Գնալ աղջիկ տեսնելու

[Rhayader]

Շատ պարզ է թե ինչու չեք հասկանում , չեք հասկանում որովհետև դեռ մեծ փորձ չունեք, չեք տեսել ըստ երևույթին իսկական սերը ինչ է ...

Ոչ, չեմ տեսել, ու ընդհանրապես չեմ պատկերացնում, ինչպես է հնարավոր տեսնել սերը:
Բայց իսկական սեր զգացել եմ, ու բավականաչափ փորձ ունեմ, որ այն չխառնեմ սիրահարվածության կամ նման մի բանի հետ:

Ձեզ թվում է թե 1 տարի աղջկա հետ ծանոթ եղաք ապա ինքիրան սեր կծնվի կամ չի ծնվի ու դուք կորոշեք ամուսնանալ թե ոչ: Դա անիրատեսական մոտեցում է, դրա համար էլ մարդիկ տասնյակ տարիներով կդեգերեն ու սեր չեն գտնի:

Պարոնն ասաց իր հեղինակավոր կարծիքը:
Ո՞վ ես դու, որ արդեն մարդկությանն ես դատում ու սիրել սովորեցնում:

Այդպիսի բան չկա: Սերը դա երբ երկուսն էլ փոխում են իրենց կողակիցին, ամեն մեկը մի զիջում է անում իր եսից հանուն ընդհանուրի, իսկ այսօրվա երիտասարդությունը այնքան է կենտրոնացած սեփական Էգոյի վրա որ ընդունակ չի լիարժեք սերի դրա համար նստած թաղտին սպասում է դե երբ երկնքից կնկնի այն միակը ու անկրկնելին որի հետ ինքը լրիվ համատեղելի կլինի.... ուտոպիա....

Համատեղելիության պետք է հասնել: Բայց երբ զիջում ես, պետք է տեսնես, արդյո՞ք ձեռքբերածդ կորցրածիցդ քիչ չի:
Դու նորից դատում ես մարդկանց, Մարդուկ: Չգիտեմ, միգուցե իսկապես սիրում ես «հենց այդպես, ազատ», բայց հաշվի առ՝ ամեն մարդ իրենն է ստանում ու ամեն մարդ իր ճանապարհով է գնում:

[One_Way_Ticket]

Մարդուկ, այսինքն Դուք պնդում եք, որ եթե աղջիկն ու տղան իրար մի ամիս են ճանաչում, ապա ամուսնության հաջող լինելու հավանականությունն ավելի մեծ է, քան այն դեպքում, երբ իրար ճանաչում են մի տարի, ես ճի՞շտ հասկացա:

Իսկ "դուք երիտասարդ եք, խելքերդ չի հասնում"-ը գոտկատեղից ցածր հարված է: Սովորաբար մեծերը այն օգտագործում են, երբ ավելի լավ արգումենտներ չեն ունենում:

[Rhayader]

Սովորաբար մեծերը այն օգտագործում են, երբ ավելի լավ արգումենտներ չեն ունենում:

Մեծերն այն օգտագործում են, երբ ընդհանրապես արգումենտ չեն ունենում

Ինչևէ, հավատս չի գալիս, որ Մարդուկը «մեծ» է, ամենայն հավանականությամբ 27-32 տարեկան է:

[Dayana]

Էս թեման դեռ ծեծվումա? Թողեք հանգիստ էլի: Ով ուզում է գնա աղջիկ տեսնելու, թող գնա, տեսնի, սիրի -միրի, ինչ ուզում անի, իրա պրոբլեմնա, իսկ ով էլ ուզումա առանց պապաի ձեռքը բռնոլւ աղջկա հետ ամուսնանա, թող տենց անի: Էս անտերն ազատ անկախ պետությունա ու բոլոր 18+ անձիք ազատ անկախ մարդիկ են, ինչ ուզում են թող անեն, առանց ուրիշի պարտադրելու: Թե չէ մեկը մի բանա մտածում, մյուսը` մի ուրիշ ու էդ կարծիքները անխախտելի են: Էշին ինչքան ուզում ես ասա, որ ինքը ձիա, մեկը ինքը ձի չի դառնա Խնայեք ձեր և ձեր դիմացինի նյարդերը:

[Չամիչ]

Էս թեման դեռ ծեծվումա? Թողեք հանգիստ էլի

Եթե բոլոր թեմաները թողնենք հանգիստ, կմնա միայն զրուցարանը

Դայանա ջան, թեմաներն էլ հենց դրա համար են բացվում, որ ամեն մեկը, քննարկման ընթացքում ինչ որ նոր բան բացահայտի իր համար, մինչեվ հիմա ես օրինակ երբեք չէի խորացել այս թեմայի շուրջ, բայց ինչքան մտորում ես, էնքան հասկանում ես թե դեռ ինչքան մտորելու բան կա:

[Dayana]

Եթե բոլոր թեմաները թողնենք հանգիստ, կմնա միայն զրուցարանը

Դայանա ջան, թեմաներն էլ հենց դրա համար են բացվում, որ ամեն մեկը, քննարկման ընթացքում ինչ որ նոր բան բացահայտի իր համար, մինչեվ հիմա ես օրինակ երբեք չէի խորացել այս թեմայի շուրջ, բայց ինչքան մտորում ես, էնքան հասկանում ես թե դեռ ինչքան մտորելու բան կա:

Չամիչ ջան, կհամաձանվեի ձեր հետ, եթե միայն թեման չլիներ իար ինչ-որ բան համոզելու մասին: Մի մեծ բանակ փորձում է համոզել, որ աղջիկ տեսնոլւ գնալն անիմաստ է, մի ուրիշ շատ սակավ բանակ էլ հակառակն է պնդում, ու ոչ մի նոր բան չի գրվում: Զրուցարանում ավելի լուրջ քննարկումներ են գնում, դե գոնե թաքնված սիրո խոստովանություններ ու լուրջ բամբասանքներ

[*e}|{uka*]

Մի բան էլ ես պատմեմ, չնայաշ թեմային էտքան էլ չի համապատասխանում: Ուրեմն մի ամուսնական զույգ տեղափոխվում են նոր տուն՝ սեփական, ու հարևանի երիտասարդ տղան տեսնելով մի քանի անգամ հարևանի կնոջը, որը ամուսնուց բավականին երիտասարդ էր երևում (չնայած համարյա նույն տարիքի էին, ամուսնու մազերը ուղղակի շուտ էին սպիտակել), սիրահարվում է ու մամային պապային բզում ա, որ գնան նոր հարևանի տուն աղջկան ուզելու , մերը ու հերը նվերներ են վերցնում ու գնում ամուսնուց իր կնոջը ուզելու

Այսպիսի բաներ էլ ա լինում...

[Kuk]

Համ էլ խորհուր կտամ տղաներին իմանալ որ ցանկացած աղջկա համար էլ հաճելի է երբ իր շուրջ դվիժենի է:
Եթե տղան գալիս հասնում է տուն, աղջկա օջախ ուրեմն լուրջ տղա է, իսկ աղջիկները ուզում են լուրջ տղա:

Ինչի անլուրջ տղեքը չեն կարո՞ւմ հասնեն աղջկա օջախ

[erexa]

Եվրոպական երկներում մեր հայերի մեջ տարածված երևույթ է: Մի կողմից այն դրական եմ համարում, քանի որ այս երևույթի շնորհիվ, շատ հայ երիտասարդներ ամուսնացել և ամուսնանում են: Մյուս կողմից էլ բացասական եմ վերաբերվում: Նույնիսկ փոքր ժամանակվանից, ընկերուհուս էլ կատակով ասում էի մենք, որ մեծանանք տղու շորեր կհագնենք, մահճակալի տակ կպախկվենք, որ մեզ չգան տեսնելու: Այն էլ բախտս չբերեց: Շատ եմ լարվում այս երևույթից, դուրս չի գալիս, ո՛չ հաճելի երևույթ է:

[Արևհատիկ]

Յոժի գրածը կարդացի, ես էլ մի պատմություն հիշեցի
Ուրեմն մորքուրիս աղջիկը, տարիներ առաջ, ամուսնանում է, գնում Հոկտեմբերյան: Ինքն էլ տանը ազապ տալ ուներ: Որոշ ժամանակ անցնում է, մեկ էլ կիսուրին մի կնիկ է զանգում, թե էսօր գալու ենք, աղջկադ տեսնելու: Տղաս տեսել ա ու հավանել ա շատ:
Պատրաստվում են, հյուրերին դիմավորում են: Մեկ էլ աղջկան կանչում են, թե արի, ծանոթացեք: Էս տղան կանգնում ա, թե չէ, էս աղջիկդ չէր, մյուս աղջիկդ էր Էս կնիկն էլ ասում ա, որ ինքը հենց մի աղջիկ ունի և այլն:
Էդ պահին մորքուրիս աղջիկը թեյ է բերում, որ հյուրասիրի, տղան ասում ա այ էդ աղջկադ եմ հավանել
Կիսուրն էլ նայում ա էս տղային, թե.
«Տղա ջա՛ն, էս աղջիկը իմ հարսն ա, 3 ամսեկան էլ հղի ա» :

ՀԳ. Ահավոր ա

[Lion]

Նման մի իրական պատմություն էլ ես գիտեմ... ծայրահեղությունա