այս թեման ինձ յուրահատուկ հետաքրքրեց, երբ պատահաբար կողքի սենյակից լսեցի մի քանի տղամարդկանց մեղմ ասած <<զրույցը>> : Իհարկե, ականջ դնելը վատ երևույթ է: Սակայն, հավատացեք, ձեզանից քչերը իրենց ետ կպահեին DVD-ի play կոճակը սեղմելուց, եթե իմանային, որ դրա մեջ, իրենց համար, երբևէ չբացահայտված պոռնոգրաֆիկ ֆիլմ կա: Զուտ մարդկային հետաքրքրասիրությունը կաներ իրենը: Իսկ տվյալ դեպքում ես չափազանց հետաքրքրասեր եմ:
Լավ, ինչու՞ ասացի պոռնոգրաֆիկ ֆիլմ, դա ի՞նչ կապ ունի լսածս զրույցի հետ: Տղամարդիկ պետք է որ միանգամից հասկանան, շատ ուղիղ: Նրանց խոսակցությունը հավասարազոր էր այդպիսի ֆիլմ դիտելուն: Նրանց կողմից օգտագործվում էին ամենավառ երանգավորումներ ունեցող սեռական գործողություն նկարագրող արտահայտություններ, սեռական օրգանների նկարագրում և այլն: Ու ինչն էր հետաքրքիր, նրանցից ամենազդեցիկը ամենաակտիվ բառապաշարը ուներ, և նրանք կարծես թե մրցություն անցկացնեին, թե ով ավելի կեղտոտ կխոսի, ու չի կրկնվի արտահայտությունների մեջ: Հենց այդ մեկն էլ ավելի հաճախ էր արժանանում մնացածի հավանությանը: Մի խոսքով, երբ նրանք սենյակից դուրս եկան, այնքան լիցքաթափված տեսք ունեին, կարծես 2 ժամ անցկացրած լինեին լավագույն spa սրահում: Եվ այդ ամենը այն արտահայտությունների շնորհիվ, որը կոչվում է հայհոյանք: Իսկ նրանք շատ ազդեցիկ ու արժանապատիվ մարդիկ են: Այնպես որ, եթե կլինեն մարդիկ, ովքեր կկասկածեն նրանց հոգեկան առողջության վերաբերյալ, միանշանակ ասեմ, որ դա այդպես չէ:
Ի՞նչ է հայհոյանքը: Ինչու՞ են մարդիկ հայհոյում:Ո՞րն է դրա անատոմիան:
Եթե նկատել եք հայհոյանքը կազմված է հիմնական 3 բաղադրիչներից, որոնք տիեզերքի կառուցվածքն են կազմում: Առաջին` տղամարդկային ակտիվ սկիզբ, ԻՆ: Երկրորդ` կանացի պասիվ սկիզբ, ՅԱՆ: Եվ երորդ` ՍԵՌԱԿԱՆ ԳՈՐԾՈՂՈՒԹՅՈՒՆ, որով էլ առաջին երկուսը բազմանում են:
Իհարկե, դրանք լինելով հայհոյանքի բուն 3 բաղադրիչներ, գործածվում են իրենց բուն իմաստային բառերով: Իսկ այդ բառերը ուղակի բառեր չեն, դրանք ունեն ներքին շատ հզոր էներգետիկա:
Օրինակ ֆրանսերենում այդ բառերը ավելի գեյական երանգներ ունեն, գերմաներենում այնքան էլ բազմանշանակ չեն: Ռուսերենը շատ ավելի հարուստ է այդպիսի բառերով: Անգլերենը հարուստ է, սակայն ունի թույլ էներգետիկա: Հայերենում այդպիսի բառերը ունեն շատ ուժեղ էներգետիկա: Դա պարզվել է, երբ տարբեր ազգի ներկայացուցիչների խնդրել են օգտագործել և լսել այդպիսի բառեր: Նրանց մոտ տարբեր ֆիզիոլոգիական փոփոխություններ են գրանցվել:
Պարզվում է հայհոյանքը ունի իր մագիան: Որքան հին է ժողովուրդը, այնքան ուժեղ է հայհոյանքի էներգետիկան: Դարեր առաջ այդ հայհոյական բառերը չեն գործածվել մարդկանց կողմից, վիրավորանք հասցնելու համար, սակայն, ոչ թե էթիկայի նորմեր պահպանելու պատճառով, այլ նրա համար, որ կին տղամարդ հարաբերությունից ծնված երեխան համարվել է հրաշք: Եվ սեռական օրգանները, որոնք հրաշքի գլխավոր գործիքներն են համարվել, նույնպես ընդունվել են հրաշքի մաս: Եվ այդ մասին խոսելը մարդկանց մոտ ոչ թե կոչվել է հայհոյանք, այլ գրգռիչ զրույց հրաշքների մասին:
Չի եղել ցենզուրա կոչվածը: Այն, թերևս, առաջացել է Քրիստոսից հետո: Երբ սեռական ակտը դիտարկվել է շնություն, և դրան տրվել է մեղքային երանգ:
Եվ այսօր, ժամանակին որպես հրաշք դիտարկվող հայհոյանքի 3 բաղադրիչները, համարվում են վիրավորական և էթիկային չհամապատասխանող: Սակայն հայհոյանքը կա ու կմնա մեր կենցաղում:
Ինչու՞ է մարդկանց մոտ կարիք առաջանում հայհոյելու: Մանավանդ տղամարդկանց մոտ: Չնայած որ, քիչ չեն հայհոյող կանայք, ինձ համար զզվելի երևույթ: Նույնիսկ սենյակում մենակ լինելով էլ, չեմ կարող բարձրաձայն էդպիսի բառեր ասել:
Ուրեմն, վիրաբույժները փորձ են անցկացրել, մի սենյակում տեղավորելով հայհոյող, իսկ մյուսում չհայհոյող տղամարդկանց: Զարմանալիորեն արագ են ապաքինվել հայհոյողները, ովքեր ամբողջ օրը իրենց տղամարդկային զրուցներում օգտագործել են հայհոյանքներ, պարզվում է նրանց մոտ ավելի շատ է արտադրվում անդրոգենը: Որն էլ հանդիսանում է բնական հակաբորբոքիչ և ռեգեներատոր:
Իսկ այ անդրոգենը վատ է անդրադառնում կանանց վրա: Կոսմետոլոգները պնդում են, որ հայհոյող կանանց մոտ նկատվում է մազակալում, ձայնի կոշտացում:
Պարզվում է տղամարդիկ հայհոյելով կարծես անցկացնում են <<սեռական խոսակցություն>> : Որն էլ իր հերթին խթանում է սեռական էներգիան` լիբիդոն: Այսինքն կենսական էներգիան: Դա ինչ որ դոպինգի տեսակ է, որի չափը պետք է վերահսկվի, այլապես կարող է վերածվել հիվանդության, ինչպես նարկոմանիան:
Հայհոյական լեզու ունեն բոլոր ազգերը, իսկ որոնք չունեն, ուղղակի մահացել են: Երբ դիտարկում ես այլ ազգերի դեպքերը, հասկանում ես, որ դա մշակույթի մի մաս է:
Օր.` Սվանետիայում, տարվա մեջ օր կա, կոչվում է հզորության օր: Բոլոր չամուսնացած տղամարդիկ մերկացնում են իրենց <<հզորությունը>>: Եվ շուրջպար են բռնում: Այդ ընթացքում երգում են հայհոյական տեքստով երգ, որում գովաբանում են իրենց <<հզորությունը>> և դրանով վախեցնում չար ուժերին:
Կամ էլ անգլիացիները, հին հնդիկները ունեցել են ամուսնական երգեր, որոնք նման են ամենավառ այսօրվա պոռնոֆիլմերին: Այսինքն երգում մանրամասն նկարագրվել են գործողություններ, որոնք կոչվում են հայհոյանք, և կարող են ֆիլմի սցենար հանդիսանալ:
Հայհոյանքի էներգետիկան տարբեր կարող է լինել, կախված դրա ասելու տեղից, ձայնի տոնից, ժամանակից:
Զրուցում էի եկեղեցու ծառայողի հետ և նա ասաց, որ մեկ հայհոյանքը կարող է փչացնել մեկ տարվա ինքնամաքրումը:
Տղամարդիկ հայհոյում են, երբ զայրացած են, երբ ուրախ են, հայհոյական խոսքեր կարող են շշնջալ սեր անելիս, նույնիսկ արտասվելիս, երդվալիս: Եթե հայհոյանքը դիտենք որպես պոռնոգրաֆիայի տեսակ, ապա եկեք, գոնե, երեխաներին հեռու պահենք դրանից: Իմանանք չափը և լիցքաթափվենք առանց դիմացինին վիրավորելու:
Որքանով որ կինն է հանելուկային, այնքան էլ տղամարդու աշխարհն է շատ դեպքերում անպարզ ու անհասկանալի մեզ` կանանց համար:
Ինչ կարծիք ունեք դուք` ֆոռումի տղամարդիկ: Այս հարցը բավականին համարձակություն կպահանջի ձեզանից, քանի որ անհրաժեշտ է մաքսիմում անկեղծություն: Եթե ձեր կարծիքը ոչ ֆոռումային է, կարող եք առանձին գրել, բայց ավելի լավ է ընդհանուրում:
Փորձենք ավելի լավ հասկանալ իրար: Մի շատ անկեղծ տղամարդ ասաց տղամարդիկ լինում են 2 տեսակ` հայհոյում են, կամ չեն հայհոյում: Ես վստահում եմ իրեն և առաջարկում եմ հարցում կոնկրետ 2 տարբերակով: Հետաքրքիր է ձեր քվեարկությունը, մասնակցեք
Մեջբերել
Էջանիշներ