Հիմալայան Յոգան Հայաստանում

[Alien]

Յոգան սանսկրիտերեն բառ է, որ ունի բազմաթիվ իմաստներ, սակայն հիմնական իմաստներից մեկն է` “ԿԱՊ”: Կապ քո ներաշխարհի, քո շուրջը գտնվող մարդկանց ու բնության հետ: Յոգան գիտություն է, այլ ոչ թե լոկ սպորտանման մի բան, ինչպես այն հաճախ, խեղաթյուրված ձևով մատուցվում է բազմաթիվ աղբյուրներում: “Աշտանգա Յոգա” կոչվող այս ոճը, որը, կրկին սանսկրիտերեն, նշանակում է “Ութ Փուլանի Յոգա”, ֆիզիկական, մտավոր և հոգևոր ոլորտների շատ լայն ու կոմպլեքս համակարգ է, ոլորտներ, որոնք մարդուն հզորացնում են` մարմնի կեցվածքների (Ասանաներ), շնչառական վարժությունների (Պրանայամա), կենտրոնացման վարժությունների (Մեդիտացիա) և ինքնաճանաչման բազմաթիվ այլ միջոցների օգնությամբ: Այս համակարգի հիմնական բնութագրերից մեկն այն է, որ, որքան ավելի ես մոտենում դրան, այնքան ավելի հաճելի է դառնում պրոցեսը` լի ինքնահայտնագործման բազում արկածային պահերով:

Իսկ այստեղ փորձեմ բացել վերը նշված միստիկ, Յոգայի "ութ աստիճանների" փակագծերը.

1. Յամա (էթիկայի չափանիշներ, զսպվածություն, անձնական
հիգիենա, բարոյականության նորմեր)
2. Նիյամա (ինքնակազմակերպում, սոցիալական և հոգևոր
կողմնորոշում)
3. Ասանա (մարմնի համար հարմար դիրքեր)
4. Պրանայամա (շնչառության կարգավորում և ղեկավարում)
5. Պրատյահարա (զգայարանների ճանաչում և ղեկավարում)
6. Դհարանա (կենրոնացում որևէ կոնկրետ օբյեկտի վրա)
7. Դհիյանա (մեդիտացիա, կենտրոնացման թիրախ-օբյեկտի հետ
կապի հաստատում)
8. Սամադհի (գեր-գիտակից, պայծառացման որակներով բնութագրվող վիճակ, որում մենք
մերձենում ենք բնության տարերքների, Տիեզերքի հետ, ճանաչում ենք ինքներս մեզ ու մեր
շրջապատող աշխարհը` մեր Ճամփան ավելի հավեսով ու պատվով անցնելու, երջանիկ
լինելու համար)

[Apsara]

Բավականին հետաքրքիր բացատրություն էր, բայց վերնագրից այնպես է հնչում, որ այն արդեն Հայաստանում է՝ կան ուսուցիչներ՝ կրթված և կրթելու թույլատվությամբ, կա վայր, որտեղ անց են կացվում համապատասխան պարապմունքներ և այլն:

Իսկ այդ ինֆորմացիան՞

[Chilly]

Բավականին հետաքրքիր բացատրություն էր, բայց վերնագրից այնպես է հնչում, որ այն արդեն Հայաստանում է՝ կան ուսուցիչներ՝ կրթված և կրթելու թույլատվությամբ, կա վայր, որտեղ անց են կացվում համապատասխան պարապմունքներ և այլն:

Ինձ էլ շատ հետաքրքրեց...

[նախշուն]

http://www.new.aravot.am/am/articles...ent/63203/view

Փաստում է դիպլոմավոր յոգը

«Դեռ մանկուց իմ մեջ ներքին մղում կար դեպի արեւելյան մշակույթ, արեւելյան գիտություններ: 18 տարեկանում առողջական խնդիրներ ունեցա, ինչի բերումով ծանոթացա մի մարդու հետ, որն էլ հետո դարձավ իմ յոգայի ուսուցիչը. նա Կարեն Ասատրյանն է: Ես սկսեցի յոգա պարապել. 2 ամիս անց իմ առողջական խնդիրները վերացան, իմ մեջ մի բանական հարց առաջացավ, թե ո՞նց այդպես հեշտ ամեն ինչ անցավ: Ես սկսեցի մանրամասն ուսումնասիրել յոգան»,- «Առավոտի» հետ զրույցում պատմեց Վահագն Վարդումյանը: Ըստ նրա, այժմ Հայաստանում շատացել են յոգայի խմբակները: Եվ նախկինի համեմատ՝ հայերի հետաքրքրությունը շատ է մեծացել: Վահագնի փոխանցմամբ. «Յոգայի օգտակարությունը շատ ավելին է, քան յոգա պարապելուն հատկացրած ժամանակը: Յոգա պարապել սկսողների հիմնական նպատակն է՝ իրենց առողջության ու ինքնազգացողության բարելավումը: Յոգա՝ նշանակում է կապ, միություն: Դա մարմնի, մտքի ու հոգու միությունն է, մարդու՝ իր շրջապատող աշխարհի, իր հայրենիքի, բնության ու տիեզերքի հետ միությունը: Յոգան մեծացնում է ճկունությունը: Ճկունության մեծացումն էլ կանխում է մկանների ու հյուսվածքների վնասվելը: Յոգան օգնում է նաեւ հավասարակշռությանը: Յոգայի վարժությունների մեծ մասն այս կամ այն չափով ներառում է հավասարակշռություն հաստատելու տարրեր, եւ հաշվի առնելով այն, որ տարիքի հետ մարդկանց մեծամասնությունը սկսում է հավասարակշռության պահպանման խնդիրներ ունենալ, յոգա պարապելը կարող է կարեւորագույն կանխարգելիչ դեր ունենալ: Վարժությունները օգնում են նվազեցնել ցավերը, եթե մարմնում այդպիսիք արդեն կան, քանի որ մկանները ձգելը փափկեցնող ազդեցություն է ունենում դրանց վրա, իսկ մկանային ցավերի զգալի մասը հենց մկաններում եղած լարվածության արդյունք է: Յոգան զարգացնում է մկանները՝ մարմնում ընդհանուր նյութափոխանակության լավացման եւ պրանայով (մարմնում շրջանառող նրբագույն էներգետիկ հոսքերի) մարմնի հարստացման շնորհիվ»: Յոգայի այն ոճը, որով պարապում է Վահագնը՝ կոչվում է աշտանգա յոգա, ինչն էլ, ըստ մեր զրուցակցի, կազմված է ութ ճյուղից. «Աշտանգա յոգան տարբերվում է յոգայի մյուս ոճերից իր ներքին կառուցվածքով, այստեղ մարմնի կեցվածքները չեն դիտարկվում միայն որպես մարմնի զարգացմանը նպաստող գործոններ, որովհետեւ դրանցում կան մտավոր եւ հեգեւոր էլեմենտներ: Աշտանգա յոգայի 8 աստիճանները պետք է հերթով անցնել ու դա տեւում է բավական երկար: Առաջին 5 փուլը կարող է տեւել 7-ից մինչեւ 25 տարի, վերջին 3-ն էլ կարող է ձգվել մինչեւ 48 տարի»: Վահագնը նաեւ նշեց, որ յոգայով զբաղվելու համար սահմանափակումներ չկան: Այսինքն՝ ցանկացած մարդ կարող է զբաղվել յոգայով, անկախ նրանից, թե ինքն ինչ հավատամքներ ունի, ինչ կրոն է դավանում. «Տվյալ մարդը պետք է պատրաստ լինի աշխարհին ավելի բաց աչքերով նայել: Ես զգացել եմ, որ այնպիսի երկրներում, ինչպիսին Հայաստանն է, որտեղ քրիստոնեությունը շատ լավ հիմքեր ունի՝ հաճախ այդ երկրներում յոգան դիտվում է որպես օտար կրոնական ուսմունք»:
Վահագնը նաեւ պատմեց, որ 2006 թվին գնացել է Հնդկական Հիմալայներ ու մոտ կես տարի անցկացրել Հնդկաստանում: Նա Դելիի տարբեր հոգեւոր ու մշակութային կենտրոններ այցելելուց հետո հասկացել է, որ յոգան միջնադարից եկած ավանդույթ է, եւ որ տարբեր մարդիկ բնությունից եւ այլ պատճառներից դրդված՝ այդ հսկայական համակարգից վերցրել են մի քանի ծիսակարգեր, մի երկու վարժություն ու մի քանի մեդիտացիոն տարր եւ դրանից հավաքել կրոնական ճյուղեր: Բայց իրականում. «Յոգան ոչ մի կապ չունի կրոնական որեւէ բանի հետ»: Խոսելով Դելիում անցկացրած ամիսների մասին՝ Վահագնը պատմեց նաեւ իր այնտեղ մեկնելու մանրամասները. «Ուսուցիչս որոշել էր գնալ, ես էլ ցանկացա միանալ նրան: Նրա գնալը չստացվեց, եւ ես գնացի մենակ: Ճիշտ է, մենակ Հնդկաստան գնալը մի քիչ խենթություն էր, բայց... Ես ընդունվեցի Վեդայական յոգայի դպրոց, որտեղից էլ ստացա Հիմալայան յոգայի մասնագետի վկայական: Այնտեղ ինձ շատ լավ ընդունեցին ու Հայաստանի մասին գրեթե ոչինչ չգիտեին, իսկ երբ ամեն անգամ սկսում էի պատմել, նրանք աչքները չորս արած լսում էին ինձ: Գիտելիքներս խորացնելու նպատակով Հիմալայներում 62-ամյա ուսուցչիցս հնարավորություն ունեցա լսելու ինձ հուզող բոլոր հարցերի պատասխանները»: Վահագնի ձեւակերպմամբ, իրականում յոգան մի անհատի զբաղվելու բան չէ, եւ շատերը կարծում են, որ երկարատեւ մեդիտացիաները ապասոցիալականացնող երեւույթ են, որոշ մարդիկ էլ ասում են, թե դա հակասում է քրիստոնեական հավատքին. «Յոգան հիմնված է մարդու սոցիալականացման վրա: Այն մարդը, որը խորանում է դրա մեջ ու հասնում կոնկրետ բաների ու եթե չի շարունակում ավելի շատ շփվել, որովհետեւ ավելի շատ բան է իմացել՝ նա համարվում է սխալ ուղղությամբ զարգացած մարդ, որովհետեւ այդ ամենը էգոն զարգացնելու համար չէ: Չնայած ահագին բարդ է նաեւ չմեծամտանալը, որովհետեւ մարդը սկսում է ինչ-որ հատկություններ ձեռք բերել, կարողանում է կառավարել իր երազները, չնայած այդպիսի մտադրություն չուներ: Քանի որ շատ է խոսվում յոգայի՝ քրիստոնեությանը հակասելու մասին, ասեմ, որ քրիստոնեության մեջ մեծ դեր ունեցող հոգի բառը յոգա բառի հետ ուղիղ լեզվաբանական կապ ունի. նույն հնդեվրոպական արմատն է եւ ցանկացած լեզվաբան էլ գիտե, թե ինչ ճանապարհով է յ-ի, հ-ի ձեւափոխություն լինում»: Վահագնը խոսեց նաեւ սխալ յոգայի օրինակների մասին, որոնք առկա են տարածված մի շարք գրքերում եւ DVD-ներում. «Ես ուսումնասիրում եմ շուկա մտնող ցանկացած գիրք ու DVD եւ դեռ չեմ գտել այնպիսի մեկը, որը կարող եմ տալ ցանկացողներին ու հանգիստ խղճով ասել՝ գնացեք սրանով պարապեք: Որովհետեւ այնտեղ կարող է լինել, օրինակ, այսպիսի միտք. եթե փորձել ես մի քանի անգամ մեդիտացիա անել ու չի ստացվել, գուցե պետք չի սոված փորով նստել, չնայած այնտեղ սկզբում ասվում է, որ պետք է սոված լինել, եւ որպեսզի այդ գիրքը լավ վաճառվի՝ գրում են, որ մեդիտացիայից առաջ կարող ես կաթով սուրճ խմել ու անել շնչառական վարժություններ: Բայց եթե մարդը մոտ 10 անգամ այդպես վարվի, կարող է ուղեղի արյան զեղում ստանալ. շնչառական շատ վարժություններ աշխատում են ուղեղի վրա, նաեւ կարող է մարմնի տարբեր մասերում ծակոցներ սկսել, որովհետեւ շնչառական վարժությունները բացում են էներգետիկ հանգույցները, իսկ եթե քո օրգանիզմում թեկուզ հեղուկ վիճակում սնունդ կա՝ նշանակում է քո էներգիայի մեծ մասն աշխատում է մարսողության համակարգում»: Վահագնի ձեւակերպմամբ՝ յոգան օգնում է բարձրացնել կենսաէներգիայի մակարդակը: Ըստ նրա, յոգայի մյուս օգուտներից է՝ մտավոր դաշտի վրա վերջինիս դրական ներգործությունը. «Այն մաքրում է միտքն ու օգնում է ուշադրությունը կենտրոնացնել: Յոգան նվազեցնում եւ վերացնում է սթրեսները: Խորը շնչառության շնորհիվ հեռացվում են այն հորմոնները, որոնք արտադրվել էին գերհոգնածության, ջղայնության կամ որեւէ այլ նմանատիպ ազդակի պատճառով: Յոգան օգնում է նաեւ ձերբազատվել կուտակված էմոցիաներից: Շատ հաճախ կուտակված բացասական էմոցիաները հորդում են դեպի մեր մարմին ու ներսից լրջորեն վնասում: Յոգայի վարժությունների մեծ մասով որոշ ժամանակ հատկացնում են մեդիտացիային, որը կենտրոնացման ավելի խորը ու նպատակաուղղված վարժություն է: Մեդիտացիան օգնում է սովորել ղեկավարել մեր մտքերի հոսքն ու դրանցում կարգուկանոն հաստատել»: Վահագնը նաեւ հավելեց, որ FACEBOOK-ում մեծ խումբ է բացել, որն էլ կոչվում է «Himalayan Yoga in Armenia», որտեղ արդեն 272 մարդ կա գրանցված: FACEBOOK-ի ցանկացած օգտագործող, այդ խմբով հետաքրքրվելու դեպքում, կարող է փնտրել այն՝ նշված անվամբ ու գրանցվել: Ցանկացած անհատ ոչ միայն այդ խմբում, այլեւ http://yogaarmenia.blogspot.com բլոգում կարող է հարցեր գրել ու քննարկումներ անցկացնել:
ԵՎԱ ՀԱԿՈԲՅԱՆ, Լուսանկարները՝՝Հասմիկ Սմբատյանի

[Alien]

Ապսարա ջան, Յոգա պարապելու 14 տարիների փորձն ու վերջին գրեթե 3 տարվա Հայաստանում ուսուցանելու փորձս թույլ են տալիս հավակնել "այո, կա վայր, կա որոշակի որակավորմամբ ուսուցանող, կան պարապմունքներ" պատասխանին: Սակայն Յոգան այնպիսի երևույթ է, որում միայն ուսուցանելը բավական չէ, պետք է նաև անհատն ինքն իր ճամփան տեսնի, մի բան էլ ինքն անի, այլապես շեյպինգն էլ ինքնակատարելագործման համար վատ համակարգ չէ: Եթե ինչ որ հարցեր կան` հաճույքով կպատասխանեմ: Նաև հրավիրում եմ մեր պարապմունքներին` Երևանի Բուսաբանական այգում, ամեն երկուշաբթի, չորեքշաբթի և ուրբաթ, հնարավոր է շուտով սկսենք նաև կիրակի օրը պարապել: Առաջին պարապմունքին կարող եք գալ ազատ ունկնդրի կարգավիճակով, եթե առհասարակ գալու ցանկություն լինի: Հարգանքներով` Վահագն

[Alien]

նաև կարող եք նայել այս հոդվածը, հետևյալ լինկում`

http://1.bp.blogspot.com/_nu8mRpvVZz...about-yoga.jpg

Առավոտ թերթի հոդվածում լրագրողուհին մի թեթև սխալ էր բաց թողել, այն է` գրել էր, թե իբր իմ ասածի համաձայն Յոգան միջնադարից եկող երևույթ է, սակայն դա այդպես չէ, ես ասել էի, որ Յոգան հազարամյակների պատմություն ունի, անհիշելի ժամանակներից ավանդվող գիտություն է, սակայն վաղ միջնադարից տարբեր կռապաշտա-խառը դեմքեր հավեսով խեղաթյուրել են ու մեզ հիմա տարբեր չճշտված աղբյուրներից հաճախ այդ խեղաթյուրման արդյունէներն են հասնում ավելի հաճախ, քան իրական Յոգան:

[Alien]

Չիլլի ջան և մյուսներ. շնորհակալ եմ ձեր ցուցաբերած հետաքրքրության համար: Յոգայի, ինչպես նաև մեր այժմյան դասընթացի մասին տեղեկությունների համար կարող եք դիտել հետևյալ կայքը. http://yogaarmenia.blogspot.com, որում ես հիմա բավական հաճախ եմ նորություններ դնում, իմ կայքն է, հենց Հիմալայան Յոգայի մասին: Կարող եք նաև հարցեր տալ, բանավիճել, շատ ուրախ կլինեմ պատասխանել ու մի բանով օգտակար լինել Ձեզ:
Վ

[Alien]

Նախշունից շնորհակալ եմ հարցազրույցն այս էջի վրա տեղադրելու համար

[յոգի]

Հիանալի է Վահագն ջան, Յոգայի ուսմունքը շատ է պետք Հայաստանում...

[Amaru]

Իսկ ես մտածում էի, թե առողջական խնդիրներով հնարավոր չէ պարապել: Հարցազրույցդ տրամադրում ա…
Ա

[Չամիչ]

Նաև հրավիրում եմ մեր պարապմունքներին` Երևանի Բուսաբանական այգում, ամեն երկուշաբթի, չորեքշաբթի և ուրբաթ, հնարավոր է շուտով սկսենք նաև կիրակի օրը պարապել: Առաջին պարապմունքին կարող եք գալ ազատ ունկնդրի կարգավիճակով,

Հարգելի Aline, դու ասեցիր որ շաբաթը 3 օր յոգայի պարապմունքներ եք անցկացնում բուսաբանականում:Ինձ մոտ հարց ծագեց:

Ի՞նչ կարգի պարապմունքներ են: Չեմ կարծում որ խմբակային մեդիտացիայի պարապմունքներ անցկացնեք, մարդիկ պետք է ունենան մեդիտացիոն պրակտիկայի հարուստ փորձ որպեսզի հետո նոր կարողանան անցնել խմբակային մեդիտացիայի:

Այդ դեպքում խմբակային յոգայի պարապմունքը իրենից ի՞նչ է նարկայացնում:

Նախապես շնորհակալություն:

[յոգի]

Յոգան սանսկրիտերեն բառ է, որ ունի բազմաթիվ իմաստներ, սակայն հիմնական իմաստներից մեկն է` “ԿԱՊ”: Կապ քո ներաշխարհի, քո շուրջը գտնվող մարդկանց ու բնության հետ: Յոգան գիտություն է, այլ ոչ թե լոկ սպորտանման մի բան, ինչպես այն հաճախ, խեղաթյուրված ձևով մատուցվում է բազմաթիվ աղբյուրներում:

Հարգելի Alien Յոգա բառի իմաստը բացատրել ես ինչպես ԿԱՊ, որը ճշմարիտ է և բազմաթիվ իմաստներից ամենաճիշտն է, բայց քո նկարագրած կապերը, որը յոգան կապում է լոկ ժամանակավոր է, այդյոք՞ դա է Յոգայի Վերջնական Նպատակը, ոչ ավել՞

Իսկ այստեղ փորձեմ բացել վերը նշված միստիկ, Յոգայի "ութ աստիճանների" փակագծերը.

1. Յամա (էթիկայի չափանիշներ, զսպվածություն, անձնական
հիգիենա, բարոյականության նորմեր)
2. Նիյամա (ինքնակազմակերպում, սոցիալական և հոգևոր
կողմնորոշում)
3. Ասանա (մարմնի համար հարմար դիրքեր)
4. Պրանայամա (շնչառության կարգավորում և ղեկավարում)
5. Պրատյահարա (զգայարանների ճանաչում և ղեկավարում)
6. Դհարանա (կենրոնացում որևէ կոնկրետ օբյեկտի վրա)
7. Դհիյանա (մեդիտացիա, կենտրոնացման թիրախ-օբյեկտի հետ
կապի հաստատում)
8. Սամադհի (գեր-գիտակից, պայծառացման որակներով բնութագրվող վիճակ, որում մենք
մերձենում ենք բնության տարերքների, Տիեզերքի հետ, ճանաչում ենք ինքներս մեզ ու մեր
շրջապատող աշխարհը` մեր Ճամփան ավելի հավեսով ու պատվով անցնելու, երջանիկ
լինելու համար)

Մերձանալ Տիեզերքի հետ և ճանաչել ինքներս մեզ և մնացածի, ինչպես էս բացատրում սրանք...

[Apsara]

Ապսարա ջան, Յոգա պարապելու 14 տարիների փորձն ու վերջին գրեթե 3 տարվա Հայաստանում ուսուցանելու փորձս թույլ են տալիս հավակնել "այո, կա վայր, կա որոշակի որակավորմամբ ուսուցանող, կան պարապմունքներ" պատասխանին: Սակայն Յոգան այնպիսի երևույթ է, որում միայն ուսուցանելը բավական չէ, պետք է նաև անհատն ինքն իր ճամփան տեսնի, մի բան էլ ինքն անի, այլապես շեյպինգն էլ ինքնակատարելագործման համար վատ համակարգ չէ: Եթե ինչ որ հարցեր կան` հաճույքով կպատասխանեմ: Նաև հրավիրում եմ մեր պարապմունքներին` Երևանի Բուսաբանական այգում, ամեն երկուշաբթի, չորեքշաբթի և ուրբաթ, հնարավոր է շուտով սկսենք նաև կիրակի օրը պարապել: Առաջին պարապմունքին կարող եք գալ ազատ ունկնդրի կարգավիճակով, եթե առհասարակ գալու ցանկություն լինի: Հարգանքներով` Վահագն

Իսկ վերնագրից և առաջին գրառումից ինձ այնպես թվաց, թե հիմալայից լամաներ են ժամանել Հայաստան և իրենց մեջ ուսուցիչ կա, որ նրանք պատրաստվում են սույն ուսմունքը ճիշտ ձևով տարածել այստեղ

Իսկ յոգան 14 չէ ուզում ես 20 տարի ուսումնասիրի ու դասավանդի, եթե գրքերի միջոցով են գիտելիքները, ապա չեմ կարծում ամբողջական կլինեն:

Յոգաի ուսմունքը ուսուցչի պարտադիր առկայություն է պահանջում, քանզի այն միայն ասանաներ չէ, կամ մեդիտացիաներ, կամ կոնցենտրացիա, կամ սնունդ, ինչպես արդեն նշել ես այն ուսմունք է՝ խորը, հին, բազմաշերտ: Ուսուցիչը՝ Գուրուն, մի մարդ է, որը գիտի քեզ տվյալ պահին ին է հարկավոր և քո ճիշտ աճի համար կոնկրետ ինչ գիտելիքներ են հարկավոր: Չէ որ ուղեղը՝ միտքը, ամեն ժամանակ չի կարող ամեն տեսակ ինֆորմացիա ընդունել, իսկ ընդունելուց հետո էլ ճիշտ յուրացնել, հետո էլ օգտագործել:
Աշխարհում յոգայով զբաղվողները շատ են, իսկ Հնդկաստանում էլ ավելի շատ, բայց ոչ բոլորն են, իսկ ավելի կոնրետ քչերն են ուսուցիչ, իսկ եղած ուսուցիչների կողքքին հավաքված բազմությունը անվերջ է:
Յոգան շատ մեծ ուժ ունի և այն սխալ կիրառելիս կարելի է շատ վատ արդյունքի հասնել՝ խախտել մարդու բալանսը: Ասենք որոշ մեդիտացիաների միջոցով բացել նրա չակռաները, իսկ նրա միտքը դեռևս պատրաստ չէ, կառաջանա դիսբալանս, կվասվի մարդու փսիխիկան և այլն չեմ մանրանում…

Ուզում եմ ասել, որ ամեն մեկը չպիտի ուսմունք դասավանդի, եթե չունի այդ իրավունքը, որը չգիտեմ որտեղից է տրվում, բայց տրվում է

[Չամիչ]

Apsara լիովին համամիտ եմ, քո խոսքերի հետ:

Անձամբ ես որոշ չափով ծանոթ եմ Ագնի յոգա ուսմունքին, որը Հիմալայներից՝ ավելի կոնկրետ Տիբեթից արեվմուտք են բերել Ռերիխ ամուսինները, եվ որը տրադիցիոն յոգայի հետ ոչ մի կապ չունի:

Ահա Ագնի յոգայի մեջ ասվում է որ տիեզերքում գործում է ձգողականության օրենքը, որ մեր կարման դա մեր միտքն է, հետեվաբար հոգեվոր զարգացման ճանապարհին կանգնելիս շատ կարեվոր է մտքի մաքրումը:

քանի որ միտքը նյութական է, շատ կարեվոր է գիտակցել որ միտքն է ստեղծում այն ամենը ինչ տեղի է ունենում մեր կյանքում:

Տրադիցիոն յոգան, եվ մեդիտացիան ամրացնում են միտքը, հետեվաբար մարդը ով դեռեվս չի գիտակցում որ միտքը նյուտական է, ամրացնելով միտքը կարող է ավելի շատ վնաս հասցնել սեփական կարմային քան գրանցել աճ, հոգեվոր զարգացման ճանապարհին: Իսկ մտքի մաքրումը դա բավականին բարդ եվ ժամանակ պահանջող պորցես է:

Մարդը ով գիտակցում է մտքի մաքրման անհրաժեշտությունը, յոգան կարող է ծառայեցնել այդ պրոցեսի արագացմանը:

կարծում եմ շատ վտանգավոր է որ յոգայով զբաղվի այն մարդը ով իր էությամբ մատերիալիստ է, եվ անգամ չի հավատում հոգու գոյությանը:

[Apsara]

Apsara լիովին համամիտ եմ, քո խոսքերի հետ:

Անձամբ ես որոշ չափով ծանոթ եմ Ագնի յոգա ուսմունքին, որը Հիմալայներից՝ ավելի կոնկրետ Տիբեթից արեվմուտք են բերել Ռերիխ ամուսինները, եվ որը տրադիցիոն յոգայի հետ ոչ մի կապ չունի:

Ահա Ագնի յոգայի մեջ ասվում է որ տիեզերքում գործում է ձգողականության օրենքը, որ մեր կարման դա մեր միտքն է, հետեվաբար հոգեվոր զարգացման ճանապարհին կանգնելիս շատ կարեվոր է մտքի մաքրումը:

քանի որ միտքը նյութական է, շատ կարեվոր է գիտակցել որ միտքն է ստեղծում այն ամենը ինչ տեղի է ունենում մեր կյանքում:

Տրադիցիոն յոգան, եվ մեդիտացիան ամրացնում են միտքը, հետեվաբար մարդը ով դեռեվս չի գիտակցում որ միտքը նյուտական է, ամրացնելով միտքը կարող է ավելի շատ վնաս հասցնել սեփական կարմային քան գրանցել աճ, հոգեվոր զարգացման ճանապարհին: Իսկ մտքի մաքրումը դա բավականին բարդ եվ ժամանակ պահանջող պորցես է:

Մարդը ով գիտակցում է մտքի մաքրման անհրաժեշտությունը, յոգան կարող է ծառայեցնել այդ պրոցեսի արագացմանը:

կարծում եմ շատ վտանգավոր է որ յոգայով զբաղվի այն մարդը ով իր էությամբ մատերիալիստ է, եվ անգամ չի հավատում հոգու գոյությանը:

Ես էլ լիովին քեզ հետ եմ համամիտ
նույնիսկ առանց յոգայի մարդկանց միտքը և մտքերը կործանարար ազդեցություն են ունենում, էլ ուր մնաց, թե ամրացնելուց և անգիտակից մնալուց հետո:
Իմ բախտը բերել է այն առումով, որ ես ուսուցիչ ունեմ՝ Գուրու, որի իմաստությունը անսահման է, որի շուրջ հազարավոր մարդիկ են հավաքված տարբեր երկրներից:

Հետաքրքիրն այն է, որ ասում են ուսուցիչը ինքն է ընտրում իր աշակերտներին, եթե մարդ ունի այն ներքին պոտենցիալը, որպեսզի իր խորքից դուրս բերի և ի օգուտ օգտագործի գիտելիքները, ապա ուսուցիչը այդ մարդուն ընտրում է և ինչ-ինչ ճանապարհներով բերում իր մոտ: Մեզ համար դա պատահականություն է կամ բախտ կամ էլի ինչ-որ բան, բայց իրականում…