ՀԱԿ–ը կստանա 50%-ից ավելի ձայներ, վիճակագրագետ
16:40 • 18.05.09
Վերջին մի քանի տարվա ընթացքում Երևանի քաղաքապետարանից գոհ էին բնակչության 60%-ը: Այս մասին այսօր հայտարարել է «Սոցիոմետր» կենտրոնի տնօրեն Ահարոն Ադիբեկյանը: Սրան ի պատասխան՝ սոցիոլոգի ընդդիմախոս, ԱԺ նախկին պատգամավոր, անհատ տնտեսագետ-վիճակագրագետ Աղասի Արշակյանն ասել է, որ ««Օրինաց երկիր կուսակցությունը», «Բարգավաճ Հայաստանը» և Տիգրան Կարապետյանը չեն համաձայնում Ձեր վերլուծությունների հետ»:
«Երբ ինձ քննադատում է Կարապետյանը,
6%-ը ծափահարում են, 96%-ը թքում են նրա երեսին»,- պատասխանել է Ադիբեկյանը:
Նախորդ շաբաթ Ահարոն Ադիբեկյանը ներկայացրել էր Երևանի քաղաքապետի ընտրությունների վերաբերյալ կատարված հարցման արդյունքները: Հենց այդ ժամանակ էլ Աղասի Արշակյանը հանդես է եկել «Նվիրվում է նահանգային սոցիոլոգներին» վերլուծական մեկնաբանությամբ: Այսօր Արշակյանը նշել է, որ այս աշխատանքում ներկայացված են ոչ թե իր ցանկությունները, այլ այն իրավիճակը, որը նա տեսնում է որպես տնտեսագետ և վերլուծաբան: Նա նշել է, որ մինչև նախագահական ընտրություններն ինքը հնարավորություն է ունեցել հանդես գալ և ցույց տալ բոլոր անհրաժեշտ գործողությունները, որոնք պետք է ձեռնարկեին իշխանությունները և ընդդիմությունը, որպեսզի խուսափեին արյունահեղությունից:
«Ցավոք սրտի, ես նույն ապրումներն ունեմ նաև առաջիկա ընտրությունների հետ կապված»,- նշել է նախկին պատգամավորը: Նա նշել է, որ Երևանի քաղաքապետի ընտրությունները կարելի է համեմատել «նախագահական ընտրությունների երևանյան հատվածի ընտրությունների հետ»:
Նա նշել է նաև, որ 2008թ. նախագահական ընտրություններն աննախադեպ են եղել ինչպես ընտրողների թվի տեսանկյունից, այնպես էլ ընտրակեղծիքների տեսանկյունից:
«Եվ եթե հաշվի առնենք, որ նույն պրոցեսները տեղի են ունենալու հիմա, չի կարող 238 հազար ձայնը, որը ստացել է Սերժ Սարգսյանը նախագահական ընտրություններում, գրանցվի այս անգամ»: Նա նշել է, որ «մաքուր տված ձայներին» ավելացվում է վարչական ռեսուրսը և գնված ձայները:
Աղասի Արշակյանի կարծիքով` Հայ ազգային կոնգրեսի ձայները կավելանան այնպիսի կուսակցությունների շնորհիվ, ինչպիսին են Օրինաց երկիրը և Դաշնակցությունը, որոնք նախագահական ընտրություններին մասնակցել են ընդդիմության կարգավիճակում:
«Արդյունքում ստացվում է, որ ՀԱԿ-ի թեկնածությունը կստանա 50%-ից ավել ձայն, այսինքն այնքան, ինչքան մեր հարգարժան Ադիբեկյանը ցույց է տալիս հանրապետականների համար», – ասել է Արշակյանը:
Elmo-ի խոսքերից
Մեջբերել
), ասում է Ահարոն Ադիբեկյանը:
Էջանիշներ