Ասենք ո՛չ ապազգային և ցածրաճաշակ երաժշտությանը

[Չամիչ]

Ուրիշ երգիչներ չեն էլ կարող Համալիրը լցնել, որովհետև ուրիշ երաժշտության պահանջարկ Հայաստանում բացարձակապես չկա....

Չեմ կարող համաձայնվել------ համալիրը չեն կարողանում լցնել այլ պատճառով, որովհետեվ երգիչներից եվ ոչ մեկը ի վիճակի չէ իսկական, 2-3 ժամ տեվողությամբ շոու մատուցել: Այո, ցավոք մենք դեռ չունենք Ագիլերայի կամ Բիյոնսի մակարդակի երգիչ երգչուհիներ, որոնց հաջողացնում են պարելով հանդերձ, առանց շնչակտուր լինելու 2-3 ժամանոց նոնստոպ համերգ տալ:
բայց դա չի նշանակում որ նրանց երգարվեստը գտնվում է խիստ բարձր մակարդակի վրա, նրանց կատարողականն է շատ բարձր, մեծ հաճույքով կգնաի Բիոնսի կամ Մադոննայի շոուն դիտելու, բայց որպես երաժշտություն ԼՍԵԼՈՒ առանձնապես բան չկա: Ագիլերան ունի հրաշալի երգեր:

[ivy]

Ամեն մեկը որ իրա մասին մտածի ու "ազգանվեր" ծրագրերով քիչ տոգորվի, ավելի հանգիստ կապրի /մինիմում/
Անշնորհակալ գործ ա մեր նման երկրում, որտեղ բնակչության 80%-ը ռաբիս ա լսում, մյուս 19.9%-էլ ` նույն ռաբիսը, բայց կռավաթի տակ ա լսում ու չի խոստովանում, փորձել ինչ-որ թեմա բացել բարձրորակ երաժշտությունից:
Դեմոկրատիա ա... Մեծամասնությունը ռաբիսի կողմն ա

Հիմա ի՞նչ, ոչ ոք ոչ մի բանի մասին չմտածի, հարցեր չբարձրացնի, Հայաստանն էլ մնա, ոնց որ կա՞: Հա, մարդիկ ռաբիզ են լսում, ազգային երգից էլ բան չի մնացել: Բայց եթե ոչ ոք դրա մասին չմտածի, ոչինչ էլ չի փոխվի... Պետք չի բորբոքվել: Եթե ինքդ չես ուզում "ազգանվեր ծրագրերով" զբաղվել, մի զբաղվիր, բայց էդ հարցերի շուրջ մտածողներին ծաղրի ենթարկել հաստատ չարժի:

[Չամիչ]

Ամեն մեկը որ իրա մասին մտածի ու "ազգանվեր" ծրագրերով քիչ տոգորվի, ավելի հանգիստ կապրի /մինիմում/
Անշնորհակալ գործ ա մեր նման երկրում, որտեղ բնակչության 80%-ը ռաբիս ա լսում, մյուս 19.9%-էլ ` նույն ռաբիսը, բայց կռավաթի տակ ա լսում ու չի խոստովանում, փորձել ինչ-որ թեմա բացել բարձրորակ երաժշտությունից:
Դեմոկրատիա ա... Մեծամասնությունը ռաբիսի կողմն ա

Ֆրեյա ջան, փաստորեն քեզ այս թեման հանգստից զրկու՞մ է:

Կարծում եմ համատեղ ջանքերով ինչ որ բանի հասնելը պետք է ոգեշնչի այլ ոչ թե անհանգստություն պատճառի:

Բնակչության 90 տոկոսը ինչպես նշացիր ռաբիսա լսում, որովհետեվ դա են մատուցում:

Ռուսաստանի որբանոցներից որդեգրած երեխեքը մտնելով ընտանիք դեռ որոշ ժամանակ շարունակում են թուղթ ուտել, որովհետեվ չեն պատկերացնում որ գոյություն ունեն քաղցը հագեցնող այլ բաներ:

Արվեստագետի միսիան էլ հենց դա է, ձեվավորել ճաշակ, ժողովրդի մեծ մասը ոչ երաժշտական ընդունակություն ունի,ոչ պատկերացում ունի ճիշտ երաժշտության մասին,ինչ մատուցեն էն էլ կմարսի:

դրա համար էլ պետք է ամենախիստ կերպով քարկոծել ՉԻԿներին, որ աստծու կողմից իրենց տրված շնորհը օգտագործում են մեղմ ասած անխելամտորեն, եվ ունեն մեկ գերնպատակ երաժշտությունը հարմարեցնել էնպես որ հնարավորինս շատ ղոփ բերի:

Պետք է լինի պետական մակարդակով հատուկ վերահսկողություն որը արգելի նման խարեբների ծլում ծաղկումը:

[Արտիստ]

Իսկ մենք ստեղ լուծում ենք փնտրելու?
Թե ուղակի ասելու ենք ինչքան վատն ենք ու վերջ

[Չամիչ]

Իսկ մենք ստեղ լուծում ենք փնտրելու?
Թե ուղակի ասելու ենք ինչքան վատն ենք ու վերջ
__________________

Հենց վաղը տեղի է ունենալու Արմենչիկի համերգը, համոզված եմ որ երկու օրն էլ անցնելու լեփ լեցուն դահլիճով, ինչքան շատ մարդ նման հարցերի մասին խորհի, ինչքան ավելանա ազգային շահի գիտակցումը այնքան կփոքրանա Չիկների երկրպագուների բանակը, կշահի մեր մշակույթը, կշահենք մենք բոլորս, իսկ Չիկներն էլ վերջապես կսկսեն դուր գալու, ղոփ աշխատելու համար այլ ավելի ճիշտ ճանապարհեր գտնել, կմտածեն իրենց Ճ կլասը մեկ աստիճանով բարձրացնելու մասին:

[Chuk]

... իսկ Չիկներն էլ ...

Եկեք Ո՛Չ ասենք ՉԻԿ-ներին, մեզ միայն ՉՈՒԿ-եր են պետք:

Սա կատակով: Իսկ կատակային սկսեցի գրառումս, որովհետև թեման ինձ զվարճացնում է: Ինքս չեմ սիրում (մեղմ ասած) Արմենչիկին ու Սպիտակցի Հայկոյին, մյուսների անուններն իսկի չեմ էլ հիշի, հա, կարծեմ մի հատ էլ Բղդո կար... բայց դե կներեք էլի, այս ահեղագոչ «Ապազգային» բառը զվարճացնում ա: Այո՛, ես համարում եմ, որ դրանք, այսպես ասենք, թույլ երաժշտություններ են, մեղմ եմ ասում դիտավորյալ, որովհետև դրանց ապազգային ասելը տարրական ծայրահեղական դրսևորում է:

Զվարճացրեց նաև թեմայի սկզբում բողոքը, որ արտասահմանցի երաժիշտներ են համալիրում ելույթ ունենում: էէէ... դա շատ լավ է: Ընդամենը վերջերս էր, որ ես ու ակումբից էլի շատերը Ջեթրո Թալի համերգին էինք, ի՜նչ բավարարություն ստացա: Ո՞վ ասեց, որ միայն ազգային երաժշտություններ պետք է լսենք ու ազգային պարեր նայենք: Ո՞վ ասեց, որ պիտի մերժենք մյուս մշակույթները, այդ թվում՝ թուրքականը: Ինչու՞ չի կարելի լավ արվեստից հաճույք ստանալ, անկախ նրանից, դա հայկական է, անգլիական, ռուսական թե թուրքական: Սա ազգայնամոլություն է, ծայրահեղություն, որին ես իմ ՈՉ-ն եմ ասում:

[Ambrosine]

մդա...
եթե ժողովուրդը լսում է Արմենչիկ, ուրեմն դրա կարիքը ունի, ով է ասում, որ պիտի ամեն օր Բաբաջանյան լսի կամ Վիվալդի կամ էլ <<Ելիր դաշնակ Դրո>> Մարդիկ հենց հայկական երաժշտության կարիք ունեն, հայկական երգի, իսկ հայկական երգերն էլ սրանք են, սա է մատուցվում... ուրեմն մյուս կողմն է թերանում՝ ազգային երաժշտության ասպարեզի գործիչները...

[Կտրուկ]

Նա առանց անհարմար զգալու շարունակում է թուրք - պարսկական երաժշտությունը թարգմանել, եվ տարածել հայերի մեջ:

Կարո՞ղ ես Արմենչիկի կոնկրետ կատարում նշես. որ թարգմանված է թուրքերենից.թէ՞ հենց այնպես խոսում ես։

[Չամիչ]

Եկեք Ո՛Չ ասենք ՉԻԿ-ներին, մեզ միայն ՉՈՒԿ-եր են պետք:

Չուկ ջան համոզված եմ որ դու շատերին պետք ես, իսկ Չիկ-ներ մեզ պետք չեն:

Զվարճացրեց նաև թեմայի սկզբում բողոքը, որ արտասահմանցի երաժիշտներ են համալիրում ելույթ ունենում: էէէ... դա շատ լավ է

Համալիրում օտարազգի երաժշտների ելույթների հետ կապված բողոք չի հնչել,ես ինքս մեծ սիրով մասնակցել եմ Ջիվան Գասպարյանին նվիրված համերգին ,որտեղ ելույթ ունեցան բազմաթիվ ճանաչված երաժիշտներ, այդ թվում իմ սիրելի Զու Քերոն

Բողոք հնչեց, որ համալիրը ի զորու են լցնել կամ օտար արտիստները , թող լցնեն ինչքան ուզում են, կամ Չիկերը: Չիկերի լցնելու հետ է կապված բողոքս, կարծում եմ պարզից էլ պարզ է:

Ո՞վ ասեց, որ պիտի մերժենք մյուս մշակույթները, այդ թվում՝ թուրքականը: Ինչու՞ չի կարելի լավ արվեստից հաճույք ստանալ, անկախ նրանից, դա հայկական է, անգլիական, ռուսական թե թուրքական: Սա ազգայնամոլություն է, ծայրահեղություն, որին ես իմ ՈՉ-ն եմ ասում:

Իհարկե պետք է ամեն ինչ լսել, անձամ ես լսում եմ ամեն ինչ այդ թվում նաեվ թուրքական, բայց թուրքի կատարմամբ: Իսկ եթե ինչ որ մեկը նախնտրում է թուրքական լսել Արմենչիկի կատարմամբ, դա արդեն բոլորիս գործն է:

Հայ թուրքական սահմանի բացման հետ կապված բոլորը խիստ տաքանում են, Ֆիլիպ Կիրկորովի համերգը ամեն գնով կասեցրին, հայտարարելով որ նա լինելով հայ, վիրավորում է հայ լրագրողի,եվ Տառկանի երգերն է տարածում: Իսկ Արմենչիկի համերգը կասեցնելու վերաբերյալ երբ փորձ է արվում ձայն բարձրացնել, չգիտես ինչու զվարճալի է թվում:

[Գալաթեա]

Կարո՞ղ ես Արմենչիկի կոնկրետ կատարում նշես. որ թարգմանված է թուրքերենից.թէ՞ հենց այնպես խոսում ես։

Կտրուկ ջան, իսկ ի՞նչ կարիք կա թարգմանելու։
Երաժշտությունը անթարգմանելի հասկացություն է
Իսկ տեքստերը մերօրյա երգերում 40-երորդական դեր են զբաղեցնում։

[Չամիչ]

