Կյանքի վայելքները

[Անվերնագիր]

վաաայ չէ,չեմ սիրում,երբ բարձս փափուկա լինում

Էտ ուրեմն լիարժեք վայելք չի ,

[anahit96]

Էտ ուրեմն լիարժեք վայելք չի ,

Նայած ում համար,տարօրինակա,բայց ես սիրում եմ մեծ,չոր բարձեր:

[StrangeLittleGirl]

Իմ ամենամեծ հաճույքներից մեկը փափուկ փիսո գրկելն ա: Իսկ որ փիսոն սկսում ա մռռալ, դրանից լրիվ հալվում եմ:

Մեկ էլ ահավոր շատ սիրում եմ առավոտյան սուրճը, հատկապես երբ մենակ եմ խմում` օտար քաղաքում, կամ Երևանում մամայիս հետ:

Գերագույն հաճույք եմ ստանում նաև հեծանիվ քշելուց ու յոգայից:

[Ուլուանա]

Ես երևի ամենաշատը հաճույք եմ ստանում արվեստից, ինձ համար հետաքրքիր ու սիրուն դիզայնից, ցանկացած ստեղծագործական աշխատանքից՝ թե՛ որպես դիտորդ, թե՛ որպես մասնակից։ Ասենք, ինչ–որ հետաքրքիր արվեստագետի, արվեստի գործ, արվեստի նոր ուղղություն և այլն բացահայտելը կարող է լրիվ իմ օրը լցնել։

Մեծ հաճույք եմ ստանում գրկելուց ու գրկվելուց։ Բայց ես սիրում եմ երկար գրկված մնալ ։ Ինձ որ մնա՝ կարող եմ առնվազն մի տասնհինգ րոպե էդպես մնալ։ Անասելի հաճույք է։ Բայց, ցավոք, հազվադեպ են պատահում ինձ նման երկարատև գրկախառնության սիրահարները։ Մինչև հիմա մենակ մի հոգու եմ հանդիպել, ով էդ առումով կարող է ինձ հետ մրցել ։

Տղայիս թուշիկներն ուտելն էլ մի առանձին հաճույք է ։

Ուտելիքներից ինձ համար վայելք բառին բավարարում են համով լոլիկը, գրեյփֆրութը (նաև հյութը), նուռը։ Էս պահին սրանք եկան մտքիս։ Որպեսզի սրանց վայելքը լիարժեք լինի, ես պիտի կենտրոնացած ուտեմ, ու ինձ ոչ ոք էդ ընթացքում չշեղի, չխանգարի։ Էդ ինձ համար հատուկ սրբազան պրոցեդուրա է ։

Հաճույք եմ ստանում նաև սիրելի մարդկանց համար նվերներ պատրաստելուց՝ թե՛ սեփական ձեռքերով, թե՛ ուղղակի գնելով։
Ընդհանրապես մարդկանց օգնելը, երբ զգում եմ, որ իսկապես կարողացա օգտակար լինել, մեծ հաճույք է։

Մի ուրիշ հաճույք է մարդկանց հետ երկար, անկեղծ զրուցելը։

Բնության մեջ լինելը, բնության ձայները լսելը, մի քիչ վախենում էլ եմ, բայց, մեկ է, հաճելի է ։

Սրա մի ուրիշ դրսևորում էլ երկար, անկեղծ ու մտերմիկ նամակներ գրելն ու ստանալն ա ինձ համար։ Ցավոք, մեր էս դարում նամակները դարձել են հիմնականում մենակ գործնական հարցեր պարզաբանելու միջոց, բայց ինձ համար էդ երևույթը դժվար թե երբևէ կորցնի իր էմոցիոնալ ֆունկցիան։ Իրականում դրան փոխարինող ուրիշ երևույթ չկա, առնվազն ինձ համար։ Ես ընդհանրապես, էսպես ասած, գրավորի մարդ եմ, երևի դրա համար նամակն իր բնույթով լրիվ իմն ա ու էն հազվագյուտ երևույթներից, որ կարողանում ա ստեղծել ոչ թե զուտ անկեղծության, այլ բացության գերագույն վիճակ ու մտքերի ազատագույն հոսք։ Ու դա անփոխարինելի զգացողություն ա ապահովում։