայկօ ջան թող փորձեն։ Մի անգամ ձախողվի, թող էլի փորձեն: Եթե նպատակները մեծ են ու մենակ իշխանությունն ու անձնական եկամուտները չեն, թող ամեն ձևի փորձեն: Հանուն մեծ նպատակների էլ ոմանք թող զոհաբերեն ամբիցիաները: Փառասիրությունը լավ բան է, եթե կույր չի, առանց փառասիրության քաղ. գործիչը ոնց որ առանց զենքի զինվոր։ Բայց ոչ կույր գոռոզամտությունով ու չորագլխությամբ ամեն մեկը իրենը առաջ բրդի։ Թող լավ ու վատ տղայի հարցեր չդնեն, էդ թող ժողովուրդը որոշի: Հիմա էլ էդ ժամանակները չեն: Մարդու մեծությունը նաև մեծահոգության մեջ է: Թող ժողովուրդը բացի ճարտասանություններից նաև իրական քայլեր տեսնի, նաև զոհաբերություններ տեսնի, էդ ժամանակ ես հավատում եմ, որ այս ժողովուրդը տո կակտիվանա էլ, տո սարեր էլ շուռ կտա, փորձենք չթերագնահատել մեր ժողովրդին: Ամենակարևոր բանը հավատն է, որ ժողովրդի մեջ սերմանեցիր, ապա իմացիր հիմքը դրված է։