Կարո՞ղ ես Արմենչիկի կոնկրետ կատարում նշես. որ թարգմանված է թուրքերենից.թէ՞ հենց այնպես խոսում ես։

Օտար երաժշտությունը պետք է լսել օրիգինալ կատարմամբ, Արմենչիկը վերցնում է ինչպես Հույներից, պարսիկներից, այնպես էլ թուրքերից: Ձեզ համար սա նորությունը է՞՞՞

Միգուցե հիմա վիճեք որ Թաթուլը, Արմեն Ալոյանը, թեկուզ Թաթան նույնպես թուրքերից չեն վերցնում՞՞՞ Հենց անապատի արեվ երգը անձամբ ես թուրքական տարբերակով լսել եմ:

Ինչքան՞՞ դահլիճներ է լցրել հենց Անապատի արեվով:

[Չամիչ]

սա է մատուցվում... ուրեմն մյուս կողմն է թերանում՝ ազգային երաժշտության ասպարեզի գործիչները

Շատ ճիշտ խոսքեր, եթե հողը չմշակես, մոլախոտը հա կաճի:

[Կտրուկ]

Ստիպված եմ նոր թեմա բացել, որտեղ կփորձեմ արտահայտել իմ մտահոգությունը՝ վերջերս Հայաստանում ապազային երաժշտության տրիումֆիալ հաղթարշավի վերաբերյալ:

Մեր քույրիկ.տեղեկացնեմ որ ռաբիսը չի ստեղծվել վերջերս։և ինչպես տեսնում ենք նա ջաղջախիչ հարված չի հասցրել մեր պետականությանը։այլ ընդհակառակը Ջիվան Գասպարյանի շնորհիվ թեկուզ .նպաստել է հայաճանաչմանը։ու ինչի՞ ես անընդհատ գնում գալիս կպնում ռաբիսից։Նախ եթե Արմանին Հայկոյից չես տարբերում.ապա ընդհանրապես մի ասա որ երաժիշտ ես. կամ ունես երաժշտական լսողություն։
ինչ վերաբերվում ա երգի ու մշակույթի այլանդակմանը ՝լավ է. որ ոչ թէ ռաբիսին մատնացույց անես այլ ՙԼոկշ ու նման տղեքին՚ կոնսերվի բանկայի անուներով երգիչներին։ ինչպես նաև քո նշած Վարդուհի Վարդանյանին.որի յարին գելերը սարում տուուււււ էին արել։ Անձամբ դու երևի այղ տուււււ ի տակ մեծ ինտելեկտ ես տեսնում չէ՞։
Իսկ ռաբիսներից վնաս չկա։Նրանք փողոցային ժարգոնը չեն ներքաշում հեռուստատեսություն։ ոչ էլ ոգտագործում են լոքշ.կայֆ.դու դեմք ես.և նմանորինակ բորդյուրային սանդղակից ցածր մակարդակի բառեր։

[Chuk]

Իսկ ռաբիսներից վնաս չկա։Նրանք փողոցային ժարգոնը չեն ներքաշում հեռուստատեսություն։ ոչ էլ ոգտագործում են լոքշ.կայֆ.դու դեմք ես.և նմանորինակ բորդյուրային սանդղակից ցածր մակարդակի բառեր։

Համաձայն եմ, նրանք ընդամենը հնչյունաբանական ուղղումներ են մտցնում մեր լեզվում, ինչպիսիք են համբյուրը, արցյունքը և այլն:

[Կտրուկ]

Հենց անապատի արեվ երգը անձամբ ես թուրքական տարբերակով լսել եմ:

։հերիք եղավ ամեն ինչ ոսկե սկուտեղով մատուցեք թուրքերին։քեզ ով ասեց որ եթե թուրքերեն լսել ես. ուրեմն այդ նրանք չեն մեզանից վերցրել։
Այդ մասին հստակ տեղեկացվել է .որ երգը առաջին անգամ հայերեն է կատարվել։