Ո՞ւմ եք նախընտրում հայկական ավանգարդ ֆոլկից։
Ես շատ եմ սիրում Արտո Թունջբոյաջյանին և Կատուներին։
Ո՞ւմ եք նախընտրում հայկական ավանգարդ ֆոլկից։
Ես շատ եմ սիրում Արտո Թունջբոյաջյանին և Կատուներին։
Moon (14.01.2009)
Երևի չեք պատասխանում, որովհետև հետաքրքիր չի։ Բայց սրա իմաստը այն է որ արտահայտենք մեր կարծիքը այն երաժշտության վերաբերյալ, երբ հայկական ժողովրդական գործիքները օգտագործվում են ջազի և նմանատիպ ոճերի մեջ։ Օրինակ զուռնա, քամանչայով ջազ։ Ձեզ հետաքրքո՞ւմ է նման բան։ Անգամ եթե դուք ջազ ընդհանրապես չեք սիրում, վստահեցնում եմ, որ եթե գոնե մեկ անգամ կենդանի կատարմամբ լսեք անմոռանալի տպավորություններ կունենաք։ Այդպիսի համերգները սովորաբար տեղի են ունենում ակումբներում և տոմսերը շատ մատչելի են։
Արթոն և Վահագը ջազի գծով լավն են:
Եթե նայենք հայկականացված ջազ, ռոք, ռեգե… ռոքի մեջ էլ ունենք՝ Բամբիր, Ոստան Հայոց… Ռեգե՝ Ռեինկարնեշոն: Անցյալ օր լսել եմ հայկական մեղեդիներով ակուստիկ կիթար, ոչ թե Արմիկի նման ֆլամենկո, այլ հենց հայակակն ժողովրդական երաժշտությունների հետ իսպանական կիթարի մեղեդիներ խառնած: Դուրս եկավ:
Օրինակ ես Սիստեմի մեջ էլ եմ հայկական ելևէջներ տեսնում:
Հետաքրքիր է, ճի՞շտ եմ հասկացել Ավանգարդ ֆոլկ հասկացողությունը:
Jarre (27.08.2013)
Վահագննը (Հայրապետյան) ինձ ստիպեց ջազը սիրել՝ հիշում եմ, 2005-ին էր, նստած էի Ստոպի աստիճանների վրա ու նայում էի, ոնց են փորձ անում:
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
Jarre (21.01.2018)
Հայաստանում Վահագին «ռասկռուտկա» չեն անում, բայց Եվրոպայի և հատկապես ԱՄՆ-ի ջազիստները իրեն շատ հարգում են, որպես լավ երաջշտի։ Ունի ձայնագրություններ շատ արտասահմանցի ջազմեների հետ։ Օրինակ՝ http://www.strdigital.com/johnson1.htm այս ալբոմում Վահագնել է ձայնագրվել բայց Ամերիկացիները ազգանունը կրճատել են, Հայրապետյանքի փոխարեն՝ Պետյան։ Ունի իր առանձին ձայնագրած ալբոմը՝ http://www.strdigital.com/petian1.htm
Նաև ձայնագրվել է Ջո Զավինուլի խմբի հարվածային գործիքներ նվագող՝ Քարիմ Զիադի հետ՝ http://www.classicsonline.com/artist...n_Hayrapetyan/
նաև մի բան էլ ասեմ, որը շատ կարևոր է։ Իմ համար լավ երաժիշտը չի չափվում միայն իր լավ կատարումով։ Շատ կարևոր է նաև թի ինչպիս մարդ է նա։ Օրինակ կան, որ լավ երաժիշտներ են, բայց որպես մարդ մեծամիտ են, հպարտ, իրենց ձև տված....Ինձ թվում է, որ իսկական արվեստագետը չի կարող այդպիսին լինել։ Վահագի համերգներին երբ լինում եմ հասկանում եմ, թե որքան հասարակ, պարզ մարդ է նա։ Ոնց իրական կյանքում է, այնպես էլ բեմում։ Են նույնը կարող եմ ասել Վահագի Կատուներ խմբի համար։ Եթե իրենց համերգներին լինեք կհամոզվեք, որ նրանք ոչ միայն երաժիշտներ են, այլ առաջին հերթին ՄԱՐԴ։ Եվ պարզ երևում է որ իրենց խմբում չկա մեծ ու փոքր հասկացություն. նրանք մի ընտանիքի պես են։ Իհարկե այս գրածս կապ չուներ ավանգարդ ֆոլկի հետ, բայց համաձայնվեք որ կարևոր նախապայման է լավ արվեստագետ համարվելու համար
Գիտե՞ս իր հետ ինչպես եմ ծանոթացել: Ստոպում Օուքսենհեմի Տոշի հետ ինչ-որ բանի շուրջ էինք վիճում: Մեկ էլ մոտեցավ Վահագնը (դեմքով գիտեի՝ բեմում հաճախ էի տեսել), ու ասաց.
- Լսել եմ՝ դու ջազ չես սիրում: Փաստորեն, կարող ենք լավ ընկերներ դառնալ: Ես էլ ռոք չեմ սիրում:
Իսկապես, հիանալիագույն մարդ, տաղանդավոր երաժիշտ ու էքպերիմենտատոր: Ու ամենակարևորը՝ ինքն իրեն ու ուրիշներին հարգելու ունակություն ունի:
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
Էս էլ հայկական խումբ)))
Oaksenham: For Mylady Carrie (live 10/10/2003)
Էս էլ իրանք Ջենթլ են նվագում.
Oaksenham: Talybont/Three Friends (live 10/10/2003)
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
Ինձ համար Արտո Թունջբոյաջյանի, կամ ինչպես արտասահմանում են ասում՝ Արտո Թունջի համերգները Երևանյան ակումբներում, ամենասիրված և ամենասպասված իրադարձություններից են։ Եվ այսպես 5 անմոռանալի համերգներ Ավանգարդ Ֆոլկ ակումբում։ Ինձ հաջողվեց ներկա գտնվել դրանցից երեքին։
Եվ այսպես, դիմավորե՛ք. Armenian Navy Band և Արտո Թունջբոյաջյան!
Ինձ տպավորեց այն, որ երեք համերգներն էլ, որոնց ես ներկա գտնվեցի խիստ տարբերվում էին իրարից։ Համերգներից յուրաքանչյուրին Արտոն ներկայացնում էր ստեղծագործություններ, որոնք չկային նախորդներում։
Բացի այդ համերգների մթնոլորտն էլ տարբեր էր լինում։ Մեկը ավելի մելանխոհիկ և տխուր էր, մյուսը՝ աշխույժ, ուրախ և դրական լիցքեր հաղորդող։
Այս համերգներից անձամբ ինձ տպավորեց հիմնականում երեք բան։ Այս անգամ կային համարներ, որտեղ գերակշռում էր էլեկտրոնային երաժշտությունը։ Ահա Վահագն Հայրապետյանը, ով հիացնում էր սինթեզատորներով ստեղծած իր միստիկ ձայներով։
Բայց բացի Վահագից, սաքսոֆոանահարներից մեկն էլ օգտագործեց էլեկտրոնային գործիք։ Ստեղծագործություններից մեկը նա նվագեց էլեկտրոնային ֆլեյտայով և ինձ համար դա այս համերգների ամենաուշագրավ հատվածներից մեկն էր։
Երկրորդը ինչ կուզենայի առանձնացնել, դա Վարդան Գրիգորյանի դուդուկի և զուռնայի խաղն էր։ Ես համարյա միշտ ներկա եմ գտնվում Հայկական Նավատորմի համերգներին, բայց այս անգամ Վարդանն առավել աչքի ընկավ և գրավեց ուշադրությունս։ Ես չեմ կարող ներկայացնել թե ինչ վիճակում էին գտնվում արտասահմանցի հյուրերը, երբ Վարդանը զուռնայով ջազ էր նվագում։ Ափսոս նկարները մեծ մասը սխալմամբ ջնջել եմ, բայց այս մեկը մնացել է, ոչ այնքան հաջող, բայց....
Ի դեպ, ժողովուրդ, կարծում եմ, որ աշխարհին մենք պարտավոր ենք ներկայացնել ոչ միայն Ջիվան Գասպարյանին, բայց նաև Վարդան Գրիգորյանին։ Ես երկու համաշխարհային ստղերի նվիրել եմ Վարդանի առայժմ դեռ միակ ալբոմը։ Նրանցից մեկը, արտահայտել է իր հիացմունքը՝ գրելով մի մեծ ի մեյլ, որում կիսվում է Վարդանի երաժշտության մասին ստացած իր տպավորություններով։
Եվ երրորդը, իհարկե՝ Արտո Թունջբոյաջյան, որին ներկայացնելու համար բավական է ընդամենը երեք բառ, հենց իր ամենասիրած երեք բառերը՝ սեր, հարգանք, ճշմարտություն։ Արտոն այն արվեստագետներից է, ով իր երաժշտության միջոցով քարոզում է ոչ թե սեքս ու ռոմանտիկա, այլ հենց այս հատկությունները։
Երևի Արտոյին յուրահատուկ երաժիշտ և արվեստագետ է դարձնում այն հանգամանքը, որ նա մինչև օրս դեռ չի գտել իրեն այս կյանքում և մինչև հիմա որոնումների մեջ է։
Վերջին խմբագրող՝ Jarre: 29.08.2009, 11:44:
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