Շախմատի գերմրցաշար. Վեյկ ան Զեե

[Moonwalker]

Կարճ ասեմ, գնամ: 2/2՝ երկրորդ հաղթանակը Վեյկ ան Զեեի գերմրցաշարի երկրորդ տուրում: Այս անգամ «զոհը» Նահանգները ներկայացնող Հիկարու Նակամուրան: Տպավորիչ պարտիա, թագուհու զոհաբերություն, ցայտնոտային լարվածություն ևն: Այսօրվանից հետո Լևոնը միանձնյա առաջատարն է:



Անհատական վարկանիշների աղյուսակում ավելի ու ավելի են ընդգծվում համաշխարհային շախմատի երկու առաջատարները՝



Վաղը երկու հսկաները կխաչեն սուսերները՝ Կարլսեն - Արոնյան

Հ.Գ. Պարտիայից հետո՝

[Moonwalker]

Քննությունների շրջան ա, ժամանակ չունեմ պարտիաներին մանրամասն անդրադառնալու , բայց չէի կարող չասել. 4-րդ տուրից հետո՝ առաջին հանգստյան օրվանից առաջ, մրցաշարային աղյուսակում երկիշխանություն է (կարծես թե հետ է գալիս 2Կ-երի գերիշխանության շրջանը), առջևում են Կարլսենը (մեքենա, կիբորգ. երեկվա նրա հաղթանակը Լևոնի նկատմամբ լավ հիշողություններ էր առաջացնում 3-րդ Կ-ի՝ Վիկտոր Լվովիչի լավ տարիներից) ու Լևոնը (ռոմանտիկ ոճ՝ հակաոչոքիականություն. 4 պարտիայում՝ +3-1): Ոչ հեռավոր ապագայում այս երկուսից շախմատային հանրությունը սպասելու է ոչ մեկ դիմակայություն շախմատային գահի համար:



Լևոնը այսօրվա հաղթանակից հետո՝

[Moonwalker]

Լևոնի 4-րդ հաղթանակը (6 հնարավորից):

«Սեփական» տարածքում՝ Մոդերն Բենոնիում ամբողջովին գերազանցվեց ադրբեջանցի Վուգար Հաշիմովը՝



Պարտիայի աղը՝ 21.Թe1!
6-րդ տուրից հետո Լևոնը 4,5 միավորով միաձնյա առաջատարն է:

Աղբյուրն ու Լևոնի տպավորությունները:

[Alex-Grig]

Սպասում եմ որ ռաջապովն էլ նույն բախտին կարժանանա

[Varzor]

Լևոնի 4-րդ հաղթանակը (6 հնարավորից):

«Սեփական» տարածքում՝ Մոդերն Բենոնիում ամբողջովին գերազանցվեց ադրբեջանցի Վուգար Հաշիմովը՝

Պարտիայի աղը՝ 21.Թe1!
6-րդ տուրից հետո Լևոնը 4,5 միավորով միաձնյա առաջատարն է:

Հա, հզոր էր, օնլայն հետևում էի խաղին: Փ:a5-ից հետո արդեն չէի կասկածում հաղթանակի վրա: Չնայած Հաշիմովն էլ ինքն իր ձեռքով արագացրեց պարտությունը:

[Moonwalker]

Վեյկ ան Զեեի «Տատա Սթիլ» գերմրցաշարում վերջին տուրից առաջ միանձնյա գերիշխում է մեր առաջատար Լևոն Արոնյանը: Այսօր նա սևերով պարտության մատնեց համաշխարհային գահի հավակնորդ իսրայելցի Բորիս Գելֆանդը: Պարտիան (ինչպես և վերջին երկու տուրի գրեթե բոլոր պարտիաները) ցածր որակի էր՝ լի սխալներով: Ակնհայտ է, որ 10+ տուրերից շախմատիստները գերհոգնել են: Ինչպես ասում են հաղթեց նա, ով սխալվեց նախավերջինը՝



46. Աxg2?
Ահա և վերջին սխալը: Պետք էր վերցնել ձիով /ոնց որ թե հետո 46...Նxf6 47. Նxf6 Թxf6 48. Նxd7 Թa1+ 49. Աh2 Թh8+ 50. Աg1 Թa1+ 51. Աh2՝ հավերժական շախով/:
46...Թxf6
Հիմա սևերը սպիտակ արքային գրոհում են բոլոր ֆիգուրներով ու իսրայելցու դիրքն արդեն անհույս է:
47. Աg3 Նh7 48. g5 Թxg5+ 49. Աf2 Նxf4+ 50. exf4 Նh2+ 51. Ke3 Թg3+ 52. Աd4 Թg7+ 53. Աe3 Նh3+ (մատ 8 քայլում)
0-1

Վերջին տուրից առաջ Լևոնն ունի 8,5 միավոր, Կարլսենն ու Ռաջաբովը 7,5-ական: Վաղը՝ Արոնյան - Ռաջաբով

Աղբյուրը

[Moonwalker]

Վերջին տուրում Արոնյանն ու Ռաջաբովը 12-րդ քայլում համաձայնվեցին ոչ ոքիի (կողմերի ընտրած սկզբնախաղային տարբերակից /Հին հնդկական-Գրյունֆելդ հիբրիդ՝ ձիերի քայլերի կրկնությամբ/ կարելի է ենթադրել, որ պարտիայի ճակատագիրը որոշվել էր «նախաճաշի» ժամանակ), ինչը ապահովեց Լևոնի միանձնյա հաղթանակը: Տրամաբանական է երկուսի համար էլ. Լևոնը երրորդ անգամ հաղթեց այս գերմրցաշարում (21-րդ կարգի (!)) /ընդ որում առաջին անգամ միանձնյա՝ 2007-ին (Թոփալովի ու Ռաջաբովի հետ), 2008-ին (Կարլսենի հետ)/ ու կստանա 10,000 եվրո մրցանակը, իսկ Թեյմուրը կլինի կամ 2-րդը կամ 3-րդը (վատ չի ադրբեջանցու համար):

Մեր առաջատարի փայլուն հաղթանակը: Ընդ որում Լևոնը բոլոր 12 տուրերում (այս վերջինը չհաշված, իհարկե) պայքարում էր մինչև վերջին փամփուշտը: Ու նման մարտատենչության համար տպավորիչ արդյունքով՝ 7 հաղթանակ ու +5 ելքանիշ: Ու ոնց որ թե նրան հաջողվեց ահագին ժամանակ տևած վարկանշային հանգը հաղթահարել ու ամրապնդվել 2820+ դիրքերում: Համոզված եմ, որ ապագայում ավելի լավ է լինելու (հարցազրույցի ժամանակ Լևոնի նշած խաղի նկատմամբ իր մոտեցման փոփոխությունը պիտի շարունակել): Ինչևէ, փաստենք որ տարին հրաշալի է սկսվել:

Sine dolore est vulnus, quod ferendum est cum victoria!

[Moonwalker]

Ի հավելումն վերևի գրառման՝