Առաջարկներ

[Ռուֆուս]

Դուբլ դվա Երևի նախորդ գրառման մեջ մտքերս չկարողացա լավ արտահայտել:

Պատկերացրածդ ֆորմատը կնկարագրե՞ս:

Մասնավորապես հարցեր.
1. Կոռեկտ չի ինչ-որ մեկի օրագրի գրառում քննարկել առանց իր գիտության, ինչպե՞ս պետք է կազմակերպվի հեղինակին՝ դրա մասին տեղեկացումը:

Եթե բացվի «Օրագրային քննարկումներ» թեմա, օրագիր պահողները կսկսեն պարբերաբար էդ թեման հաճախել, ու կիմանան օրագրային գրառմանը արձագանք եղել ա, թե չէ

2. Ինչպե՞ս վարվել այն դեպքերում, եթե գրառման կամ օրագրի հեղինակը ուղղակի չի ուզում, որ իր գրածը քննարկվի, մեջբերվի:

Ես մինչև հիմա Ակումբում միջադեպ չի հիշում, որ օրագրի հեղինակը դեմ լինի, որ իր գրառումը մեջբերվի ու քննարկվի: Ընդ որում մինչև հիմա մեջբերվել ու քննարկվել են բազմաթիվ գրառումներ թե՛ Անկապ Օրագրից, թե՛ անձնական օրագրերից: Մեջբերումները հիմնականում եղել են «Թեմայից դուրս, բայց...» թեմայում, որը ոչ բոլորն են մտնում ու կարդում, ինչը բավականին անհարմար է: Իսկ եթե ինչ-որ մեկը դեմ է, որ իր գրառումը մեջբերվի ու քննարկվի, թող տեղեկացնի դրա մասին մոդերատորին, ինչը ԻՄՀԿ խիստ հազվադեպ կլինի:

3. Ինչպե՞ս անել, որ տարբեր օրագրերի տարբեր քննարկումները իրար չխառնվեն, շիլա-շփոթ չստացվի: Պե՞տք են արդյոք քննարկման չափորոշիչներ սահմանել:

Կոնտեքստից ու մեջբերումներից կարելի ա հասկանալ, թե որ գրառումը ինչին ա վերաբերվում: Ինչ վերաբերվում ա չափորոշիչներին, ոնց որ մինչև հիմա են օրագրային գրառումները քննարկվել, էդպես էլ հիմա թող քննարկվեն, մենակ թե ոչ թե «Թեմայից դուրս...» թեմայում այլ հենց դրա համար նախատեսված թեմայում:

4. Ի՞նչպես անել, որ այդ թեման չվերածվի զրուցարանի, կռվի, ճակատամարտի, ջրիկության, անլրջության, հերթական զավզականոցի:

Պետք է առաջնորդվել Դար Ակումբի Կանոնադրությամբ

Էս առաջարկն էլ հեծանիվ հայտնագործել չի, ընդամենը առաջարկվում է օրագրային գրառումների քննարկումների համար ստեղծել առանձին թեմա, այլ ոչ թե օգվել «Թեմայից դուրս, բայց...» թեմայից Մեկ ա, եթե թեման չստեղծվի էլ, մարդիկ էլի կշարունակեն օրագրային գրառումները քննարկել «Թեմայից դուրսում...» ի անհարմարությունս բազմաթիվ ակումբցիների:

[Chuk]

Եթե բացվի «Օրագրային քննարկումներ» թեմա, օրագիր պահողները կսկսեն պարբերաբար էդ թեման հաճախել, ու կիմանան օրագրային գրառմանը արձագանք եղել ա, թե չէ

Բնավ պարտադիր չի:
1. Օրագրի հեղինակը կարող է չիմանա թեմայի մասին,
2. Նա կարող է իմանա թեմայի մասին, հետո էդ թեմայի բնույթից ելնելով չայցելի, իսկ էնտեղ իր փետուրները քամուն տան, ինքը չիմանա:

Ես մինչև հիմա Ակումբում միջադեպ չի հիշում, որ օրագրի հեղինակը դեմ լինի, որ իր գրառումը մեջբերվի ու քննարկվի:

Ես չեմ պնդի, որ քո հիշողությունը քեզ դավաճանում է, փոխարենը կպնդեմ, որ տեղեկացվածությունդ այդ հարցով մեղմ ասած թերի է:

Կոնտեքստից ու մեջբերումներից կարելի ա հասկանալ, թե որ գրառումը ինչին ա վերաբերվում: Ինչ վերաբերվում ա չափորոշիչներին, ոնց որ մինչև հիմա են օրագրային գրառումները քննարկվել, էդպես էլ հիմա թող քննարկվեն, մենակ թե ոչ թե «Թեմայից դուրս...» թեմայում այլ հենց դրա համար նախատեսված թեմայում:

Մենք մինչև հիմա էլ ենք ունեցել չափորոշիչների լուրջ խնդիր, ինչի հետևանքով մտցվել է քննարկումներն արգելելու որոշում: Թեմայից դուրս-ում թույլատրվում է, քանի դեռ հսկողության տակ է ու չի կրում մասսայական բնույթ: Ես ցավում եմ, որ որոշակի քննարկումները դու աչքաթող ես արել: Նման բաներ կարող էր գրել ոչ մոդերատոր, ոչ քննարկումներին ներկա եղած ակումբցին: Նման թեմայի ստեղծումը գրեթե չի տարբերվելու թեմայում քննարկումը թույլատրելու տարբերակից:

Պետք է առաջնորդվել Դար Ակումբի Կանոնադրությամբ

Շնորհակալություն: Տպավորություն է, որ ես խոսում եմ ոչ մոդերատորական անցուդարձին ծանոթ մարդու հետ: Զարմանում եմ:

[Ուլուանա]

Գոյություն ունի Թեմայից դուրս բայց կարևոր/հետաքրքիր գրառումներ թեման, որտեղ սովորաբար մեջբերվում են օրագրային գրառումները: 2-րդ կետը արդեն ակտուալ չի, որովհետև մինչև հիմա ոչ ոք դեմ չի եղել, որ իր գրառումը մեջբերվի էդ թեմայում ու ոչ ոք չի պատժվել ուրիշի օրագրի գրառումը մեջբերելու համար: Էդ թեմայի պրոբլեմն էն ա, որ նախ Օրագրեր բաժնում չի, համ էլ ոչ բոլորն են տեղեկացվում, որ իրենց գրառումը արձագանքնվել է էդ թեմայում: Ես շատ հաճախ ուզենում եմ ինչ-որ մեկի օրագրային գրառմանը վերաբերվող բան գրել, բայց էդ թեմայում չեմ գրում, որովհետև չգիտեմ, կմտնի, կկարդա՞, թե ոչ:

Եթե բացենք «Օրագրային քննարկումներ» թեմա, օրագիր պահողները կսկսեն պարբերաբար մտնել էդ թեմա, որպեսզի տեսնեն, իրենց գրառումներին արձագանք եղե՞լ ա, թե չէ: Ընդամենը մի հատիկ թեմա բացելով կարելի ա ամբողջ հարցը լուծել:

Շիլա շփոթ դժվար թե ստեղծվի, որովհետև մեջբերումներով ու կոնտեքստով կարելի ա հասկանալ, որ գրառումը ինչին ա վերաբերվում: Իսկ շիլա շփոթը մինչև հիմա միշտ «Թեմայից դուրս բայց...»-ում ա ստեղծվել, որովհետև օրագրային քննարկումները հաճախ խառնվել են մյուս գրառումների հետ:

Իսկ չորրորդ կետը արդեն անդամների կարգապահությունից ու մոդերատորի աչալրջությունից ա կախված

Օրինակ արդեն մի քանի օր ա ուզում եմ Անուկի էս գրառմանը վերաբերվող բան գրեմ, բայց չգիտեմ որ մի թեմայում գրեմ...

Ընդհանուր առմամբ համաձայն եմ գրածներիդ, բայց որոշ բաներ մի քիչ ավելի հեշտ ես պատկերացնում, քան իրականում կան կամ կլինեն։ Օրինակ՝ թեմային հետևելը կարող է մի իսկական գլխացավանք դառնալ մոդերատորի համար։ Զարմանալի չի, որ Շինարարը շնորհակալություն է տվել Չուկի համապատասխան գրառմանը. մարդը արդեն պատկերացնում ա իր գլխի գալիքը նման թեմայի գոյության դեպքում ։

Ես մինչև հիմա Ակումբում միջադեպ չի հիշում, որ օրագրի հեղինակը դեմ լինի, որ իր գրառումը մեջբերվի ու քննարկվի:

Համոզված եմ, որ դեպքեր էլի կլինեն, բայց ասեմ, որ անձամբ ես իմ օրագրային գրառումներից շատերի դեպքում դեմ կլինեմ քննարկմանն ու մեկնաբանություններին ։ Գրառումներ ունեմ, որոնք, եթե իմանայի՝ մեկնաբանվելու կամ քննարկվելու են, ընդհանրապես չէի անի ։ Չգիտեմ՝ էս առաջարկը կիրականացվի, թե չէ, բայց իրականացվելու դեպքում ես էլ իմ հերթին առաջարկում եմ, որ բոլոր նրանք, ովքեր չեն ուզում, որ իրենց օրագրային գրառումները այլ թեմայում մեջբերվեն՝ համապատասխան հետևանքներով, թող իրենց գրառումների տակ նշեն, որ չեն ցանկանում դա։ Ես որ պատրաստ եմ։ Այ էդ դեպքում, եթե ինչ–որ մեկը համարձակվի մեջբերել ու քննարկել, արդեն հանգիստ խղճով կարելի կլինի նկատողություն տալ ու տուգանել՝ գրվածն անտեսելու համար։ Բայց էդ դեպքում էլ հարց է առաջանում, թե ինչպես վարվել հին գրառումների հետ, որոնք գուցե հեղինակի չի ցանկանում, որ քննարկման առարկա դառնան, բայց այլևս չի կարող խմբագրել ու տակները գրել դրա մասին։

[Lianik]

Պատկերացրածդ ֆորմատը կնկարագրե՞ս:

Մասնավորապես հարցեր.
1. Կոռեկտ չի ինչ-որ մեկի օրագրի գրառում քննարկել առանց իր գիտության, ինչպե՞ս պետք է կազմակերպվի հեղինակին՝ դրա մասին տեղեկացումը:
2. Ինչպե՞ս վարվել այն դեպքերում, եթե գրառման կամ օրագրի հեղինակը ուղղակի չի ուզում, որ իր գրածը քննարկվի, մեջբերվի :

Chuk, իսկ հնարավո?ր չի, որ աշխատի տեղեկացումը..եթե ինչ-որ մեկը մեջբերի օրինակ իմ օրագրային գրառում, ինձ տեղեկացում գա, ինչպես վարկանիշի դեպքում...

Օրագրային գրառումների վերջում կամ գրվի, կամ էլ ինչ-որ ձևով նշվի տվյալ գրառողը <<արտոնում է>> այն ուրիշ թեմայում մեջբերել.. սա կարելի է հիմա էլ կիրառել...

[Chuk]

Chuk, իսկ հնարավո?ր չի, որ աշխատի տեղեկացումը..եթե ինչ-որ մեկը մեջբերի օրինակ իմ օրագրային գրառում, ինձ տեղեկացում գա, ինչպես վարկանիշի դեպքում...

Օրագրային գրառումների վերջում կամ գրվի, կամ էլ ինչ-որ ձևով նշվի տվյալ գրառողը <<արտոնում է>> այն ուրիշ թեմայում մեջբերել.. սա կարելի է հիմա էլ կիրառել...

Չէ: Հնարավոր չի:

[Ներսես_AM]

... Բայց էդ դեպքում էլ հարց է առաջանում, թե ինչպես վարվել հին գրառումների հետ, որոնք գուցե հեղինակի չի ցանկանում, որ քննարկման առարկա դառնան, բայց այլևս չի կարող խմբագրել ու տակները գրել դրա մասին։

Օրենքում նշել, որ այն հետադարձ ուժ չունի :Ճ

[Chuk]

Որպեսզի հետագա քննարկման դեմն առնեմ, ասեմ, որ տեսականորեն նման թեմայի գոյությունը հնարավոր համարում եմ, որոշակի հարցերի հստակեցումից հետո, որոշակի կանոնների համախումբ մշակելու պարագայում, բայց, առանց մանրամասների մեջ խորանալու ասում եմ, որ ներկա պահին դա նպատակահարմար չի ու չի արվի:

---------- Ավելացվել է՝ 01:13 ---------- Սկզբնական գրառումը՝ 01:11 ----------

հ.գ. Կարծում եմ, որ ուշադիր լինելու դեպքում յուրաքանչյուրդ կարող էր նկատել, որ այդ հարցի, նման թեմայի գոյության մասին մտածել եմ շատ ավելի շատ, քան ձեզնից յուրաքանչյուրը:

[Rammstein]

Առաջարկում եմ արգելել radikal.ru-ից ակումբում նկար տեղադրել, որտեւ էդ նկարները մենակ Ուլուանան չի, որ հաճախ չի տեսնում:

Ինձ վերջերս քանի անգամ եղել ա, որ չբացի: Օրինակ` հենց հիմա այս գրառման մեջի նկարն եմ փորձում բացել, ու…

Service Unavailable

HTTP Error 503. The service is unavailable.

Էս էլ հո իրանց քամբախ հոսթինգից ա:

Հիմա արդեն բացեց, բայց ներվայնացուցիչ ա, երբ նմնան, մեղմ ասած, կիսատ-պռատ հոսթինգը սկսում ա համատարած կիրառվել:

[Chuk]

Խնդրել, առաջարկել կարելի է, արգելել՝ ոչ:

[Արևածագ]

Առաջարկում եմ ստեղծագործական մրցույթների հաղթողներին որևէ ձևով խրախուսել: Դա կարող է լինել կայքավարի կողմից շնորհված հավելյալ վարկանիշային աստղը կամ էլ ասենք՝ սրտիկը: Թե չէ դուրս է գալիս, որ մարդիկ ջանքեր են թափում առաջադրված հանձնարարությունը կատարելու համար, հետո լսում ընթերցողների թուքումուրը, հերոսաբար այդքանին դիմանում, չեն պատասխանում, որ իրենց չմատնեն, արդյունքում՝ մի երկու կիսատ- պռատ շնորհավորանք հաղթողին ու «...ախպե'րս, ազա'տ ես, զբոսնի'ր»:
Կարծում եմ խրախուսման նման կամ որևէ այլ միջոց հնարելու դեպքում կարելի է խթանել ավելի շատ ակումբցիների մասնակցությունը ստեղծագործական մրցույթներին: Ի՞նչ կասեք:

[Chuk]

Առաջարկում եմ ստեղծագործական մրցույթների հաղթողներին որևէ ձևով խրախուսել: Դա կարող է լինել կայքավարի կողմից շնորհված հավելյալ վարկանիշային աստղը կամ էլ ասենք՝ սրտիկը: Թե չէ դուրս է գալիս, որ մարդիկ ջանքեր են թափում առաջադրված հանձնարարությունը կատարելու համար, հետո լսում ընթերցողների թուքումուրը, հերոսաբար այդքանին դիմանում, չեն պատասխանում, որ իրենց չմատնեն, արդյունքում՝ մի երկու կիսատ- պռատ շնորհավորանք հաղթողին ու «...ախպե'րս, ազա'տ ես, զբոսնի'ր»:
Կարծում եմ խրախուսման նման կամ որևէ այլ միջոց հնարելու դեպքում կարելի է խթանել ավելի շատ ակումբցիների մասնակցությունը ստեղծագործական մրցույթներին: Ի՞նչ կասեք:

Վարկանշային տեսքով խրախուսումը բացառվում է:
Այլ տեսքով խրախուսում, ասենք նշան մականվան տակ, որ տվյալ մարդը մրցույթի հաղթող է, հնարավոր է: Սակայն ուզում եմ հիշեցնել, որ այս մրցույթներին մասնակցող որևէ մեկը չի մասնակցել մրցույթի նման խրախուսման համար, այլ սեփական ուժերը փորձելու, իր ստեղծագործությունները ներկայացնելու համար, իմանալով, որ հետո քննարկումներ, այդ թվում՝ թուք ու մուր է լինելու:

[Norton]

Առաջարկում եմ լուսանկարչություն բաժնում թույլ տալ նկարներ տեղադրումը մեծ չափսով: կարելի է տեղադրել փոքր չափսով, որից հետո նոր նկարը կբացվի օրիգինալ չափսերով:

[Chuk]

Առաջարկում եմ լուսանկարչություն բաժնում թույլ տալ նկարներ տեղադրումը մեծ չափսով: կարելի է տեղադրել փոքր չափսով, որից հետո նոր նկարը կբացվի օրիգինալ չափսերով:

Միշտ էլ թույլատրված եղել է, Անդ, չեմ հասկանում առաջարկիդ իմաստը

[Norton]

Միշտ էլ թույլատրված եղել է, Անդ, չեմ հասկանում առաջարկիդ իմաստը

Չէ ոչ թե թույլատրել, այլ առաջարկել, որ տվյալ բաժնում նկարները միայն էս ձևաչափով տեղադրվի: Էջը չծանրաբեռնելու համար:

[Chuk]

Չէ ոչ թե թույլատրել, այլ առաջարկել, որ տվյալ բաժնում նկարները միայն էս ձևաչափով տեղադրվի: Էջը չծանրաբեռնելու համար:

Կարող ենք միայն խորհուրդ տալ, այլ ոչ թե պահանջել