Բաց եմ թողել իմ արեւը
Ուղիղ քո ափերի մեջ,
Տուր դու նրան քո թեւերը,
Թող սլանան դեպի վեր,
Թող սավառնեն հեռու-հեռու,
Սուզվեն թող ծով ամպերում,
Մեծ երկինքն է նրանց տեղը՝
Բարու, սիրո հեքիաթում:
Բաց եմ թողնում երազներս,
Թող միանան արեւին,
Որ թեւավոր արեւներս
Երազ ցոլան ողջ Երկրին:
Իմ արեւի վառ շողերը
Թող համբուրեն քեզ մի պահ,
Որ դու ապրես ողջ այն սերը,
Որ տվին ինձ քո թեւերը
Թռիչքում այս խելագար:
Հ.Գ. շնորհակալություն մուսայիս՝ Բամբիռի արեւ-Նարեկին
Մեջբերել
Էջանիշներ