User Tag List

Ցույց են տրվում 1 համարից մինչև 7 համարի արդյունքները՝ ընդհանուր 7 հատից

Թեմա: *e}|{uka*-ի, Morpheus_NS-ի և Տատ-ի համատեղ պատմվածքը

  1. #1
    Պո Վարպետ-ի ավատար
    Գրանցման ամսաթիվ
    12.04.2006
    Հասցե
    Երեւան
    Տարիք
    46
    Գրառումներ
    1,739
    Mentioned
    0 Post(s)
    Tagged
    0 Thread(s)

    *e}|{uka*-ի, Morpheus_NS-ի և Տատ-ի համատեղ պատմվածքը

    *e}|{uka*-ն սկսում է, Morpheus_NS-ը` շարունակում, իսկ Տատ-ը`ավարտում:
    В детстве я нередко сочинял заведомый вздор и притом всегда
    только для того, чтобы вызвать удивление окружающих…
    Чарльз Дарвин

  2. #2
    Յէժիկ *e}|{uka*-ի ավատար
    Գրանցման ամսաթիվ
    12.07.2007
    Հասցե
    Альфа Центавра
    Գրառումներ
    2,799
    Mentioned
    0 Post(s)
    Tagged
    0 Thread(s)

    Պատ. *e}|{uka*-ի, Morpheus_NS-ի և Տատ-ի համատեղ պատմվածքը

    Դուռը ճռռոցով փակվեց: Դրսից եկող սառը քամին միանգամից դադարեց : Հայկը մի պահ ականջ դրեց հեռացող քալերի ձայնին ու արագ մոտեցավ լուսամուտին: Քայլերի ձայնը կամաց-կամաց հեռացավ : Նա նույնպես հեռացավ լուսամուտից, նայեց շուրջը և նորից հիշեց քիչ առաջվա հանդիպումը հորը հետ: Երկար ժամանակ է ինչ չէր տեսել նրան: Երբ ներս մտավ, զարմանքից քարացել էր: Ախր, այօր իր ծննդյան տոնն էր և նա… եկել է... Ուրեմն հիշել է ...
    -Հայրի՛կ, գիտե՞ս, որ այսօր…
    -Ի՞նչ, այսօր դու ինձ տեսա՞ր…
    -Չէ՛… որտեղ պիտի տեսնեի:
    -Փողոցում,-ասաց հայրը:-Ես տեսա քեզ, կանչեցի, բայց դու… երևի չլսեցիր: Ես էլ որոշեցի գալ :
    -Որ չտեսնեիր երևի չէիր գա: Այդպես չէ՞, հայրիկ: Իսկ դու չէի՞ր հիշում, որ իմ ծննդյան օրն է…:
    Հայրը շփոթվեց ու չլսելու տվեց: Նա ձեռքի փաթեթը դրեց սեղանին, բայց չնստեց:
    -Հա՛յկ, ես ուշանում եմ…ընկերս դրսում սպասում է: Գործով տեղ պիտի գնանք:
    Եվ նա ինչպես շտապ եկել էր, այնպես էլ գնաց: Հայկը մոտեցավ սեղանին և երկար շա՜տ երկար նայեց փաթեթին, որը կապված էր սպիտակ ժապավենով: Սպիտակը ամենևին էլ ցուրտ գույն չի,- մտածեց փոքրիկը , նայելով սառած լուսամուտին:Այդ սպիտակ ժապավենը մի լավ նվեր էր խոստանում:
    «Իսկ ի՞նչ կասի մայրը… գուցե կզայրանա: Չէ, որ իրենից հեռանալուց հետո հայրը բոլորովին մոռացել էր իրեն: Մոռացե՜լ...»:
    -Բայց հետաքրքիր է ի՞նչ է բերել ,-շշնջացաց Հայկը և վերցրեց փաթեթը: Փաթեթի կողքին, սեղանի վրա մի արծաթափայլ ծխախոտատուփ տեսավ :
    -Մոռացել է ,- անցավ մտքով:
    Արագ վերցրեց ու առանց վերարկուի դուրս թռավ, նրան հասնելու համար : Աչքը ընկավ վրայի մակագրությանը. « Մարիամից` Սուրենին»: Ուրիշ ոչինչ: Բայց ամեն ինչ պարզ էր…
    « Մարիամից` Սուրենին»,- կրկնեց Հայկը և, բացելով դուռը, փողոց վազեց: Հայրը անցել էր արդեն փողոցի մյուս կողմը և մայթին կանգնած գրպաններում ինչ որ բան էր փնտրում :
    Հայկը ցանկացավ ձայն տալ, կանչել, բայց քարացավ տեղում, երբ ավտոմեքենայի դռնակը բացվեց ու այնտեղից մի տղայի գլուխ դուրս ցցվեց:
    -Հայրի՜կ, նստի՛ր,- ասաց տղան:
    Հայրը , որ մտազբաղ գրպաններն են քրքրում, սթափվեց.
    -Հիմա՛,- ասաց նա և շուրջը նայեց:
    Հայկը ակամա բարձրացրեց ծխախոտատուփը ու թափ տվեցի օդում: Հայրը չնկատեց : Շրխկաց դռնակը ու մեքենան պոկվեց տեղից: Տղան երկար նայեց ավտոյի թողած ծխի քուլային, որը սև ամպի նման գալարվեց օդում և կամաց- կամաց ցնդեց: Ցնդեց փոքրիկի ուրախության նման:Դանդաղ քայլերով տուն եկավ: Նորից նայեց ձեռքի ծխախոտատուփին, նայեց սեղանի սպիտակ երիզով փաթեթին…նա այլևս առաջվա հմայքը չուներ:
    « Հայրի՜կ, նստի՛ր»,- ականջներում նորից հնչեց այն տղայի ձայնը: Հայրի՜կ:
    -Իսկ նա ասաց, թե իրեն ընկերն է սպասում: Խաբեց ինձ :
    Տիգրանը ծխախոտատուփը գցեց սեղանին, փաթեթի կողքին :
    -Ինչ լավ է, որ մայրիկը տանը չէ,- անցավ տղայի մտքով,- չի էլ իմանա: Բայց այս նվերը…»:
    Նորից վերցրեց փաթեթը:
    -Տեսնես ինչ կա մեջը: Գուցե տաբա՞տ է: Չէ , որ իմը բոլորովին մաշվել է: Կհագնեմ նորը և այլևս չեմ ամաչի բակ իջնել: Բացեց փաթեթը, մեջը ինչ որ էժանագին կոնֆետներ էին, չիր, չամիչ, մանդարին , փուչիկներ: Տոպրակի վրա էլ ձմեռ պապի էր նկարված ու գրված էր. « Շնորհավոր Նոր տարի»:
    «Հայրի՜կ, նստի՛ր»,- նորից հիշեցի այն տղայի խոսքերը :
    « Լավ է, որ մայրիկը տանը չէ,- նորից մտածեցՀայկը : -Բայց չէ՞, որ հիմա կգա, կտեսնի այս բոլորը , կհարցնի ու կիմանա: Ո՛չ, չեմ ասի, պետք չի, միայն թե մայրիկս հանգիստ լինի, միայն թե մայրիկս չկարդա ծխախոտատուփի վրայի գրվածը:
    Արագ վերցրեց փաթեթը և բակ թռավ…
    Վերջին խմբագրող՝ *e}|{uka*: 23.01.2009, 20:22:
    Чеширский КотЭ

  3. Գրառմանը 6 հոգի շնորհակալություն են հայտնել.

    Ambrosine (16.02.2009), Ariadna (16.02.2009), Morpheus_NS (23.01.2009), Rhayader (24.01.2009), Երվանդ (23.01.2009), Քամի (15.02.2009)

  4. #3
    ԺՊՏԱ:) Morpheus_NS-ի ավատար
    Գրանցման ամսաթիվ
    31.07.2008
    Հասցե
    Հեռու
    Գրառումներ
    1,966
    Mentioned
    0 Post(s)
    Tagged
    0 Thread(s)

