Ինչպիսի՞ն է ձեր վերաբերմունքը թմրամոլների նկատմամբ

[Մարկիզ]

Ախր…ոչ մի կերպ չեմ կարող ընդունել, որ այդ ասպարեզում գիտելիքների մեեեծ պաշար հավաքելով, ես կարող եմ արդարացնել մի մարդու, որը առանց մի րոպե մտածելու պատրաստ է իր զավակի սերը, հարգանքը փոխել մի քանի ժամ տևող հաճույքի հետ, որը ի վերջո կործանման է բերում… էլ ի՞նչ, եթե ոչ կամքը, ոչ էլ իծնե տրված ուղեղը մեզ ետ չպիտի պահի նման արարքից…
Հա… կներեք, չեմ ուզում վիրավորել ոչ ոքի, գիտեմ, իրավունք չունեմ, բայց չեմ կարողանում ընդունել…
Վեջ: Խոստանում եմ, էլ գրառում չանել այս թեմայում:

Չհասկացա: Ո՞վ է ում ինչում արդարացրել: Որևիցե մեկը թմրամիջոցների ոչ լեգալ գործածումը չի արդարացրել (ընդգծեմ, որ բոլորդ տեսնեք): Խոսքն այն մասին է, որ մեր հասարակությունը նրանց համարում է տականք, խուլիգան, սրբապիղծ, հիմար, ոչ մարդ (չմարդ), առանց հասկանալու, որ թմրամոլությունը, ալկոհոլիզմը խրոնիկական հիվանդություններ են, առանց հասկանալու, որ այդ հիվանդությունների հիմքում ընկած են այնպիսի պրոցեսներ, որոնք մարդուն ստիպում են անընդհատ չարաշահել թմրամիջոցներ կամ ալկոհոլ:

Հա, ասում ես ուղեղը… Հենց հարցն էլ այն է, որ մարդու գլխուղեղում են տեղի ունենում կախվածությունների ախտածագման գրեթե բոլոր պրոցեսները:

Հա… կներեք, չեմ ուզում վիրավորել ոչ ոքի, գիտեմ, իրավունք չունեմ, բայց չեմ կարողանում ընդունել…
Վեջ: Խոստանում եմ, էլ գրառում չանել այս թեմայում:

Իսկ սույն էմոցիոնալ ձևակերպումը, ներիր, բայց լուրջ չեմ համարում: Չնայած, մյուս կողմից էլ, եթե ասելու բան չկա, ի՞նչ պետք է ասես:

[Կաթիլ]

ստիպված եմ …

Իսկ սույն էմոցիոնալ ձևակերպումը, ներիր, բայց լուրջ չեմ համարում: Չնայած, մյուս կողմից էլ, եթե ասելու բան չկա, ի՞նչ պետք է ասես:

Մարկիզ ջան, հավատացնում եմ, որ դա ոչ թե էմոցիոնալ ձևակերպում էր, այլ ուղղակի, իրոք, ասելու բան չկա:
Իսկ արդարացնել ասելով, ես նկատի ունեի ոչ թե թմրանյութերի գործածումը (որպես օրենքի խախտում), այլ բարոյապես…

[Մարկիզ]

ստիպված եմ …

Մարկիզ ջան, հավատացնում եմ, որ դա ոչ թե էմոցիոնալ ձևակերպում էր, այլ ուղղակի, իրոք, ասելու բան չկա:
Իսկ արդարացնել ասելով, ես նկատի ունեի ոչ թե թմրանյութերի գործածումը (որպես օրենքի խախտում), այլ բարոյապես…

Կաթիլ ջան, շատ հեշտ է ձեռքերը ծալած նստել և այդ մարդկանց անվանել անբարոյական: Իսկ չե՞ք մտածում օգնել նրանց՝ նորմալ կենսակերպը վերականգնելու համար:

[masivec]

Ինչպիսի՞ն է ձեր վերաբերմունքը թմրամոլների նկատմամբ

Շատ նորմալ

[Կաթիլ]

Կաթիլ ջան, շատ հեշտ է ձեռքերը ծալած նստել և այդ մարդկանց անվանել անբարոյական: Իսկ չե՞ք մտածում օգնել նրանց՝ նորմալ կենսակերպը վերականգնելու համար:

Մարկիզ ջան, շատ հեշտ չի, ես կասեի նույնիսկ շատ դժվար է, երբ տեսնում ես աչքիդ առաջ կործանվող հասուն մարդու, որը սակայն ոչ մի կերպ չի ընդունում, որ ինքը կարող է ու պետք է հրաժարվի էդ անտեր "սպանիչից":
Կարծում եմ ամենաառջին գրառմանս մեջ կարդացել ես,

աչքիս առաջ է գալիս իմ ճանաչած միակ ալկոհոլիկ բարեկամը, որին շատ անգամներ ենք համոզել, բուժել, վերադարձրել նորմալ կյանքի,

բայց մեկ է…նա նորից ու նորից վերադառնում է իր խմիչքին: Կոնկրետ այս մարդու դեպքում "կամազուրկ" բառից բացի ես ոչինչ չեմ գտնում ասելու, հավատա, որ ինձ համար ցավալի է, բայց դա է իրականությունը: Թող որ սխալ լինեմ…բայց առայժմ իմ կարծիքը նույնն է մնում:

[Մարկիզ]

Մարկիզ ջան, շատ հեշտ չի, ես կասեի նույնիսկ շատ դժվար է, երբ տեսնում ես աչքիդ առաջ կործանվող հասուն մարդու, որը սակայն ոչ մի կերպ չի ընդունում, որ ինքը կարող է ու պետք է հրաժարվի էդ անտեր "սպանիչից":
Կարծում եմ ամենաառջին գրառմանս մեջ կարդացել ես, բայց մեկ է…նա նորից ու նորից վերադառնում է իր խմիչքին: Կոնկրետ այս մարդու դեպքում "կամազուրկ" բառից բացի ես ոչինչ չեմ գտնում ասելու, հավատա, որ ինձ համար ցավալի է, բայց դա է իրականությունը: Թող որ սխալ լինեմ…բայց առայժմ իմ կարծիքը նույնն է մնում:

Ուրեմն՝ աշխարհում չկա գեթ մեկ կախվածությամբ հիվանդ (չհաշված ուշացած դեպքերը՝ էնցեֆալոպաթիաները և այլն), ում հնարավոր չլինի ապացուցել և «ընդունել տալ», որ նա հոգեակտիվ նյութից կախվածություն ունի: Բոլորի դեպքում էլ շանսեր կան ռեմիսիաների հասնելու, թեկուզ կարճատև (շատ դեպքում նաև երկարատև), բայց կայուն ռեմիսիաների:

[Rammstein]

Ուրեմն՝ աշխարհում չկա գեթ մեկ կախվածությամբ հիվանդ (չհաշված ուշացած դեպքերը՝ էնցեֆալոպաթիաները և այլն), ում հնարավոր չլինի ապացուցել և «ընդունել տալ», որ նա հոգեակտիվ նյութից կախվածություն ունի:

Բա հենց էդ ա հարցը, որ կարող ա թմրամոլների մեծ մասը ընդունեն, որ իրենք սխալ են անում, բայց չկարողանան ազատվել։ Կամքը պետք ա ոչ թե սխալը ընդունելու համար, այլ` դրանից ազատվելու։

[aerosmith]

նորմալ ա վերաբերմունքս, ուղղակի մի բան կասեմ, որ իրանց շատ եմ խղճում, որ կամքի ուժ չունեն

[_DEATH_]

Ինչքան ուզում են թող քաշեն, ծակվեն, մենակ թե ինձանից հեռու:

[Վիշապ]

Գժոտ։ Մարդ են էլի…

[Interdenominational]

Ինչպիսի՞ն է ձեր վերաբերմունքը թմրամոլների նկատմամբ

Միանշանակ՝ բացասական:
Նույն կերպ, ինչպես, դիցուք՝ ջղագրգիռ, անհավասարակշիռ, կամ թեթևամիտ, անլուրջ, կամ կամազուրկ անձի վերաբերյալ…բարոյագիտական ճառ արտասանելը չէ նպատակս, այլ զատորոշիչ զուգահեռներ անցկացնելը ու մատնանշելը:

Ունեմ հեռավոր ծանոթներ, որոնց «ուղեպայուսակի» բաղկացուցիչ մասն է թմրանյութը /անկախ տեսակից/: Հավատացնում եմ ձեզ՝ նրանք հրաշալի մարդիկ են /կամ՝ ԷԻՆ/, փորձված-հաստատված ընկերներ, հարգված այրեր, ու իրենց գործում՝ հմուտ մասնագետներ, արհեստավորներ:
Այստեղ ես բավականին խիստ խոսքեր կարդացի նմանօրինակ մարդկանց մասին:
Ամեն անգամ /իսկ դա այնքան էլ հաճախակի չի պատահում/ նման որևէ մեկին տեսնելիս իր «վայելքի բուռն պահերին», ինչ թաքցնեմ մեղքս՝ ուզում եմ շրջանցել, չբարևելու համար՝ փոխել ուղիս: Ու ամեն անգամ սարսափում՝ որ այդ վիճակում նրան /նրանց/ կարող են տեսնել իրենց մայրերը, կանայք, կամ որ ավելի վատ՝ երեխաները:
Ու մեկուսի մտմտում՝ ինչի՞ց է սկսվում այս ամենը, ու ափսոսում, որ նրանք չունեն իրավիճակը իրատեսորեն գնահատելու հնարավորություն …և ընտրություն:
Կարծիքս խիստ չէ, և չեմ կարծում որ նրանց արժե դասել ինչ-որ ժանտախտավորների, բորոտների կամ սարսափելի վիրուսակիրների շարքը:
Արժե փորձել օգնել նրանց՝ մասնագիտական մակարդակով, զգուշորեն ու նրբորեն հետ վերադարձնելու նրանց ԱՅՍ ՝ իրականության աշխարհը:

[Հայկօ]

Բա հենց էդ ա հարցը, որ կարող ա թմրամոլների մեծ մասը ընդունեն, որ իրենք սխալ են անում, բայց չկարողանան ազատվել։ Կամքը պետք ա ոչ թե սխալը ընդունելու համար, այլ` դրանից ազատվելու։

Սխալ գիտես: Թմրամոլությունը հիվանդություն ա, ու ցանկացած հիվանդության նման ունի ֆիզիոլոգիական հիմք: Թմրամոլ մարդու օրգանիզմում բազմաթիվ փոփոխություններ են կատարվում, որոնց մասին դու տեղյակ չես, կարծում եմ: Մարկիզը ավելի լավ կկարողանա բացատրել: Դու քաղցկեղով հիվանդ մարդուն խորհուրդ կտա՞ս կամքի ուժով իր ուռուցքը բուժել: Բա թմրամոլին ինչու՞ ես խորհուրդ տալիս: Կամքի ուժը պետք ա թմրամոլ չդառնալու համար, բայց ոչ՝ թմրամոլությունից բուժվելու: Բուժվելու համար միայն կամքի ուժը քիչ է:

[Rammstein]

Թմրամոլությունը հիվանդություն ա, ու ցանկացած հիվանդության նման ունի ֆիզիոլոգիական հիմք: Թմրամոլ մարդու օրգանիզմում բազմաթիվ փոփոխություններ են կատարվում, որոնց մասին դու տեղյակ չես, կարծում եմ:

Սխալ գիտես։

Դու քաղցկեղով հիվանդ մարդուն խորհուրդ կտա՞ս կամքի ուժով իր ուռուցքը բուժել: Բա թմրամոլին ինչու՞ ես խորհուրդ տալիս: Կամքի ուժը պետք ա թմրամոլ չդառնալու համար, բայց ոչ՝ թմրամոլությունից բուժվելու: Բուժվելու համար միայն կամքի ուժը քիչ է:

Քաղցկեղը լրիվ ուրիշ բան է։ Եթե այդքան հեշտությամբ համեմատում ես քաղցկեղն ու թմրամոլությունը, ապա կարո՞ղ ես քաղցկեղի վրա կիրառել քո ասած այս նախադասությունը` «Բուժվելու համար միայն կամքի ուժը քիչ է:»։

Թմրամոլ չդառնալու համար կամքի ուժ պետք չի, այլ պետք ա խելք։

Նշեմ նաեւ, որ ես չեմ ասում, որ պետք է կամքի ուժով մի անգամից դադարեցնել թմրանյութի գործածումը։ Կարելի է նաեւ օրական կամ շաբաթական մի քիչ պակասացնելով հասցնել զրոյի, բայց դրա համար էլ է կամք պետք։

Կարճ ասած, ես համարում եմ, որ թմրամիջոցներից ձերբազատվելու համար գերակշռող դեպքերում ուժեղ կամքը բավարար է։

[Հայկօ]

Եթե այդքան հեշտությամբ համեմատում ես քաղցկեղն ու թմրամոլությունը, ապա կարո՞ղ ես քաղցկեղի վրա կիրառել քո ասած այս նախադասությունը` «Բուժվելու համար միայն կամքի ուժը քիչ է:»։

Հա, կարող եմ: Ու դու էլ հակառակը չեն կարող: Կամքի ուժով վնասված բջիջներ ու քայքայված հյուսվածքներ չեն վերականգնում: Թմրամոլությունից բուժվելու համար էլ թարգելը հլը քիչ ա:

[Կաթիլ]

Ինչքան էլ իմ ցանկությունը մեծ լինի օգնել թմրամոլին, կամ հարբեցողին, 1-ինը ինքը դա պիտի հասկանա, ուզի ու ընդունի…