Ցուցահանդեսում կարող եք տեսնել Հայաստանի պոչամբարներն ու հանքերը,
լուսանկարներին կից հակիրճ տեքստերից կտեղեկանաք դրանց վտանգավոր, կործանարար ազդեցության մասին:
Կտեսնեք, թե ինչպես են պոչամբարներից հոսող ջրերը թափվում գետերը` թունավորելով Արաքսը, Մեղրին, Ողջին, Դեբեդը և այլ գետեր:
Հայաստանում 20-ին մոտ մեծ ու փոքր պոչամբարներ (հանքարդյունաբերական թունավոր թափոնատեղիներ) կան,
որոնք մեծ վտանգ են ներկայացնում ինչպես մարդու առողջության, այնպես էլ շրջակա բուսական, կենդանական աշխարհի համար, թունավորելով հողը, օդը, ջուրը:
Լուսանկարներում պատկերված կտեսնեք նաև Թեղուտի անտառը, որտեղ մեծ թափով շարունակվում են անտառահատումները
և որին մոտ ապագայում սպառնում է պոչամբարի վերածվելու տխուր ճակատագիրը:
Ցուցահանդեսը նպատակ ունի իրազեկել հասարակությանը հանքերից բխող էկոլոգիական լրջագույն խնդիրների վերաբերյալ:
Այն նաև պատկան մարմիններին ուղղված ահազանգ է, հանքերի շուրջ տիրող աղետալի իրավիճակին անհապաղ արձագանքելու, անհետաձգելի քայլեր ձեռնարկելու պահանջ:
Հունվարի 30–ից փետրվարի 4-ը՝ Ցիտադելի նախասրահում, փետրվարի 5-9՝ Նարեկացի Արվեստի Կենտրոնում։
Մեջբերել
Էջանիշներ