Սիսեռաբուժություն

**Nasha** · 22.02.2009, 16:34

Սիրելի ակումբցիներ, ինձ հետաքրքիր է դուք ինչ գիտեք սիսեռաբուժության մասին, արդյքո լսել եք, որ այս մեթոդով բուժվողներ կան, եթե չգիտեք, ասեմ, որ սա քաղցկեղի դեմ բուժման այլընտրանքային մի ձև է, որն առաջարկում է Ամերիկայի մեր հայրենակից Ջորջ Աշկարը, եթե ինչ որ բան գիտեք կամ լսել եք այս բուժման մասին գրեք խնդրում եմ

**Jarre** · 22.02.2009, 16:43

Ինքս չեմ ուսումնասիրել և քիչ տեղեկություններ ունեմ, բայց նկատել եմ որ խիստ տարբեր կարծիքներ կան։ Ունեմ ծանոթներ ովքեր ամեն կերպ պնդում են, որ իրենց օգնել է։ Նրանցից մեկը շատ լուրջ հիվանդ էր, և բժիշկները շատ կարճ ժամանակ էին տվել, բայց մեկ տարի է սիսեռաբաուժությամբ է զբաղվում ու կա լավացում։ Ունեմ ծանոթներ էլ, ովքեր բժիշկներ են, և կտրականապես դեմ են (ոչ այն պատճառով որ իրենց գործին խփում է

)

Իսկ անձամբ ես գերադասում եմ բժշկական միջամտություն, բայց չունեմ կատեգորիկ վերաբերմունք։

**StrangeLittleGirl** · 22.02.2009, 17:33

Ունեմ ծանոթներ ովքեր ամեն կերպ պնդում են, որ իրենց օգնել է։ Նրանցից մեկը շատ լուրջ հիվանդ էր, և բժիշկները շատ կարճ ժամանակ էին տվել, բայց մեկ տարի է սիսեռաբաուժությամբ է զբաղվում ու կա լավացում։

Պլացեբո

Նախորոք ծունկի վրա սոխ են դնում, որը փոս է առաջացնում և այդ փոսի մեջ դնում են սիսեռը, ժամանակի ընթացքում սիսեռով չափով խորանում է ու անընդհատ այդ անցքից թարախ է դուրս գալիս, մաքրում է էլի մի տեսակ

Կիտ ջան, չլինի դա սիսեռ, լինի խաղողի հատիկ կամ էլ 10 դրամանոց, մեկ ա, եթե մաշկի վրա անցք բացես, մեջը դնես ու էդպես թողնես, թարախակալելու է: Էդ թարախը ոչ թե վերևներից է գալիս, այլ հենց ծնկից: Զարմանում եմ` ոնց կարելի է նման միջոցների վստահել: Մեր դասախոսներից մեկն էր պատմում, թե ոնց էր իր հիվանդներից մեկը հավատը կորցրել բժշկի նկատմամբ ու դիմել սիսեռաբուժության: Դրանից կարճ ժամանակ անց հիվանդի կինը ահաբեկված զանգել էր նախկին բժշկին: Պարզվում է` թարախաբորբոքային պրոցեսն էնքան էր խորացել էդ մարդու մոտ, որ հասել, ոսկրն էր քայքայել: Էդ մարդու քաղցկեղը չբուժվեց, ոտքն էլ հետը: Մի խոսքով, մի պրոբլեմը երկուս արած մեռավ:

Ինչ վերաբերում է անձամբ ինձ, ապա ես խիստ բացասաբար եմ մոտենում բուժման այս ձևին ու էլի ոչ նրա համար, որ գործիս կխփի: Ուղղակի ոչ մի տրամաբանություն չեմ տեսնում բուժման այս տեսակի մեջ: Բուսաբուժության ժամանակ հաճախ հիմնավորված է լինում, թե ինչու է այս կամ այն բույսը նշանակվում, բայց սիսեռաբուժության հիմնավորում դեռ չեմ տեսել:

***Կտրուկ*** · 22.02.2009, 23:15

օրգանիզմի ընդհանուր վիճակի լավացման համար բավական օգտակար է ամեն առավոտ. գոլ ջրով. կուլ տալ մեկ սիսեռահատիկ ։ անհրաժեշտ է սիսեռի սուր ծայրը կտրել։
իսկ քաղցկեղի պարագայում ՝ 400 բուժված։կարծում եմ քիչ թիվ չէ։
http://www.azg.am/AR/2008051520

**StrangeLittleGirl** · 23.02.2009, 00:45

Կարդացի: Շատ կներեք, ախմախ հոդված էր:

քանի որ խոսքն այսօր աշխարհում տարածված եւ անբուժելի համարվող առաջին հիվանդություններից մեկի` քաղցկեղի մասին է

Քաղցկեղն անբուժելի չէ: Առաջին փուլում հայտնաբերման դեպքում բուժումը բավական բարձր արդյունք է տալիս:

Ոչ վաղ անցյալից մեզ քաջ հայտնի օրինակ է «Արմենիկումի» պատմությունը, որը պետք է բուժեր դարի անբուժելի հիվանդություններից մեկը` ՁԻԱՀ-ը (ձեռքբերովի իմունաանբավարարության համախտանիշ):

Նույն կերպ և ՁԻԱՀ-ը: Այսօր աշխարհում անբուժելի հիվանդություններ չկան: Կան երկարատև ընթացքով խրոնիկական հիվանդություններ: ՁԻԱՀ-ը դրանցից է: Իսկ չիմացողների համար ասեմ, որ Արմենիկումը բավական լավ դեղ է, կիրառվում է նաև խրոնիկական հեպատիտների բուժման ժամանակ:

Այդուհանդերձ, Ջորջ Աշկարի մեթոդը, իր հավաստմամբ եւ ներկայացրած օրինակներով, գործնականում բուժել է շատ մարդկանց` այդ թվում 300-400 հայերի, որոնցից միայն 8-ն են մահացել:

Ընդամենը "բուժողի" խոսքերը բավարար չեն: Այսօր ես էլ կարող եմ կանգնել, ասել, որ ջուր խմացնելով հազար հոգու բուժել եմ: Հետո՞: Գիտության մեջ կան տերմիններ, որոնցից է մեկ տարվա ապրելիություն, հինգ տարվա ապրելիություն: Այդպիսով գնահատվում է բուժման արդյունավետությունը, այսինքն՝ առաջին անգամ հիվանդության հայտնաբերվելուց և բուժում ստանալուց հետո հիվանդների քանի՞ տոկոսն է մեկ տարի ապրում, քանի՞սը հինգ: Եվ միայն հինգ տարուց ավելի ապրածներն են համարվում լիովին առողջացած: Մեր հարգարժան ֆիզիկոսն ի՞նչ չափանիշներով է որոշում հիվանդների բուժված լինելը: Միայն ա՞յն, որ քաղցկեղը թողած կենտրոնացել են ոտքի թարախաբորբոքային պրոցեսների վրա, մոռացել, որ ավելի լուրջ հիվանդություն ունեն:

«Դա էլ իրենց պատճառով է եղել, որովհետեւ նախ հիվանդության շատ խոր փուլում է եղել, հետո` իմ մեթոդով բուժմանը զուգահեռ նրանք շարունակել են քիմիաթերապիա ընդունել, իսկ դա հենց մահ է»

Հահահա՛, հիվանդության շատ խորը փուլ… Պիտի նշեմ, որ, ցավոք, Հայաստանում քաղցկեղը սովորաբար հենց այդ խորը փուլում է ախտորոշվում:

Քաղցկեղի բուժման Ջորջ Աշկարի մեթոդը կարելի է անվանել սիսեռաբուժություն: Նրա նկարագրությամբ, իր մեթոդով քաղցկեղի ամբողջ բուժումն արվում է սիսեռով, որը մարմնի հիվանդ հատվածից, այսինքն` քաղցկեղի հատվածից առաջացնում է ջրային մասի հոսք եւ հեռացում, մարմնից դուրս են գալիս բոլոր թունավոր եւ օտար տարրերը, վարակ էլ չի առաջանում:

Ֆանտաստիկա: Ես սիսեռաբուժության մի դեպք գիտեմ: Իսկ այդ մի դեպքում լավ էլ վարակ առաջացել է: Չլինի՞ սիսեռը ֆագոցիտային կամ հակամարմնային հատկություն ունի, և վերքից ներթափանցած մանրէներին տեղում ոչնչացնում է:

«Սա է իսկական բուժումը, ոչ թե այն, ինչն այսօր անում են առողջապահական կենտրոնները: Նրանք կտրում են քաղցկեղի մասը, բայց դրանով չեն վերանում օրգանիզմում եղած քաղցկեղածին նյութերն ու պրոմոտորներն, ընդամենը քչանում են, դրա համար էլ մի երկու տարի անց քաղցկեղն էլի երեւում է եւ չի էլ բուժվում: Հեռացնելով քաղցկեղի մասը` բժիշկները վերացնում են հետեւանքը, բայց ոչ երբեք պատճառը, այնինչ հիվանդության պատճառը պետք է վերացնել»

Քաղցկեղի մի մա՞ս: Մեր պարոնը երևի չգիտի, թե ինչ է նշանակում ռադիկալ վիրահատություն, չգիտի, որ քաղցկեղը հեռացնելիս ահագին մաս էլ առողջ հյուսվածքներից են վերցնում ապահովության համար, չգիտի, որ քաղցեղի բուժումը միայն վիրահատությամբ չի սահմանափակվում, կա նաև քիմիաթերապիա և ճառագայթային թերապիա, իսկ որոշ տեսակների դեպքում նաև բուժման այլ մեթոդներ, չգիտի, որ էսպես թե էնպես քաղցկեղով հիվանդը ստիպված է փոխել իր ապրելակերպը:

ասում է ֆիզիկոսը` հավելելով, որ սիսեռի միջոցով քաղցկեղածին բոլոր տարրերն են դուրս գալիս օրգանիզմից, դրա համար էլ հիվանդությունը բուժվում է:

Փաստորեն, մեր հարգարժան ֆիզիկոսը տեղյակ չէ, որ քաղցկեղի առաջացման մեջ մեծ դեր ունեն գեները: Թե՞ սիսեռն էդ գեներն էլ է ինչ-որ հրաշքով դուրս բերում քրոմոսոմներից: Եթե էդպես է, էդ ո՞նց է անուղեղ սիսեռը որոշում, թե որն է քաղցկեղի գեն, իսկ որը՝ առողջ, և միայն քաղցկեղի գեներն է դուրս բերում: Բա եթե սենց բան կա, ասեք՝ ժառանգական հիվանդություններն էլ սիսեռով բուժենք:

Դատավարությունից հետո Ջորջ Աշկարին արգելել են իր մեթոդով բուժում իրականացնել, սակայն թույլատրված է նրա մեթոդն օգտագործել, եթե ցանկություն ունեցողներ կան:

Հարց. եթե արդյունավետ միջոց է, ուրեմն ինչու՞ են արգելել նրան շարունակել մարդկանց "բուժել":

Հ.Գ. Կներեք արտահայտությանս համար, բայց մի հատ էլ քաքաբույժ էր հայտնվել վերջերս:

***Կտրուկ*** · 23.02.2009, 01:27