Կյանքի խոսք (խարիզմատներ)

[Moonwalker]

Քեզ ուղղակի մի քանի հարց, խնդրում եմ առանց խոսքը շեղելու ուղիղ պատասխան տաս՝

1. Քո կարծիքով բոլոր մարդիկ կործանվելու են, ու իրանք սխալ են, բացի հայ առաքելականների՞ց, խնդրում եմ պատասխանելուց առաջ հիշես, որ աշխարհում կա 7 մլրդից ավել մարդ, իսկ առաքելակններն իրանց մի տոկոսն էլ չեն կազմում:

Ինձ թույլ կտամ ընդհանրապես առաքելականներին վերաբերվող առաջին հարցիդ:
Նախ, Հավատո հանգանակից կատարված մեջբերումը տեղ է ունի նաև կաթոլիկների (...Et unam, sanctam, cathólicam et apostólicam Ecclésiam), հույն ուղղափառների (...Εἰς μίαν, Ἁγίαν, Καθολικὴν καὶ Ἀποστολικὴν Ἐκκλησίαν), ռուս ուղղափառների (...И во единую, Святую, Вселенскую и Апостольскую Церковь.), անգլիկանների (...In one holy catholic and apostolic Church) ու այլ եկեղեցիների դավանաբանության մեջ: Իմա՝ նկատի է առնվում հանգանակի տվյալ հատվածի ընդունման ժամանակ (381թ. Կ. Պոլսի լրացումներ) գոյություն ունեցած միակ, ընդհանրական, առաքելական, սուրբ եկեղեցին:
Էլ չասած, որ նշածդ 7 միլիարդից զգալի հատվածն ավելի շատ համապատասխանում է Պողոս առաքյալի Հռոմեացիներին ուղղված թղթի բնորոշմանը (2:14,15):

Թեև կարծում եմ, որ ամեն ոք նախ պիտի իր հավատը քննի (ա լա Բ Կորնթացիս 13:5), բայց կարծում եմ տեղին է հիշել Տիրոջ խոսքերը.
«Ոչ ամէն մարդ, որ ինձ «Տէ՜ր, Տէ՜ր» է ասում, երկնքի արքայութիւն կը մտնի, այլ նա՛, ով կատարում է կամքը իմ Հօր, որ երկնքում է։ Այն օրը շատերն ինձ պիտի ասեն. «Տէ՜ր, Տէ՜ր, չէ՞ որ քո անունով մարգարէացանք եւ քո անունով դեւեր հանեցինք եւ քո անունով բազում զօրաւոր գործեր արեցինք»։ Եւ այն ժամանակ ես նրանց պիտի ասեմ. «Ես ձեզ երբեք չեմ ճանաչել, հեռո՛ւ կացէք ինձանից դուք ամէնքդ, որ անօրէնութիւն էք գործում»։