Ե՞րբ է անհրաժեշտ ասել այդ բառերը. «Ես քեզ սիրում եմ»

[Synopsys_vs_Lycos]

Ասել ՝ Ես Քեզ Սիրում եմ, լուրջ քայլ է և ասողի համար, և լսողի: Եվ ուրեմն ե՞րբ ասել այդ ղոսքերը:

[Taurus]

Վայ, դու էլ հո չասիր, Պիտի ասես այն ժամանակ , երբ սիրում ես

[StrangeLittleGirl]

Վայ, դու էլ հո չասիր, Պիտի ասես այն ժամանակ , երբ սիրում ես

Ես էլ էի ուզում նույնն ասել: Երբ սիրում ես, ասա: Խաբելը լավ բան չէ

[Selene]

Երբ սիրում ես, ասա: Խաբելը լավ բան չէ

Չասելը խաբել չեմ համարում,դրանք շատ տարբեր հասկացություններ են
Իրոք երբ սիրում ես,պիտի արտահայտվես,միգուցե հենց արտահայտվելուց հետո անմիջապես պարզես, որ քո զգացմունքը փոխադարձ է
Իսկ չարտահայտվելու դեպքում սիրելիիդ կորցնելու հավանականությունը մեծ է

[StrangeLittleGirl]

Չասելը խաբել չեմ համարում,դրանք շատ տարբեր հասկացություններ են
Իրոք երբ սիրում ես,պիտի արտահայտվես,միգուցե հենց արտահայտվելուց հետո անմիջապես պարզես, որ քո զգացմունքը փոխադարձ է

Ես ոչ թե չասելու մասին էի ասում, այլ այն ժամանակ ասելու, երբ չես սիրում: Հիմա գիտեմ, որ շատերն ինձ վրա են հարձակվելու, բայց ես երկար ժամանակ չասելն էլ եմ խաբել համարում: Բացատրեմ: Այդ դեպքում խաբում ես քո հարաբերություններով:
Հենց իմ կյանքից օրինակ բերեմ: Մի հոգու սիրում էի, բայց ինձ այնպես էի պահում, ասես նա իմ ոխերիմ թշնամին լիներ: Ես նրան խաբում էի:

[Selene]

Ես ոչ թե չասելու մասին էի ասում, այլ այն ժամանակ ասելու, երբ չես սիրում: Այդ դեպքում խաբում ես քո հարաբերություններով: Մի հոգու սիրում էի, բայց ինձ այնպես էի պահում, ասես նա իմ ոխերիմ թշնամին լիներ: Ես նրան խաբում էի:

Այո,այդ դեպքում համաձայն եմ խաբելու հետ,երբ չես սիրում ու ասում ես
ԲԱյց քո դեպքում դու ավելի շուտ քեզ էիր «խաբում»,հետո նոր այդ տղային

[emo]

Ասել ՝ Ես Քեզ Սիրում եմ, լուրջ քայլ է և ասողի համար, և լսողի: Եվ ուրեմն ե՞րբ ասել այդ ղոսքերը:

Ինչպես ասում ես ՝ լուրջ քայլ է և ասողի համար, ուրեմ այն ժամանակ, երբ համոզված ես որ սիրում ես, և լսողի համար, ուրեմ նաև այն դեպքում երբ համոզված ես որ դիմացինտ՝ում պետք է ասես այդ բառերը, գոնե ցանկություն ունի այդ թեմայի շուրջ քո հետ խոսել, դա մինիմումը, իսկ լավ կլիներ ու իմ կարծիքով ճիշտ կլիներ այն դեպքում երբ համոզված ես որ դիմացինտ ել քո հանդեպ անտարբեր չի ,առավելևս համոզված լինես որ սիրում է քեզ, այդ դեպքում

[Ուլուանա]

Իսկ իմ կարծիքով, այդ բառերը սիրած էակին պետք է ասել ոչ միայն առաջին անգամ սեր խոստովանելիս, այլև հետագայում, երբ արդեն միասին եք։ Կարծում եմ՝ չկա այնպիսի մարդ, որի համար հաճելի չէ նորից ու նորից լսել, որ իրեն սիրում են։ Դրանք այն խոսքերն են, որոնք երբեք ավելորդ չեն ու երբեք չեն հնանում։ Թեկուզ գիտես, որ նա քեզ սիրում է, միևնույն է, միշտ էլ հաճելի է այդ մասին լսելը։ Այնպես որ, կոչ եմ անում բոլոր իրար սիրողներին այդ կենարար բառերը չխնայել, հնարավորինս շատ ասեք ձեր սիրելիներին, որ սիրում եք։

[Esmeralda]

Կարծում եմ, որ իր մեջ մեծ պատասխանատվություն կրող այս նախադասությունը պետք չէ ասել այնքան, որ դառնա սովորական....

[Ուլուանա]

Կարծում եմ, որ իր մեջ մեծ պատասխանատվություն կրող այս նախադասությունը պետք չէ ասել այնքան, որ դառնա սովորական....

Ըստ իս, այդ բառերը երբեք չեն կարող սովորական դառնալ։
Իսկ «մեծ պատասխանատվություն կրող» ասելով՝ ի՞նչ նկատի ունես տվյալ դեպքում։ Այսինքն՝ դա կապ ունի՞ այդ նախադասությունը հաճախ ասելու հետ, թե՞...

[Cassiopeia]

Այս բառերը ասելուց պետք է ամբողջ հոգով ու սրտով ասեն: Չոր ու կոպիտ ասված նմանատիպ բառերը մի կոպեկի արժեք չեն ունենա: Սրանք բացի բառեր լինելուց պիտի զգացմունք լինեն, արտահայտեն մարդու սրտում եղածը: Ու եթե ամեն անգամ ասելիս լսողը զգում է այդ բառերի էությունը այլ ոչ թե լոկ բառեր լսում, ապա նա գրավել է կյանքի ամենաբարձր գագաթնակետը՝ ՍԵՐԸ…

[Esmeralda]

Ըստ իս, այդ բառերը երբեք չեն կարող սովորական դառնալ։
Իսկ «մեծ պատասխանատվություն կրող» ասելով՝ ի՞նչ նկատի ունես տվյալ դեպքում։ Այսինքն՝ դա կապ ունի՞ այդ նախադասությունը հաճախ ասելու հետ, թե՞...

Ան ջան... Իմ կարծիքով այդ նախադասությունն իր մեջ շատ մեծ պատասխանատվություն է կրում, քանի որ սիրելը կատակ չէ... Մարդիկ հաճախ շփոթում են սիրելն ու սիրահարված լինելը, իսկ ասել մարդուն, որ սիրում ես... դա շատ լուրջ արարք է... (չգիտեմ, կարողանում եմ բացատրել մտքինս, թե ոչ )...

Իսկ սովորական դառնալու առումով ասեմ, որ հաճախ լսում ես այդ նախադասությունը, իսկապես հաճելի է... սակայն եթե երբեմն ես լսում, շատ ավելի մեծ ազդեցություն է ունենում... Եթե մի իմաստուն խոսք անընդհատ կարդում եմ, ինձ սկսում է սովորական թվալ... Այդպես էլ "Ես քեզ սիրում եմ "-ը...

[PlesOk]

ասել այն ժամանակ,երբ պատրաստ լինես ասելու

[Guest]

Ես ինչքան հասկանում եմ հարցը առաջին անգամ այդ բառերի ասելու մասին ա:

ասել այն ժամանակ,երբ պատրաստ լինես ասելու

Հենց հակառակը: Այն ժամանակ երբ նա պատրաստ է լսելու:

[Firegirl777]

Անձամբ ինձ համար շատ կարևոր է այդ բառերը լսելը, բայց և չեմ սիրում երբ դրանք ասվում են հենց այնպես, ուղղակի ասվելու համար...