ԱՄՆ-ի 44-րդ նախագահ Բարաք Օբամա

[Marduk]

.......
Օբամայի երդման արարողությունից հազիվ երեք ամիս անց նա առողջ դատողության հետաքրքիր քննություն կհանձնի, երբ ստիպված կլինի պահել իր տված փոքրիկ խոստումը: Այո, դա անիծյալ ապրիլ 24-ի Հայոց Ցեղասպանության հիշատակումն է, երբ հայերը հիշում են իրենց 1,5 միլիոն սպանված հայրենակիցներին` 1915թ. այն օրը, երբ առաջին հերթին հավաքեցին հայ մտավորականներին, արվեստագետներին և այլոց ու մահապատժի ենթարկեցին:

Բիլ Քլինթոնը հայերին խոստացավ, որ այն «ցեղսպանություն» կանվանի, եթե նրանք օգնեն իրեն ընտրվել: Նույնն արեց Ջորջ Բուշը: Նույնն արեց և Օբաման: Առաջին երկուսն, ընտրվելուց հետո, չպահեցին իրենց խոստումը և «ցեղասպանություն» բառի փոխարեն ապավինեցին «ողբերգություն» բառին, որովհետև վախենում էին բոլոր մռլտացող թուրք գեներալներից, իսկ Բուշի դեպքում` վախենում էին նաև Թուրքիայի տարածքով անցնող ԱՄՆ ռազմական մատակարարման երթուղիների համար` «ճանապարհները և այլն», ինչպես ասում էր Ռոբերտ Գեյթսը: Ճակատագրի հեգնանքով, որն ամենաուշագրավներից է պատմության մեջ, սրանք նույն այն «ճանապարհները և այլն»-ն էին, ուր 1915թ.-ին անխուսափելի մահվան էին քշում հայերին:

Այնպես որ, գրազ եմ գալիս, որ մինչև ապրիլի 24-ը Օբաման իր համար կպարզի, որ «ցեղասպանությունը» «ողբերգություն» է:

Այս ամսվա սկզբին Ստամբուլ մեկնելիս` աչքի անցկացրեցի «Թուրքական ավիաուղիների» կողմից ուղևորներին բաժանվող ամսագիրը, որտեղ մի հոդված գտա Թուրքիայի պատմական Խարբերդի (Harput) շրջանի մասին:

Հոդվածում Խարբերդը նկարագրվում էր որպես «Ասիայի բնական պարտեզ» և «ճանաչված հանգստավայր»: Եվ դու պետք է մի լավ պրպտես միտքդ` հիշելու, որ Խարբերդը քրիստոնյա հայերի ցեղասպանության կենտրոնն էր, այն քաղաքը, որտեղից Լեսլի Դևիսը` խիզախ ամերիկացի հյուպատոսը Խարբերդում, հազարավոր մորթված հայերի մասին ականատեսի իր հաղորդագրություններն էր ուղարկում: Բայց այս ամենը թերևս կփչացներ «բնական պարտեզ»-ի ազդեցությունը: Դա մի քիչ նման է նրան, որ զբոսաշրջիկներին հրավիրես Լեհաստանի Օսվենցիմ քաղաք` չնշելով, որ դրա գերմանական անունը Աուշվից է:
.......

http://artmamul.ararat-center.org/?p=134

Մի հատված հայտնի վերլուծաբան Ֆիսկի հոդվածից:
Ամբողջ հոդվածն էլ բավականին ուշագրավ է:

Ի՞նչ եք կարծում Օբաման կբռնի մարդասերի ու արդարամիտի կոչման քննությունը ապրիլի 24-ին, թե ինչպես բոլորը կդառնա ցինիկ ու հաշվենկատ քաղաքական գործիչ:

[Nareco]

http://artmamul.ararat-center.org/?p=134

Մի հատված հայտնի վերլուծաբան Ֆիսկի հոդվածից:
Ամբողջ հոդվածն էլ բավականին ուշագրավ է:

Ի՞նչ եք կարծում Օբաման կբռնի մարդասերի ու արդարամիտի կոչման քննությունը ապրիլի 24-ին, թե ինչպես բոլորը կդառնա ցինիկ ու հաշվենկատ քաղաքական գործիչ:

Ըստ իս Օբաման այս առումով չի տարբերվի իր նախորդներից: Նա դրա «ռեսուրսները» չունի, Թուրքիան շատ կարևոր ռազմավարական գործընկեր է ԱՄՆ-ի համար, ու այդպիսի արտահայտությունը շատ թանկ կարող է նստել ԱՄՆ-ի վրա:
Սակայն չեմ բացառում, որ ԱՄՆ նորընտիր նախագահը իրոք ՍԿՍԻ աշխարհի ժողովրդավարացման գործընթացը ու դա հենց սկսի Ցեղասպանության ճանաչումով, բայց հաշվի առնելով հրեական լոբբիի դերը, Թուրքիայի արմատակալած ռազմավարական դաշինքը` դա ուղղակի հրաշք կլինի: