Բեկու՞մ
Էլ սենտիմենտալ չեմ ուզում լինել,
Ուզում եմ փոխել լացս ծիծաղի,
Չեմ ուզում բախտս իզուր այպանել,
Ուրիշի հոգսից լացել դառնաղի:
Դուրս գամ սարերը, թռչնաբուն վառեմ,
Զատկին միս ուտեմ, թքեմ ջրհորում,
Դատավորներին խաբեմ՝ կաշառեմ,
Բարիք չգործեմ երբեք իմ օրում:
Բոլորի մեղքը ես ինքս գործեմ,
Ու խուսափելով դատից, ատյանից,
Քավումն աշխարհի փուչ գլխին բարդեմ
Ու դարձյալ դժգոհ մնամ աշխարհից…
Չեմ ուզում լինել էլ լալկան ու թույլ,
Չեմ ուզում ապրել առաջվա նման…
…………………………………………
Միայն, խնդրում եմ, նկարդ ինձ տւր,
Որ ես համբուրեմ գիշերները այն:
Մեջբերել
Էջանիշներ