Քիչ առաջ Երևանի Կենտրոն-Նորք Մարաշ վարչական շրջանների ընդհանուր իրավասության դատարան բերվեց Շանթ Հարությունյանը: Ինչպես դատարանից հայտնում է ֆոտոլրագրող Գագիկ Շամշյանը, Շ. Հարությունյանը դատարան է տեղափոխվել ՀՀ Արդարադատության նախարարության Կենտրոն քրեակատարողական հիմնարկից, և նրան ուղեկցում էին ոստիկանության Երևան քաղաքի վարչության ուղեկցող գնդի ոստիկանները: Ֆոտոլրագրողը հայտնում է, որ այսօր՝ ժամը 17:00-ին, նշված դատարանում նշանակված է դռնփակ դատական նիստ, որը վարելու է նշված դատարանի դատավոր Արշակ Վարդանյանը: Դռնփակ դատական նիստին ներկա է լինելու նաև Շ. Հարությունյանի պաշտպան Ինեսսա Պետրոսյանը: Ֆոտոլրագրողը հայտնում է նաև, որ, չգիտես ինչու, դատարանը վերցված էր ուժեղացված հսկողության տակ, որոնց աշխատանքները ղեկավարում է նշված դատարանի դատական կարգադրիչների ստորաբաժանման պետ Արթուր Փիլոսյանը:
Մեջբերել
Էջանիշներ