Կան որոշ բաներ, որոնք մարդիկ համարում են մոգություն, կախարդանք, անեծք… Հավատու՞մ եք արդյոք նման բաների, որ մարդուն կարելի ա անեծքով ինչ-որ վնասներ հասցնել (հիվանդություններ, անհաջողություններ կյանքում և այլն), կամ որ կա մոգություն, որ կան մարդիկ, որոնք դրանով զբաղվում են ու հաջողությունների են հասել այդ բնագավառում, որ կան մարդիկ, որոնք որտեղ որ գտնվում են, այնտեղ միշտ ինչ-որ վատ բան ա կատարվում և այլն: Հավատու՞մ եք, որ մենք՝ հասարակ մարդիկ, ընդունակ ենք…մտքի ուժով ազդել մարդկանց և իրավիճակների վրա:
Ինքս կարծում եմ, որ ամեն ինչ էլ հնարավոր ա ու լավ էլ հավատում եմ նման բաների, քանի որ ինքս եմ ընդունակ այդպիսի բաների… Երբ փոքր էի, այդ բաներն իմ մոտ ավելի լավ էին արտահայտված: Միշտ, երբ ինձ վրա մեծերը ջղայնանում էին կամ բարձր ձայնով էին խոսում հետս, ես թարս-թարս նայում էի իրանց, ուրիշ հայացքով, ինչպես իրենք էին ասում՝ կախարդի վախենալի հայացքով, ու դրանից հետո նրանց հետ ինչ-որ վատ բան էր պատահում…Էն ժամանակ մայրիկիս մի ծանոթ, չգիտեմ՝ ինչպես, իմ էդ նման կարողությունն իմ մեջ շատ խորը թաքցրեց: Այժմ, երբ ես մեծ եմ բավականին ու հասկանում եմ, որ իմ արածները շատ վատ բաներ էին, որ չի կարելի նման բաներ անել, ես ձգտում եմ իմ նման կարողությունը դեպի լավ գործերն ուղղել, օգուտ տալու համար, ոչ թե մարդկանց վնաս տալու:
Մյուս կարողությունը, որին ես տիրապետում եմ, դա էն ա, որ իմ մտքերը նյութականանում են: Նման օրինակներ շատ կարող եմ բերել: Օրինակ՝ մի անգամ դահլիճում նստած համերգ էի նայում ու մտածեցի, որ բեմի վրա մի տեղ ջուր ա թափված, ես ուզում էի, որ էդպես լինի, որպեսզի ստուգեմ իմ կարողությունը, հետո շատ պատահաբար հայտնվեցի բեմում (ընկերուհիս էր երգում, բեմի հետևի մուտքով գնացինք իր մոտ) ու տեսա, որ էնտեղ իրոք ջուր ա, բայց գրեթե անհնար բան էր դա: Ընկերուհուցս հարցրեցի, արդյոք համերգի սկզբում այդ հատվածը ջուր էր թափվել ու նա ասաց՝ չէ, քիչ առաջ ա հայտնվել… Դե սա ամենապրիմիտիվ բաներից ա: Ավելի հաճախ իրականում են իմ երազանքները: Եթե ինչ-որ մի բան եմ ուզում, ապա էդ բանն իրականանում ա: Նաև ինտուիցիաս, որը շատ մարդկանց մոտ ա լավ արտահայտված: Այսինքն՝ կարողանում եմ կանխազգալ գալիք իրադարձությունները:
Էջանիշներ