voter-ի խոսքերից
voter, ես նույնպես ավելի քան համոզված եմ, որ դու համարյա մենակ ես բարբաջում էստեղ: Իսկ թեմայի վերնագիրը կարդացե՞լ ես: «Հանրահավաք և երթ մարտի 1-ին»: Այսօր արդեն մարտի 5-ն է, քննարկումներն այստեղ շարունակելն այլևս նպատակահարմար չէ: Զրույցը կարելի է շարունակել այլ թեմաներում:
Իսկ այն, որ դու նորից շարունակում ես մարդկանց բաժանել «ԼՏՊ-ական / ոչ ԼՏՊ-ականների», ընդ որում՝ գրում ես, որ որոշ «ոչ ԼՏՊ-ականներ» էլ են դրական կարծիք հայտնել ելույթի մասին, ու դրանից հետևություն ես անում, որ «ԼՏՊ-ականները» գուցե հուսահատվել են, ստիպում է կասկածով նայել քո մտածական ունակություններին: Մարդիկ հորոսկոպով չեն բաժանվում «լևոնական - ոչ լևոնականների», և ոչ էլ «լևոնական» լինելը կարմա է: Պարզապես լինում են ելույթին (մարտավարությանը, վարած քաղաքականությանը, գաղափարախոսությանը) դրական և բացասական վերաբերվող մարդիկ: Ու վերջ: Մնացածը դեմագոգիա է: Զոմբիներ, հոգեխանգարվածներ, ջհուդմասոններ, համաշխարհային դավադրություն, ՍՍ, ՌՔ, Ինտելեկտուալ (c)... Համակարծի՞ք են հիմա՝ իմ քաղաքական ճամբարից են, քննադատու՞մ են՝ քաղաքական հակառակորդ են: Այն, որ որոշ «հակալևոնականներ» դրական են արտահայտվել ելույթի մասին, ինձ կարող է միայն ուրախացնել և ոչ՝ հակառակը: Իսկ քո գրած խանդի տեսարանը, ցավում եմ, բայց այսօրվա իրականության մեջ տեղ չունի: Սա բեմ չէ, մենք էլ Օթելլո-Դեզդեմոնա չենք:
voter, եթե հանկարծ 999.999 մարդ հավաքվեր և գոռար «Լևոն, նախագահ», դու նրանց կմիանայի՞ր: Իսկ եթե գոռային «Պարույր, նախագահ» կամ «Վահան, նախագա՞հ»: Ինչ-որ մեկին կմիանայի՞ր ընդհանրապես: Չե՞ս կարծում, որ հիմա միայնակ գայլերի դարն անցել է. կամ դու ես միանում, կամ այնպես ես անում, որ քեզ միանան: «Քաղաքականությունում» ամենաակտիվ անդամներից մեկն ես, սակայն դեռ հստակ արտահայտված քաղաքական կողմնորոշում ցույց չես տվել: Ոչ մի կոնկրետ բան չես առաջարկել: Ոչ մի տարբերակում չես դրել ամենատարբեր քաղաքական գործողությունների մեջ՝ ամեն ինչին հավասարապես ոչնչացնող գնահատական տալով: «Քադում» էին բուրգը՝ կծու ծիծաղում էիր: «Սահմանադրության շրջանակներում» են գործում՝ ծաղրում ես ու հրճվում: Իմ տպավորությամբ՝ նույնիսկ «հավերժ ընդդիմադիր» էլ չես, այլ «հավերժ թունոտ բողոքավոր» (հազար ներողություն): Եվ ուրեմն հարց. ի՞նչ օգուտ: Ու՞մ համար: Որպես ի՞նչ:
Մեջբերել
Էջանիշներ