    Պատ. *e}|{uka*-ի, Morpheus_NS-ի և Տատ-ի համատեղ պատմվածքը

    Դեռ չէր հասցրել մուտքի դռնից դուրս գալ, երբ դիմացից լսեց մոր սիրալիր ձայնը:
    -Այդ ու՞ր այդպես շնչակտուր:
    Հայկը մի պահ իրար խառնվեց, բայց ինչես բնորոշ է իր տարիքի երեխաներին, արագ փորձեց մի բան հորինել՝ ջանալով փաթեթը աննկատ մեջքի հետեւում թաքցնել:
    -Աշոտն էր զանգել. ծնունդիս առթիվ ինձ այգի էր հրավիրում. կարուսել ենք նստելու:
    -Դե ուրեմն դու էլ Աշոտին պաղպաղակ կհյուրասիրես,-ասեց մայրն ու մի քանի դրամ մեկնեց տղային:
    Հայկը կիսամեղավոր, կիսաերախտապարտ հայացքով մորը նայեց, բայց զգալով, որ հայացքը կարող է իրեն մատնել՝ մոր ձեռքից վերցրեց գումարն ու անհայտացավ հարեւանի շենքի հետեւում:
    «Մի սրան տեսե՜՜՜ք,- քթի տակ ժպտաց Հայկի մայրը,- արդեն տղամա՜՜րդ է դարձել, մոր մասին է մտածում: Հաստատ էտ սրիկան էր եկել, նա էլ չի ուզում ինձ ասի, որ չվշտացնի: Իբր չտեսա, թե ինչպես փաթեթը մեջքի հետեւում թաքցրեց: Բայց դե լավ է, որ նման առիթներով գոնե որդուն հիշում է, նվեր է անում»:
    Այսպես մտորելով մայրը տուն բարձրացավ՝ որպեսզի ամեն ինչ պատրաստի Հայկի համար նախատեսած անակնկալն իրականացնելու համար: Լավ էր, որ որդին մի որոշ ժամանակով ընկերոջ հետ կլինի. ինքը ամեն ինչ կհասցնի պատրաստել:
    Տնօրենից պարտքով գումար էր խնդրել՝ աշխատավարձից մարելու պայմանով: Մի քիչ քաղցրավենիք էր գնել, միրգ (Հայկը նարինջ շատ էր սիրում), մանկական շամպայն, բայց տորթ գնելու համար գումարը չէր հերիքել Որոշել էր որ անհրաժեշտ պարագաները գնի ու ինքը թխի տորթը:
    Մինչ նա խոհանոցային աշխատանքներով էր տարված, բավական ժամանակ անցավ: Որ որ է, Հայկը կգար ու հարկավոր էր ամեն ինչ շատ արագ ավարտել, որպեսզի անակնկալը լիարժեք ստացվի:
    Մի փոքր եւս եւ ամեն ինչ պատրաստ էր: Ամեն ինչ այնպես էր, ինչպես Հայկն էր սիրում. Նարինջ, թռչնի կաթ…
    Սեղանի կենտրոնում տեղադրված էր տոնական տորթը:
    Մայրը գոհունակությամբ նայեց սեղանին: Կարծես թե ամեն ինչ հասցրեց մինչեւ որդու գալը: Միայյն մի բան է մոռացել… Արագ քայլերն ուղղեց դեպի միջանցք ու պահարանին դրված պայուսակից մի սպիտակ փաթեթ հանեց. մոմեր էին:
    Խնամքով տեղադրեց տորթի վրա, անջատես սենյակի լույսը, որ երբ Հայկի ոտնաձայները լսի դռան հետեւում, վառի մոմերը: Բայց երբ լույսն անջատեց ու սենյակը ընկղմվեց թանձր խավարում, նա հանկարծ զարմանքով հասկացավ որ գործով ընկած չի նկատել, որ մութն արդեն վաղուց ընկել է:
    Անհանգիստ լուսամուտին մոտեցավ. ուր կարող էր լինել որդին այս ժամին: Չլինի՞ մի բան է պատահել: Արագ վերցրեց հեռախոսն ու Աշոտենց տուն զանգեց:
    Երբ իմացավ, որ Աշոտն այդ օրը տնից ընդհանրապես դուրս չի եկել ու Հայկին էլ ոչ մի տեղ չի հրավիրել, արյունը սառեց երակներում:
    Արագ հագավ կոշիկներն ու քայլերն ուղղեց դեպի դուռը…

    И чтобы нас никто не разлучил,
    Я превратил тебя в воспоминания. -Григорий Лепс

    Ռազմավարական խաղ Travian.ru

  5. Գրառմանը 6 հոգի շնորհակալություն են հայտնել.

    *e}|{uka* (07.02.2009), Ambrosine (16.02.2009), Ariadna (16.02.2009), Արմինե (07.02.2009), ԿԳԴ (07.02.2009), Քամի (15.02.2009)

  6. #4
    զԳյուլնազդ հելվետիկ Տատ-ի ավատար
    Գրանցման ամսաթիվ
    15.06.2008
    Հասցե
    Շվեյցարական Ալպեր
    Գրառումներ
    1,026
    Mentioned
    0 Post(s)
    Tagged
    0 Thread(s)

    Պատ. *e}|{uka*-ի, Morpheus_NS-ի և Տատ-ի համատեղ պատմվածքը

    Հայկը մտավ Աշոտենց շենքը, դուրս եկավ հետևի մուտքից ու վազեց Վերնիսաժ:
    Տղան շատ էր սիրում ոսկերիչների ու արծաթագործների շարքերը: Ժամերով կարող էր հիանալ նրանց աշխատանքով, հարցեր էր տալիս, զննում գործիքները: Արդեն ընկերներ էլ ուներ:
    Ի՜նչ հաջողություն (չէ՞ որ ծնունդն էր), ահա իր ծանոթ երիտասարդ վարպետը, այսօր եկել է:
    -Բարև, վարպետ, մի խնդրանք ունեմ: Թույլ կտա՞ս քո գործիքներով մի փոքր բան սարքեմ:
    -Նստիր, ապեր, բեր տեսնենք, ինչ ես ուզում:
    Հայկն ուրախացած նստեց վարպետի կողքը, բացեց շոկոլադի տուփը ոսկերչական փոքր «համայնքի» համար և անցավ գործի:
    Ժամերը թռան ակնթարթի պես: Մութ էր, Վերնիսաժը դատարկվել էր, վերջին արհեստավորները հավաքում էին ապրանքն ու գործիքը, արկղերն ու աթոռները: Հայկը վազեց տուն:
    Աստիճանավանդակում գրեթե բախվեց մորը:
    -Ու՞ր էիր կորել, Աշոտը քեզ չի տեսել այսօր, չխաբես՛,-բարկացած սկսեց մայրը ու տղային քարշ տվեց ներս:
    -Մամ, չէ, ճանապարհին հայրիկին տեսա՝ գալիս էր մեր տուն ծնունդս շնորհավորի: Դե, էլ չմտանք, տարավ ինձ պաղպաղակ հյուրասիրեց, հետո էլ կինո գնացինք...
    Մայրը զարմանքից մոռացավ դուռը փակել ետևից:
    - Մամ, տե՛ս ինչ նվիրեց ինձ հայրիկը,- Հայկը փայլուն աչքերով հանեց մի արծաթե ծխախոտատուփ, որի վրա, աջից ու ձախից անհմուտ նկարազարդումներով գրված էր՝

    §$£%&Ж§ç*Սուրենից՝ Հայկին *ç§Ж&%£$§
    Վերջին խմբագրող՝ Տատ: 14.02.2009, 22:45:

  7. Գրառմանը 2 հոգի շնորհակալություն են հայտնել.

    Ariadna (16.02.2009), Քամի (16.02.2009)

  8. #5
    մերթ ընդ մերթ Քամի-ի ավատար
    Գրանցման ամսաթիվ
    08.04.2008
    Գրառումներ
    407
    Mentioned
    0 Post(s)
    Tagged
    0 Thread(s)

    Պատ. *e}|{uka*-ի, Morpheus_NS-ի և Տատ-ի համատեղ պատմվածքը

    Առաջինն ու երկրորդը շատ լավ էր ստացվել, բայց այ Տատ-ի գրածը չհավանեցի
    նենց տպավորություն էր կարծես Տատը շտապելուց ա եղել, արագ արագ գրել ու տանից դուրս ա եկել
    Տատ ջան, իսկ միգուցե ծխախոտատուփը, որի վրա գրված էր՝ Մարիամից` Սուրենին հենց Հայկի մոր նվերն էր
    Վերջին խմբագրող՝ Քամի: 16.02.2009, 01:27:

  9. #6
    զԳյուլնազդ հելվետիկ Տատ-ի ավատար
    Գրանցման ամսաթիվ
    15.06.2008
    Հասցե
    Շվեյցարական Ալպեր
    Գրառումներ
    1,026
    Mentioned
    0 Post(s)
    Tagged
    0 Thread(s)

    Պատ. *e}|{uka*-ի, Morpheus_NS-ի և Տատ-ի համատեղ պատմվածքը

    Քամի, ես չեմ սիրում երկար գրել, միայն քաղաքականության մեջ երբեմն թուլանում եմ

    Երեք անգամ կարդացել եմ՝ մոր նվերը չեր, տղան ասում էր՝ միայն թե մայրս չտեսնի այս գիրը: Մոր անունը լիներ, կհուզվեր ու կհպարտանար...երևի:

    Բայց դե բովանդակությունը կարող է դուրդ չգա բոլոր դեպքերում

  10. #7
    . Ambrosine-ի ավատար
    Գրանցման ամսաթիվ
    22.02.2007
    Գրառումներ
    7,636
    Mentioned
    0 Post(s)
    Tagged
    0 Thread(s)

    Պատ. *e}|{uka*-ի, Morpheus_NS-ի և Տատ-ի համատեղ պատմվածքը

    Մեջբերում Տատ-ի խոսքերից Նայել գրառումը
    Քամի, ես չեմ սիրում երկար գրել, միայն քաղաքականության մեջ երբեմն թուլանում եմ

    Երեք անգամ կարդացել եմ՝ մոր նվերը չեր, տղան ասում էր՝ միայն թե մայրս չտեսնի այս գիրը: Մոր անունը լիներ, կհուզվեր ու կհպարտանար...երևի:

    Բայց դե բովանդակությունը կարող է դուրդ չգա բոլոր դեպքերում
    ուղղակի շտապել ես, արագ-արագ ես գրել
    Հայերիս էլ խորհուրդ կտամ Ուկրաինայի հարցին նայել Հայաստանի պետականության տեսանկյունից, ոչ թե պրո- կամ հակառուսական տեսանկյունից… (c) Mephistopheles

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Արձակ. ars83-ի, Վահիկ-ի և Morpheus_NS-ի համատեղ պատմվածքը
    Հեղինակ՝ Վարպետ, բաժին` Համատեղ պատմվածքներ
    Գրառումներ: 21
    Վերջինը: 17.08.2009, 11:02
  2. Արձակ. ivy-ի, տեսիլք-ի և Morpheus_NS-ի համատեղ պատմվածքը
    Հեղինակ՝ Վարպետ, բաժին` Համատեղ պատմվածքներ
    Գրառումներ: 7
    Վերջինը: 29.12.2008, 19:00
  3. Արձակ. KT'-ի, Morpheus_NS-ի և Գալաթեա-ի համատեղ պատմվածքը
    Հեղինակ՝ Վարպետ, բաժին` Համատեղ պատմվածքներ
    Գրառումներ: 13
    Վերջինը: 16.12.2008, 16:18
  4. Արձակ. Սամվել-ի, Morpheus_NS-ի և Annushka-ի համատեղ պատմվածքը
    Հեղինակ՝ Վարպետ, բաժին` Համատեղ պատմվածքներ
    Գրառումներ: 8
    Վերջինը: 10.11.2008, 13:30
  5. Արձակ. Հայկօ-ի, Raedwulf-ի և Morpheus_NS-ի համատեղ պատմվածքը
    Հեղինակ՝ Վարպետ, բաժին` Համատեղ պատմվածքներ
    Գրառումներ: 14
    Վերջինը: 27.10.2008, 14:11

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •