Ծխախոտ

[Ուլուանա]

Ի՞նչ է ասում: Որ նա անտարբե՞ր է շրջապատի նկատմամբ:
Համաձայն չեմ: Ամենևին կապ չունի:
Ես բազմաթիվ ծխող մարդկանց օրինակներ գիտեմ, որոնք ասենք ծխում են իրենց տանը, թեկուզ նաև իրենց երեխաների մոտ, բայց որոնց մասին երբևէ ոչ մեկը չի կարող ասել, որ նրանք անտարբեր են շրջապատի նկատմամբ: Հակառակը, նրանք հայտնի են իրենց հոգատարությամբ:

Եթե անտարբեր էլ չեն, ապա գոնե չեն գիտակցում, որ դրանով վնաս են պատճառում նրանց։

Ես ինքս էլ գիտեմ, որ ծխախոտի ծուխը շրջապատի համար վնասակար է (այսինքն իմ համար, որովհետև ես ոչ թե ծխողների մեջ եմ մտնում, այլ շրջապատի), բայց դրան առանձնապես լուրջ չեմ վերաբերվում: Ինչու՞: Որովհետև իմ համեստ կարծիքով առողջության համար այդքան էլ կարևոր չի, ես ավտոմեքենաների ու գործարանների աղտոտած օ՞դն եմ շնչում, թե՞ ծխախոտի ծուխը: Ու եթե ես սխալվում եմ, եթե ծխախոտի ծուխը շատ ավելի վնաս է, քան այդ օդը, ապա մեղքը, կարծում եմ, լուսաբանողներինն է:

Հաստատ սխալվում ես։ Ես բոլոր առումներով չեմ կարող լուսաբանել այդ երկու ծխերի տարբերությունը կամ վնասակրության աստիճանը, բայց մի բան հաստատ է. ծխախոտի ծուխը շնչելիս ես ինձ այդ պահին սկսում եմ որոշակիորեն վատ զգալ, սիրտս սկսում է խառնել, աչքերս մռմռում են, իսկ ավտոմեքենաների ու գործարանների աղտոտած օդը գոնե այդպես ուղղակիորեն չի ազդում։ Բացի դրանից, մենք դրանց դեմ պայքարել չենք կարող գոնե այս պահին, ինչը չի կարելի ասել ծխախոտի ծխի մասին։

[Werning]

Իհարկե կան նաև դրական կողմեր ծխախոտի օգտագործման դադարեցման...
Այս բոլորը ապացուցված են և ես խորհուրդ եմ տասին այս կետերը օգտագործել պայքարելու համար ծխելու դեմ


1. Իհարկե առողջության լավացում ` տես ԳԵՎՈՐԳ-ի գրածները ռուսերեն
2. Համի և հետի առավել մաքուր ընկալում... Խորովածը ավելի համով է...
3. Ֆինանսների տնտեսում... օրեկան բյուջեի 25% ծխողը ծախսում է ծխախոտի վրա
4. Ֆիզիկական և հոգեկան վիճակի բարելավում...
5. Ամենուր առկա ծխախոտի ծխից և հոտից ազատում
6. Դրական օրինակ երեխաների և կնոջ/ամուսնու համար
7.Երեխաների և ընտանիքի այլ անդամների առողջության լավացում
8. Ազատվում ես այն վիճակից, երբ ծխել չի կարելի բայց շատ ես ուզում...
9. (կանանց համար) Դեմքի գույնի լավացում, կնճիռների հարթեցում

Նաև ավելացնեմ ևս մեկ առավելություն, ծխելը թարգելուց հետո գույների ընկալումը ավելի է ուժեղանում:

[Hovulik]

Մեր գործը օգնելն է: Իսկ վերջնական որոշումը հիվանդինն է (չնայած գիտեմ, որ Հովոն սրա հետ համաձայն չի լինի):

Բյուր ջան, ոնց կարող եմ քո հետ չհամաձայնվել...
Իհարկե մեր գործն օգնելն է
Բայց մենք պիտի նաև օգնենք, որ մարդիկ հասկական դրա վնասը... ամեն մեկին մի բան է հետաքրքրում... գեղեցիկ կնոջը` կնճիռները, սպորցմենին` առողջ շնչառությունը, ընտանիքի հորը` երեխաների առողջությունը... Դա պետք է մենք հասցնենք մարդկանց...

Մեր բուհում հաստատ գիտեմ, որ ծխող աղջիկները շատ քիչ են: Գոնե ես ոչ մի ծխող աղջկա չեմ ճանաչում:

Ոչ սիրելիս կան, և ամենավատը նարնում է, որ գնալով մեծանալու հետ կապված նրանց քանակը շատանում է...

[Hovulik]

ասում են Բրյուսովի աղջիկների 80-90 տոկոսը ծխում են.....
տղաները հասկացանք... աղջիկները որն ա՞.... Եվրոաղջիկներ են էէէ՜...
բա որ զույգերից աղջիկը ծխում ա, իսկ տղան չծխող... վայ քո արա՜...

Կարծում եմ մի քիչ չափազանցված կարծիք է... իրականում աղջիկների քիչ % ծխում, սակայն մի քանի օր առաջ նկատեցի մի կին, որը իր երեխայի ներկայությամբ` գրկին նստած էր, ծխում էր...
Մեր հարևան Վրաստանում, ես նկատեցի, որ կականց մեծ մասը ծխում է առանց վախենալու կամ ամաչելու կամ քաշվելու... մեր մոտ դեռ տենց չի, բայց եթե ոչինչ չանենք, ապա կլինի կատաստրոֆա... կավելանան հիվանդություններ նորածինների մոտ... առանց այդ էլ ունենք խնդիր վերարտադրողական առողջության հետ

ԳԵՎՈՐԳ , իսկ ինչ որ վատ բան կա , որ աղջիկը ծխում է ? Ես ինքս չեմ գտնում ոչ մի վատ բան , բայց կան աղջիկներ , ու չի սազում իմ կարծիքով , բայց դա նորմալ երևույթ ա :

Համբուրվել ծխող կնոջ հետ նման է համբույրին մոխրամանի հետ...
Ես չեմ ասել խելացի մարդ է ասել, համ էլ շատ վատ է, որ դու այդ ամենին վերաբերվում ես ինչպես նորմալ երևույթի...

Եթե ուզում ես գուշակել ազգիդ ապագան, նայիր նրա երիտասարդությանը

Գ.Նժդեհ

Ես չեմ ուզում հիվանդ ազգ ունենամ ապագայում

Հետո ինչ:
Եդ խի ես ծխելը հայտարարում որպես տղամարդկային մենշնորհ, հետո էլ ծխող աղջիկներին համարում էքստրաօրդինար:
Ըստ իս ծխող աղջիկ - չծխող տղա զույգը ոչ ավելի զարմանք առաջացնող է քան ծխող տղա - չծխող աղջիկ:
Ես օրինակ թողեցի ծխելը, ընդ որում բավականին մոլի, քանի որ ընկեուհիս ծխից վատ էր զգում: Ու նույն տրամաբանությամբ էլ կվարվեի, եթե աղջիկ լինեի:

Գիտես, հարգելիս, երբեմն ծխելու վերջը կարելի է կապել աղջկա հետ, բայց ավելի հաճախ ծխելու սկիզբն է կապվում աղջկա հետ

Իսկ ինչ տարբերություն աղջիկ է ծխում թե տղա??? ընդհանրապես ծխելու երևույթն է սխալ, օրգանիզմը օրգանիզմ է բոլորի համար...ծխախոտը որնչացնում է բոլորի առողջությունը առանց սեռը հարցնելու...

Պարզապես անհրաժեշտ է ավելի համարձակ կամ ավելի ագրեսիվ լինել այդ հարցում

Չեմ կարծում որ այդ վիճակագրությունը ճիշտ է
Իսկ ընդհանրապես, եթե մարդը գիտակցելով ծխելու թե՛ վնասները, թե՛ օգուտները, որոշում է ծխել, ապա այդտեղ իմ կարծիքով վատ բան չկա: Համենայն դեպս կարևոր չէ այդ դեպքում նրա սեռը:

Ոչ մի տարբերակում ծխելը արդարացված չէ

Ծխելուց չի կախված ո՛չ մարդու բարոյականությունը, ո՛չ արժանիքները, ո՛չ թերությունները, ո՛չ...

Եթե մարդ ծխում է հղի կնոջ ներկայությամբ ապա դա անբարոյականություն է. ու վերջ

[Hovulik]

Օրինակ, ես տանել չեմ կարողանում, երբ իմ ներկայությամբ ծխում են։ Մեր տանը ծխող չկա, ու երբ հյուր եկած որևէ մեկը սենյակում ծխախոտ է վառում, ես անմիջապես լայն բացում եմ պատուհանը, թեկուզ ձմեռվա ամենացուրտ ու սառնաշունչ եղանակը լինի, և չեմ փակում մինչև այդ մարդու գնալը։

Ցավոք օդափոխությունը չի վերացնում պասիվ ծխելու վտանգը

[Hovulik]

լավ ,հասկացանք, վատ կողմեր շատ կա ծխելու մեջ, իսկ օգուտ կա?
մեկել հետաքրքիրա թե Սիգար-ը սովորական սիգարետից ինչ առավելություն ունի առողջության տեսակետից, միգուցե ավլի լավա երբեմն սիգար ծխել,կամ օրը մի 2 անգամ ղուլաբ տալ սիգար քան 2 հատ սիգարետ ծխել ?
Ես մի անգամ եմ մենակ սիգար ծխել ու շատ դուրս եկավ, իսկ սովորական սիգարետ մինչ օրս երբեմն օգտագործում եմ, բայց առանց հաճույքի, ու մանավանդ չկա են հագեցվածության զգացումը որը Սիգարի դեպքում էր:
Միգուցէ անցնենք Սիգարի ?

Ծխելու մեջ լավ բաներ կարող է հորինել իր համար ծխողը... դե ուզում է թող հորինի...

Իհարկե կան տարբերություններ, սակայն տարբերությունը միայն պատրաստման մեջ է և նրանում, որ օրական հնարավոր չի մեկ երկու սիգարից վաել ծխես, համ էլ սիգարները թանկ են...
Իսկ մնացածում նրանք նույնքան վատ են.

Ի՞նչ է ասում: Որ նա անտարբե՞ր է շրջապատի նկատմամբ:
Համաձայն չեմ: Ամենևին կապ չունի:
Ես բազմաթիվ ծխող մարդկանց օրինակներ գիտեմ, որոնք ասենք ծխում են իրենց տանը, թեկուզ նաև իրենց երեխաների մոտ, բայց որոնց մասին երբևէ ոչ մեկը չի կարող ասել, որ նրանք անտարբեր են շրջապատի նկատմամբ: Հակառակը, նրանք հայտնի են իրենց հոգատարությամբ:

Բա ինչու՞ են անում: Շատ պարզ:
Ես ինքս էլ գիտեմ, որ ծխախոտի ծուխը շրջապատի համար վնասակար է (այսինքն իմ համար, որովհետև ես ոչ թե ծխողների մեջ եմ մտնում, այլ շրջապատի), բայց դրան առանձնապես լուրջ չեմ վերաբերվում: Ինչու՞: Որովհետև իմ համեստ կարծիքով առողջության համար այդքան էլ կարևոր չի, ես ավտոմեքենաների ու գործարանների աղտոտած օ՞դն եմ շնչում, թե՞ ծխախոտի ծուխը: Ու եթե ես սխալվում եմ, եթե ծխախոտի ծուխը շատ ավելի վնաս է, քան այդ օդը, ապա մեղքը, կարծում եմ, լուսաբանողներինն է:

Չեմ ցանկանում վիրավորել Ձեր բոլոր ծանոթներին, որոնք ծխում են տանը երեխաների ներկայությամբ, բայց ասեմ մի բան... դա հավասար է սպասնությանը... ոչ թե ինքդ քեզ ես սպասնում, այլ շատ ավելի թանկ բան ես վերացնում... քո սերունդն ես վտանգի տակ դնում

Ինչ վերաբերվում է գործարաններին ու ավտոմեքենաներին... եկեք սկզբից նկատենք մեր աչքի հետո նոր ուրիշների աչքի չոփերը տեսնենք.

[Ուլուանա]

Մի հետաքրքիր բան եմ նկատել մեր ինստիտուտի (Բրյուսով) դասախոների հետ կապված։ Կին դասախոսների մոտ 90 տոկոսը ծխում էր, դե, դասախոսների ճնշող մեծամասնությունն էլ կին էր (ուսանողների մասին էլ չեմ խոսում), իսկ տղամարդ դասախոսների մեծամասնությունը ծխող չէր։ Տարօրինակ է, չէ՞։

[Werning]

Ոչ թե հետաքրքիրա այլ ցավալի, լացելու բան:
Եդ այնքան վատ սովորությունա, որ ել ասելու չի: Չիշտա ամեն մարդ ինքնա իր գլխի տերը, սակայն աղջիկների ծխելուն ես շատ բացասական եմ վերաբերվում:
ՈՒղղակի նրանք չեն հասկանում թե ինչ վտանգի տակ են դնում և իրենց և նամանավանդ ապագա երեխաներին: Եթե միայն կարողանայիք կարդալ թե քանի անուն վատ, քաղցկեղածին նյութեր են առաջանում թոքերում ծխելու ժամանակ, ու հիշեք մի բան, որ ծխելու պատճառով առաջացող փոփոխությունները իրենց զգացնել են տալիս 15-20 տարի անց:
Շարունակելի

[StrangeLittleGirl]

Աշխարհի քաղցկեղածին նյութերի շատ մեծ մասը հայտնաբերված է ծխախոտի ծխի մեջ:
Բայց ամենացավալին ծխող բժիշկներն են: Եթե նրանք գիտեն ծխելու բոլոր վնասների մասին ու ծխում են, դեռ մի բան էլ հիվանդին խորհուրդ են տալիս թողնել, հիվանդն ի՞նչ անի: Իհարկե, էստեղ պետք է առաջնորդվել այս սկզբունքով. «Մի՛ արա այն, ինչ անում եմ, արա՛ այն, ինչ ասում եմ»: Բայց դա լուծում չի: Առաջին հերթին պետք է բջիշկները ծխելը թողնեն: Ի դեպ, ԱՄՆ-ում կատարված մի հետազոտություն պարզել է, որ բժիշկների 70%-ը ծխում է:

[Hovulik]

Ի դեպ, ԱՄՆ-ում կատարված մի հետազոտություն պարզել է, որ բժիշկների 70%-ը ծխում է:

Բյուր ջան ԱՄՆ և ՄԵԾ ԲՐԻՏԱՆԻԱՅԻ բժիշկների ընդամենը 3-4% ծխում

[StrangeLittleGirl]

Հո՛վ, դրանք հավաստի տվյալներ են: Իհարկե, դա 2-3 տարի առաջ էր: Չի բացառվում, որ հիմա փոխվել է:

[Chuk]

Եթե անտարբեր էլ չեն, ապա գոնե չեն գիտակցում, որ դրանով վնաս են պատճառում նրանց։

Բա ես ի՞նչ եմ ասում: Իմ ասածն այն է, որ եթե դա իրոք մեծ վնաս է պատճառում, ապա այդ հարցի լուսաբանումը շատ վատ է կատարվում: Այնպես չեն ներկայացնում որ մարդիկ լիարժեք հասկանան ու հավատան այդ վնասի գոյությանը:

Հաստատ սխալվում ես։ Ես բոլոր առումներով չեմ կարող լուսաբանել այդ երկու ծխերի տարբերությունը կամ վնասակրության աստիճանը, բայց մի բան հաստատ է. ծխախոտի ծուխը շնչելիս ես ինձ այդ պահին սկսում եմ որոշակիորեն վատ զգալ, սիրտս սկսում է խառնել, աչքերս մռմռում են, իսկ ավտոմեքենաների ու գործարանների աղտոտած օդը գոնե այդպես ուղղակիորեն չի ազդում։

Բայց մյուս կողմից գուցե այդ ծխախոտի ծուխը մի քանի վայրկյան (րոպե, կես ժամ, կարևոր չի) աչքերդ մռմռացնում եմ ու դրանից ես ենթադրում, որ այն շատ ավելի վնաս է մեքենաների ծխից, իսկ իրականում այդ մեքենաների ծուխը ամբողջ ժամանակ օրգանիզմդ սողոսկելով շատ ավելի մեծ վնաս է տալիս:

Բացի դրանից, մենք դրանց դեմ պայքարել չենք կարող գոնե այս պահին, ինչը չի կարելի ասել ծխախոտի ծխի մասին։

Իսկ ինչու՞ ես վստահ, որ չենք կարող:
Օրինակ իմ մտերիմներից մեկը մի շատ համարձակ ծրագիր ունի, որը եթե իրականություն դարձնենք (հնարավոր է, ռեալ է), կարելի է այնպես անել, որ մի տարի հետո ամբողջ քաղաքային տրանսպորտը կարող է աշխատել միայն էլեկտրականությամբ: Ավելին, էլեկտրականության մեծ մասը կստացվի արևից: Իրոք ռեալ ծրագիր է: Իհարկե ներդրումներ է պահանջվում: Բայց եթե հաշվի առնենք թե ինչքան փողեր են գնում ծխախոտի դեմ պայքարող հասարակական կազմակերպությունների Ես սա հենց այնպես եմ ասում, չեմ մտածում այդ պայքարի սնուցման աղբյուրը կտրելու մասին: Իրականում այս նախագիծը շատերն են պատրաստ ֆինանսավորել: Իսկ մտերիմս առաջին մարդը չի, որ այդպիսի նախագիծ ունի: Պարզապես բենզինի ու նավթի մաֆիաներ կան, որոնց դեմ պայքարելը եթե անհնարին չէ, ապա շատ բարդ է:

Ներողություն թեմայից շեղվելու համար, ուղղակի կոնկրետ օրինակով ուզում եմ ասել, որ այդ մեքենաների ծխի դեմ էլ կարելի է պայքարել

[Chuk]

Ոչ մի տարբերակում ծխելը արդարացված չէ

Դա քո և իմ կարծիքով: Իսկ ծխողներից շատերը կասեն, որ արդարացված է

Եթե մարդ ծխում է հղի կնոջ ներկայությամբ ապա դա անբարոյականություն է. ու վերջ

Այ այս մի պնդումը միակն է ծխելու վնասների հետ կապված պնդումներից, որ իմ մեջ էլ է ամուր նստած: Իհարկե ես մի քիչ ավելի մեղմ որակավորում կտայի, ոչ անբարոյականություն: Չէ որ կան դեպքեր, երբ մարդիկ պարզապես չեն հասկանում, որ դա վատ է:

[Chuk]

Չեմ ցանկանում վիրավորել Ձեր բոլոր ծանոթներին, որոնք ծխում են տանը երեխաների ներկայությամբ, բայց ասեմ մի բան... դա հավասար է սպասնությանը... ոչ թե ինքդ քեզ ես սպասնում, այլ շատ ավելի թանկ բան ես վերացնում... քո սերունդն ես վտանգի տակ դնում

Ամբողջ հարցն այն է, որ իրավունք էլ չունեք վիրավորելու: Իսկ վիրավորելու դեպքում վիրավորած կլինեք Հայաստանի բնակչության շատ մեծ զանգվածի: Իսկ խնդիրն այն է, որ այնպես չի ներկայացվում հարցը, որ մարդկանց մեջ արմատավորվի, որ դա շատ վնաս է: Ավելի շուտ վնասի մասին այդ պնդումները ժողովրդի կողմից ընկալվում են որպես, ներողություն արտահայտությանս համար, ջուր ծեծոցի: "Հա դե բան ա, ասում են էլի: Հենա, հարևան Եղիշը 110 տարեկան ա, սաղ կյանքը տանը ծխել ա, ինքն էդքան երկար ապրել է, երեխեքը, թոռներն ու ծոռներն էլ նայի ինչ առողջ ու ուժեղ մարդիկ են": Հորինված մենախոսություն է, բայց շատ լավ արտահայտում է ժողովրդի զգալի հատվածի մեջ արմատավորված կարծիքն այս հարցի մասին:

Այնպես որ մարդկանց վիրավորելուց առաջ ավելի լավ է, որ այս հարցով մտահոգվածները այնպիսի ծրագիր մտածեն, որ կարողանան ժողովրդին հավատացնել իրենց ասածի ճշմարտությունը:

Ինչ վերաբերվում է գործարաններին ու ավտոմեքենաներին... եկեք սկզբից նկատենք մեր աչքի հետո նոր ուրիշների աչքի չոփերը տեսնենք.

Վերևում արդեն գրել եմ այս մասին
Վիճելի հարց է, դա է՞լ է մեր աչքի չոփը, թե՞ ոչ:


Հ.Գ. Ի դեպ մի բան էլ ավելացնեմ, հուսով եմ չեք կարծի թե արդարացման համար եմ ասում: Պարզապես որ արդարությունից շեղված չլինեմ: Իմ ասած մարդիկ սովորաբար չեն ծխում փոքր երեխաների (մինչև 13-16 տարեկան) մոտ: Ես երեխա նկատի ունեի զավակ իմաստով: Չնայած երբեմն իհարկե այնպես էլ է պատահում, որ փոքր երեխաների մոտ են ծխում:

[Ուլուանա]

Իսկ ինչու՞ ես վստահ, որ չենք կարող:
Օրինակ իմ մտերիմներից մեկը մի շատ համարձակ ծրագիր ունի, որը եթե իրականություն դարձնենք (հնարավոր է, ռեալ է), կարելի է այնպես անել, որ մի տարի հետո ամբողջ քաղաքային տրանսպորտը կարող է աշխատել միայն էլեկտրականությամբ: Ավելին, էլեկտրականության մեծ մասը կստացվի արևից: Իրոք ռեալ ծրագիր է: Իհարկե ներդրումներ է պահանջվում: Բայց եթե հաշվի առնենք թե ինչքան փողեր են գնում ծխախոտի դեմ պայքարող հասարակական կազմակերպությունների Ես սա հենց այնպես եմ ասում, չեմ մտածում այդ պայքարի սնուցման աղբյուրը կտրելու մասին: Իրականում այս նախագիծը շատերն են պատրաստ ֆինանսավորել: Իսկ մտերիմս առաջին մարդը չի, որ այդպիսի նախագիծ ունի: Պարզապես բենզինի ու նավթի մաֆիաներ կան, որոնց դեմ պայքարելը եթե անհնարին չէ, ապա շատ բարդ է:

Ես հո չասացի, թե չենք կարող, ասացի՝ տվյալ պահին ոչինչ անել չենք կարող։
Իսկ ինչ վերաբերում է, առանց բենզինի տրանսպորտի աշխատելուն, ապա դրա մասին ես էլ եմ լսել, ուղղակի հիանալի կլիներ, եթե այդպես լիներ, միայն թե հարկավոր է լավ գաղափարներն իրականության վերածել։