Հայկական գովազդ: Լավ ու վատ գովազդ։

[Artgeo]

Գոյության սկզբից ի վեր հայերը ձգտել են յուրահատկության և ինքնուրույնության։ Պատճառները հայոց պատմության ընթացքում բազմաթիվ են եղել և ըստ իս հաճախ բացասական երևույթները բազմաթիվ դրական հետևանքներ են ունեցել հայ ժողովրդի ազգային, մշակութային դեմքի ու ժառանգության վրա։ Չէ որ, հենց ճգնաժամային ու վտանգված հայրենիքը փրկելու համար են ստեղծվել բազմաթիվ գրական, երաժշտական, ճարտարապետական և այլ ազգային ինքնագիտակցությունը ուժեղացնող ու բարձրացնող կոթողներ, որոնք մնացել են ոչ միայն հայոց, այլ համաշխարհային պատմության մեջ։ Այդ ամենը միայն հպարտություն կարող է առաջացնել մեր մեջ։
Ներկայիս Հայաստանում նույնպես գրեթե ամեն ինչ տարբերվում է աշխարհից, սակայն, ցավոք, ի տարբերություն անցյալի, այսօր տարբերությունները իրենց մեջ ներառում են բոլոր բացասական ու անհեթեթ երևույթները։ Բացառություն չէ նաև գովազդը։
Հայկական գովազդի մասին խոսելիս առաջին երկու բառը, որ միանգամից հիշում ես «էլիտարն» ու «Շտապեքն» են։

Էլիտար

Հայկական գովազդում էլիտար է ամեն ինչ, սկսած հասարակ հանքային ջրից, վերջացրած լվացքի փոշիով ու կողքի շենքում կոշկակար Էդո դյադդյայի կողմից կարված կալոշներով։ Էլիտար ջուր, էլիտար շենք, էլիտար լողավազան, էլիտար սնունդ, էլիտար տուրիստական գործակալություն, էլիտար մահճակալ, էլիտար հիվանդանոց, էլիտար դագաղ... Կամ առավել աբսուրդային «էլիտար ձվերը»։ Ինչևեցիե, մեղավոր է սպառողն ու նրա հոգեբանությունը։ Հայը ձգտում է ունենալ ամենաճոխն ու փայլուն փաթեթավորմամբ ապրանքը, հաճախ անտեսելեով պարունակությունը։ Առնում են «էլիտար» (կարդա թանկարժեք) ձեռախոս նույնիսկ այն դեպքում, երբ ձեռախոսը նրանց պետք էլ չի։

Շտապեք…

Այս բառի հետ կապված երկար բարակ չեմ գրի, չեմ ուզում գովազդել որոշ ախմախ ընկերությունների արտադրանքը, ուզում եմ միայն նշել նոր "MyDollarStore" խանութների ցանցի գովազդը, որտեղ չգիտես ինչու նույնպես գրել են այս բառը։ Ինչո՞ւ շտապել, երբ այդ խանութում ամեն ինչ միշտ մեկ դոլար արժե, պարզ չէ... Հայկական գովազդի առանձնահատկություն, ուրիշ ոչինչ:

Մենք հայերս...

Հայկական գովազդի ևս մեկ և ինձ համար նույնիսկ ամենացավալի տեսակ... Այս տեսակի գովազդներում հիշատակվում է հայոց պատմության բոլոր գլխավոր պահերը, որևէ քոսոտ ծխախոտի կամ օղու գովազդման համար... Ինչը կատարյալ հիմարություն է և չի տեղավորվում և ոչ մի տրամաբանության մեջ։

Վերջում նշեմ ևս երկու գովազդային արտահայտություն։ Առաջինը սխալ թարգմանության պատճառով բավականին երկար նյարդաինացրեց. «Իսկական տղամարդկանց ընկերություն» գովազդն է (պիտի լինի «Տղամարդկանց իսկական ընկերություն» հիմա արդեն փոխել են): Եվ երկրորդը «Դուք արժանի եք նրան»: Էական չէ ինչ ապրանք է գովազդվում, այն պիտի լինի արժանի իմ ուշադրությանը, այլ ոչ ես նրան:

[Մելիք]

-Ամենաձանձրալի ու նյարդայնացնող գովազդները- տարբեր տեսակ լոտոների գովազդները:
- Ամենակեխտոտ ու վտանգավոր գովազդները (ուղղված են հիմնականում դեռահասներին գրավելուն)- օղիների գովազդները:
- Հայողված գովազդ- Սուպեր սպրինտի գովազդը(Էս պահին էդ եմ հիշում):

[քաղաքացի]

Լավ գովազդ չկա։ Գովազդի լավը ո՞րն ա։
Համենայնդեպս ինձ ոչ մի գովազդ չի մղում գնամ ու այդ ապրանքը առնեմ։

Հ.Գ. Ամենաիրական գովազդները լինում են «ականջից ականջ» մեթոդով։

[Artgeo]

Համաձայն չեմ, կան բավականին լիքը լավ գովազդներ։ Ընդ որում լավը կարող է լինել, թե՛ հետաքրքիր, թե՛ զվարճալի, թե՛ լուրջ գովազդը։
Ես օրինակ հայկական գովազդներից շատ եմ հավանում Ջերմուկի գովազդը, էն որ վերջում ասում ա «...Մի կում թարմ հանքային ջրից»։ Միակ անհամ պահը, վերջում շշից ջուր խմելու պահնա։

[NetX]

TV պրակտիկորեն չեմ նայում, բայց աչքովս ընկել ա ու հավանել եմ Արայ՛ի գովազդը, որտեղ ձմեռպապիները հայկական են նվանգում ու իհայտե է գալիս օտարամոլ ձմեռպապաին...

1. օրիգինալ և հումորով է
2. շեշտվում է, որ օգտագործենք և պահպանենք սեփական արժեքները

[Gohar]

TV պրակտիկորեն չեմ նայում, բայց աչքովս ընկել ա ու հավանել եմ Արայ՛ի գովազդը, որտեղ ձմեռպապիները հայկական են նվանգում ու իհայտե է գալիս օտարամոլ ձմեռպապաին...

1. օրիգինալ և հումորով է
2. շեշտվում է, որ օգտագործենք և պահպանենք սեփական արժեքները

Այս գովազդը ինձ էլ է դուր եկել:

Իսկ չսիրածս գովազդը սնիկերսի գովազդն է. «Մի հապաղի՛ր, սնիկերսի՛ր»: Իմաստ չեմ տեսնում: Թերևս ինչ որ իմաստ կա` հանգերը համընկնում են:

[Taurus]

Միակ անհամ պահը, վերջում շշից ջուր խմելու պահնա։

Հա էտ պահը ես ել եմ նկատել , ու մտածում էի , իրանք էտ հատուկ են արել, այսինքն ընդգծվում է հենց ջերմուկ խմելը, բայց կարաին բաժակի վրա իրանց էմբլեման դնեին ու ֆսօ
հայկականներից լավն են Նոյան հյութի ու մի քանի ամիս առաջ արմավիայի գովազդները:
արտասահմանյաններից մի հատ կետչուպի գովազդ կա , բայց անունը չեմ հիշում, հավես էլ չունեմ պատմելու:

[Մելիք]

Ներվերիս վրա ազդում են "Հայ կոլայի" տափակ ռեկլամները:
-Որն է համար եկու հյութը հայաստանում…
մեկ էլ.
- Տատի՛կ, իսկ ի՞նչ նոր տարի առանց "Հայ կոլա"…

[StrangeLittleGirl]

- Հայողված գովազդ- Սուպեր սպրինտի գովազդը(Էս պահին էդ եմ հիշում):

Հա՛, էդ մեկը ես էլ եմ սիրում: Մեջը Վահիկն է

[Աբելյան]

"ճանճի փետ"-ի ռեկլամն եմ շատ սիրում:
Ասեմ, որ գովազդ երևույթը ընդհանրապես չեմ սիրում, մանավանդ, որ "Հանրային"-ով կինո էս նայում, 15 րոպե կինո էն ցույց տալի, 20 րոպե` ռեկլամ:
Լոտոների, օղիների, ծխախոտի ռեկլամները վրես ազդում են,
Չեմ սիրում բանկերի ռեկլամները,
Բայց ամենաշատը ատում եմ "Գրանդ Քենդիի" ռեկլամները, մանավանդ են, որտեղ աղջիկը խեղճ հորը մունաթով ասում ա.
-Էդ գլոբուսից չէ:
Մի քիչ տանելի են Հայկոյի ու Մկոյի ռեկլամները ու վերջ:

[Aida]

Բայց ամենաշատը ատում եմ "Գրանդ Քենդիի" ռեկլամները, մանավանդ են, որտեղ աղջիկը խեղճ հորը մունաթով ասում ա.
-Էդ գլոբուսից չէ:

Ես էլ եմ ատում:
Ես միայն սիրով նայում եմ Johnsons Baby-ի գովազդը: Մեկ էլ Հայկո Մկոյի Գովազդն եմ հաճույքով նայում, բայց միայն առաջին անգամ:

[Artgeo]

«Իսկական տղամարդկանց ընկերություն» գովազդն է (պիտի լինի «Տղամարդկանց իսկական ընկերություն» հիմա արդեն փոխել են):

Նման մի սխալ էլ այսօր լսեցի։ Կարմիր խաչի աղիների լվացման կենտորն էր ոնց որ։ Կարճ ասած, գովազդում ասում ա. «Աղիների նոր լվացման կենտրոն»։ Ենթադրում եմ, որ պիտի լինի. «Աղիների լվացման նոր կենտրոն»։

[Արշակ]

Հայկական գովազդին բնորոշ աբսուրդներից մեկն էլ էն է, որ գրեթե բոլոր գովազդներում պարտադիր է դարձել «և որ ա՛մենակարևորն է» արտահայտությունը։ Ընդ որում սխալ շեշտադրությամբ։ Ու շատ հաճախ «և որ ա՛մենակարևորն է» ասելուց հետո նշում են մի շատ չնչին կարևորություն ունեցող արժանիք։
Լրիվ կորցրել են այդ արտահայտության իմաստը։

[John]

Ամենաշատը զզվում եմ էն գովազդից, որ վերջում ասում ա.
-Ձեր հարևան Լյուդվիկ, մոժնը պրոստը Լյուտիկ: Շատ հիվար գովազդ է…
Հավանում եմ Ջաֆֆա բնական հյութի գովազդը…
Զզվում եմ նաև Պաչիկ, Նանար, Զոքանչ գինիների գովազդից…
Համեմատաբար նայվող գովադներից է Հայկոյի ու Մկոյի մասնակցությամբ գովազդները… իսկ ընդհանրապես գովազդների իմաստը չեմ ջոգում… մի օր հատուկ ժամ եմ պահել՝ Հ1-ի գովազդը 14 րոպե տևեց, Արմենիայինը 27… շատ են չափը անցնում… բայց նրանով եմ մխիթարվում, որ իրանց շնորհիվ ենք դիտում որակյալ ֆուտբոլ…

[Amaru]

Ամենաշատը զզվում եմ էն գովազդից, որ վերջում ասում ա.
-Ձեր հարևան Լյուդվիկ, մոժնը պրոստը Լյուտիկ: Շատ հիվար գովազդ է…
Հավանում եմ Ջաֆֆա բնական հյութի գովազդը…
Զզվում եմ նաև Պաչիկ, Նանար, Զոքանչ գինիների գովազդից…
Համեմատաբար նայվող գովադներից է Հայկոյի ու Մկոյի մասնակցությամբ գովազդները… իսկ ընդհանրապես գովազդների իմաստը չեմ ջոգում… մի օր հատուկ ժամ եմ պահել՝ Հ1-ի գովազդը 14 րոպե տևեց, Արմենիայինը 27… շատ են չափը անցնում… բայց նրանով եմ մխիթարվում, որ իրանց շնորհիվ ենք դիտում որակյալ ֆուտբոլ…

Վայ ես էլ եմ Լյուտիկի գովազդից զզվում...Տափակություն ա...
Ֆուտբոլից խոսեցիք...Հիմա արդեն ֆուտբոլի ժամանակ էլ են գովազդ մցնում...Տեսնում ես՝գրոհ ա,մեկ էլ Պուտինկաի գովազդը...Ուղղակի չափն են անցնում