Սերը կո՞ւյր է

[Artgeo]

Մի անգամ մարդկային բոլոր զգացմունքներն ու բնավորության գծերը մի տեղ էին հավաքվել:
- Եկեք պահմտոցի խաղանք, - ասաց Խենթությունը:
Ճշմարտությունը չթաքնվեց «Միևնույն է կգտնեն ինձ»
Սուտը թաքնվեց ծիածանի մեջ,
Իրականությունը օվկիանոսում,
Ալարկոտությունը ամենամոտ տեղում,
Ազատությունը քամու հետևում թաքնվեց
Բարիությունը անընդհատ ուրիշին էր զիջում իր տեղը
Հավատը երկինք բարձրացավ
Նախանձը ճառագայթի մեջ թաքնվեց
Սերը ուր գնաց, ամեն տեղ արդեն զբաղեցրած էր... Վերջում մի սիրուն վարդ տեսավ ու վարդի մեջ թաքնվեց:
Խենթությունը սկսեց փնտրել բոլոր զգացմունքները և գտավ բոլորին, բացի սիրուց: Վերջում սիրուն վարդը թեքեց ու ճիչ լսվեց... Վարդի փշերը սիրո աչքն էին մտել և նա կուրացավ... Դրանից հետո խենթությունը կուրացած սիրո ձեռքը բռնած է քայլում

Տակ վիպիմ զա ժենշին... Չէ, էս չէր:

Եկել եմ եզրակացության, որ սերը կույր է: Կան մարդիկ, որ սիրահարվում են մարդկանց, որոնք պարզապես արժանի չեն այդ սիրուն, կան մարդիկ, որոնք շատ արագ սիրահարվում են և նույնքան արագ դադարում են սիրել, քանի որ կույր սերը անցնում է ու բացվում են աչքերը, որոնք տեսնում են իրականությունը: Հմ... Սերը կո՞ւյր է

Հ.Գ. Վերևում գրվածը իմը չի, ինտերնետում եմ գտել, դուրս եկավ:

[One_Way_Ticket]

Սիրահարվածությունը, այո, "կույր" է: Ես նույնիսկ "սիրահարվածության տեսություն" էի կառուցել ժամանակին: Մի ռուսական ֆորումում հրապարակել եմ: Եթե մոդերատորները թույլատրում են այստեղ ռուսերեն գրել, կարող եմ տեղադրել այստեղ: Հայերեն թարգմանելու հավես չունեմ:

[Ֆրեյա]

Մի քիչ սենտիմենտալ էր, բայց կարևորը իմաստն էր...

Որ սերը կույր է, դա հաստատ է, բայց էֆֆեկտը հենց էտ ա

[Ambrosine]

Հմ... Սերը կո՞ւյր է

երևի հենց էս տրամաբանությանն է առնչվում <<սերը աթարին էլ կկպնի>> արտահայտությունը

[Enigmatic]

սիրահարվածությունն է կույր,սերը իմ կարծիքով`ոչ:

[SDes77]

Տակ վիպիմ զա ժենշին

!

Ասե'ք ինձ ինչ է սերը, կասեմ` կույր է այն, թե ոչ:

[Հայկօ]

Ասե'ք ինձ ինչ է սերը, կասեմ` կույր է այն, թե ոչ:

Սերը, ուրեմն, ահա թե ինչ է.

1. Գորովանքի՝ կապվածության խոր զգացում մեկի՝ մի բանի նկատմամբ
2. Հակառակ սեռի ներկայացուցչի նկատմամբ տածած բուռն զգացմունք՝ ձգտում
3. Սիրային հարաբերություն՝ կապ
4. Համակրանքի՝ հարգանքի զգացում մեկի նկատմամբ
5. Հետաքրքրություն, որևէ բանի հակում, ձգտում
6. Սիրելի անձ
7. Որևէ բանի մոլություն, որևէ բանով տարվելը
8. Միմյանց նկատմամբ ունեցած համերաշխ ու բարեկամական հարաբերություն՝ վերաբերմունք
9. Կաթի երեսի խիտ՝ թանձր ու յուղալի շերտը

Նաև՝ տե՛ս՝ Love Is... ծամոնների դոնալդները:

Կույր ա՞, թե չէ...

[Գալաթեա]

Նաև՝ տե՛ս՝ Love Is... ծամոնների դոնալդները:

Կարելի ա մեկումեջ "Լովե իզ"-ի բոմբիբոմներն էլ նայել

[Արտիստ]

Եկեք քննարկենք,տեսնենք սերը քիթ ու բերան ունի?

