ՊԱՏԳԱՄԱՎՈՐԱԿԱՆ ԽՈՒՄԲ ԺԻՐԱՅՐ ՍԵՖԻԼՅԱՆԻ ԵՎ ՎԱՐԴԱՆ ՄԱԼԽԱՍՅԱՆԻ ՀԱՄԱՐ
Ստեղծվել է Ժիրայր Սեֆ‎իլյանի եւ Վարդան Մալխասյանի ձերբակալության իրական պատճառները հետաքննող պատգամավորական խումբ: Նորաստեղծ խումբը դեկտեմբերի 28-ին հանդես է եկել հայտարարությամբ:

«Հայ կամավորականների համախմբման» հավաքում իրենց արտասանած ելույթների համար ժիրայր Սե‎ֆ‎իլյանի եւ Վարդան Մալխասյանի ձերբակալությունը ծնում է բազմաթիվ հարցականներ: Հատուկ մտահոգության պատճառ են հանդիսանում ԱԱԾ մեկնաբանությունները եւ ձ—ակերպումները, որոնցով փորձ է արվում իշխող վարչակարգի դեմ հնչած արտահայտությունները ներկայացնել որպես սահմանադրական կարգը բռնությամբ տապալելու կոչեր:

Հաշվի առնելով ժ.Սե‎ֆ‎իլյանի եւ Վ.Մալխասյանի քաղաքացիական դիրքորոշումները առաջնահերթ կարեւորություն ներկայացնող արտաքին եւ ներքին քաղաքական խնդիրների վերաբերյալ` նախընտրական շրջանում, ինչպես նաեւ Ղարաբաղյան կարգավորման համատեքստում, նրանց ձերբակալությունը վեր է ածվում ազգային անվտանգության հարցի:

Լրացուցիչ մտահոգության պատճառ է հանդիսանում Ժ.Սե‎ֆիլյանի կալանավորման կապը քաղաքացիություն ստանալու մասին նրա երկու դիմումների մերժման փաստի հետ:

Պատգամավորական խմբի նպատակն է. բազմակողմանիորեն ուսումնասիրել խնդիրը, պարզաբանումներ ստանալ համապատասխան մարմիններից, բացահայտել ձերբակալությունների իրական պատճառները եւ ներկայացնել դրանք հանրությանը:

Խումբը բաց է այլ պատգամավորների անդամակցության համար:

Մանուկ Գասպարյան

Արամ Գ. Սարգսյան

Գրիգոր Հարությունյան

Ստեփան Զաքարյան

Հմայակ Հովհաննիսյան

Էդմունդ Ծատուրյան

http://lragir.am/src/printshow.php?id=23149