Հունվարի 14-30-ին Նիդերլանդների Վեյկ ան Զեե քաղաքում անցկացվելու է շախմատային փառատոն, որում անկասկած մեծագույն հետաքրքրություն է առաջացնելու գրոսմայստերների գլխավոր՝ A մրցաշարը: Այս տարի այն միջին 2740 վարկանիշով բավական բարձր՝ 20-րդ կարգի է: Ժամանակը հաշվարկվելու է հետևյալ կերպ՝ 100 րոպե 40 քայլի համար, 50 րոպե 20 քայլի համար ու ևս 15 րոպե + 30-ական վայրկյան յուրաքանչյուր քայլի համար՝ սկսած առաջինից: Մասնակիցներն են՝
1. Մագնուս Կարլսեն (Նորվեգիա) - 2814
2. Վիշվանաթան Անանդ (Հնդկաստան) - 2810
3. Լևոն Արոնյան (Հայաստան) - 2805
4. Վլադիմիր Կրամնիկ (Ռուսաստան) - 2784
5. Ալեքսանդր Գրիշչուկ (Ռուսաստան) - 2773
6. Հիկարու Նակամուրա (ԱՄՆ) - 2751
7. Ռուսլան Պոնոմարյով (Ուկրաինա) - 2744
8. Յան Նեպոմնյաշչի (Ռուսաստան) - 2733
9. Վանգ Հաո (Չինաստան) - 2731
10. Ալեքսեյ Շիրով (Իսպանիա) - 2722
11. Մաքսիմ Վաշիե-Լագրավ (Ֆրանսիա) - 2715
12. Անիշ Գիրի (Նիդերլանդներ) - 2686
13. Յան Սմիթս (Նիդերլանդներ) - 2662
14. Էրվին լ’Ամի (Նիդերլանդներ) - 2628
Մեր Գաբրիել Սարգսյանը (2667) կխաղա փառատոնի B մրցաշարում (17-րդ կարգ, միջին վարկանիշը 2659), որի բոլոր 14 մասնակիցները նույնպես հանրահայտ գրոսմայստերներ են:
Վեյկ ան Զեեի փառատոնի պարտիաների ընթացքին անմիջականորեն հետեւել այստեղից 2011 թ. հունվարի 15-18-ը, 20-23-ը, 25-26-ը, 28-30-ը: Խաղերի սկիզբը` ժամը 16:30-ին (Երեւանի ժամանակով): Ի դեպ վաղը՝ առաջին տուրի պարտիաների օրը, Արոնյանը սևերով կխաղա Կարլսենի հետ (պատերազմի ենք ականատես լինելու), իսկ Սարգսյանը սպիտակներով հնդիկ գրոսմայստեր Գանգուլիի հետ:
Ես կփորձեմ հետևել ու արդյունքներն ու մեկնաբանությունները տեղադրել այս թեմայում:
Մինչ այդ փորձենք գնահատել մասնակիցների հնարավորությունները:
Կարլսենը (բուքմեյքերական գործակիցը/բգ/ 3,12) համարվում է հաղթողի գլխավոր հավակնորդը: Նա հաղթել է վերջերս ավարտված Լոնդոնյան մրցաշարում (թեև միայն միավորների հաշվարկման «ֆուտբոլային» համակարգի շնորհիվ): Սակայն պետք է հաշվի առնել, որ վերջին 3 ամսվա ընթացքում Մագնուսը կրել է 7 պարտություն, ինչը նման վարկանիշի շախմատիստի համար չափազանց շատ է:
Աշխարի չեմպիոն Վիշի Անանդի (բգ 4,04) մոտ շատ բան կախված է լինելու տրամադրվածությունից: Ենթե նրա խաղը ստացվի մրցակիցների համար շատ դժվար կլինի:
Նույնը կարող ենք ասել նաև Կրամնիկի (բգ 6,5) համար, թեև վերջինս ի տարբերություն Անանդի, այս տարվա մայիսին պիտի հավակնորդների մրցախաղ անցկացնի ադրբեջանցի Թեյմուր Ռաջաբովի հետ: Այս առիթով կարելի է կարծել, որ ռուս շախմատիստը կփորձի չբացել իր սկզբնախաղային խաղաքարտերը:
2800-ի սահմանագիծը հաղթահարած, բայց շարունակաբար ավեացնող Արոնյանը (բգ 4,5) ավանդաբար լավ է խաղում Վեյկ ան Զեեում: Լևոնը պիտի ապացուցի, որ ինքը Անանդին ու Կարլսենին ոչնչով չի զիջում: Սակայն, ինչպես և Կրամնիկը, նա ունի թերություն՝ այն է՝ մայիսին Գրիշչուկի հետ խաղացվելիք հավակնորդների մրցախաղ:
Գրիշչուկը (բգ 15), ով կիսում է սեփական սերը շախմատի ու պոկերի միջև վտանգավոր մրցակից է յուրաքանչյուրի համար:
Նակամուրան (բգ 16), ով անցյալ տարեվերջին ներխուժեց շախմատիստների վարկանիշների լավագույն տասնյակ, նպատակ ունի շարունակել հաջողությունները:
Շիրովը (բգ 17) վերջին շրջանում բավական անհաջող է խաղում ու իջեցրել է սեփական վարկանիշը, բայց շարունակում է լուրջ հավակնորդ լինել:
Մնացած մասնակիցները (հատկապես հոլանդացիները) ավելի շուտ աուտսայդերներ են, բայց բոլորն էլ հասկանում են, որ 2600-ից բարձր վարկանիշով շախմատիստները թույլ չեն լինում:
Մի խոսքով, վաղվանից իսկական շախմատասերների համար սկսվում է հետաքրքրագույն երկամսյակ: Ի դեպ պարտիաների անցկացման վայրը
դրսից
ներսից
Աղբյուրներ. 1, 2, 3
Մեջբերել
Էջանիշներ