[Apsara]

Եկել եմ եզրակացության, որ սերը կույր է: Կան մարդիկ, որ սիրահարվում են մարդկանց, որոնք պարզապես արժանի չեն այդ սիրուն, կան մարդիկ, որոնք շատ արագ սիրահարվում են և նույնքան արագ դադարում են սիրել, քանի որ կույր սերը անցնում է ու բացվում են աչքերը, որոնք տեսնում են իրականությունը: Հմ... Սերը կո՞ւյր է

Արթ, եթե դու անձամբ կարծում ես, որ որևէ մարդ արժանի չէ սիրո, դա քո զուտ անձնական կարծիքն է և դա բոլորովին չի նշանակում, որ նա իսկապես արժանի չէ: Այսինքն, քո գրածը, թե որոշ մարդկանց սիրում են, իսկ նրանք արժանի չեն, ճշմարտության հետ ոչ մի կապ չունի: Հաստատ մենք չենք որոշում ով ինչի է արժանի
Իսկ որ մարդիկ շատ արագ սիրահարվում են ու նույնքան արագ հիասթափվում, դա ոչ թե սիրո կուրությունն է, այլ տվյալ մարդու /կներեք իհարկե/: Հաճախ մարդիկ, իրենք էլ չնկատելով, ոչ թե անձին, անձնավորությանն են սիրում կամ սիրահարվում, այլ այն օբռազին, որը նա ստեղծել է, հագուստով, խոսելաձևով և այլն, բայց հագուստի հետևում երկար թաքնվել հնարավոր չէ, ահա և խեղճ սիրո աչքերը կույր մարդիկ հանեցին

ես էլ եկել եմ այն հետևությանը, որ ոչ թե սերն է կույր, այլ մարդիկ ընդհանրապես քանի գնում այնքան կուրանում են, և մնացած տեսնողներին էլ են ուզում կուրացնեն , ասենք արտաքին խափուսիկ դիմակներով և օբռազներով

[Dorian]

Համաձայն եմ Ֆրեյայի հետ: Եթե պիտի կույր չլինի, էլ ու՞մ է պետք:
Ես կասեի ավելին` սերը լույս է... շատ ուժեղ լույս...
Դրա համար էլ թվում է, թե կուրացնում է: Բայց իրականում...

[dvgray]

սերը - դա ճանապարհ է, ուղղություն, վեկտոր:
միակ ճիշտ ճանապարհը: որը ունի սկիզբ ու չունի վերջ:
ինչպես՞ կարող է կույր լինել գերզգայուն, գերընբռնող հազարավոր տարիների ժառանգականությամբ բյուրեղացված մարդու հոգին:
կույրը այն մարդն է, ով չի սիրահարված… չի սիրում :

սերը փրկությունն է, ճշմարիտ ուղղությունը:
…
շատերը սերը շփոթում են ուրիշ ցանկությունների հետ: դրանից հետո էլ սկսում սիրուն կպցնոել լիքը "մեղքեր" ու "անուններ":
շատ անգամ հաշվենկատությունը ու տրամաբանությունը շպարում են սիրո հանդերձանքով:
չի ստացվի: կեղծիքը դուրս կպրծնի ու անխուսափելի կլինի հիասթափությունը:
սիրեք, պարոնայք, սիրեք :
աչքերը բացեք ու զգացեք նրան, ձեր սիրուն:
ու դրանից հետո ձեր աչքերը "կտեսնեն":

[Second Chance]

Իմ ամբողջ գիտակցական կյանքում երբևէ կուրորեն չեմ սիրել:
Եղել է թեթև սիրահարվածություն երբ դիմացինիս էության շատ քիչ մասն եմ ճանաչել, իսկ այդ դեպքում հնարավոր չէ իսկական ու խորը սեր / համենայնդեպս ինձ մոտ/ ու այդ պատճառով այն մնացել է լոկ որպես սիրահարվածություն թեթև ու անցել: Իմ կարծիքով հնարավոր չէ սիրել առանց մարդու ամբողջական էությունն ընկալելու: Ամբողջական էությունն ասելով ի նկատի չունեմ ամեն մի մազի ու եղունգի ձևը: Այլ նրա արժեհամակարգի ամբողջական ու համպատասխան հերթականությունը:

[Ֆրեյա]

Իսկ կուրությունը արտահայտվում է նրանով, որ սկզբում չես նկատում թերությունները, իսկ հետո սկսում ես քիչ-քիչ նկատել ու մի պահ է գալիս, երբ արդեն այդ թերություններն էլ ես սիրում

Դաժան է...

Բայց մյուս կողմից էլ ` հրաշալի

եթե մարդիկ կարողանային ընտրել ում սիրել, ում չսիրել...

[Մանե]

կոնկրետ իմ դեպքում ոչԵթե սիրում եմ սրտով,ապա անպայման իր մեծ դերն է խաղում այդ սիրո մեջ նաև իմ մշտարթուն բանականությունը,որն էլ հենց ինձ խանգարում է սիրո հարցում,քանի որ նկատում եմ թե իմ,թե դիմացինիս ամենաչնչին թերությունն էլ ու դրանով իսկ բարդացնում կյանքս…չեմ ցանկանա,որ կույր լինի,քանի որ վերջիվերջո հենց այդ կուրության ու դրա դեմ որևէ բան ձեռնարկել չկարողանալու զգացումն էլ հենց ամենամեծ ցավն է պատճառում
իսկ եթե կույր լիներ,հիմա իմ կյանքում շատ բան այլ կերպ կլիներ,ինչը չէի ցանկանա