Ի՞նչ է տալիս պատմությունը

[Lion]

Այն փաստի ապացուցումը, որ «Արցախն ու Ուտիքը (ազատագրված տարածքները) մեր բնիկ Հայրենիքն են» - մեր ազգին որևէ օգուտ տալի՞ս է թե ոչ: Ճիշտն ասած այս հարցը նույնիսկ քննարկման էլ չէի դնի, սակայն հարևան թեմայում

http://www.akumb.am/showpost.php?p=1...&postcount=124

ընթացող քննարկման ընթացքում հնչած որոշ մտքեր ստիպեցին այնուհանդերձ բացել այս թեման:

Եվ այսպես - այն փաստի ապացուցումը, որ «Արցախն ու Ուտիքը (ազատագրված տարածքները) մեր բնիկ Հայրենիքն են» - մեր ազգին որևէ օգուտ տալի՞ս է թե ոչ:

[Հայկօ]

Հարցման կետերը թերի են:

[Lion]

Ոչինչ, սենց քվեարկիր - եթե երբևէ կստեղծես քո թեման, հարցման կետերն էլ կլրացնես Դե, քվեարկիր, տեսնեմ արդյունքը, գնամ քնեմ...

[Հայկօ]

Ոչինչ, սենց քվեարկիր - եթե երբևէ կստեղծես քո թեման, հարցման կետերն էլ կլրացնես Դե, քվեարկիր, տեսնեմ արդյունքը, գնամ քնեմ...

Lion ջան, քո թանկագին խաթեր համար եթե քվեարկեմ «Միանշանակ օգտակար է», ինչ-որ բան կփոխվի՞: Ստեղ իմ դիրքորոշումը արտահայտող կետ չկա, ի՞նչ քվեարկեմ: Դու գնա քնի, համենայն դեպս :

[Phantom Lord]

Լիչնո ինձ դրանից ни тепло, ни холодно

[Տրիբուն]

Ոչինչ, սենց քվեարկիր - եթե երբևէ կստեղծես քո թեման, հարցման կետերն էլ կլրացնես Դե, քվեարկիր, տեսնեմ արդյունքը, գնամ քնեմ...

Ես էլ չեմ քվերակում, քանի որ իրոք թերի է հարցումը: Պատասխանների մեջ պետք է լիներ նաև «ոչնիչ չի տալիս» տարեբերակը: Սա սզբի համար:

Երկրորդ, Լիոն դու ուզում ես ապացուցել արդեն միլիոն տարի ապացուցվածը: Ո՞վ ա կասկածի տակ դնում Ուտիքի կամ Արցախի պատմական հայկական լինելը: Մի հատ էլ hարցում բացի ու Վանի ու Սասունի համար հարցրու: Է հետո ի՞նչ: Ալամ աշխարհի հանրագիտարաններում Վանն էլ, Սասունն էլ, Ուտիքն էլ, Արցախն էլ պատմական հայկական տարածքներ են: Չեմ հասկանում քո ինչ-որ բան ապացուցելու իմաստը:

Ի՞նչ ես մի բանը մյուսի հետ խառնում, ու ի՞նչ կապ ունի Ուտիքի պատմական հայկական տարածք լինելը բնավարացիների ու մնացած հնդեվրոպական ժողովուրդների հայկական ծագման հետ: Ապեր, մեզանից ոչ մեկը դեմ չի Ուտիքի հայկական լինելուն: Մենք բոլորս դա գիտենք: Հիմա եթե դու կրկնակի փորձես դա ապացուցել, դա նշանակում է, որ ինքդ ես կասկածի տակ դնում դրանց պատմական հայկական լինելը, ու նորից ու նորից, ինչ-որ անկապ փաստարկներով ցանկանում ես դա վերաապացուցել:

Մենք զարմանում ենք այն պարանոյայի վրա, որով դուք տառապում եք - հայկական ծագում, հայերն են սարքել, հայերն են հորինել, առաջինն են, սաղ հայ են, սաղ փիղ են:

Ու էլի դուք խոսակցությունը տանում եք ձեզ հաճելի ուղղությամբ: Ըստ ձեզ եթե մեկը սարկազմով է վերաբերվում բավարացիների հայկական ծագմանը ուրեմն նա նաև չի հավատում Ուտիքի հայկական պատմական տարածք լինելուն: Մի հատ ինքդ մտածի էլի, սա լուրջ մոտցում է, թե? ոչ:

Հայոց պատմությունը բոլորս էլ լավ գիտենք, ու հպարտանում ենք մեր պատմությամբ, ու այն ամենով ինչ ունեցել ենք: Հպարտանում ենք, ու ցանկանում ենք պահպանել: Բայց մեզ, մեր պատմությունից ավելին պետք չի: Մեզ պետք չի, որ Արքիմեդը հայ լինի, Անգելա Մերկելն էլ հայկական ծագում ունենա, եգիտպական բուրգերը Գևորը նախագծած լինի, շումերներն էլ Մեղրեցի լլինեն: Հիմա հասկանում ես ինչ ենք ասում, թե էլի ձեր տեսությունը պիտի բռթեք, որ ով չի հավատում որ ալամ աշխարհը հայերից ա ծագել ու պարտք ա հայերին ուրմեն վատ հայ ա, կամ ձեզանից պակաս հայ ա:

[Elmo]

Ես էլ չեմ քվերակում, քանի որ իրոք թերի է հարցումը: Պատասխանների մեջ պետք է լիներ նաև «ոչնիչ չի տալիս» տարեբերակը: Սա սզբի համար:

Չէ Տրիբուն ջան, եթե հարցման սինտաքսին հավատարիմ մնանք՝ պետք ա լինի «ոչինչ չի տալիս» և «միանշանակ ոչինչ չի տալիս»: Դրանք ինչ որ սկզբունքորեն շաաատ տարբեր բաներ են էլի:

[ministr]

Ո՞վ ա կասկածի տակ դնում Ուտիքի կամ Արցախի պատմական հայկական լինելը: Մի հատ էլ hարցում բացի ու Վանի ու Սասունի համար հարցրու: Է հետո ի՞նչ: Ալամ աշխարհի հանրագիտարաններում Վանն էլ, Սասունն էլ, Ուտիքն էլ, Արցախն էլ պատմական հայկական տարածքներ են: Չեմ հասկանում քո ինչ-որ բան ապացուցելու իմաստը:

Դու հլա մեր հարևաններին հարցրա: Եթե էդ պատկանելության հարցը տենց դանդուռ հարց ըլներ հետևները չէին ճղի: Ժամանակին հենց տենց էլ մտածում էինք որ մեկա մերնա ինչ պտի անեն ու էնքան քնեցինք, որ մեկ էլ տեսնենք աշխարհում արդեն էդքան էլ միանշանակ չի թե ումնա; Ու ինչքան գնում էնքան խորանումա դա: Տեղից էլ հայկական եկեղեցիները արդեն հան ել ալբանական եկեղեցիներ, իրանց սարքել են ալբանացիներ, մեզ էլ կպցրել են քոչվորի յառլիկ: Նենց որ ամեն քայլի էլ ապացուցելու կարիք կա մեր ինքնությունը, մեր պատմությունը, մեր անցյալը:

Իհարկե պետք էլ չի ծայրահեղ բաներ ասել, էն "մի նետի" սերիայից, բայց եղածը միշտ թարմացնել, վեր հանել ու ներկայացնել, կերցնել աշխարհին պետքա:

[Տրիբուն]

Դու հլա մեր հարևաններին հարցրա: Եթե էդ պատկանելության հարցը տենց դանդուռ հարց ըլներ հետևները չէին ճղի:

Ապեր, բա իրանց գործը կեղծելն ա; Իրանք անասուն են; Ինչ ես ուզում անենք, մենք էլ իրանց նմանվենք ? Ամոթ ա, որ դրած ձեզ ադրբեջանցիների հետ եք համեմատում, խայտառակություն: Ադրբեջանցիք կեղծում են, մենք էլ նստենք իրանց հակաճառենք: Ձեր բարձրության վրա եղեք; Եթե սկսում եք ադրբեջանցիների հետ վիճել, նշանակում ա, որ լուրջ եք ընդունում դրանց գրած ախմախությունները: Պարզ չի ? Ոնց որ հիմա մեկը գրի որ մածունը սև ա, ու մենք սկսենք սաղով հակառակն ապացուցել:

[REAL_ist]

Իրավական առումով առաջնայինը ոչ թե տարածքի `պատմականորեն այս կամ այն ազգին "պատկանելն" է, այլ ներկա պահին այդ տարածքում բնակվող ժողովրդի կամքը:

[Լուսաբեր]

Իրավական առումով առաջնայինը ոչ թե տարածքի `պատմականորեն այս կամ այն ազգին "պատկանելն" է, այլ ներկա պահին այդ տարածքում բնակվող ժողովրդի կամքը:

Ազգերի ինքնորոշման իրավունքի մեջ հաշվի է առնվում նաև տարածքի պատմական պատկանելիությունը:
Օրինակ, որ էսօր Նախիջևանում հայ չի ապրում, էտ չի նշանակում, որ այդ տարածքը ադրբեջանցիներինն է

[Հայկօ]

Կա տարածքային ամբողջականության պահը, ու կա ժողովուրդների ինքնորոշման պահը, որոնք գրեթե միշտ իրար հակասում են: Կախված տվյալ պահին մեծ ձայաձաների շահերից՝ որպես հիմք ընդունում են կամ մեկը, կամ մյուսը:

[REAL_ist]

Ազգերի ինքնորոշման իրավունքի մեջ հաշվի է առնվում նաև տարածքի պատմական պատկանելիությունը:
Օրինակ, որ էսօր Նախիջևանում հայ չի ապրում, էտ չի նշանակում, որ այդ տարածքը ադրբեջանցիներինն է

Բա ում տարածքնա? Իրավական առումով Նախիջևանը Ադրբեջանի տարածքի մասնա: Ինքս ուզում էի Նախիջևանի օրինակը բերել: Տարածքի պատմական պատկանելիությունը երկրորդական դեր է խաղում, եթե ոչ երրորդական: Այն ուղղակի լրացնում է և հիմնավորում է ժողովրդի կամարտահայտությունը:

Կա տարածքային ամբողջականության պահը, ու կա ժողովուրդների ինքնորոշման պահը, որոնք գրեթե միշտ իրար հակասում են: Կախված տվյալ պահին մեծ ձայաձաների շահերից՝ որպես հիմք ընդունում են կամ մեկը, կամ մյուսը:

Հայկօ ջան դրա մասին թեմաներից մեկում գրել եմ: Այդ սկզբունքների միջև հակասություն չկա:

Տարածքային ամբողջականության սկզբունքը ամրագրվածա ՄԱԿ-ի կանոնադրության մեջ անուղղակի կարգով, որի համաձայն անդամ պետությւոնները պետքա զերծ մնան ուժ կամ ուժի սպառնալիք կիրառելուց ի վնաս մյուս անդամ պետությունների տարածքային ամբողջականության: Այսինքն սկզբունքը վերաբերվումա միմիայն միջպետական հարաբերություններին: Այն չի կարող վերաբերվել պետության և իր անկախության համար պայքարող ազգի միջև հարաբերություններին: Ի դեպ, իր անկախության համար պայքարող ազգը միջազգային իրավունքի սուբյետկ է:
Ժողովուրդների իրավահավասարության և ինքնորոշման սկզբունքի համաձայն բոլոր ժողովուրդները իրավունք ունեն ինքնուրույն ազատորեն որոշելու սեփական քաղաքական կարգավիճակը, իրականացնել քաղաքական և սոցիալ-տնտեսական զարգացումը: Քաղաքական կարգավիճակը որոշելը ներառումա նոր պետության ստեղծումը կամ արդեն գոյություն ունեցող պետությանը միանալը: Քաղաքական կարգավիճակը որոշելու ժողովրդի իրավունքը իրականացվումա հանրաքվեի միջոցով: Յուրաքանչյուր պետություն պետքա հարգի այս սկզբունքը և չխոչնդոտի դրա իրականացման, այլ նպաստի դրան: Բացի դրանից պետքա հաշվի առնել, որ ցանկացած տարածքի բնակչություն չի կարող ժողովուրդ համարվել: Ժողովուրդը բնորոշվումա որպես ազգային, եթնիկական, մշակույթային, պատմական, կրոնական ընդհանրություններ ունեցող մարդկանց հանրություն, որը ունակ է գործել միասնական կենտրոնով:
Միևնույն ժամանակ ազգերի ինքնորոշումը չպետքա լինի անջատողական դիրքերից և ի վնաս պետության ինքնիշխանության: Հենց հիմնական հարցը սրանումա, թե որտեղա անցնում սահմանը ազգային ազատագրական շարժման ու անջատողականության կամ սեպարատիզմի միջև: Հստակ դիրքորոշում միջազգային իրավունքում չկա, բայց սկզբունքորեն գնահատվումա "ժողովրդավարության" գնահատման չափանիշներով: Եթե շարժումը իսկապես ամբողջ բնակչության կամքնա ներկայացնում, ապա սեպարատիզմի մասին խոսք լինել չի կարող:
Հենց դրա համար էլ չափազանց կարևորա Ղարաբաղի մասնակցությունը բանակցություններին, քանի որ այդ դեպքում Ղարաբաղը չի կարող մեղադրվել տարածքային ամբողջականության խախատման մեջ և ինքստինքյան առավելությունը կտրվի ժողովուրդների ինքնորոշման սկզբունքին:
Այս դեպքում արդեն Ադրբեջանը պետքա ապացուցի, որ Ղարաբաղյան շարժումը սեպարատիստական էր և պաշտպանի իր ինքնիշխանությունը և տարածքային գերակայությունը, ոչ թե ամբողջականության սկզբունքը:
Խորհուրդ կտամ նաև կարդալ ԵՊՀ միջազգային և եվրոպական ամբիոնի վարիչի հակիճ տեսակետը` http://www.ysu.am/site/index.php?lang=1&page=2&id=2375

http://www.akumb.am/showthread.php?p...91#post1706191

[Լուսաբեր]

Ռեալիստ ջան, ես գիտեմ որ ՄԱԿ-ի ազգերի ինքնորոշման իրավունքի փաստաթղթի մեջ նշվածա, որ ինքնորոշման իրավունքը գործում է այն ազգի համար, որը ապրում է իր պատմական հայրենիքում:

Թե չէ հիմա Լոս-Անջելոսի հայերը անկախացած կլինեին