«Բուֆերային» թեմայի բացում՝ ջնջվող գրառումների համար․ հարցում

[Rammstein]

Ars83, պատկերացրու հենց քո բերած օրինակում տրված հարցը ջնջելու փոխարեն տեղափոխվի մի բաժին, որտեղ դու չես կարող պատասխանել, արդեն պետք է սկսես գուշակել, թե օֆտոպ թեմայում որտեղ պատասխանես:
Ասածս ինչ է, գաղափարը վատը չի, բայց թերի է, քանզի կարևոր (չջնջելու ենթական) գրառումները հիմնականում պատասխան գրառում են ակնկալում:
Առաջարկում եմ նոր բաժին բացելու փոխարեն պարզապես տեղափոխել զրուցարան:

Դա էլ է ճիշտ, ուղղակի էս դեպքում էլ զրուցարանը կդառնա աղբանոց։ Չեմ ասում, թե բոլոր գրառումները վատը կլինեն, ուղղակի գրառումների մեծ մասը իրար հետ կապ չեն ունենա։
Ես կառաջարկեի ամեն բաժին ունենա իր օֆֆտոպային թեման, որտեղ եւ կարելի է տեղափոխել տվյալ բաջնի օֆֆտոպները։ Միեւնույն ժամանակ այդ թեմայում կարելի կլինի հանգիստ օֆֆտոպել (ավելի ճիշտ` ինչ ուզել գրել), ինչպես զրուցարանում։

[Chuk]

«Դար» ակումբի կանոնադրություն
Գլուխ 5. «ԴԱՐ» ակումբի կանոնները
2.2. Կանոններ՝ գրառումներ կատարելու վերաբերյալ
2.2.3. Թեմայում չի թույլատրվում կատարել գրառում, որը չի համապատասխանում թեմայի բովանդակությանը, շեղում է թեմայից:

Գլուխ 6. «ԴԱՐ» ակումբի անդամների իրավունքներն ու պարտականությունները
Ակումբի մոդերատորները իրավունք ունեն այն բաժիններում, որտեղ մոդերատոր են, իսկ սուպերմոդերատորները և ադմինիստրատորները բոլոր բաժիններում.
* խմբագրել ակումբի կանոնների խախտում հանդիսացող գրառումները,
* ըստ անհրաժեշտության՝ ջնջել ակումբի կանոնների խախտում հանդիսացող գրառումները,
* ըստ անհրաժեշտության՝ կցել 2 և ավելի գրառումները,
* ըստ անհրաժեշտության՝ ինչ-որ գրառումներ տեղափոխել այլ թեմա,

Այսքանով ամենն ասված է: Յուրաքանչյուր թեմայից դուրս գրառման դեպքում մոդերատորն իրավասու է կատարել վերը նշված գործողություններից մեկն՝ ըստ իր հարմարության:

Պահանջում եմ խնայել ակումբի մոդերատորների ժամանակը և չկատարել ակումբի կանոնների խախտում հանդիսացող գրառումներ, հստակ իմանալով, որ հակառակ դեպքում կատարվելու է կանոնադրությամբ պահանջված գործողություններից որևէ մեկը: Ակումբի մոդերատորներին կոչ եմ անում, որպեսզի թեմայից դուրս գրառումները հիմնականում ջնջվեն՝ տուգանային միավորնել տալուց հետո, միայն խիստ արժեքավորների ու արդիականների դեպքում կիրառել այլ թեմաներ տեղափոխելու գործողությունը: Ես հասկանում եմ, որ ակումբցիների մեծ մասը դեմ է լինելու սրան ու դա ինձ, տվյալ դեպքում, բնավ չի հետաքրքրում: Ձեր ժամանակն անգին է, Ձեր կատարած գործը անշնորհակալ և ակումբցիները պարտավոր են հարգել Ձեզ ու Ձեր ժամանակը: Հակառակ դեպքում խախտումներ անելով և ցույց տալով որ չեն հարգում, կարող են հասնել հաջորդող պատիժներին, այն է ակումբից արգելափակմանը:

Թեման փակման ենթակա է, քանի-որ սա այն հարցերից է, որի դեպքում ինձ չի հետաքրքրում հարցման արդյունքները: Հարգելի Արսեն, մասնավորապես հետևիր ակումբի կանոնադրությանը: Առաջարկների համար կա համապատասխան բաժին, և թեման բացել ես անհամապատասխան բաժնում:

Մոդերատորական. Թեման փակվում է: