Հայեր, ինձ թվում է, դուք մի փոքր պրիմիտիվացրել եք պոռնոգրաֆիա հասկացությունը՝ այն համարելով զուտ միայն սեռական ակտի ժամանակ սեռական օրգանների բացահայտ ցուցադրություն, իսկ ավելի բացասականացնելու համար որոշ գրառումներ ակնարկում են ֆետիշիզմն ու մանկապղծությունը։ Կարելի է նաև ավելացնել տրանսսեքսուալ, սադոմազոխիստական և այլ այլասեռված ժանրերը, որպեսզի վերջնականապես պոռնոգրաֆիան համարենք բացասական երևույթ ու դրանով էլ փակենք թեման։Իսկ պոռնոգրաֆիան լայն հասկացություն է, կախված՝ թե սեռական ակտն ու սեռական օրգանները ինչ դրվագներով ու ինչ իմաստով են ցուցադրվում։ Նույն կերպ կարելի է երկար բարակ խոսել սերալների, սարսափ ֆիլմերի, մարտաֆիլմերի բացասական ազդեցությունների մասին, առանց խորանալու էության մեջ։ Օրինակ գազանաբար սպանությունների տեսարաններ պարունակող ֆիմերը մի՞թե ավելի գերադասելի է նայել թեկուզ մեծահասակներին։ Կարծում եմ պետք չի ընդհանրացնել, կան բաներ, որոնք նույնիսկ անհրաժեշտ է նայել մեծահասակներին։ Պոռնոգրաֆիան նաև արվեստի ժանրերից է, պոռնոգրաֆիկ կտավներ էլ կան
Ոչ էժանագին, իմաստալից սցենար պարունակող պոռնոգրաֆիան նույնիսկ կարող է փոխել մարդու հայացքները թեկուզ սեռական կյանքի ոլորտում, փշրել կարծրատիպեր, որից ասենք նրա ամուսնական կյանքը ավելի հագեցած կարող է դառնալ, ինչքան էլ տարօրինակ հնչի։ Ուրեմն պետք է առանձնացնել, թե պոռնոգրաֆիա ասելով ինչը նկատի ունենք։ Էժանագին պոռնոն, որտեղ զուտ մի ինչ–որ զանգված սեռական գործողության մեջ է, բնականաբար միայն տարբեր անասնական բնազնդեր է արթնացնում ու բթացնում է միտքը, բայց կան այնպիսիք, որ տեսահորիզոն են լայնացնում։ Օրինակ ես վերջերս կնոջս հետ նայել եմ Տինտո Բրասի «Կալիգուլա»–ն, որում լիքը բացահայտ պոռնոտեսարաններ կան։ Խորհուրդ կտամ նայել այդ «այլանդակությունը», որը վերջերս պոռնոֆիլմերից ցուցակից հանվեց ու մտցվեց պատմական ֆիլմերի ցուցակ
Մի խոսքով չարժե ընդհանրացնել, պարզապես կան մարդիկ, որոնց ուղեղը առանց պոռնա նայելու էլ ծայրից ծայր պոռնո է, ու նրանք պոռնո նայում են միայն լրացնելու իրենց ուղեղի մնացած դատարկ մասերը, իսկ մեզ էլ թվում է, թե նրանց պոռնո նայելն է փչացրել, այնինչ նրանք էն գլխից փչացած են։ Իսկ դեռահասներին ու սահմանափակ աշխարհայացքի տեր մարդկանց բնականաբար պոռնոգրաֆիա նայելը հակացուցված է, քանի որ պոռնոգրաֆիան հեշտությամբ է լցվում ու մնում այնտեղ, որտեղ ոչինչ չկա, քանի որ սկզբում եղել է ոչինչ, այնուհետև պոռնոգրաֆիան, ու խավարից ծնվեց լույսը…
Մեջբերել
Էջանիշներ