Ինչու են մարդիկ խելագարվում

[Աթեիստ]

շատ նոռմալ բան ա գլխացավ ունենալը

Առողջապահությունից այսքան խոսողն իրավունք չուներ գլխացավը նորմալ վիճակ անվանել։

[Barça]

Ես առողջապահությունից չեի խոսում այլ Նևրոզ կոչվող Հոգեբանական խնդրից:
իսկ ժամանակ առ ժամանակ գլխացավ ունենալը նոռմալ բան ա, աննոռմալ ա այն ընդհանրապես չունենալը

[StrangeLittleGirl]

Ես առողջապահությունից չեի խոսում այլ Նևրոզ կոչվող Հոգեբանական խնդրից:

Դա էլ է առողջապահության մեջ մտնում

իսկ ժամանակ առ ժամանակ գլխացավ ունենալը նոռմալ բան ա, աննոռմալ ա այն ընդհանրապես չունենալը

Եթե գլխացավ կա, ուրեմն ինչ-որ բան կա դրա տակ: Հնարավոր չէ՝ չլինի: Սկսեմ թվարկել պատճառները, որ պարզ դառնա
1. Լարվածության գլխացավ. հոգնածության հետևանքով է առաջանում
2. Միգրեն. հիվանդություն, որն ուղեկցվում է նոպայաձև գլխացավերով
3. Մենինգիտ. դե սա նորմալ համարեք, թող հիվանդը մի քանի օրից մեռնի
4. Գանգուղեղային տրավմաներ
5. Զարկերակային ճնշման տատանումներ
6. Ինֆեկցիոն հիվանդությունների պրոդրոմալ/ծաղկման շրջան
7. Ուռուցքներ
8. Թունավորումներ
9. Նևրոզներ
… և այլն: Սա նորմա՞ է

[Աթեիստ]

ժամանակ առ ժամանակ գլխացավ ունենալը նոռմալ բան ա, աննոռմալ ա այն ընդհանրապես չունենալը

Եվս մի պատճառ, բժիշկների խելագարվելու համար։ ։)

Թույլ տուր հետաքրքրվել, ի՞նչ մասնագետ ես։

[Barça]

Նևրոզը ոչ թե առոջղապահության մաս ա այլ առողջական խնդիր ա:

մասնագիտությամբ Մաթեմատիկ Ծրագրավորող եմ ու ընդհանրապես կապ չունեմ Հոգեբանության կամ Հոգեբուժության հետ:
իսկ հոգնածությունը ինչա շեղում ա համարվում? նորմալ մարդուն բնորոշ նորմալ վիճակ ա, ռոբոտ չենք ու բոլորս էլ կարանք հոգնենք, նամանավանդ երկար մտավոր աշխատանքից հետո կարա հոգնածություն առաջա ու գլխացավ լինի:
սրա ինչնա աննորմալ?

եթե հարցեր կլինեն իրիկունը կպատասխանեմ հիմա դուրս եմ գալիս:

[StrangeLittleGirl]

Մենք քեզ ի՞նչ հարցեր պիտի տանք Փաստորեն, սկի հոգեբան էլ չես: Ես էլ մտածում էի՝ գոնե հոգեբան կլինես, որ նրանց էդքան աստվածացնում ես:
Հոգնածությունն ինքը նորմալ երևույթ ա, բայց հոգնածության առաջացրած փոփոխությունները նորմալ չեն: Խրոնիկական հոգնածությունը մարդու օրգանիզմում ինչ զիբիլ փոփոխություն ասես, չի առաջացնում: Գլխացավն էլ դրա հետևանքներից ա:
Եթե կա գլխացավ, ուրեմն ինչ-որ բան այնպես չէ: Դրա մասին պետք չէ մոռանալ:

[WhiteSmoke{F}]

Մարկիզ ջան, էս դեպքում նիդլզը ճիշտ ա: Delusion-ը զառանցանքն ա, illusion-ը՝ պատրանքը, hallucination-ն էլ ցնորքը:

Բայց սխալ է, որ զառանցանքը տրամաբանական հիմք չունեցող համոզմունք է: Կան առաջնային և երկրորդային զառանցանքներ: Մի դեպքում տրամաբանական հիմքը կա, այսինքն՝ անհատը եզրակացություններ անում է հիմնվելով որոշակի փաստերի վրա, մյուս դեպքում անհեթեթ մտքերը կարծես օդից են ծնվում: Առաջին դեպքը բնորոշ է շիզոֆրենիայի վաղ փուլերին, նախածերունական պսիխոզին, եթե հիշեմ, կասեմ էլ ինչին, երկրորդը՝ շիզոֆրենիայի ավելի ուշ փուլերին, երբ արդեն դիտվում է անձի դեգրադացիա:

Հա՛, շիզոֆրենիայի տիպիկ նշան է: Զառանցանք է: Այսպիսի զառանցանքներ դիտվում են ուշ փուլերում, երբ արդեն կա անձի քայքայում: Պարաֆրեն կոչվող համախտանիշի բաղկացուցիչ մասն է, երբ զառանցանքը ֆանտաստիկ բնույթ է կրում:
Ի դեպ, հոգեբուժարանում մենք մի այդպիսի հիվանդի էինք վարում, որի հետ կոնտակտը ծայրահեղ դժվար էր լինում: Հարցնում էինք՝ գիշերը ոնց ես քնել, ասում էր՝ շատ վատ, ամբողջ գիշեր ծննդաբերում էի: Սա լավագույն դեպքում: Սովորաբար հարցերին չէր պատասխանում, փախչում էր:

Իսկ հաջորդ օրը տղաներին մի մածունի շիշ է ցույց տվել՝ պնդելով, որ դա այդ գիշեր ծնած երեխան է:

դիագնոզը խելքին մոտ է:Բայց նշված օրինակում,դեպքը կնոջ հետ,այնքան էլ ժառանգականության հետ պարտադիր կապված չէ:Նշեցիք շիզոֆրենիա:Հնում դա թարգմանվել է"WOMB AGGRESSION", <<ագրեսիվ արգանդ»,և համարվել է զուտ կանացի հիվանդություն:Իսկ ինչը կարող է հանգեցնել նման խանգարման,տվյալ դեպքում ընտանիքում:Այս կինը ունի ներքին կոնֆլիկտ,որն անլուծելի է իր համար:Իսկ դա կանանց մոտ մեծապես առաջանում է անհաջող սեռական փորձից:Իսկ թե տեսականորեն,թե գիտականորեն ընտանիքի ամրության առաջին և գլխավոր հիմքն է «« զույգի հաջող սեռական կյանքը»»:Շատ կանայք են դառնում հոգեկան հիվանդ,շիզոֆրենիկ,հենց այս հողի վրա,Նաև դժվար ծննդաբերությունից հետո: Վերջինը կրկին առնչվում է արգանդի հետ:Շիզոֆրենիա հավասար է <<womb aggression>>.Դա արդեն հնարավոր չէ բուժել,բայց կանխել կարելի է

[StrangeLittleGirl]

դիագնոզը խելքին մոտ է:Բայց նշված օրինակում,դեպքը կնոջ հետ,այնքան էլ ժառանգականության հետ պարտադիր կապված չէ:Նշեցիք շիզոֆրենիա:Հնում դա թարգմանվել է"WOMB AGGRESSION", <<ագրեսիվ արգանդ»,և համարվել է զուտ կանացի հիվանդություն:Իսկ ինչը կարող է հանգեցնել նման խանգարման,տվյալ դեպքում ընտանիքում:Այս կինը ունի ներքին կոնֆլիկտ,որն անլուծելի է իր համար:Իսկ դա կանանց մոտ մեծապես առաջանում է անհաջող սեռական փորձից:Իսկ թե տեսականորեն,թե գիտականորեն ընտանիքի ամրության առաջին և գլխավոր ամրության հիմքնէ «« զույգի հաջող սեռական կըանքը»»:Շատ կանայք են դառնում հոգեկան հիվանդ,շիզոֆրենիկ,հենց այս հողի վրա,Նաև դժվար ծննդաբերությունից հետո: Վերջինը կրկին առնչվում է արգանդի հետ:Շիզոֆրենիա հավասար է <<womb aggression>>.Դա արդեն հնարավոր չէ բուժել,բայց կանխել կարելի է

Womb agression-ը, եթե չեմ սխալվում, հիստերիային պետք է վերաբերի: Նույն հիստերիա բառն առաջացել է հունարեն հիստերուս բառից, որը նշանակում է արգանդ: Իսկ այս կնոջ մոտ պարզից էլ պարզ է, որ հիստերիա չէ, այլ՝ շիզոֆրենիա:
Ավելին ասեմ. հաճախ հիվանդի պատմելով ընտանիքում այդպիսի հարաբերությունները ոչ թե հիվանդության պատճառ են, այլ՝ հետևանք: Այսինքն, հիվանդը զառանցում է, իսկ իրականում ամեն ինչ կարգին է ընտանիքում: Իհարկե, բացառված չեն նաև այն դեպքերը, երբ ընտանիքում անհարմարությունները հիվանդությունը սրացնող ազդեցություն են ունենում:
Չէ՛, ժառանգականությունը շատ մեծ կապ ունի: Եթե ժառանգական հիմքեր չլինեն, ամուսինն ինչքան էլ կնոջը նեղի, շիզոֆրենիա չի զարգանա: Վերջիվերջո, դժվարություններ ունեցող ոչ բոլոր կանայք են հոգեկան հիվանդներ: Ավելին, ոչ բոլոր շիզոֆրենիկներն են ընտանիքում խնդիրներ ունեցող կանայք:
Ի դեպ, կանխել էլ հնարավոր չէ, ցավոք սրտի: Ես գարնանը դրա մասին հսկայական աշխատանք էի արել: Թվարկել էի բոլոր գործոնները, որոնք կարող են շիզոֆրենիայի բերել: Եթե ուզում եք կանխարգելել, պիտի էդ բոլոր գործոնները բացառեք, իսկ դա ուղղակի ծիծաղելի է: Պարզապես նշանակում է չապրել:

[Barça]

Մենք քեզ ի՞նչ հարցեր պիտի տանք Փաստորեն, սկի հոգեբան էլ չես: Ես էլ մտածում էի՝ գոնե հոգեբան կլինես, որ նրանց էդքան աստվածացնում ես:
Հոգնածությունն ինքը նորմալ երևույթ ա, բայց հոգնածության առաջացրած փոփոխությունները նորմալ չեն: Խրոնիկական հոգնածությունը մարդու օրգանիզմում ինչ զիբիլ փոփոխություն ասես, չի առաջացնում: Գլխացավն էլ դրա հետևանքներից ա:
Եթե կա գլխացավ, ուրեմն ինչ-որ բան այնպես չէ: Դրա մասին պետք չէ մոռանալ:

բայց պատկերացրա որ մինչ էտ հարց եղել ա ու գրածս անտեղին չեր:
մի փոքր ուշադիր եղի միտք արտահայտելուց առաջ
իսկ ինչ վերաբերվում ա գլխացավին կամ հոգեբաններին աստվածացնելուն, ապա ` անիմաստ ժամանակի կորուստ չտալու համար, ես ոչ մի բան չեմ գրի

[VisTolog]

Քանի Մարկիզը ոչինչ չի գրել, մի քիչ ես գրեմ:
Պատճառները շա՜տ-շա՜տ են, միևնույն ժամանակ՝ շատ բաներ հայտնաբերված չեն: Վերցնենք նույն շիզոֆրենիան: Պատճառագիտական հազար հատ տեսություն կա: Ոչ մեկը լիարժեք չէ, ոչ մեկը սուտ չէ:
Փորձեմ հերթով թվարկել.
1. Ժառանգականություն - Ի տարբերություն դասական ժառանգական հիվանդությունների, հոգեկան հիվանդություններն ուղղակիորեն մենդելյան սկզբունքով չեն ժառանգվում: Ժառանգվում է նախատրամադրվածությունը: Այսինքն, եթե ծնողներից մեկը տառապում է հոգեկան հիվանդությամբ, ավելի հավանական է, որ նրա երեխաները կունենան նույն հիվանդությունից, քան նրանք, ովքեր ունեն առողջ ծնողներ: Մյուս կողմից, միայն ժառանգականությունը բավարար չէ, որ մեկը հոգեկան հիվանդ դառնա: Պետք են նաև միջավայրի գործոններ:
2. Արտաքին գործոններ - սրանք կարելի է մի քանի խմբի բաժանել:
ա. հոգեբանական գործոններ - մասնավորապես, հոգեկան տրավմա, երկարատև հոգեհուզական սթրես: Կախված անձի բնավորության գծերից՝ նման դեպքերում զարգանում են տարբեր տեսակի նևրոզներ, իսկ կոնկրետ հոգեկան ծանր տրավմայի դեպքում զարգանում են, այսպես կոչված, ռեակտիվ պսիխոզներ,: Հոգեբանական գործոնները շիզոֆրենիայի դեպքում համեմատաբար փոքր դեր ունեն: Ոչ թե առաջացնում են հիվանդությունը, այլ բերում սրացման:
բ. ինֆեկցիաներ - շատ ինֆեկցիոն հիվանդությունների ժամանակ (օրինակ՝ սիֆիլիս, ՁԻԱՀ) տուժում է նաև մարդու հոգեկան ոլորտը (սոմատոպսիխիկա)՝ առաջացնելով մի շարք խանգարումներ: Նույն շիզոֆրենիան ունի նաև ինֆեկցիոն զարգացման տեսություն, որի համաձայն կան մի շարք մանրէներ, որոնք ուղղակիորեն չեն առաջացնում շիզոֆրենիա, բայց գլխուղեղում բերում են մի շարք փոփոխությունների, որի արդյունքում հետագայում կարող է զարգանալ հիվանդությունը:
գ. արտաքին միջավայր - հետաքրքիր փաստ. քաղաքում ծնվածների մոտ ավելի հավանական է շիզոֆրենիայի զարգացումը, քան գյուղում ծնվածների: Թե ինչու է այդպես, լիովին պարզաբանված չէ:
դ. սոցիալական գործոններ - գաղթականների մոտ ավելի հավանական է շիզոֆրենիայի զարգացումը, քան՝ տեղացիների: Նույնը վերաբերում է նաև անհայտ հայրերից ծնված երեխաներին. նրանք փոքր հասակից բազմաթիվ սոցիալական գործոնների են բախվում:
ե. զանազան դեղորայքների, թմրանյութերի, ալկոհոլի ազդեցությամբ առաջացած հոգեկան խանգարումներ
զ. տրավմաներ - գանգուղեղային տրավմաները կարող են հոգեկան խանգարման պատճառ դառնալ
է. տարիքային - հայտնի են մի շարք ծերունական և նախածերունանական պսիխոզներ: Հոգեկան խանգարումները սկսվում են միայն որոշակի տարիքից: Բայց այստեղ էլ ժառանգականությունը մեծ դեր ունի:

Ոնց որ թե բան բաց չթողեցի: Եթե որևէ բան հիշեմ, կավելացնեմ:

Մենա՞կ գագնուղեղային

Ավելացվել է 4 րոպե անց

երկարատև հոգեհուզական սթրես:

Բյուր օրինակ կբերե՞ս

[VisTolog]

Մի հարց էլ. նևրոզների ժամանակ տեսողական խաբկանքներ էլ ե՞ն լինում. /ոնցոր թե ճիշտ ձևակերպեցի/

[Dayana]

Մի հարց հա?
Ասում են, եթե մի քանի օր, կոնկրետ չեմ հիշում քանի, ինքդ քեզ համոզես, որ քո սենյակում ինչ-որ մեկը կա, հոգեկան խանգարում կստանաս Արդյոք դա այդպես է, ու ինչպով է դա բացատրվում

[Վարպետ]

Մի հարց հա?
Ասում են, եթե մի քանի օր, կոնկրետ չեմ հիշում քանի, ինքդ քեզ համոզես, որ քո սենյակում ինչ-որ մեկը կա, հոգեկան խանգարում կստանաս Արդյոք դա այդպես է, ու ինչպով է դա բացատրվում

Արմին ջան, մի քանի օր ինքդ քեզ գոյություն չունեցող ցանկացած բան էլ համոզես, հաստատ խանգարում կստանաս

[Dayana]

Արմին ջան, մի քանի օր ինքդ քեզ գոյություն չունեցող ցանկացած բան էլ համոզես, հաստատ խանգարում կստանաս

Իսկ եթե համոզելու կարիք չկա Որ փոքր էի, մեր առաստաղին աչքեր էի տեսնում: Հա ինչ, չծիծաղեք տեսնում էի, ու վախում էի դրանից, իսկ դա իրականում էդ ապուշ առաստաղի նախշերից էր, հետո դպրոցում թևիս կարիճ էր կանգնել, դրանից վախեցած, ամեն օր մթության մեջ ինչ-որ անհայտ կարիճներ էի տեսնում
Չէ, ես լրիվ խելառ եմ իմ հետ գործ չունեք

մի հարց էլ էլի, ասում են հոգեկան հիվանդները գունավոր երազներ են տեսնում, իսկ այսպես ասած նորմալ մարդիկ` անգույն: Ես միշտ գունավոր եմ տեսել, նույնիսկ զարմանում էի, էդ ոնց են անգույն երազներ տեսնում, բայց վերջերս սկել եմ անգույն երազներ տեսնել մի քիչ էլ էս մասին կխոսեք?

[Հայկօ]

Անգույն երազը աբսուրդ ա: Ոչ երազն ա հեռուստացույց, ոչ էլ մենք՝ յոթանասունականներում: Ու գույներից խոսելն էլ անիմաստ ա, որովհետև մենք երազ, բառիս բուն իմաստով, չենք «տեսնում»: