Սրանք հատվածներ են այսօրվա (28.03.2009թ.) «Հայկական Ժամանակ» օրաթերթում հրապարակված, Հայաստանի Աշխատավորական Սոցիալիստական Կուսակցության (ՀԱՍԿ) նախագահ Մովսես Շահգելդյան հետ հարցազրույցից: Կարծում եմ, որ մեկնաբանությունների կարիք չկա, ամեն ինչ էլ ակնհայտ երևում է: Չնայած կարող եմ բոլորի ուշադրությունը հրավիրել կապույտով ընդգծածս հատվածների հակասության վրա ու միաժամանակ ասել, որ Հայաստանում այսօր չկա կուսակցություն, որի 1000 անդամները 100-ական դոլար կտրամադրեն հանուն «վեհ» (ջուրծեծոցի) գործերի:- Ձեր կուսակցությունը ոնց-որ թե ֆինանսական միջոցներ էլ չի ունեցել: Հիմա որտեղի՞ց ձեզ այդ միջոցները, այս եվրավերանորոգված գրասենյակը Կորյունի փողոցի վրա, նախընտրական 2 մլն դրամ գրավն ինչպե՞ս եք տվել:
- Իսկ որտեղի՞ց ՀԱԿ-ին էդ փողերը, որ միտինգներ է կազմակերպում, միջոցառումներ:
- Ձեզ որտեղի՞ց, միգուցե ձեր հետևում ինչ-որ մե՞կն է կանգնած:
- Բա ինչու՞ չեք հարցնում, որ 98-ին, երբ Կարեն Դեմիրճյանին առաջադրում էիք, էլի ծախսել եք, չէ՞, որտեղի՞ց ձեզ փող:
- Պատասխանու՞մ եք իմ հարցին, թե՞ ոչ:
- Մեր սեփական միջոցներն ենք ծախսում:
- Այս գրասենյակ ե՞րբ եք տեղափոխվել:
- Երևի մի 15-20 օր առաջ:
- Իսկ քանի անդամ ունի ձեր կուսակցությունը:
- Այս պահին ունենք մոտ 2.5 հազար անդամ: Դա այն մարդիկ են, որ 98-ին եղել են մեզ հետ: Բայց կարծում եմ, որ այս ընտրություններից հետո կկրնապատկվեն:
- Հայտնի մարդիկ կա՞ն: Ի՞նչ խավի մարդիկ են, ովքե՞ր կան այստեղ:
- Կան շինարարներ, ինժեներներ, ճարտարապետներ, բժիշկներ, կոմունալ գործի լավագույն մասնագետներ, երիտասարդություն կա, աշխատավորներ, բանվորներ:
- Դուք այնպիսի մարդկանց եք նշում, որոնք ունևոր չեն: Ինչպե՞ս կարող էիք սեփական միջոցներով այս գրասենյակը ձեռք բերել, 2 միլիոն դրամ նախընտրական գրավ մուծել և այլն:
- Եթե մեր կուսակցության յուրաքանչյուր անդամ գործի մեջ դնի 100, 200 կամ 500 դոլար, եթե հազար հոգի հաշվենք ու բազմապատկենք 100-ով, ի՞նչ գումար կստացվի:
- Քաղաքական շրջանակներում համառ լուրեր են շրջում, որ ՀԱՍԿ-ի հետևում կանգնած է Գագիկ Ծառուկյանը:
(Այս հարցի պատասխանն այդպես էլ չստացանք, քանի-որ Շահվերդյանը էլի սկսեց թեման փոխել):
...
- Դուք ասում էիք, որ նախագահական ընտրությունների ժամանակ հայտարարել եք, թե սատարում եք Լևոն Տեր-Պետրոսյանին, ի՞նչն էր պատճառ դարձել, որ չեք միացել կոնգրեսին:
- Ես ձեր դեմ դիմելու եմ դատարան: Դուք գրեցիք, որ ես փող եմ պահանջել ՀԱԿ-ից, որ միանամ նրանց: Մենք ասացինք՝ ի՞նչ միջոցներով մենք պետք է գրասենյակ պահենք, տրանսպորտ աշխատեցնենք, ինչ միջոցներ են լինելու: ՀԱԿ-ի պատասխանը եղել է ոչ: Որևէ գործարքային խոսակցություն չի եղել: Իսկ ընդհանրապես, կամ մենք պետք է գործընթացներից դուրս մնայինք, կամ մասնակցեինք: Եթե իշխանական ճամբարում չէինք, մենք ստեղծված իրավիճակում որոշում կայացրեցինք սատարել Լևոն Տեր-Պետրոսյանին:
Այսպիսով, ո՞րն է Շահգելդյանի կուսակցության առաջադրման բուն պատճառը: Մենք արդեն գիտենք, որ նման կուսակցությունների առաջադրումը միայն մի նպատակ է հետապնդում. հնարավորինս փոշիացնել արմատական ընդդիմության ձայները: Բայց մյուս կողմից ժողովուրդն արդեն այսպիսի դրածոների նկատմամբ իմունիտետ ձեռք բերել է, «կտեր կուլ տվողը» չի, ինչքան էլ որ պարոն Շահգելդյանը նախընտրական քարոզարշավի ժամանակ օգտագործի Կարեն Դեմիրճյանի անունը, գուցե անգամ պախարակի Ստեփան Դեմիրճյանին ու Լևոն Տեր-Պետրոսյանին (մոռանալով, որ ընդամենը մեկ տարի առաջ սատարել է նրանց): Այդ դեպքում, իսկապես, ո՞րն է 2 միլիոն և ավելի դրամ ծախսելու պատճառն այս նախագծի վրա:
Չգիտեմ, առայժմ չեմ գտնում որևէ այլ պատճառ, քան անվանումը: ՀԱԿ և ՀԱՍԿ-ն իրար նման են: Բայց իրականում միամտություն է կարծել, որ ընտրող, գիտակից քաղաքացին (իսկ ՀԱԿ-ին ընտրողը որպես կանոն գիտակից քաղաքացի է) կշփոթվի ու ՀԱԿ-ի փոխարեն «ծիտիկ» կնկարի ՀԱՍԿ-ի դիմաց, առավել ևս որ ՀԱԿ-ի և ՀԱՍԿ-ի կողքին գրվելու են ցուցակների առաջին երեք համարների անունները (ՀԱԿ-ում՝ Լևոն Տեր-Պետրոսյան, Ստեփան Դեմիրճյան, Լևոն Զուրաբյան, ՀԱՍԿ-ում՝ Շահվելդյան Մովսես, Մուղնեցյան Աշոտ, Մատինյան Յուրիկ), էլ չասած ՀԱԿ-ը, որն ըստ ամենայնի անցկացնելու է ամենաերևացող ու ճիշտ կազմակերպված, հզոր քարոզարշավը կամ քարոզարշավներից մեկը, այդ նույն քարոզարշավի ընթացքում ամենայն հավանականությամբ լավ թմբկահարելու է ընտրացուցակում իր համարը, ու ընտրողը շփոթվելու տեղ պարզապես չի ունենալու:
Ուրեմն ո՞րն է հաշվարկը: Ընդամենը թիվ նկարելը ու հետո բամբասանք տարածե՞լը, որ իբր ՀԱԿ կողմնակիցներից շատերը շփոթվել ու նրա՞նց են ընտրել, հաշվարկների ժամանակ իբր պատահաբար ՀԱԿ-ին քվեարկած քվեաթերթիկները ՀԱՍԿ-ի տեղ հաշվե՞լը («դե ախպեր, նման էին, շշկռվեցինք» տրամաբանությամբ)... բայց ախր էդ խաղերն էլ ենք տեսել, էդ կտերն էլ արդեն կուլ տվողը չենք: Ուրեմն ի՞նչ իմաստ ունի սրանց ներդնելը
Մեջբերել
Chuk-ի խոսքերից
Էջանիշներ