Մեր գրած աֆորիզմները և թևավոր խոսքերը

[ihusik]

8.12.04. 7:40
Ինքնին Սերը` աքսիոմ է, սակայն սերը` աքսիոմ չէ, այլ թեորեմ, որ կարիք ունի ամեն օր ապացուց(վ)ելու:

8.12.04. 7:28
Նիրվանան` դա հոգու լիակատար խաղաղության մեջ Ոգու գերագույն լարումն է:
Սերը օգնեց, որ սա հասկանամ, քանզի Սերն է Նիրվանայի ամենամոտ զգացումը:

[ihusik]

"Դար" Ակումբում գրառում անելիս եկավ մոտս այս միտքը.
<<Սրտի համար չկա էլ ավելի գեղեցիկ ու ցանկալի զգացողություն, քան Սերն է...>>
Շնորհակալ եմ "Դար" Ակումբին

[Մանոն]

Մեկ րոպե է պետք՝ մարդուն առանձնացնելու իր շրջապատից:
Մեկ ժամ է պետք՝ նկատելու նրա առավելությունները:
Մեկ օր է պետք մարդուն սիրելու համար:
Այնինչ մի ամբողջ կյանք է պահանջվում՝ նրան մոռանալու համար…
***
Ոչ ոք ոչ մեկին չի կարող կորցնել....որովհետև ոչ ոք ոչ մեկին չի պատկանում:
***
Սերը նման է կարմրուկին....որքան մեծ հասակում են վարակվում նրանով, այնքան վտանգավոր է....

[Koroleva]

Մեկ րոպե է պետք՝ մարդուն առանձնացնելու իր շրջապատից:
Մեկ ժամ է պետք՝ նկատելու նրա առավելությունները:
Մեկ օր է պետք մարդուն սիրելու համար:
Այնինչ մի ամբողջ կյանք է պահանջվում՝ նրան մոռանալու համար…

ես այս խոսքերով նկար ունեմ, այդ դո՞ւ ես այդ նկարի հեղինակը

[Բարեկամ]

- Ինչու՞ ես լավ մարդկանց հետ:
- Սովորում եմ…

[Բարեկամ]

Ժամանակը կա՛մ վատնվում ա, կա՛մ աննկատ անցնում. չգիտեմ որտեղ ափսոսամ…

[ihusik]

Ամուսնությունը՝ ծանր ֆիզիկական և հոգեկան ամենօրյա աշխատանք է, որը Սիրո առկայության դեպքում վեր է ածվում մի գեղեցկագույն արվեստի ամբողջ կյանքով նվիրվելուն, որին ծառայելով, մարդ իրեն բավարարված և լիարժեք է զգում, իսկ երբ նրանում չկա Սերը՝ այն վեր է ածվում տաժանակիր աշխատանքի և կորում է նրանից գեղեցկությունն ու մարդն իրեն բավարարված և լիարժեք չի զգում: 14.03.07. 1:58 (գիշեր)

Չնայած իրենց բոլոր թերություններին մարդիկ ամենից շատ արժանի են սիրո (Գյոթե), բայց դա չի նշանակում, որ պետք է անխտիր բոլոր մարդկանց թողնեք Ձեր սրտից՝ Ձեր Սուրբ-Սրբոցից ներս մտնեն իրենց ցեխոտ կոշիկներով և աղտոտեն այնտեղ ամեն բան և ամեն ինչ ու հեռանալով խոցեն Ձեր սիրտն ու հոգին: 14.03.07. 2:30 (գիշեր)

[ihusik]

Կա երկու անսահմանություն՝ Տիեզերական Իմաստության Անսահմանությունն ու մարդկային հիմարության անսահմանությունը:

[Վազգեն]

Եռոտանի աթոռի ամենակարևոր ոտը պակասող ոտն է։

[Մանոն]

Եթե ապրած օրերդ նման են իրար....ուրեմն ապրել ես մեկ օր:

[ihusik]

Աշխարհն իր իսկ տեղում կմնա՝ Դուք լինեք էլ, չլինեք էլ, բայց եթե կաք՝ ուրեմն այնպես պետք է անեք, որ աշխարհը Ձեր իսկ գոյությամբ թեկուզ մի քիչ ավելի լավը լինի, քան կլիներ առանց Ձեզ: 21.03.2007. 20:58

[Chuk]

Մի՛ ուրախացիր, եթե արժանացել ես բարձր դիրք ունեցող մարդկանց հարգանքին. այդ հարգանքին հեշտ է հասնել քծնելով: Ուրախացի՛ր, եթե արժանացել ես «հասարակ» մարդկանց հարգանքին:
(C)huk

[lili-4]

Երջանիկ է ոչ թե նա, ով գերի է սառը բանականությանը, այլ նա, ով կարողանում է ազատություն տալ հոգում տևածող խենթ երազներին:


Սերը մենք հորինում ենք մեր կյանքն արդարացնելու, մեր ապրելակերպին ինչ- որ բացատրություն, իմաստ տալու համար:


Աստծուն «հորինում» ենք հուսահատության, բայց ոչ հիասթափության պահին:

Եթե ստում ես ինչ- որ մեկին փրկելու համար, մեկ է, հատուցումն անխուսափելի է: Եվ տվյալ պահի զոհը դու ես:

[Ուլուանա]

Իսկական գրողը ստեղծագործում է ոչ թե այն ժամանակ, երբ կարող է ստեղծագործել, այլ այն ժամանակ, երբ պարզապես չի կարող չստեղծագործել։

[Բարեկամ]

Իսկական գրողը ստեղծագործում է ոչ թե այն ժամանակ, երբ կարող է ստեղծագործել, այլ այն ժամանակ, երբ պարզապես չի կարող չստեղծագործել։

Այդպես է բոլոր հարցերում էլ: Լավագույնն արվում է այն ժամանակ, երբ չի կարող չարվել:

Ավելացվել է 2 րոպե անց
Մի հատ էլ սենց

Յուրաքանչյուր կնոջ մեջ կա կոկոնված գեղեցկության իր բաժինը, որն առավելագույնս բացվում է, երբ կինն իր տասներկուերորդ զգայարանով գիտակցում է, որ իրեն սիրահարված են