Կյանքի վայելքները

**Կաթիլ** · 20.12.2010, 17:20

էս թեման ստիպեց, որ մտածեմ… վերջերս ոչ մի բանից ոնց որ հաճույք չեմ ստանում, հը՞

**Lanterfant** · 20.12.2010, 20:19

Մեծ հաճույք եմ ստանում, երբ ինչ-որ ամայի բնավայրում պառկած եմ վրանում, և դրսում տեղատարափ անձրեվ է թափվում երկնքից: Շատ եմ սիրում կաթիլների խշշոցին լսելը, աչքերովս կաթիլների արահետներն ու ստվերը վրանի վրա հետևելը: Շատ հաճելի, հիպնոտիկ ազդեցություն ունի իմ վրա, ոնց որ բնության ուժերի հետ միաձուլված եմ:

**Անտիգոնե** · 20.12.2010, 20:44

Շատ վայելքներ ունեմ, ու ու ու...
1.Հաճույք եմ ստանում իմ աշխատանքից, հատկապես այն հանգամանքից որ այդ աշխատանքը թեկուզ և չնչին չափով գունավորում է մարդկանց առօրյան
2.Հաճույք եմ ստանում իմ ընտանիքից ու հարազատների հետ շփումից, այն առավոտներից երբ մայրս ինձ արթնացնելու միտումով սուրճի բաժակը մոտեցնում է քթիս (սա ինձ արթնացնելու միակ ձևն է) ու ժպտալով բարի առավոտ մաղթում: Փոքր եղբորս հետ բանավեճերից, որը սովորաբար ավարտվում է իր հաղթանակով որովհետև պատության ու քաղաքականության ասպարեզում իր հայացքներն անդրդվելի են:
3. Պատմամշակութային արժեքներ ներկայացնող կոթողները կատարվող այցելություններից:
4.Երեխաների հետ շփումից:
Եվ դեռ շատ ու շատ բաներից

Այս գրառումն էլ հաճույքով արեցի:

**Արամ** · 20.12.2010, 21:23

Հաճույք եմ ստանում ծխելուց…հատկապես որակով սիգար, ու անպայման գարեջրի սեղանի շուրջ, շատ հետաքրքիր զրուցակցի հետ…

**Էլիզե** · 21.12.2010, 21:42

1.ինձ հասկացող մարդկանց հետ շփումից,
2.թեյից ու մի կտոր համոոոոոով շոկոլադից,
3.մարդկանց անկեղծ ժպիտից,
4. մարդկանց օգնելուց...

...Տանգո պարելուց....
// հայկական-ավանդական-լմզված տանգոյի մասին չէ խոսքս //:

**Նաիրուհի** · 29.09.2013, 22:21

Բնության հետ մենակ մնալուց հաճելի բան չկա։ Իհարկե եթե բնությունն էնքան ջղայնացած չի, որ քեզ առանց աչքը թարթելու ոչնչացնի։

Երբ որոշ ժամանակ քաղաքակրթությունից գրեթե կտրված ես լինում, սովորում ես բնության մեջ ապրելուն՝ առանց վրանի, գիշերը մե՜ծ աստղերով երկինք ես տեսնում, ուղղակի գետի կամ քարի խոռոչներում կուտակված անձրևի ջուրն ես խմում, քամուց ու անձրևից պաշտպանվում ես քարերի արանքում կծկվելով...

Ընդամենը 2-3 անգամ եմ դա ապրել, բայց ամենաշատն էդ ժամանակ էի սիրում կյանքը

**armen9494** · 30.09.2013, 10:17

Հաճույք եմ ստանում համով ուտելուց

**Ruby Rue** · 30.09.2013, 11:07

Աննկարագրելի հաճույք եմ ստանում կենդանիների հետ շփվելիս...

Էնքա՜ն դրական էներգիա, էնքա՜ն ջերմություն կարելի է ստանալ իրենցից:
Հաճույք եմ ստանում ձիերին ձեռքով պեչենի տալիս, հետո՝ երբ էդ նույն ձին սկսում ա լպստել ոտքերս ու ձեռքերս:
Բա էն որ բռնում ես փափուկ կատվիկին կամ շունիկին ու սկսում գզել:
Բա կյանքի վայելք չի, ի՞նչ է, որ կարողանում ես կենդանիները քեզ սկսում են էնպես սիրել, ինչպես մարդիկ դժվար կարողանան:
Հա հիշում եմ, թե ոնց էին իմ վերադառնալուց առաջ ձիուկները խրխնջում, հա ինձ դրանից էնքա՜ն լավ եմ զգում:

Մեկ էլ մարդկանց օգնելն ա երջանիկ զգացում: Երբ մի հատ ի սրտե ասված շնորհակալությունից յոթերորդ երկինք ես թռչում:
Ու ընդհանրապես ամեն մանրուքի մեջ էլ կարելի է վայելք ու երջանկություն գտնել...

**Alphaone** · 30.09.2013, 15:57

Էս անգամ ես Ռուբիի փոխարեն ասեմ՝ շոկոլադե տորթ, սերուցքով տորթ, մրգերով տորթ, տորթ, տորթ, քաղցրեղեն, մուրաբաներ, շոկոլադնե՜ր...

**Ուլուանա** · 30.09.2013, 19:32

Ես երևի ամենաշատը հաճույք եմ ստանում արվեստից, ինձ համար հետաքրքիր ու սիրուն դիզայնից, ցանկացած ստեղծագործական աշխատանքից՝ թե՛ որպես դիտորդ, թե՛ որպես մասնակից։ Ասենք, ինչ–որ հետաքրքիր արվեստագետի, արվեստի գործ, արվեստի նոր ուղղություն և այլն բացահայտելը կարող է լրիվ իմ օրը լցնել։

Մեծ հաճույք եմ ստանում գրկելուց ու գրկվելուց։ Բայց ես սիրում եմ երկար գրկված մնալ

։ Ինձ որ մնա՝ կարող եմ առնվազն մի տասնհինգ րոպե էդպես մնալ։ Անասելի հաճույք է։ Բայց, ցավոք, հազվադեպ են պատահում ինձ նման երկարատև գրկախառնության սիրահարները։ Մինչև հիմա մենակ մի հոգու եմ հանդիպել, ով էդ առումով կարող է ինձ հետ մրցել

։

Տղայիս թուշիկներն ուտելն էլ մի առանձին հաճույք է

։

Ուտելիքներից ինձ համար վայելք բառին բավարարում են համով լոլիկը, գրեյփֆրութը (նաև հյութը), նուռը։ Էս պահին սրանք եկան մտքիս։ Որպեսզի սրանց վայելքը լիարժեք լինի, ես պիտի կենտրոնացած ուտեմ, ու ինձ ոչ ոք էդ ընթացքում չշեղի, չխանգարի։ Էդ ինձ համար հատուկ սրբազան պրոցեդուրա է

։

Հաճույք եմ ստանում նաև սիրելի մարդկանց համար նվերներ պատրաստելուց՝ թե՛ սեփական ձեռքերով, թե՛ ուղղակի գնելով։
Ընդհանրապես մարդկանց օգնելը, երբ զգում եմ, որ իսկապես կարողացա օգտակար լինել, մեծ հաճույք է։

Մի ուրիշ հաճույք է մարդկանց հետ երկար, անկեղծ զրուցելը։

Բնության մեջ լինելը, բնության ձայները լսելը, մի քիչ վախենում էլ եմ, բայց, մեկ է, հաճելի է

։

**Նարե91** · 30.09.2013, 19:45

Ինձ համար վայելք կարող է լինել հանգստյանս օրը` երկուշաբթին, երբ բազմոցին պառկած, վրաս մի ծածկոց գցած, կողքիս տաք նանայով թեյ ու կարամել, ընթերցանությամբ եմ զբաղված:
Հ.Գ. հեսա կասեեք` հիվանդի վիճակ ներկայացրեցի, բայց էդ ինձ համար կատարյալ վայելք ա, երանելի վիճակ: