Պրեմիում SMS
Նախ ուզում եմ հարցնել բոլորին` օգտվո՞ւմ եք այս ծառայություններից։
Էսօր մի հատ ծրագիր էի գցել հեռախոսիս մեջ, ինչ-որ SMS-ներ ուղարկող։ Մի հատ փորձեցի ուղարկեմ, ուղարկեց, մի քիչ հետո +1161 համարից SMS ա գալիս «Izvinite, servisa ne sushestvuet. Vozmozhno Vy sdelali oshibku v zaprose.»։ Նայում եմ հաշիվս.......1000 դրամ պակասել ա
Գիտեմ, որ օպերատորը կապ չունի այս խաբեությունների հետ, ուղղակի ծառայություն է տրամադրում այլ ընկերությունների, որոնք ինչ գին կուզեն կդնեն մեկ SMS-ի համար։ Զանգեցի Բիլայն, ու հարցրի` հնարավոր չի՞ արգելափակել «Պրեմիում SMS» ծառայությունը, ասացին, որ ոչ։ Այստեղ ես մեղադրում եմ Բիլայնին։ Կամ պետք ա մարդկանց հնարավորություն տան, որ արգելափակեն էդ անբարոյակա ծառայությունները, կամ էլ պետք ա սարքեն համակարգ, որ բաժանորդը ինքը սահմանի, թե իր հաշվից առավելագույնը ինչ գումար կարող է հանվել ասենք մեկ րոպեի ընթացքում, եթե ծառայության արժեքը գերազանցի այդ գումարը, ապա ծառայությունից օգտվել հնարավոր չլինի։
Մի խոսքով հարգելի ժողովուրդ, մի՛ խաբվեք, մի՛ տրվեք գայթակղությանը եւ մի՛ օգտվեք այս ծառայություններից։ Այո, սա հակագովազդ է։ Ուղղակի շատ ջղայինացած եմ։
Սա իսկական անբարոյականություն է, մատուցել ծառայություն` ինքնարժեքից երեւի 1000 անգամ բարձր գնով, ու դեռ չմատուցված ծառայության դիմաց էլ փող վերցնել։ Կարծում եմ պետք է արգելել, որ մեկ SMS-ի արծեքը լինի, ասենք, 100 դրամից բարձր։ Կամ էլ ուղարկելուց առաջ թող մի հատ զգուշացում գա, որ «Գիտե՞ք բաժանորդ ջան, էսի քո ջեբին կարող ա հարմար չըլնի...»։
Հ.Գ. Ով չգիտի, թե ինչ բան է պրեմիում SMS-ը։ Դրանք կարճ համարներին ուղարկվող (սովորաբար քառանիշ) SMS-ներն են, որոնց միջոցով մարդիկ կարող են ստանալ զվարճալի, տեղեկատվական, ժամանցային եւ այլ տիպերի հաղորդագրություններ։ Պրեմիում SMS-ները թանկ են սովորական SMS-ի համեմատ (մինչեւ իսկ 50 անգամ)
Մեջբերել
Էջանիշներ