ԵԽԽՎ-ն պահանջում է կասեցնել Հայաստանի` քվեարկելու իրավունքը

[Վարպետ]

ՊԱՀԱՆՋՈՒՄ ԵՆ ԿԱՍԵՑՆԵԼ ՔՎԵԱՐԿԵԼՈՒ ԻՐԱՎՈՒՆՔԸ

Մարդկանց նկատմամբ քաղաքական շարժառիթներով մեղադրանք հարուցելը «անընդունելի է». ԵԽԽՎ հանձնաժողովը պահանջում է կասեցնել Հայաստանի պատվիրակության քվեարկելու իրավունքը

Ոչ պաշտոնական թարգմանություն
Ստրասբուրգ, 18.12.2008թ.

Հայտարարելով, որ «անընդունելի է» որ անձինք կարող են մեղադրվել և զրկվել ազատությունից քաղաքական շարժառիթներով Հայաստանում 2008 թ. մարտի 1-ի և 2-ի դեպքերի կապակցությամբ՝ Եվրոպայի խորհրդի Խորհրդարանական վեհաժողովի (ԵԽԽՎ) մոնիտորինգի հանձնաժողովը երեկ առաջարկել է կասեցնել Վեհաժողովում Հայաստանի ութ անդամներից կազմված պատվիրակության քվեարկության իրավունքները, քանի դեռ իշխանությունները «հստակ չեն դրսևորել այս խնդրին լուծում տալու իրենց քաղաքական կամքը»։ Համազեկուցողները կայցելեն երկիր 2009 թ. հունվարին՝ նպատակ ունենալով այնուհետև հանձնաժողովին զեկուցել 2009թ. հունվարի նստաշրջանի առաջին օրը նշված անձանց ազատ արձակմանն առնչվող առաջընթացի վերաբերյալ։

Իր երկու նախորդ բանաձևերում Վեհաժողովը մի քանի պահանջներ է ներկայացրել՝ 2008թ. հետընտրական բռնություններից հետո, այդ թվում՝ կատարվածի անկախ, թափանցիկ և վստահելի հետաքննումը և նշված իրադարձությունների հետ կապված՝ «առերևույթ արհեստական և քաղաքական շարժառիթներ ունեցող մեղադրանքներով» ատազրկված անձանց ազատ արձակումը։ Փարիզում երեկ ընդունված բանաձևի նախնական տարբերակում Մոնիտորինգի հանձնաժողովը ողջունել է մարտյան իրադարձությունների ուսումնասիրության նպատակով Հայաստանի Նախագահի կողմից փորձագետների փաստահավաք խմբի ստեղծումը, որպես մի կարևոր քայլ Վեհաժողովի պահանջների կատարման ուղղությամբ, բայց զգուշացրել է, որ խմբի վստահելիությունը կախված կլինի նրանից, թե ինչպես այն կիրականացնի իր աշխատանքը։ Նրանք նաև գոհունակություն են հայտնել լրատվամիջոցների, ընտրական օրենսդրության և դատական համակարգերում բարեփոխումներ իրականացնելու ջանքերի կապակցությամբ։

Այնուամենայնիվ, խորհրդարանականներն ասել են, որ «չնայած որոշ ոլորտներում դրական զարգացումներին» վերը նշված անձանց ազատ արձակման հետ կապված սահմանափակ առաջընթացը նշանակում է, որ Հայաստանի պատվիրակությունը պետք է զրկվի իր ձայնի իրավունքից, եթե այս առումով հետագա առաջընթաց չգրանցվի նախքան 2009թ. հունվարին ԵԽԽՎ լրակազմ նստաշրջանը։

Վեհաժողովը պետք է որոշում կայացնի այս հարցի վերաբերյալ հունվարի 29-ին, հինգշաբթի օրը, իր գալիք ձմեռային լրակազմ նստաշրջանի ժամանակ (2009թ. հունվարի 26-30-ը)։

www.lragir.am

[Հայկօ]

Հա դե հեսա էսինչը կկասեցնեն, էնինչը կփագեն, և այլն, և այլն: Հետո, որպես պատժամիջոց, կդադարեցնեն մարդասիրական օգնությունները. հասարակ ժողովուրդը՝ մենք, կթքենք, իսկ «վերևների» չստերին էլ չի լինի. ոնց թալանել էին, տենց էլ կթալանեն:

Էդ եվրոների համար Հայաստանը ՍՍ-ն ա: Ու նույնիսկ (նույնի՛սկ) եթե իրանց շահերը նենց դասավորվեն, որ ՍՍ-ին պատժելը իրանց ձեռ տա, Հայաստանին են պատժելու: Արդյունքում՝ մենք՝ ստեղ պատժված, ոմանք՝ յախտայով Մոնակո:

[Sunny Stream]

- կերաք? - ղժժում ա հիմա Ադրբեջանը,
- կերանք,- մռթմռթում ենք մենք` գլուխներս հողի տակ խրած

[Հայկօ]

- կերաք? - ղժժում ա հիմա Ադրբեջանը,
- կերանք,- մռթմռթում ենք մենք` գլուխներս հողի տակ խրած

Իրանց ղժժալը հլը քիչ ա:
Մեր մղկտալն էլ ա քիչ:

Հայաստանն ու Ադրբեջանը էս խաղում սովորական զինվորներ են:


Ուղղակի ի՛նչն ա նեռվայնացնում. էդ դամգռատ եվրոպացիներին ի՛նչ ա, թվում ա, որ եթե հանկարծ «պատժամիջոց կիրառեն» մեր հանդեպ, ՍՍ-ը կտրուկ բարոյախրատվելու ա, ասի «վա՜յ, ժողովրդիս ճնշում են իմ մեղքով, գնամ հրաժարական տամ» ու ս մեծատառ ս փոքրատառ լինի՞: Արա էդի էնքան մարդ ա սպանել, որ մի հարյուր-երկու հարյուր հազարի սովից մեռնելը փաթթա՛ծ ունի, ա՛յ հորթեր:

Դրանց ուղղակի ձեռ ա տալիս ճորտեր ունենալը: Ու էդ ճորտը ինչքան խորը ցեխի մեջ լինի, էնքան ձեռքերն ու լեզուն կարճ կլինեն: Դրա համար էլ դրած չիբխում են: Թե չէ՝ ժողովրդավարությու՜ն, արդարությու՜ն: Բա որ էդքան սպիտակ ու փափուկ եք՝ հլը սաղ հարաբերություններդ խզե՛ք կոնկրետ դրա՛ ու դրա կառավարության հետ, տեսնենք՝ քանի՞ օր կդիմանան:

Չէ՜, կրակից հելնում, բոցն ենք ընկնում:

[Chuk]

- կերաք? - ղժժում ա հիմա Ադրբեջանը,
- կերանք,- մռթմռթում ենք մենք` գլուխներս հողի տակ խրած

Սեդա ջան, գիտես ի՞նչ, թքած թե Ադրբեջանը ինչ ա մտածում
Կարևորը մենք ենք

[Yellow Raven]

Շանթով Հեռանկարնա` նայեք
Դհոլնա

[Մարկիզ]

Դհոլնա

Ազգի փրկիչն ա…
«Հանճարեղ» գործիչ է: Էներգիա, խողովակաշար… Ի՞նչ ես սուտ բորբոքվել, այ վաճառական: Չգիտեի՞ր, որ տենց ա լինելու:

[Rhayader]

Ես զգուշացնում էի:

[Katka]

Շատ տխուր է, ազգովի խայտառակ ենք լինում, իսկ ստեղծված պանիկան, իրարանցումը առավել ևս ներկա իշխանության դեմքը բացում է... Էհ, պ-ն Սարգսյան ակնկալիքներն այլ էին

[Ֆրեյա]

Խաղե՜ր, խաղե՜ր...

Եւրոպացիք տենց բնավորությւն ունեն, դեմքիդ ժպտում, իրենց չհասկացող միամիտ ու ամկեղծ Յոհանների տեղ են դնում, բայց ամեն ինչ շատ լավ հասկանում են, ու երբ շանտաժի պահը գալիս ա, լավ էլ հասկացող ու խորամանկ են դառնում:
Հիմա իրենց ինչին է պետք, շատ է հետաքրքրում, թե հայերը "էնտեղ" ինչ են անում, իրար միս են ուտում, իրար ճնշում են, սպանում են, ինչ են անում...
Հետո հենց պետք լինի ՍՍ ից մի բան պոկել իր հանցանքները չբացահայտելու փոխարեն /օրինակ, Ղարաբաղը/ սիրուն շանտաժ կանեն, կհամաձայնվի:

[keyboard]

Կապ չունի Հայաստանում ինչա եղել կամ լինելու: Ուղղակի համ "չագուչնա իրանց մոտ համ ընկույզը" երբ ու ոնց կուզեն կջարդեն կուտեն: Եթե ասենք դա չլիներ, կասեին փակեք ատոմակայանը կամ ասենք հայերը շատ են հաց ուտում եկեք իրանց զրկենք քվեարկելու իրավունքից: Ծիծաղելի է ուղղակի:
Ողբալին այն է, որ հենց ԵԽԽՎ-ն աշխարհի ամենամեծ չարիքն է, որի պատճառով մինչ օրս Ղարաբաղի մասին նենց են խոսում կարծես նենց հեշտա էլի խաղալիքա պիտի տանք կամ չտանք, ողբալի է

[Sunny Stream]

Սեդա ջան, գիտես ի՞նչ, թքած թե Ադրբեջանը ինչ ա մտածում
Կարևորը մենք ենք

Արտակ ջա'ն, հարցն էն ա, որ ես գրել էի, ոչ թե իշխանությունների կամ մեկ ուրիշի անունից, այլ իմ. ես ինձ իսկապես խայտառակված եմ զգում, անկեղծ եմ ասում, կատաղած ու խայտառակված... մենք արտաքին քաղաքականության բոլոր հարցերում տանուլ ենք տալիս, եթե Վրաստանի նման երկիրը մեզ կարողանում ա բոլորի աչքի առաջ խաղացնել ու գլխներիս տալ, էհ պարզ է` ԵԽԽՎ-ն էլ հետ չէր մնալու. ուղղակի Վրաստանն իբր մերոնաքական էր, սուս-փուս մի կողմ արեցին հարցերը, իսկ էս դեպքում ամբողջ աշխարհն էլ իմացավ. լուրջ` կերա'նք մեր թուլամորթության համար... որ չլսեցի` 2 ժամ քննարկել են հարցը, տարբեր մարդիկ են խոսել, իսկ մեր պատվիրակությանը, որը գնացել էր լրիվ կազմով, ինչպես հասկացա, կամ ներս չէին թողել, կամ ձայն չէին տվել... էս էնպես հիշեցրեց պատմության կիսաճղրտված դասագրքերս` էն որ հազար ու մի պատվիրակություն ում ոտքն ասես չէր ընկնում, ինչ բանաձև ասես չէին ընդունում Հայկական Հարցի համար, վերջում էլի կերանք, որովհետև անհետևողական ու թույլ ենք... արդյունքում էսօր ունենք Սևրի պայմանագիր, որի իրագործման համար ոչ մի իրավական խոչընդոտ չկա, իսկ մենք մեկ ա թույլ ենք, որ ձայն հանենք...
էհ, մի խոսացրեք, ամաչում եմ...

[Ձայնալար]

Իսկ ես ինձ խայտառակված եմ զգացել մարտի մեկին: Հիմա արդեն ԵԽԽՎ-ն ինչ կորոշի ինձ էնքան էլ չի հուզում բարոյական տեսանկյունից: Եթե ԵԽ-ը ասեր, որ մենք աշխարհի ամենաժողովրդավար երկիրն ենք, մեզ դրանից ավելի լավ չէր լինի, իսկ ավելի վատ կարող էր լինել. մարդկանց մի մասը կհավատար ու կհամակերպվեր ստրկացած վիճակին՝ մտածելով, որ ժողովրդավարությունը հենց էդ ա, որ կա:

[Sunny Stream]

Եթե ԵԽ-ը ասեր, որ մենք աշխարհի ամենաժողովրդավար երկիրն ենք, մեզ դրանից ավելի լավ չէր լինի, իսկ ավելի վատ կարող էր լինել. մարդկանց մի մասը կհավատար ու կհամակերպվեր ստրկացած վիճակին՝ մտածելով, որ ժողովրդավարությունը հենց էդ ա, որ կա:

ես հո չեմ ասում էդպես լավ կլիներ? ուղղակի չպետք էր հասցնել սրան... ես չեմ փնտրում մեղավորներ, որովհետև նրանք քաջ հայտնի են, էլի եմ ասում` սա լրիվ ակնկալելի էր, բայց ամեն դեպքում ինձ համար սարսափելի տհաճ էր... ու զուգահեռները պատմության հետ զզվելի են

[Chuk]

ես հո չեմ ասում էդպես լավ կլիներ? ուղղակի չպետք էր հասցնել սրան... ես չեմ փնտրում մեղավորներ, որովհետև նրանք քաջ հայտնի են, էլի եմ ասում` սա լրիվ ակնկալելի էր, բայց ամեն դեպքում ինձ համար սարսափելի տհաճ էր... ու զուգահեռները պատմության հետ զզվելի են

Սեդա ջան, եթե կաշառակերին կաշառակեր չասենք կամ չասեն, դրանից ինքը չի դադարի լինել կաշառակեր: Թքած ունեմ թե աշխարհում ով ինչ կմտածի, որտև ես ամեն օր ինձ ստորացած եմ զգում, որ իմ երկրում քաղբանտարկյալներ կան: Ու եթե հիմա ամբողջ աշխարհը բարձրաձայնի ու թքի մեր իշխանությունների երեսին, ես ավելի ամաչելու կամ ինձ ստորացած զգալու բան չեմ ունենա, քան հիմա ունեմ: Ասածս էն ա, որ զգացմունքային տեսակետից գուցե էս պահին տհաճություն զգաս, բայց էս դեպքում զգացմունքները դավաճաններ են: Տրամաբանությանդ դիմիր: