Երևանի քաղաքապետի ընտրություններ

[Տրիբուն]

ԵՐԵՎԱՆԻ ՆՅԱՐԴԱՅԻՆ ԱՍՖԱԼՏԱՊԱՏՈՒՄ

Հայաստանի հարցը չի ընդգրկվել ԵԽԽՎ ապրիլյան նստաշրջանի օրակարգում: Երեւում է, եվրոպացիները վստահ են, որ մայիսի 31-ին Երեւանի քաղաքապետի ընտրությանը գրանցվելու է խախտումների նոր ալիք, եւ իզուր ժամանակ չվատնելու համար ԵԽԽՎ որոշել է հին եւ նոր խնդիրները քննարկել միանգամից՝ հունիսին:
Իսկ այն, որ ընտրությունները կանցնեն խախտումներով, թերեւս արդեն ոչ ոք չի կասկածում: Թեկուզեւ այն պատճառով, որ նախընտրական արշավը սկսել է ընտրությունից կես տարի առաջ, երբ քաղաքապետի պաշտոնին առանց ձեւականությունների նշանակվեց իշխող Հանրապետական կուսակցության թեկնածուն: Նշանակվելուց անմիջապես հետո Գագիկ Բեգլարյանը ձեռնամուխ եղավ փողոցների ասֆալտապատմանը եւ աղբահավաքմանը: Վարչապետ Տիգրան Սարգսյանը հայտարարեց, թե աղբը համարվում է երեվանցիների թիվ մեկ խնդիրը:

Երեւանցիներն, իհարկե, ուրախ են, որ հին փոսերը ասֆալտապատվում են, պարզապես մի տեսակ նյարդային է ստացվում այդ ասֆալտապատումը: Կարծես դա վերջին շանսն է:

Լրագիր

Փաստորեն մարդիկ վարչապետի մակարդակով հայտարարում են, որ մենք կեղտոտ ժողովուրդ ենք: Իսկ լողանալ-թրաշվելու հարցերը տենաս չե՞ն ուզում կարգավորեն: Ասենք բոլոր անթրաշ երևանցիներին Չ. Գագոն իրա ձեռով թրաշում ա, վարչապետն էլ քիսայա անում ու լողացնում ա:

Սրանք ոնց հոգով սրտով խոպանչի էին, տենց էլ մնացել են: Քսան տարվա մեջ բացի ասֆալտից ուրիշ բան չկարացան մտածեն:

Երևանի փողոցներում աղբ չկա: Ամենամեծ աղբը, ավելի շուտ զիբիլը - իրա հոտով, գույնով, թաշախուստով - էսօր նախագահականի ներսում ա: