Պե՞տք է վերսկսել հանրահավաքները

[Chuk]

Մեզ մոտ մտածելակերպի հեղափոխություն է անհրաժեշտ, ինչը ասում էր Տ. Սարգսյանը, սակայն փաստացի այս տարվա ընթացքում իրականացրեց ԼՏՊ-ն: Այժմ այդ պրոցեսը կարծես թե կանգնած է ...

Միանշանակ սխալվում ես:
Մտածելակերպի հեղափոխությունը շարունակվում է ու այն, ինչ այս պահին անում է ՀԱԿ-ը, պարզապես ապշեցնող է: Նրանք թողնելով սեփական ամբիցիաներն այս պահին պետական մտածելակերպ են սովորեցնում, ցույց են տալիս, թե որ պահին է պետք պետական ու ազգային շահը վեր դասել քո սեփական շահից, սեփական ամբիցիաներից, սեփական աթոռակռվից:

Ինձ հատկապես հիացնում է երիտասարդների հետ տարվող աշխատանքը: Բայց միայն այդ չէ: ՀԱԿ-ը հիմա հզոր ինստիտուտ է ստեղծում Հայաստանում՝ պետականամետ ուժերի, քաղաքական ուժերի, օրենք հարգող ուժերի ինստիտուտ: Հենց սա է մտածելակերպի հեղափոխությունը, որի ծիլերը արմատների կայունացումից հետո տարածվելու են շատ արագ

[azat11]

Միանշանակ սխալվում ես:
Մտածելակերպի հեղափոխությունը շարունակվում է ու այն, ինչ այս պահին անում է ՀԱԿ-ը, պարզապես ապշեցնող է: Նրանք թողնելով սեփական ամբիցիաներն այս պահին պետական մտածելակերպ են սովորեցնում, ցույց են տալիս, թե որ պահին է պետք պետական ու ազգային շահը վեր դասել քո սեփական շահից, սեփական ամբիցիաներից, սեփական աթոռակռվից:

Ինձ հատկապես հիացնում է երիտասարդների հետ տարվող աշխատանքը: Բայց միայն այդ չէ: ՀԱԿ-ը հիմա հզոր ինստիտուտ է ստեղծում Հայաստանում՝ պետականամետ ուժերի, քաղաքական ուժերի, օրենք հարգող ուժերի ինստիտուտ: Հենց սա է մտածելակերպի հեղափոխությունը, որի ծիլերը արմատների կայունացումից հետո տարածվելու են շատ արագ

Փառք ու պատիվ իրենց: Իմ վերապահումով մոտեցումը որոշ հիմքեր ունի: Ես մոտիկից ծանոթ եմ ՀՀՇ-ական մի շարք գործիչների իրոք փայլուն ինտելեկտին և պետական մտածելաերպի ճանաչողությանը: Սակայն ցավոք պետք է նշեմ նաև նրանց անփույթ, ծույլ կարելի է ասել նույնիսկ անկարող վերաբերմունքը այդ նույն արժեքներին` իրենց իշխանության տարիներին: Հիմա նրանց մեծ մասը ֆռֆռում է շարժման շուրջը, իսկ ներսում ավելի շատ ակտիվ են նախկին ավազակները (տարբեր առիթներով անուններ տվել եմ, հիմա չեմ ուզում նորից կրկնել):
Ես համաձայն եմ, որ շարժման շուրջ ձևավորվել է երիտասարդների մի ամբողջ բանակ: Սակայն նրանց մեջ շատերը դեռ քաղաքականապես հասուն չեն և լիովին չեն ընկալում իրական ազատական արժեքները, մասնավորապես աչքի են ընկնում անհանդուրժողականությամբ, լսելու ցածր պատրաստակամությամբ: Նրանցից շատերն իրենք ունեն իրենց մտածելակերպը հեղափոխելու անհրաժեշտություն և այդ պրոցեսն եմ ես համարում ԼՏՊ-ի առաքելությունը: Ժողովրդի շունչը` առաջին հերթին որպես քննադատող միավոր չզգալը նրանց ևս կարող է կտրել իրականությունից և արդյունքում նրանք ոչնչով չեն տարբերվի իշխանություններից: Չե"ք զգում, որ հաճախ ուղակի կռիվ եք տալիս այս կամ այն կոնկրետ անձի դեմ` փոխանակ մնաք ձեր գաղափարական բարձրության վրա և ժողովրդին ցույց տաք, որ մի քանի գլուխ սրանցից բարձր եք: Ժողովրդի «ճնշումը» զգալու համար քաղաքական պրոցեսներ են անհրաժեշտ: Դրանք առաջին հերթին ընտրություններն են, պետական հարցերի շուրջ դիրքորոշումների արտահայտումը և այլն: Հիմա այդ ամենը փոքր ինչ անհասկանալի է: Իսկ ինչ վերաբերում է ներկա փուլում ՀԱԿ-ի գործողությունների հասկանալի լինելու անկարևորությանը, ապա դա ևս կարող է լինել ժողովրդի վրա թքած ունենալու դրսևորում (առնվազը կարելի է այդպիսի կասկած ունենալ), ինչը ՀԱԿ-ին կտրում է ժողովրդից: Քանի որ հիմա ժամանակները մեղմ ասած պարզ չեն, ապա հուսանք, որ ՀԱԿ-ը ՀՀՇ-ական մեթոդներով չի վերաբերում երկիր կառուցելուն: Ես կնախնտրեի արդյունքներով դատել, իսկ մինչ այդ կզբաղվեմ այլ օգտակար և բանով:

[Chuk]

ՀԱԿ-ն ու ՀՀՇ-ն ասոցացնելը միմյանց հետ կոպտագույն, անթույլատրելի սխալ է: Թեև կա փաստ, որ ՀՀՇ շատերն ակտիվ են ու այդ թվում այնպիսի փայլուն անհատներ, ինչպիսիք են օրինակ Արամ Մանուկյանը, Աշոտ Սարգսյանը (թեև գուցե սխալվում եմ, ինքը ՀՀՇ-ից չի), Դավիթ Շահնազարյանը, այլք: Ու մերկապարանոց ավազակների մասին խոսելը, ՀՀՇ-ի մասին ժամանակին սերմանված թույնը օգտագործելով նման գրառումներ անելը անկեղծ ասած պարզապես չեմ հասկանում:

Ինչ վերաբերվում է ժողովրդի վրա թքած ունենալու տեսությանը... ապա, ոչ, այդպիսի բան չկա: ՀԱԿ-ը հանգամանալից բացատրել է հանրահավաքները դադարեցնելու պատճառը, ազնվորեն է ներկայացրել: Այ թե ով որքանով է դա ընկալում ու գիտակցում դրա ճիշտ լինելը, կոնկրետ ես (ոչ թե ՀԱԿ-ը, ես նրա անունից խոսելու իրավունք չունեմ) կարևոր չեմ համարում՝ այս փուլում:

Ի դեպ մի հետաքրքիր բան: Ծանոթներիցս մեկը, որը շարժման մեջ է եղել, բայց ոչ ակտիվ, ավելի շուտ կողմնակից էր, տխուր հարցրեց. «Ուրեմն շարժումը մարե՞լ է, էլ երևի չի լինի հանրահավաք անել, մարդ չի՞ հավաքվի»: Հարցրի. «Եթե վաղը կամ ասենք 4 ամիս հետո ՀԱԿ-ը հայտարարի, որ հանրահավաք է անում, կգա՞ս»: Ասեց. «Հա, բա ինչ կանեմ, սաղ ազգուտակով կգամ»: Ու կգան: Սա է իրականությունը, մնացածը միֆ է: Իսկ ՀԱԿ-ն իր հզոր գործն անում է ներկայումս

[Taurel. . . .]

Այս պահին հանրահավաքները սկսելուն դեմ եմ, սակայն չեմ կասկածում, որ դեկտեմբերին, ավելի կոնկրետ ՝ դեկտեմբերի 5-19 ընկած ժամանակահատվածում , լինելու է հզոր հանրահավաք, որի նպատակն է լինելու ԵԽԽՎ հունվարյան նստաշրջանից առաջ հիշեցնել նրանց , որ Հայաստանում ընդիմություն կա:
Մինչ նշածս ժամկետը կարծում եմ , որ Քոչարյանին Հագայի միջազգային դատարան հանձնելու գործը ուղարկված կլինի, և հանրահավաքում կխոսվի նաև դրանից: ..........
Ինչպես նաև կտրվի գնահատական հոկտեմբերի 17-ից այս կողմ Ղարաբաղյան հակամարտության շուրջ տեղի ունեցած իրադարձություններին: Կխոսվի ՀԱԿ-ի հետագա անելիքների մասին....................... Սա իմ անձնական կարծիքն է:................

[Աբելյան]

Այս պահին հանրահավաքները սկսելուն դեմ եմ, սակայն չեմ կասկածում, որ դեկտեմբերին, ավելի կոնկրետ ՝ դեկտեմբերի 5-19 ընկած ժամանակահատվածում , լինելու է հզոր հանրահավաք, որի նպատակն է լինելու ԵԽԽՎ հունվարյան նստաշրջանից առաջ հիշեցնել նրանց , որ Հայաստանում ընդիմություն կա:

դժվար թե
որ անցկացնելու ըլնեն, մի ամիս առաջ կասեն

[Chuk]

դժվար թե
որ անցկացնելու ըլնեն, մի ամիս առաջ կասեն

Մի ասա, մի ասա:
Ըստ էության այսօր ՀԱԿ-ը ՀՀ միակ քաղաքական ուժն է, ով կարող է ընդամենը մի քանի օրվա ընթացքում հզոր հանրահավաք անցկացնել: Ստեղծված է հանրահավաքի մասին իրազեկման հզոր մեխանիզմ, սկսած ընթերցողի մեծ շրջանակ ունեցող մամուլից, ՍՄՍ հաղորդագրություններից, թռուցիկների տարածման լավ մեխանիզմից, հրապարակային իրազեկման տարբեր միջոցներից (ոչ զանգվածային երթեր, ավտոերթեր և այլն) մինչև համախոհների միմյանց զանգելով տեղեկացնելու միջոցներ: Այնպես որ մեկ ամիս առաջ տեղեկացնելը ամենևին պարտադիր պայման չէ: Ասում եմ, ամենը կարելի է անել 2-3 օրվա ընթացքում:

Բայց Taurel-ի ասած տեղեկատվությունը հաստատող փաստեր կամ տեղեկատվություն չունեմ, եթե չհաշվենք այսօրվա Դավիթ Շահնազարյանի լրագրողներին ասածը, մեջբերում եմ ըստ lragir.am-ի.

ԶԱՆԳՎԱԾԱՅԻՆ ՄԻՋՈՑԱՌՈՒՄՆԵՐԸ ՉԵՆ ԲԱՑԱՌՎՈՒՄ
Եթե իշխանությունը քաղբանտարկյալների հանդեպ շարունակի իր ներկայիս քաղաքականությունը, “ապա մեղմ ասած չի բացառվում”, որ Հայ Ազգային կոնգրեսը ցանկացած պահի վերսկսի զանգվածային միջոցառումները, որոնց ժամանակավոր դադարի մասին հայտարարել էր հոկտեմբերի 17-ին: Այդ մասին նոյեմբերի 25-ին Հայացք ակումբում ասել է ՀԱԿ անդամ Դավիթ Շահնազարյանը, նշելով, թե զանգվածային միջոցառումների վերսկսման առիթ կլինեն քաղբանտարկյալների դատավարությունները: Իսկ թե երբ կսկսվեն այդ միջոցառումները, Շահնազարյանն ասել է, որ հանրությանը հայտնի կլինի դրանցից մի քանի օր առաջ: