Բարեկամ, չեզոք մարդ, թշնամի

[Ուլուանա]

Ուրեմն բարեկամ չեն: Նեյտրալ են: Բայց միայն էդ միջոցով ա տարբերակել բարեկամին նեյտրալից:

Համաձայն չեմ, թե էդ դեպքում բարեկամ չեն, ու որ իբր դրա միջոցով կարելի է տարբերակել բարեկամին նեյտրալից։ Էստեղ երկու գործոն կարող է լինել։
Մեկն այն է, երբ բարեկամն, անկեղծորեն ցանկանալով օգնել, ուղղակի չի գիտակցում, որ այդպիսով չի օգնում, այլ գուցեև ավելի է վատացնում քո վիճակը, բայց նրա մղումներն, այնուամենայնիվ, լավագույնը կարող են լինել։ Վերջիվերջով, ոչ միշտ է այդքան հեշտ ճիշտ կողմնորոշվել ու հասկանալ, թե մարդուն այդ պահին ինչը կօգնի, ու դա մղումների անկեղծության հետ կարող է բոլորովին կապ չունենալ։
Մյուսն այն է, երբ բարեկամն իսկապես ճիշտ քայլ է անում քեզ օգնելու համար, սակայն դու ինքդ այնպիսի վիճակում չես, որ կարողանաս ճիշտ գնահատել նրա այդ քայլը և ակամա այն ընկալում ես որպես կամ անտեղի, անիմաստ քայլ, կամ գուցե անգամ ոչ բարի կամքի դրսևորում։
Ամեն դեպքում նման հարցերում ինչ–որ խիստ սահմանումներ տալ չարժե։

[WhiteSmoke{F}]

Մարդու լավագույն բարեկամը շունն է, կենդանիներ պահեք մարդիկ: Իսկ ավելի լուրջ իմ համեստ կարծիքով բարեկամը նա է, ով անկեղծորեն բարին է կամենում: Պետք էլ չի, որ ասենք ինչ-որ կարևոր ու լուրջ բան անի ինձ համար: Եթե չի կարող օգնի, գոնե թող չվնասի: Անկեղծ կարեկցի, հասկանա, կամ էլ գրկի ու լիքը ջերմություն տա դրանով: Դա էլա բավական ինձ համար: Ես ինքս փորձում եմ եդպիսին լինել, ու դա առաջին հերթին ինձ է հաճույք պատճառում, լինել բարեկամ, հարազատ հոգի, կարեկից մեկը