Քանի որ վերևի գրառումը իմն է, ուրեմն այս կոչը ինձ էլ է ուղված:bari hoki-ի խոսքերից
Իրականում Ես այդպես չեմ մտածում: Պարզապես աղտոտողներին երբեմն այդպիսի կոչն ավելի վախենալու է թվում քան աղտոտումը դադարեցնելու մասին կոչերը:
Լավ, մի քիչ օգուտ տամ այս թեմային:
Մի քիչ ինֆորմացիա մթնոլորտն աղտոտող տեխնոծին գազերի և դրանց հասցրած վնասների մասին:
Այսօր աղտոտող գազերի ահավոր մեծ ցուցակ կարելի է կազմել, բայց այնուամենայնիվ դրանց առյուծի բաժինը հասնում է CO2 -ին, CO -ին և ահավոր վնասակար վանադիումի պենտօքսիդին՝ Va2O5: Օդային ավազանին հսկայական վնաս է հասցնում այսպես կոչված թռչող մոխիրը, բայց սրան առանձին կանրադառնամ, որովհետև այն իրենից գազ չի ներկայացնում:
Սկսենք CO2-ից: Ինչպե՞ս է այն առաջանում: Շատ հեշտ: Բավական է այրել մեկ կտոր թուղթ և կառաջանա CO2: Այրման ռեակցիան միշտ առաջացնում է CO2: Արդյունաբերական վառարանները մեկ կտոր թղթի այրումով իհարկե չեն բավարարվում, դրա համար էլ նրանց արտանետած CO2-ի քանակները սարսափելի էն:
Ի՞նչու է վնասակար CO2-ը և ի՞նչպես է արտահայտվում նրա վնասաբերությունը: CO2-ը օզոնի շերտը չի քայքայում: Այն իհարկե թունավոր չի, որովհետև կայուն միացություն է: Նույնիսկ մարդը CO2 է արտաշնչում: Ուրեմն ինչու՞ ենք այդքան վախենում այդ գազից:
Վախենում ենք, որովհետ CO2 -ը ունի մի շատ վատ առանձնահատկություն: Այն իր միջով շատ հանգիստ բաց է թողնում արևի ուլտրամանուշակագույն ճառագայթները, որոնցով երկիր է գալիս արեգակնային ջերմության մեծ մասը, բայց բավականին մեծ դիմադրություն է ցուցաբերում ավելի երկար՝ ջերմային ալիքներին: Այսինքն տաքությունը ներս է թողնում, իսկ դուրս՝ ոչ: Ստացվում է, ինչքան շատ CO2, այնքան շատ կտաքանա մեր առանց այդ էլ տառապած մոլորակը: Այստեղից էլ ջերմոցային էֆեկտը, որի ազդեցության մանրամասները յուրաքանչյուրս գիտի:
Պետք չէ մտածել, որ CO2-ը միայն արտադրվում է: Այն նաև կլանվում է կանաչ զանգավծի կողմից, որոնք ֆոտոսինթեզի հետևանքով արտանետում են թթվածին, կորզելով CO2-ից ածխածինը: Հենց դրա համար է, որ մեր հարգելի ծառերին ու բույսերին պետք է գլխի վրա պահել: Յուրաքանչյուր կտրած ծառ մոտեցնում է գլոբալ կատակլիզմը, որը 7 000 000 0000 մարդուց շատ քիչ քանակություն կթողնի: Այսինքն ամեն ծառ 10 մարդու գին ունի: Պետք չէ հրաժարվել ծառահատումներից, բայց ցանկացած կտրած ծառի փոխարեն պետք է 10 նորը տնկել: Ու պետք է կտրել միայն ծերության վերջին աստիճանի ծառերը: Դրա համար հատուկ մասնագետներ կան, որոնք որոշում են, թե որ ծառն է կտրելու ենթակա:
Կա Կիոտոյի համաձայնագիր, որը սահմանափակում է CO2-ի արտանետումները ցանկացած երկրի համար: Այդ համաձայնագրին ենթարկվում են բոլոր երկրները, բացառությամբ ԱՄՆ-ից, որը դավադրաբար դուրս եկավ համաձայնագրից: Ճապոնիան էլ է սպառնում նույնը կրկնել, եթե ԱՄՆ խելքը գլուխը չհավաքի:
CO կամ շմոլ գազ: CO-ն այրումից չի առաջանում: Ավելի ճիշտ հենց այրման ժամանակ է առաջանում, բայց ոչ լրիվ այրման, այլ թերայրման: Այսինքն անսարք դեմնային վառարանը, գազօջախը, կամ մեքենայի շարժիչը արտանետում են CO2 և CO: CO-ն ի տարբերություն CO2-ի, ջերմոցային էֆեկտ չի առաջացնում: CO2-ի նման օզոնի շերտի համար անվնաս է, թունավոր չէ, ԲԱՅՑ հաշված րոպեների ընթացքում կսպանի ամենաառողջ մարդուն:
Ինչպե՞ս ոչ թունավոր գազը կռադնա մահվան պատճառ, կհարցնի ուշադիր ընթերցողը:
պարզաբանեմ: CO -ն բավականին ակտիվ գազ է: Մեր արյան մեջ կան այսպես կոչված կարմիր գնդիկներ, որոնց նպատակը թոքերից թթվածինը մարմնի հեռավոր վերջույթներին ու ուղեղին հասցնելն է: CO-ն ավելի ակտիվ լինելով դուրս է մղում թթվածինը կարմիր գնդիկներից և ինքն է միացություն կազմում նրանց հետ: Այսինքն CO-ով լցված սենյակում գտնվող մարդը շնչում է, բայց թթվածնային քաղցից օրգանիզմը սկսում է էներգիա չսինթեզել: Ուղեղը թթվածին չստանալով անջատվում է, և մարդը, առանց դա գիտակցելու, մահանում է: Սկզբում ուշագնաց է լինում, հետո մահանում է:
Բավական է փակ ավտոտնակում միացնել մեքենայի շարժիչը, որը լավ չի աշխատում և 30 րոպե հետո վարորդին կգտնեն մեքնեայի մեջ մահացած: CO -ի արտանետումների կրճատման շրջանակներում պետք է սարքին պահել ցանկացած այրում իրականացնող սարք:
Վանադիումի պենտօքսիդ:
Այն արտանետվում է հենց մետ քթի տակ, ցանկացած ավտոմեքենայի ներքին այրման շարժիճից: Բավականին տոքսիկ գազ է: Առաջացնում է քաղցկեղ ու բավականին շատ: Վանադիումի պենտօքսիդի բոլոր թունավոր ազդեցությունները թվարկելու համար բժիշկ է պետք լինել: Այս գազը ներկա պահին ամենավտանգավորն է մարդու համար, որովհետև մեր շրջապատում ավտոմեքենաները միլիոնավեր են: Վանադիումի պենտօքսիդի հետ միասին ավտոմեքենաները արտանետում են կապարի միացություններ, որոնք օրգանիզմ ընկնելուց այլևս դուրս են գալիս:
Այսինքն 1 մգ կապարը ներթափանցելով օրգանիզմ, մինչև տվյալ օրգանիզմի կյանքի վերջ կմնա այտեղ: Իսկ եթե այդ կենդանին դառնում է սնունդ մեկ ուրիշ կենդանու համար, ապա նրանց կապարի նստվածքները գումարվում են:
Այսինքն, եթե դուք ուտում եք կովի միս, որը արածել է ճանապարհի եզրին և կերել կապարի նստվածքով բույս, ապա ձեր օրգանիզմ կներթափանցի այքան կապար, ինչքան կա այդ բույսի մեձ+կովի կապարը+ձեր սեփական նստվածքը:
Այսքանը համառոտ մթնոլորտը աղտոտող հիմնական գազերի մասին: Աէրոզոլային գազերը, որոնք քայքայում են օզոնի շերտը նույնպես կարելի է դիտարկել, բայց սրանց քանակը վերջերս բավականին նվազել են և առանձին դիտարկման կարիք ունեն միայն մասնագետների մոտ:
Խորհուրդ:
Ծառ տնկեք, մեքենաներ քիչ վարեք, խնայեք էլեկտրոէներգիան, օգտագործեք արևային մարդկոցներ(եթե կարող եք), սարքին պահեք ձեր սարքավորումները, որոնք այրում են իրականացնում(գազօջախ, ավտոմեքենա և այլն...), պահպանեք օդային ավազանը մաքուր, ալյապես մայր բնությունը կջղայնանա ձեր վրա և դուք կմնաք ձեր իսկ ստեղծած աղբանոցում: Դուք կոչնչանաք, իսկ բնությունը առանց ձեզ կվերականգնվի:
Մեջբերել
Էջանիշներ