Չեմ ուզում բողոքական երևալ, բայց կարծում եմ, որ եթե կա շնորհակալություն հայտնելու հնարավորություն, պետք է լինի նաև դժգոհություն հայտնելու հնարավորություն: Այլապես ստացվում է, որ Ակումբում բոլորը հրեշտակներ են և միայն բարի ու գեղեցիկ գրառումներ են կատարում:Chuk-ի խոսքերից
Բացառված չի, որ ավելացվի: Պատասխանս միանշանակ չի, քանի որ դա կարող է բերել կոնֆլիկտների և այլն: Սակայն հնարավոր է այդ հարցում ինձ օգնի կողմնորոշվել քո գրառմանը տրված շնորհակալությունների քանակը, որով կտեսնեմ, թե քանի հոգի են համաձայն քո առաջարկին: Այս գրառումս գրելու պահին այդպիսիք չկան
Ինձ շատ հաճախ դուր չեն գալիս մեղմ ասած աղավաղված հայերենով (լեզուս պապանձվի, որ այդպիսի խզբզոցները հայերեն եմ համարում) կատարված գրառումները: Բացասական գնահատական երբեք չեմ տվել ու երևի հետայսու նույնպես չեմ տա (ես էլ այդպիսի սովորություն ունեմ), բայց մեծ հաճույքով դժգոհությունս կհայտնեի: Ճիշտ է, երբեմն հենց տեղում գրավոր դժգոհությունս արտահայտում եմ, բայց ոչ միշտ կարելի է այսպես, դա օֆտոպի տեղիք է տալիս:
Կարծում եմ շատերը ինձ հետ համամիտ կլինեն:
Chuk ջան, կարծում եմ դու այս հարցում պիտի օբյեկտիվ լինես: Հասկանում եմ քեզ, դու ցանկանում ես Ակումբը միշտ տեսնել համերաշխության ու փոխըմբնման մթնոլորտում, ուզում ես, որ Ակումբի անդամները միշտ իրարից գոհ լինեն, բայց այդպես միշտ չի կարող լինել: Դժգոհությունը միշտ չէ, որ վատ բան է ու կոնֆլիկտներ է առաջացնում: Այն կարող է սպիպել մարդուն փոխել իր կարծիքն ու դիրքորոշումը, եթե նա զգում է, որ իր այդ դիրքորոշումը համընդհանուր (պարտադիր էլ չէ համընդհանուր) դժգոհություն է առաջացնում: Օրինակ ես հաստատ կվերանայեի իմ կարծիքը, եթե ակումբեցիներին այն դուր չգար:
Կներեք, որ միտքս այսքան երկարացրի: Ամեն դեպքում վերջնական որոշումը քոնն է, Chu՛k
Հ.Գ. Ներողություն եմ խնդրում «դժգոհություն» բառը չարաշահելու համար: Իրականում ես դժգոհ մարդ չեմ
Մեջբերել
Էջանիշներ