Հայաստանն ու Վրաստանը ռազմավարական հարաբերություններ կհաստատեն
Վրաստանը և Հայաստանը ռազմավարական հարաբերություններ կհաստատեն։ Այս մասին «Ռուսթավի–2» հեռուստաընկերությանը տված հարցազրույցում հայտարարել է Վրաստանի արտգործնախարար Գրիգոլ Վաշաձեն։ Այս մասին հաղորդում է ИТАР-ТАСС–ը։
«Կարծում եմ, որ դա տեղի կունենա մոտ ապագայում»,– նշել է նա։
Նախարարի խոսքերով՝ Հայաստանի հետ ռազմավարական հարաբերությունները կդառնան այս երկրի Արտաքին քաղաքականության նոր ռազմավարության բաղկացուցիչ մասը։
Այժմ Վրաստանի ԱԳՆ-ն՝ տեղի փորձագետների մասնակցությամբ, նոր փաստաթղթեր է պատրաստում, որոնք ծրագրված են 2009–2010թթ. համար։
Վրաստանի նախորդ ռազմավարական գործընկերների թվում էին ԱՄՆ-ը, Թուրքիան, Ուկրաինան և Ադրբեջանը։ Սպասվում է, որ նրանք նույնպես կպահպանեն այդ կարգավիճակը։
tert.am
Մեջբերել
Էջանիշներ