Հեծանվարշավ

[Ներսես_AM]

Ես, որ էս արշավը բաց թողեմ, ինձ չեմ ների:

****

«Հեծանիվ+»-ը սկսում է ջրային հեծանվարշավների սեզոնը: Այս անգամ գնում ենք Մեղրաձորի ջրվեժներ: Ոչ մի դեպքում չմոռանաք վերցնել լողազգեստ:

Մեկնարկը. կիրակի օրը՝ հունիսի 26-ին, առավոտյան 7:30-ին, հեծանիվների ՀՎԶ արհեստանոցից (Լենինգրադյան 31):

Կշարժվենք դեպի երկաթգծի «Ալմաստ» կայարան (Զեյթուն), որտեղից գնացքը շարժվում է 8:30-ին: Խնդրում ենք չուշանալ, որովհետև հենց 8:30-ին է շարժվում: Մինչև Հրազդան տոմսի արժեքն է՝ 300 դրամ:

Ամբողջ երթուղին հետևյալն է`
ՀՎԶ արհեստանոց (Լենինգրադյան 31) - երկաթգծի Ալմաստ կայարան (10 կմ), գնացքով մինչև ք. Հրազդան, Հրազդան - Մեղրաձոր - Չռիկ ջրվեժ (15 կմ), Մեղրաձոր - Հրազդան - Բջնի - Քարաշամբ - Արգել - Նուռնուս - Բյուրեղավան - Երևան (65 կմ)

Երթուղու երկարությունը` 90 կմ
Բարդությունը` ★★★☆☆, 3/5
Սնունդը` թեթև, բուսական
Ըմպելիքը` թեյաթուրմեր, հյութեր, ջուր
Հագուստը` արշավային, սպորտային, լողազգեստ և սրբիչ

Մասնակցելու պայմանները`
1. Բոլոր մասնակիցները պարտադիր պետք է կրեն սաղավարտ (шлем):
2. Ովքեր ունեն ծխախոտի հետ կապվածություն, այդ օրը պետք է մոռանան ծխելու մասին, այլապես թող մեզ հետ այս արշավին չգան:
3. Նույնը վերաբերվում է նաև ոգելից խմիչքին:

Արշավի հետ կապված ցանկացած հարցով, ինչպես նաև հեծանիվ վարձակալելու համար, զանգահարեք Սամվելին` 093-426-654:

Չռռռռի՜կ։ Մի շաբաթ ուշ լիներ ես էլ կգայի։

[Cassiopeia]

Չռռռռի՜կ։ Մի շաբաթ ուշ լիներ ես էլ կգայի։

Իսկ եթե մեկ շաբաթ ուշ մենք կազմակերպե՞նք

[boooooooom]

Իսկ եթե մեկ շաբաթ ուշ մենք կազմակերպե՞նք

Ես պատրաստ եմ ձեզ հետ էլ կրկնել )))

[Ներսես_AM]

Իսկ եթե մեկ շաբաթ ուշ մենք կազմակերպե՞նք

Վերա ջան տենց ասեցի։ Բայց քանի չեմ հասել չգիտեմ ոնց կլինի։ Ես կհետևեմ էս թեմային պիտի որ հաջողացնեմ։ Ուղղակի չեմ ուզում հետաձգեք կազմակերպեք հետո չստացվի գալ։ Ավելի լավ ա գնացեք էս անգամ։ Ես ուր էլ լինի կքշեմ

[Cassiopeia]

Էս կիրակի մեզ էլ հարմար չի ։)

[Cassiopeia]

Ժող, ուրեմն քանի որ արտասահմանցի ակումբցիներից եկել են Հայաստան ու ամսի 5-ն էլ աշխատանքային չի, որոշել ենք էս անգամ ամսի 5-ին արշավ կազմակերպել։

Ենթադրվող ուղղությունները՝
Հրազդան-Երևան
Աղվերան-Երևան
Գյումրի մեջ (գնալն ու գալը գնացքով)

Քննարկենք, մի հավես, հիշվող արշավ կազմակերպենք։

Իսկ մինչ այդ էլ կիրակի օրը կարելի է հավաքվել Կոմայգում՝ վարժանքների։

[Մուշու]

Եթե Գյումրի գնաք ես վազելով կգամ: Համ հեծանիվ քշել պետք չի, համ էլ Գյումրին կտեսնեմ գոնե մի անգամ:

Отправлено с моего D6503 через Tapatalk

[keyboard]

Հրազդան կարելի ա։
Բայց կարծում եմ պիտի սենց բան անենք, առավոտ գնանք, հետո մինչև 11-12ը քշենք ու մինչև Լուսակերտը մի տեղ ծառերի հովին ծվարենք ու քնենք կամ ուտենք կամ կլխկոնձի տանք, 5-6ից հետո քշելով գանք, մեկ ա մինչև 10ը լույս ա։
Եթե նորեկներ չկան, կարծում եմ լավ գրաֆիկա։
Ցերեկվա շոգին քշելը ինքնասպանություն ա՝ սադոմազոյի սերիայից։

[Աթեիստ]

Հով, թեմայից դուրս ասեմ, որ սադո-մազոն սպանելո՛ւ մոմենտ չի

Sent from my Elephone P8000 using Tapatalk

[keyboard]

Հենց փորձեմ կհամեմատեմ կասեմ, հմի ի՜ի՜ի՜նջ եք աաԸմ կաաածելնը Հրազդանում ծառերի հովին քնելու։
Կարանք պրինցիպի սադո մազո էլ անենք, բայց հովին, արևի տակ ամեն օր փորձում ենք։

[Cassiopeia]

Ռուֆ, դու կիմանաս, Գյումրին «բնության գիրկ» ունի՞։

[keyboard]

Գյումրին ամեն ինչ էլ ունի։
Հեռու ա պռոստը։

[Cassiopeia]

Գնացքով ենք գնալ-գալու։
Արտասահմանցիներից մեկը մեր արևին ու դիքերին սովոր չի հեշտ ու հետաքրքիր բան ենք փնտրում։

[keyboard]

4 ժամից ավել գնացքի մեջ ծախսելը իմ համար նպատակային չի, եթե գիշերը մնալու լինենք, մյոս օրը գանք, հարց չկա, հակառակ դեպքում՝ ես փաս։

[Ռուֆուս]

Ռուֆ, դու կիմանաս, Գյումրին «բնության գիրկ» ունի՞։

Եթե գիշերը չեք մնալու, իմ կարծիքով անիմաստ ա հեծանիվները հետներդ տանեք Գյումրի: Էնտեղ ոտքով ավելի հաճելի ա քաղաքն ուսումնասիրել, մանավանդ որ փողոցների մեծ մասը բավականին տխուր վիճակում են հեծո քշելու համար ու հետաքրքիր վայրերն իրար մոտ են:

Բնության գիրկը Մարմաշենի վանքն է, Արփա գետի ափին բայց մի օրանոց արշավում չեմ կարծում որ կհասցնեք նորմալ գնալ, նայել, հետ գալ, ձեռքի հետ էլ քաղաքը տեսնեք (գնալ գալը 30կմ է քանդված ճանապարհներով):