Network.am - Ծրագրերի բեռնման պորտալ

[NetX]

Այսօր մեր սիրելի կայքը 4 տարեկան է !
Անցել է 4 տարի այն օրվանից, երբ կայքի հեղինակը տեսնելով հայկական ցանցում ծրագրերի բեռնման կայքերի պակասը գրանցեց Network.am ինտերնետային հասցեն և ստեղծեց համանուն ծրագրերի բեռնման պորտալը:

Նպատակը մեկն էր. հայ օգտագործողների համար անշահախնդրորեն ստեղծել կայք, որի մուտքն ազատ է և հնարավորություն է տալիս ազատ բեռնել առաջին անհրաժեշտության ծրագրեր:

Պատմական ակնարկ:
Կայքի ստեղծման մտահաղացումըգալիս էր ավելի վաղ ժամանակներից, բայց անիրականանալի էր՝ հաշվի առնելով մեծ ծավալի հոսթինգի ձեռքբերման համար պահանջվող գումարը: Իրադրությունը փոխվեց, երբ իր օժանդակությունն ու օգնությունը ցուցաբերեց Սերգեյ Կոնակովը՝ անշահախնդիր տրամադրելով մեծ ծավալի հոսթինգ WEB ISP-ի ցանցում տեղակայված իր սեփական սերվերի վրա: Այդպիսով, 19.01.2004թ գրանցվեց Network.am ինտերնետային հասցեն և հասանելի դարձավ այցելուներին: Կայքի կյանքի սկզբնական ամիսները բավական բարդ էին. ժամերով հեռախոսային մոդեմով ցածր արագությամբ բեռնվում էին ծրագրեր, նույնքան ցածր արագությամբ կայքում վերբեռնելու համար: Բացասական, ավելի շուտ վատատեսական էր նաև շրջապատի վերաբերմունքը. կարծում էին, որ սեփական ֆինանսների և ժամանակի ներդրումով հնարավոր չէ շահույթ չհետապնդող, երկարատև նախագծեր իրականացնել և ի սկզբանե նախագծին մոտենում էին որպես հերթական, կիսատ թողնվող կայքի: Աստիճանաբար ավելանում էին կայքի այցելուները, ինչին նպատաստեցին կայքի մշտական թարմացումները, ապա որոշ ժամանակ անց բարձր արագությամբ ինտերնետի ձեռքբերումը: Եվ չնայած ինտերնետի տրաֆիկը շարունակում էր թանկ մնալ, այնուամենայնիվ հաջողվում էր թարմացումների մի մասը բեռնել այդ գծով, իսկ մնացած մասը բեռնվում էր ծանոթ հիմնարկություններից՝ ազատ ծավալի տրաֆիկի առկայության դեպքում:

Համեմատաբար կարճ ժամանակ անց կայքը հայկական ցանցի այցելուների շրջանակներում դարձավ հայտնի, իսկ կայքից բեռնվող ինֆորմացիայի ծավալները օր-օրի ավելանում էին: 22.11.2006թ. WEB ISP’ն, առանց նախապես զգուշացնելու, փակելու աստիճան նվազեցնում է Network.am սերվերի ցանցին միացման արագությունը՝ մոտավոր պատճառաբանելով, թե կայքի մեծ տրաֆիկը խնդիրներ է առաջացնում իրենց ցանցում, որի հետևանքով ժամանակավորապես դադարեցվում է կայքի աշխատանքը...

Խնդիր է առաջանում գտնել լուծում, ըստ որի բեռնման ծավալները հնարավորինս հավասարաչափ կբաշխվեն հայկական ցանցի Ինտերնետ պրովայդերների միջև, և կայքից բեռնելու արագությունը հնարավորինս քիչ կախում կունենա պրովայդերների՝ իրար միջև ունեցած կապի արագությունից: Որոշվում է կայքը բաժանել 2 մասի՝ network.am և download.network.am: Առաջինում պահվում է կայքի էջէրը/նկարները, իսկ երկրորդում՝ բեռնման համար նախատեսված ծրագրերը: download.network.am մասի համար անհրաժեշտ է լինում ստեղծել հայելային տարբերակներ այլ Ինտերնետ պրովայդերների մոտ: Առաջինը ArmInCo ISP-ն էր, որ սիրալիր համաձայնվեց օժանդակել և իր մոտ տեղակայել download.network.am-ի գլխավոր հայելային տարբերակը, իսկ իրենց հոստինգ ադիմինիստրատորը` Էդվարդ Այվազյանը, օգնեց ներդնել վերը նշված համակարգը: Այնուհետև download.network.am-ի հայելային տարբերակ տեղադրվեց նաև Cornet ISP-ի ցանցում, ապա, մոտ 2 ամիս առաջ, XterNet ISP-ի ցանցում:

Այսպիսով, այցելելով network.am, կայքի էջէրը/նկարները բեռնվում են WEB ISP-ի ցանցում տեղակայված սերվերից, իսկ ծրագիր բեռնելիս` download.network.am սերվերից, ընդ որում Cornet ISP-ի և XterNet ISP-ի օգտվողները համապատասխանաբար իրենց ցանցում գտնվող հայելային տարբերակից, իսկ ArmInCo ISP-ի և հայկական ցանցի մյուս օգտվողները՝ ArmInCo ISP-ում տեղակայված գլխավոր հայելային տարբերակից: Այս պահի դրությամբ, ցավոք, կայքը հասանելի չէ ADC-ի և Armentel-ի հաճախորդների համար: Պատճառն այն է, որ WEB ISP-ն այդ ցանցերը չի համարում «ներքին հայկական»: ADC-ի և Armentel-ի հաճախորդների համար կայքը հասանելի դարձնելու նպատակով որոշվել և արդեն իսկ ձեռք է բերվել պայմանավորվածություն, համաձայն որի առաջիկա 10-15 օրվա ընթացքում կայքի գլխավոր՝ network.am մասը նույնպես տեղափոխել ArmInCo ISP:

Այսօրվա դրությամբ Network.am-ը հաջողությամբ կատարում է իր առաքելությունը. կայքը ոչ միայն հանդիսանում է *.am-ում իր բովանդակությամբ եզակի և մշատապես թարմացվող ամենամեծ կայքը, այլև ունի հազարավոր այցելուներ և download արված ինֆորմացիայի ծավալները կազմում են ամբողջ Հայաստանի ներքին տրաֆիկի զգալի մասը: Արժանահիշատակ է նաև այն, որ mirror-ները տեղակայելուց հետո կայքն առաջինն ու միակն է, որ խոշոր պրովայդերների մոտ ունի իր «հայելային» տարբերակները, որը թույլ է տալիս հնարավորինս անխափան և բարձր արագությամբ միշտ հասանելի լինել հայաստանաբնակ օգտագործողներին ...
Շնորհակալություն եմ ուզում հայտնել ինձ օգնություն և օժանդակություն ցուցաբերած անձանց և ISP-ներին, մասնավորապես՝

* Սերգեյ Կոնակով – network.am կայքը մինչ օրս սեփական սերվերի վրա տեղակայելու և տեխնիկական աջակցություն ցուցաբերելու համար
* ArmInCo ISP հանձինս տեխնիկական տնօրեն Գրիգորիյ Սաղյանի – download.network.am և այսուհետ network.am տեղակայելու համար
* ArmInCo ISP հանձինս հոսթինգ ադմինիստրատոր Էդվարդ Այվազյանի – հայելային տարբերակների համակարգը ներդնելու և տեխնիկական աջակցություն ցուցաբերելու համար
* Cornet ISP – download.network.am հայելային տարբերակ տեղակայելու համար
* XterNet ISP – download.network.am հայելային տարբերակ տեղակայելու համար
* WEB ISP – համագործակցությունը հաջող չստացվեց, բայց մոտ 3 տարի Սերգեյ Կոնակով’ի սերվերը տեղակայելու համար:

Թարմացում
Blot 2.0
Stellarium 0.9.1
AIMP 2.09
foobar 2000 0.9.5
K-Lite Codec Pack 3.6.5 (Basic/Standart/Corporate/Full)
Armenian Easter Phonetic Keyboard Layout 1.1 (Win x32/x64)
Notepad++ 4.7.5
PostgreSQL 8.2.6
ActivePerl 5.10.0.1002 (Win x32/x64)
ActiveTcl 8.5.0.0
nVIDIA Display Driver 169.21 WHQL WinXP-2003 (x32/x64)
Paint.Net 3.22
Scribus 1.3.3.11
VirtualDub 1.7.7 (Win x32/x64)
Download Master 5.5.3.1127
FileZilla 3.0.5.2
WinSCP 4.0.6
VirtualBox 1.5.4 (Win x32/x64)
CuneiForm 12
doPDF 5.3.247
Norton Antivirus Update
Kaspersky Antivirus Update
Dr.Web 4.33 Update
ClamWin Free Antivirus Update

[Philosopher]

Շնորհավորում եմ: Network.am-ը ապացուցում է, որ հայկական ինտերնետում կարող են լինել նաև օրինական, բաց կոդով ծրագրեր և այդ ծրագրերը կարող են ունենալ բարձր պահանջարկ: Այժմ, երբ ծրագրերի հեղինակային իրավունքների հարցը ավելի ու ավելի բարդանում է, Network.am-ը կա և մնալու է որպես այդ ոլորտի առաջատար նածագիծ: Շնորհավորում եմ կայքի ստեղծողներին ու մեզ բոլորիս: Որակյալ ինտերնետային ռեսուրսների ժամանակը վաղուց է եկել: Network.am-ը ապացուցեց, որ այդպիսի ռեսուրսի ստեղծումը` այս դեպքում բեռնումների ոլորտում միանգամայն իրական է: Նորից շնորհավորանքներս

[NetX]

Մերսիներ

[Armeno]

Շնորհավոր ծնուննդդ Network.am , իսկ նոր դիզայն չի լինելու՞, կամ էլ ուրիշ բաժիններ, բացի Download-ից

[Ներսես_AM]

Շնորհավոր ու շնորհակալություն Հայկ ջան: Կայքի բացման օրվանից օգտվում եմ

[NetX]

Ներսես_AM, Armeno»» Մերսիներ

Նոր դիզայն դեր չէ, մոտակա պլաններն են
1. վերջապես կներդրվի դվիժոկը իր պոիսկի և կատեգորիաների հնարավորությամբ, լիովին html/css վալիդ կլինի
2. կայքը կամաց կամաց լիովին կանցնի հայերենի
3. ուզում եմ դնել օնլայն ուտիլիտներ, whoise. ping, trace և այլն

[Egern.net]

կարճ ասեմ. շնորհավորում եմ, և շնորհակալ եմ, որ հայկական ինտերնետը այս ասպարեզում մրցակից սայթ ունի

[Enipra]

Շնորհավորում եմ` որպես Network.am-ի մշտական այցելու:
Շատ շնորհակալ եմ, որ կայքը ստեղծվեց, ստեղծվեց ճիշտ ժամանակին ու արդեն 4 տարի "շտապ օգնություն" է շատերիս համար

Նոր դիզայն դեռ չէ, մոտակա պլաններն են
1. վերջապես կներդրվի դվիժոկը իր պոիսկի և կատեգորիաների հնարավորությամբ, լիովին html/css վալիդ կլինի
2. կայքը կամաց կամաց լիովին կանցնի հայերենի
3. ուզում եմ դնել օնլայն ուտիլիտներ, whoise. ping, trace և այլն

Շատ կարևոր կետեր եք առանձնացրել, հատկապես առաջինի անհրաժեշտությունը շատ է զգացվում: Մաղթում եմ, որ հաջողությամբ իրականացնեք էս բոլորը ու ինչքան հնարավոր է շուտ /էգոիստական մաղթանք/

[serozh2006]

Ընենց արեք գոնե ձեվի համար մի բան ըլնի քաշել ձեր մոտից....................................

[TigranM]

Շնորհավորում եմ… Իրոք որ լավ գործ եք կատարում:

[NetX]

Ընենց արեք գոնե ձեվի համար մի բան ըլնի քաշել ձեր մոտից....................................

1. Ինչ արվում ա ձևի համար չի արվում
2. մեզ ձևի համար մի բան քաշող օգտվողներ/այցելուներ պետք չեն
3. ում դուր չի գալիս ոչ ոք չի խնդրում որ օգտվի սայտից
....................................

_____________________________________________________________

Egern.net, Enipra, TigranM »» մերսիներ

[Artgeo]

Նոր մտա network.am ու
Մնաց 06 օր, 01 ժամ, 34 րոպե, 13 վարկյան...

ինչի՞ն

[VisTolog]

Նոր մտա network.am ու
Մնաց 06 օր, 01 ժամ, 34 րոպե, 13 վարկյան...

ինչի՞ն

Որ ծնունդը վերջանա:

[isoedo]

Ապրի նետուոռկ.եյեմ-ը, որ հայաստանում ԵԶԱԿԻ ՈՒ ՄԻԱԿ կարգին սայթնա սարքել:
Դժվաաար գործ ա եղել, դրամար էլ ձեզիկ ՀԱԱԼԱԱԱԼԱԱԼԼԼԱԱ...
Բայց ուշ-ուշ եք թարմացնում հա, չլնի ծրագրերի պակաս ունեք.... Եթե տենցա, ինձիկ ասեք մի տեղ ափլոդ անեմ, ձեզ տամ, քաշեք ու տեղադրեք....??

[NetX]

Նոր մտա network.am ու
Մնաց 06 օր, 01 ժամ, 34 րոպե, 13 վարկյան...

ինչի՞ն

Անակնկալին

Ավելացվել է 24 վայրկյան անց

Որ ծնունդը վերջանա:

Ծնունդը դեռ նշում ենք

Ավելացվել է 2 րոպե անց

Ապրի նետուոռկ.եյեմ-ը, որ հայաստանում ԵԶԱԿԻ ՈՒ ՄԻԱԿ կարգին սայթնա սարքել:
Դժվաաար գործ ա եղել, դրամար էլ ձեզիկ ՀԱԱԼԱԱԱԼԱԱԼԼԼԱԱ...
Բայց ուշ-ուշ եք թարմացնում հա, չլնի ծրագրերի պակաս ունեք.... Եթե տենցա, ինձիկ ասեք մի տեղ ափլոդ անեմ, ձեզ տամ, քաշեք ու տեղադրեք....??

Մերսի,
վերջի ապդեյթը մոտ մեկ ամիս ուշացավ տան DSL'ի գծի վթարի հետ կապված,
2 շաբաթը մեկ պարտադիր թարմացվում ա սայտը