Google տարօրինակ մականվամբ իմ անձնական օգտագործման գրբացը հուշում է, որ անցյալ տարի մարդիկ ամենաշատը որոնել են լաչառ փոխնախագահների, մեռած գույնզգույն դերասանների, ոչ պակաս գույնզգույն նախագահների, մեկ ֆուտբոլի առաջնություն ու լիքը սոցցանցեր:
- sarah palin
- beijing 2008
- facebook login
- tuenti
- heath ledger
- obama
- nasza klasa
- wer kennt wen
- euro 2008
- jonas brothers
Ճաշակին ընկեր չկա. ես, օրինակ, որոնում եմ Կոլումբիայից տասներկու տոննա կոկայինը Կուբա տեղափոխած, այնտեղ բեռը սովետական երեք միջուկային մարտագլխիկների հետ փոխանակած, ապա ռումբերը Հյուսիսային Կորեայի իշխանություններին գաղտնի հանձնած ու փոխարենը ԱՄՆ պետքարտուղարի սեռական նախասիրությունների մասին գաղտնի, ԿՀՎ-ի արխիվներից գողացած տեսաերիզներ ստացած, այդ տեղեկությունները Աֆղանստանում Ուսամա բին Լադենին տված, նրանից դրանց դիմաց տասը մեծ, սև, տիտանից, հերմետիկ արկղերով երեք հարյուր միլիոն դոլար ստացած, այդ բեռով դեպի Նոր Կալեդոնիա ուղևորված, բայց ճանապարհին Հարավային խաչ համատեղությունից ժամանած փոքրիկ երկնաքարի (որ իրականում կանաչ մարդուկների թռչող ապարատ է) հետ բախված, այդ բախման հետևանքով վնասված, բայց դեռևս կառավարելի գերձայնային ինքնաթիռից ընկած այդ վերոհիշյալ արկղերից մեկը: Իմ տեղեկություններով՝ այդ արկղն ընկել է Չարբախում: Շուտով կգտնեմ:
Մեջբերել
Էջանիշներ