Քաղաքական լրահոս

[Norton]

Հայաստանը մամուլի ազատության ինդեքսում դիրքերը բարելավել է տասը հորիզոնականով

«Լրագրողներ առանց սահմանների» կազմակերպությունն (RSF) այսօր հրապարակել է «Մամուլի ազատություն – 2010» ինդեքսը, որում Հայաստանը մամուլի ազատության ցուցանիշով 178 երկրների ցանկում զբաղեցնում է 101-րդ հորիզոնականը: Նշենք, որ RSF-ի 2009թ. աղյուսակում Հայաստանը զբաղեցնում էր 111-րդ հորիզոնականը։

Ըստ զեկույցի, տարածաշրջանում Հայաստանը մամուլի ազատության տեսանկյունից զիջում է միայն Վրաստանին, որը զբաղեցնում է 100-րդ հորիզոնականը: Իսկ Թուրքիայում, Ռուսաստանում և Ադրբեջանում մամուլի ազատության վիճակը շատ ավելի վատ է. Թուրքիան զբաղեցնում է 138-րդ, Ռուսաստանը՝ 140-րդ, իսկ Ադրբեջանը՝ 152-րդ հորիզոնականը:

Զեկույցի համաձայն՝ մամուլի ազատության ցուցանիշով աշխարհի առաջատար պետություններն են Ֆինլանդիան, որը ցուցակում զբաղեցնում է 1-ին հորիզոնականը, Իսլանդիան, Նորվեգիան, Հոլանդիան, Շվեդիան և Շվեյցարիան:

Ըստ զեկույցի, աշխարհում խոսքի ազատության տեսանկյունից ամենավատ վիճակում գտնվող երկրներն են Լաոսը (168), Ռուանդան (169), Եմենը (170), Չինաստանը (171), Սուդանը (172), Սիրիան (173), Մյանմարը (174), Իրանը (175), Թուրքմենստանը (176), Հյուսիսային Կորեան (177) և Էրիթրեան (178):
tert.am

Հալալա մեր 8.000-ամյա պետությանը
Ձախից ցուցակում մեկ հորիզոնականով առջև ա Վրաստանը, իսկ աջից Հայաստանը գտնվումա Էկվադորի, Բոլիվիայի, Անգոլայի, Նիգերի, Գաբոնի, Բուրունդիի և Ջիբութիի կողքին

[Բիձա]

Էսօրվա gazeta. ru ից է: http://www.gazeta.ru/news/lenta/

Президент Грузии Михаил Саакашвили совершил заплыв в Черном море на 3,5 км. Во время заплыва его сопровождали мэр Тбилиси Гиги Угулава, министр по защите окружающей среды Гога Хачидзе. Саакашвили рассказал журналистам, что с помощью своего iPod сравнил температуру воды и влажность воздуха в Батуми с другими курортами.»

Էս տղեն համ գալստուկ ծամել գիտի, համ 3,5 կմ լողալ, համ 3,5կմ լողացող առնվազն 2 այլ պաշտոնյա ունի, համ Ipod-ով կարա ջրի ջերմություն ու խոնավություն չափի:
Եթե մեր հին ու նորերից որևէ մեկը սրա արածների գոնե մեկի կեսն աներ, ես էլ հայկական քաղաքականությամբ չէի զբաղբվի:

[Rammer]

ՀՈԿՏԵՄԲԵՐԻ 27-ԻՆ ՍԵՐԺ ՍԱՐԳՍՅԱՆԸ ԿՄԵԿՆԻ ԱՍՏՐԱԽԱՆ` ՀԵՅԴԱՐ ԱԼԻԵՒԻ ԱՐՁԱՆԻ ԲԱՑՄԱՆ ԱՌԹԻՎ

Ինչպես տեղեկացնում է ադրբեջանական Trend գործակալությունը` հոկտեմբերի 27-ին Աստրախան քաղաքում կկայանա Հեյդար Ալիևի արձանի բացումը, որին ներկա կգտնվի Ադրբեջանի նախագահ Իլհամ Ալիևը:
Հիշեցնենք, որ նույն օրը նախատեսված է Հայաստանի, Ադրբեջանի և Ռուսաստանի նախագահների եռակողմ հանդիպումը նույն քաղաքում: Այս հանդիպման օրվա ընտրությունը մեծ վրդովմունք էր առաջացրել հայկական լրատվամիջոցներում, որոնք փորձում էին հասկանալ, թե ինչով է պայմանավորված Հայաստանի խորհրդարանում տեղի ունեցած ողբերգության տասնմեկերորդ տարելիցի օրը նման հանդիպման իրողությունը: Փաստորեն, Կրեմլի վարչական բաժնի աշխատակիցները պարզապես «հարմարեցրել են» ՀՀ նախագահի այցը Ադրբեջանի համազգային առաջնորդի արձանի և հարակից հրապարակի պաշտոնական բացման տոնակատարություններին:

1in.am

[Rammer]

Համացանցում հայտնվել է հերթական հոլովակը,( http://www.youtube.com/watch?v=C-vVX...layer_embedded ) որը թերեւս այդքան էլ հաճելի չի լինի Հայաստանի իշխանության համար: Այնտեղ տեղադրված է մի հոլովակ, որտեղ ԱՄՆ փոխնախագահ Ջո Բայդենը իրեն հարց տվող հայ տղային ասում է, որ Հայաստանի նախագահը զանգահարել է նախագահ Օբամայի վարչակազմ եւ խնդրել, որ ապրիլի 24-ի ուղերձում չօգտագործվի ցեղասպանություն բառը, հայ-թուրքական գործընթացին չվնասելու համար:

Լրագիր

[davidus]

Համացանցում հայտնվել է հերթական հոլովակը,( http://www.youtube.com/watch?v=C-vVX...layer_embedded ) որը թերեւս այդքան էլ հաճելի չի լինի Հայաստանի իշխանության համար: Այնտեղ տեղադրված է մի հոլովակ, որտեղ ԱՄՆ փոխնախագահ Ջո Բայդենը իրեն հարց տվող հայ տղային ասում է, որ Հայաստանի նախագահը զանգահարել է նախագահ Օբամայի վարչակազմ եւ խնդրել, որ ապրիլի 24-ի ուղերձում չօգտագործվի ցեղասպանություն բառը, հայ-թուրքական գործընթացին չվնասելու համար:

Լրագիր

Ջո Բայդենը նման բան չի ասում, այլ`

Tell them that it was the Armenian President that called me and said "Look, do not force this issue now while we are in negotiations.

Ասացեք նրանց, որ հենց Հայաստանի Նախագահը զանգահարեց ինձ և ասաց. «Պետք չէ այս խնդիրը հիմա ամբողջ ուժով (հետևողականորեն) առաջ քաշել, քանի որ հիմա մենք բանակցությունների մեջ ենք»:

Ու եկեք ինձ ստեղ ցույց տվեք, թե որտեղ ա խոսվում «ցեղասպանություն» բառը չարտասանելու մասին:

Ամբողջ տեքստը.

"What you should be giving to your community is that we are not backing off. The Turks have to come to the realization of what the reality is. And what we got to do is, you know, this....the compromise that was going on and being worked at for a while... Tell them that it was the Armenian President that called me and said "Look, do not force this issue now while we are in negotiations. We passed. That's passed right now, so anyway, reality has a way of intruding."

[Բիձա]

Ջո Բայդենը նման բան չի ասում, այլ`

Ասացեք նրանց, որ հենց Հայաստանի Նախագահը զանգահարեց ինձ և ասաց. «Պետք չէ այս խնդիրը հիմա ամբողջ ուժով (հետևողականորեն) առաջ քաշել, քանի որ հիմա մենք բանակցությունների մեջ ենք»:

Ու եկեք ինձ ստեղ ցույց տվեք, թե որտեղ ա խոսվում «ցեղասպանություն» բառը չարտասանելու մասին:

Ամբողջ տեքստը.

Դավ ջան, թարգմանությունդ շեշտադրումը հաշվի չի առել: Նա ասել է "Tell them that it was the Armenian President that called me and said "Look, do not force this issue now while we are in negotiations. We passed.
Դու թարգմանել ես
"որ հենց Հայաստանի Նախագահը զանգահարեց ինձ և այլն"
Իսկ իրականում նա ասել է
" որ հենց հայաստանի նախագահն էր, որը զանգահարեց ինձ և այլն"
Այսինքն նա քյասար ասել է "ոչ այլ ոք, քան հենց հայստանի նախագահը զանգեց էդ հարցով - ինձանից ինչ եք ուզում՞ :
Նաև մի նյուանս էլ կա: Բայդենը Սեռժի խոսքը սկսում է look բառով, որը նշանակում է մոտավորապես հետևյալը: Թե "նայի, հասկացի, այ ախպեր",

[Երվանդ]

Երևանը դեմ չէ, որ Սպիտակ Տունը հրապարակի Ջո Բայդենի և Սերժ Սարգսյանի հեռախոսազրույցի ձայնագրությունը

15:37 • 27.10.10


Պատասխանելով այսօր առավոտ անանուն աղբյուրի կողմից youtube.com կայքում տեղադրված ԱՄՆ փոխնախագահ Ջո Բայդենին վերագրվող տեսանյութի վերաբերյալ հարցին` ՀՀ նախագահի մամուլի քարտուղար Արմեն Արզումանյանն ասել է.

«Հայաստանի Հանրապետության նախագահը երբևէ չի զանգահարել ԱՄՆ փոխնախագահ Ջո Բայդենին: Վերջինիս նախաձեռնությամբ 2009թ. կայացել է երկու հեռախոսազրույց, որոնց ընթացքում Հայաստանի Հանրապետության նախագահը չի արել տեսանյութում իրեն վերագրվող արտահայտությունն ուղղակի կամ անուղղակի: Հակառակը` բոլոր հանրային ելույթներում և պաշտոնական հանդիպումների ընթացքում ՀՀ նախագահ Սերժ Սարգսյանը կարևորել է Հայոց ցեղասպանության միջազգային ճանաչումն ու դատապարտումը և կոչ է արել չարդարացնել ճանաչման ձգձգումը Թուրքիայի հետ ընթացող բանակցություններով:

Վստահ լինելով, որ Սպիտակ տունն իր տրամադրության տակ ունի ԱՄՆ-ի փոխնախագահի բոլոր պաշտոնական հեռախոսազրույցների սղագրություններն ու ձայնագրությունները` ՀՀ նախագահի աշխատակազմը պաշտոնապես տալիս է իր համաձայնությունը` հրապարակելու նշված հեռախոսազրույցի ձայնագրությունը»։

Հիշեցնենք, որ youtube.com–ում տեղադրված տեսագրությունում Ջո Բայդենը ազգությամբ հայ երիտասարդին ասում է, թե Սերժ Սարգսյանն ինքն է ապրիլի 24–ից առաջ զանգահարել իրեն և խնդրել չշտապել Հայոց Ցեղասպանությունը ճանաչելու հարցում՝ հաշվի առնելով հայ–թուրքական հարաբերությունների կարգավորման գործընթացը։

[Ջուզեպե Բալզամո]

"The Jerusalem Post"- ի հավաստմամբ, Թուրքիայի Անվտանգության Ազգային Խորհուրդը որոշել է Հայաստանին հանել պետությանը վտանգ ներկայացնող երկրների ցուցակից: Մեր հետ ցուցակն են լքել նաև Բուլղարիան, Սիրիան ու Վրաստանը: Փոխարենը՝ ցուցակում առաջին համարն է ստանձնել Իսրայելը: Սենց բաներ…

National Security Council in Ankara decides to remove Syria, Bulgaria, Georgia, Armenia from list of countries that pose threat. The JPost

[Բիձա]

"The Jerusalem Post"- ի հավաստմամբ, Թուրքիայի Անվտանգության Ազգային Խորհուրդը որոշել է Հայաստանին հանել պետությանը վտանգ ներկայացնող երկրների ցուցակից: Մեր հետ ցուցակն են լքել նաև Բուլղարիան, Սիրիան ու Վրաստանը: Փոխարենը՝ ցուցակում առաջին համարն է ստանձնել Իսրայելը: Սենց բաներ…

National Security Council in Ankara decides to remove Syria, Bulgaria, Georgia, Armenia from list of countries that pose threat. The JPost

Իրական շեշտադրումը այլ է: Թուրքիան փոխել է իր ռազմաքաղաքական դոկտրինը և իր մերձակա հարևաններին է հանել այդ ցուցակից, ներառյալ նաև Հունաստանը, Ռուսասատանը:
Սա լիովին համապատասխանում է ռեգիոնալ լիդեր դառնալու թուրքիայի ամբիցիոզ նպատակներին:
Իսկ այդ նպատակին հասնելու ամենակարճ ճանապարհը դա Իսրայելին կսմթելն է, որ մնացածը ուշադրություն դարձնեն իր ախորժակին ու առանց իր դաբրոների հանկարծ ռեգիոնում խաղեր չտան:
Թուրքերի վերջին 2 տարվա հեռու և մոտիկ քաղաքական խաղերը ուղղակի փայլուն են:

[Rammer]

«Հրապարակ». Հերթական սանձարձակությունը բանակում. սպան 1 ժամ 40 րոպե ծեծել է զինվորին
10:47 • 03.11.10


Որքան էլ մամուլին մեղադրում են «հայկական բանակի դեմ» գրելու համար, Հայաստանի բանակում տեղի ունեցող դեպքերն իրենք են խոսում բանակի իրավիճակի մասին։ Երեկ մեր խմբագրություն զանգահարեց մի քաղաքացի՝ տեղեկացնելով, որ Նուբարաշենի զորամասում սպան այնպես է ծեծել զինվորին, որ վերջինիս բազմաթիվ կապտուկներով ու վնասվածքներով տեղափոխել են Մուրացանի հոսպիտալ։
Հրամանատարի դաժան ծեծի արդյունքում Մուրացանի հոսպիտալի դիմածնոտային բաժին էր տեղափոխվել 18-ամյա Էրիկ Գրիգորյանը։ Էրիկին զորամասից հիվանդանոց են տարել բազմաթիվ սալջարդերով, կոտրված քթով ու գլխուղեղի ցնցումով։ Երբ գնացինք հոսպիտալ, Էրիկի ծնողներն ու հարազատներն այնտեղ էին։ Նուբարաշենի զորամասի հրամանատարի տեղակալը՝ Արմեն Բարեղամյանը, հոկտեմբերի 28-ին դաժան ծեծի է ենթարկել զինվորին։ Հարազատների պատմելով՝ Էրիկն այդ օրը չի մասնակցել առավոտյան նախավարժանքին, ոտքը մեխ է մտած եղել։ Արմեն Բարեղամյանը դրա համար 1 ժամ 40 րոպե ծեծել է զինվորին, ընդ որում՝ ծեծը շարունակել է, երբ զինվորն արդեն ուշագնաց է եղել։ Հարազատների պատմելով՝ այնուհետև տարել է լվացարանի մոտ, ջուր է լցրել վրան, ուշքի բերել ու շարունակել է ծեծը՝ այս անգամ տաբուրետկայով։ Էրիկի հայրը՝ Գագիկ Գրիգորյանը, շատ տխուր էր. «Տղաս լավ չի, գլխի հետ կապված պրոբլեմներ ունի, քիթն էլ է կոտրված։ Ողջ մարմինը ցավում է, չի կարողանում սնվի, չի կարողանում նորմալ խոսի»։ Նա «ամենավերջին պատիժն» է ակնկալում ծեծող սպայի համար։ «Ինչի զինվորի հետ ս՞ենց են վարվում։ Մենք մեր տղային ուղարկել ենք, որ իրա երեխեքին պաշտպանենք, ոչ թե, որ ջարդվի, բերվի-գցվի էստեղ»։
Երեկ մեր հարցմանն ի պատասխան՝ ՊՆ քննչական ծառայության լրատվական բաժնից ասացին, որ դեպքի առթիվ քրգործ է հարուցվել, սակայն սպան դեռ կալանավորված չէ, նրան մեղադրանք դեռ չի ներկայացվել։ Լրատվության պատասխանատու Մերի Սարգսյանը փոխանցեց հետևյալը. «Փոխգնդապետ Արմեն Սուրենի Բարեղամյանը, չարաշահելով պաշտոնեական դիրքը, անձնական այլ շահագրգռվածությունից ելնելով՝ ծեծի է ենթարկել ժամկետային զինծառայող Էրիկ Գրիգորյանին՝ պատճառելով մարմնական վնասվածք։ Փաստի առթիվ 01.11.2010 թ.– ին ՀՀ ՊՆ քննչական ծառայության 4– րդ կայազորային բաժնում 375 հոդվածի 1-ին մասով հարուցվել է քրեական գործ»։
ՀԳ - Ի դեպ, մեզ հասած տեղեկություններով՝ զորամասի հրամանատարի տեղակալ, սպա Արմեն Բարեղամյանի դեմ արդեն իսկ դատական հայց կա. մոտ մեկ ամիս առաջ Բարեղամյանը մեկ այլ զինվորի էլ է ծեծել, և այդ գործն արդեն դատարանում է։ Սակայն անգամ այդ փաստը չի զսպել սպային։ Ավելին՝ նա չի ազատվել աշխատանքից ու փաստորեն նույն եռանդով շարունակել է զինվորների ծեծը։ Ի դեպ, տվյալ զորամասի հրամանատարը Վ. Վարդանյանն է։

Tert.am

[Rammer]

«Հայկական ժամանակ». Հարձակում Նիկոլ Փաշինյանի վրա

ԱԱԾ մեր աղբյուրներից հայտնի դարձավ, որ երեկ «Կոշ» քրեակատարողական հիմնարկում հարձակում են գործել քաղբանտարկյալ, «Հայկական ժամանակ»–ի գլխավոր խմբագիր Նիկոլ Փաշինյանի վրա։ Այլ մանրամասներ ճշտել երեկ չհաջողվեց։
ԱԱԾ մեր աղբյուրները նշում են, սակայն, որ հարձակումը հրահանգավորված է եղել նախագահական նստավայրից։ Ըստ այդմ՝ նպատակը նույնն է՝ ամեն գնով կասեցնել Նիկոլ Փաշինյանի քաղաքական և լրագրողական գործունեությունը։

Tert.am

[Բիձա]

http://www.gazeta.ru/news/lenta/?2
Власти планируют раздавать жителям Алжира оружие для самозащиты,
чтобы они смогли отразить нападение боевиков в неблагополучных районах страны, сообщает «Би-би-си». Власти в прошлом уже вооружали граждан во время гражданской войны в 90-х годах, когда погибли 200 тысяч человек.

Ըսենց բան մեր մոտ պատկերացնելի է՞:

[Chuk]

ԲԵՐՄԱՆ ԵՆ ԵՆԹԱՐԿՎԵԼ

Այսօր Հայ ազգային կոնգրեսը սկսել է պիկետը Երեւան հյուրանոցի դիմաց, որտեղ աշխատանքներն է սկսել Եվրամիություն - Հայաստան. քաղաքացիական հասարակություն երկօրյա սեմինարը: Պիկետի մեկնարկից հետո Հայ ազգային կոնգրեսի մի քանի երիտասարդ ակտիվիստ բերման են ենթարկվել Կենտրոնի ոստիկանություն:

Երեւանի փոխոստիկանապետ Ռոբերտ Մելքոնյանը լրագրողներին ասել է, թե միջազգային մասշտաբի միջոցառում է անցկացվում, իրենք պարտավոր են պահպանել հասարակական կարգը:

Լրագիր

ԲԵՐՄԱՆ ԵՆԹԱՐԿՎԱԾՆԵՐԻՆ ԾԵԾԵ՞Լ ԵՆ

Այսօր Հայ ազգային կոնգրեսը պիկետ է անում Երեւան հյուրանոցի դիմաց, որտեղ աշխատանքներն է սկսել Եվրամիություն - Հայաստան. քաղաքացիական հասարակություն երկօրյա սեմինարը: Պիկետի մեկնարկից քիչ անց, ինչպես տեղեկացրել էինք, բերման են ենթարկվել երիտասարդ ակտիվիստներ: Նրանք են` Սարգիս Գեւորգյանը, Վահագն Գեւորգյանը, Արեգ Գեւորգյանը եւ Սարգիս Ղազարյանը:

Ընդհանրապես, Երեւան հյուրանոցի մոտ բազմաթիվ ոստիկաններ եւ կարմիր բերետավորներ կան, ովքեր փակել են Աբովյան փողոցը հետիոտնի համար:

Պիկետի մասնակիցների մեջ լուրեր են շրջում, թե բերման ենթարկվածներին Կենտրոնի ոստիկանությունում ծեծել են:

Լրագիր

[Chuk]

ՈՒՄ ՀԱՄԱՐ Է ԺԱՄԱՆԵԼ ՇՏԱՊ ՕԳՆՈՒԹՅՈՒՆԸ

Ինչպես տեղեկացրել ենք, այսօր ոստիկանները Երեւան հյուրանոցի մոտից բերման են ենթարկել Հայ ազգային կոնգրեսի 4 երիտասարդ ակտիվիստների, որոնց, ըստ պիկետի մասնակիցների ծեծել են Կենտրոնի ոստիկանությունում: Մեր թղթակիցը տեղեկացնում է, թե Կենտրոնի ոստիկանություն է ժամանել շտապ օգնության բրիգադը: Ըստ պիկետի մասնակիցների, բժիշկները ժամանել են ծեծված երիտասարդներին բուժօգնություն ցուցաբերելու համար:

Լրագիր

[Rammer]

ՀԱԿ ակտիվիստների պնդմամբ, իրենց դաժան ծեծի են ենթարկել ոստիկանությունում


Նոյեմբեր 09, 2010 | 12:53
Հայ ազգային կոնգրեսի ակտիվիստներ Սարգիս Գեւորգյանին, Արեգ Գեւորգյանին, Վահագն Գեւորգյանին եւ Սարգիս Խաչատրյանին, որոնց այսօր՝ նոյեմբերի 9-ին տարել էին ոստիկանության Կենտրոնի բաժին, ընդունարանում դաժան ծեծի ու բռնության են ենթարկվել ոստիկանության աշխատակիցների կողմից։ Այս մասին NEWS.am-ին հայտնեց Սարգիս Գեւորգյանի քույրը՝ Անի Գեւորգյանը, ում այդ մասին ոստիկանությանից զանգահարել եւ տեղեկացրել է եղբայրը՝ Սարգիս Գեւորգյանը։ Նա նաեւ խնդրել է քրոջը շտապ օգնություն կանչել, քանի որ ծեծի ենթարկվածները բժշկի կարիք են զգացել։ Անի Գեւորգյանի կանչից հետո, շտապ օգնության մեքենան ժամանել է ոստիկանություն, սակայն հայտնի չէ, թե, արդյոք, բժիշկներին թույլ տվե՞լ են այցելել ծեծի ենթարկվածներին:

Սարգիս Գեւորգյանը քրոջը հայտնել է նաեւ, որ երբ ոստիկանության ընդունարանում իրենց ծեծի են ենթարկել ու գցել գետնին, ոստիկաններից մեկն ասել է, թե «Լավ, հերիք ա, թե չէ կսատկեն», իսկ մյուսն ասել է, «Դե ոչինչ, թող սատկեն»։ Թե ինչ վիճակում են այժմ երիտասարդները, հայտնի չէ։ Անի Գեւորգյանը հայտնեց նաեւ, որ այժմ ոստիկանություն է տանում իր երկու եղբայրների Սարգիսի եւ Արեգի անձնագրերը։ Ոստիկանությունում ՀԱԿ ակտիվիստներին է այցելել փաստաբան Վահե Հովսեփյանը, իսկ մյուս փաստաբանը՝ Գիվի Հովհաննիսյանը դեռ դրսում սպասում է։

Նկատնեք, որ այժմ Շառլ Ազնավուրի հրապարակում շարունակվում է ՀԱԿ ակտիվիստների կազմակերպած ակցիան, որին մասնակցում է շուրջ 200-300 հոգի։ Ակցիան ընթանում է «Ազատություն քաղբանտարկյալներին», «Ազատ խոսք» եւ այլ կարգախսների ներքո։ Հրապարակ են այցելել նաեւ Մարդու իրավունքների գրասենյակի աշխատակիցները, ովքեր մինչ այդ եղել են Կենտրոնի ոստիկանությունում։

Հիշեցնեք, որ նոյեմբերի 9-ին, ժամը 10:15-ի սահմաններում Շառլ Ազնավուրի անվան հրապարակում (Մոսկվա կինոթատրոնի մոտ) միջադեպ էր գրանցվել ակցիա իրականացնող Հայ ազգային կոնգրեսի երիտասարդ ակտիվիստների եւ ոստիկանների միջեւ։ Ոստիկանության Կենտրոնի բաժնի պետի ծառայության գծով տեղակալ Արայիկ Պետրոսյանն սկսել է վիրավորանքներ տեղալ երիտասարդների հասցեին եւ արգելել, որպեսզի երիտասարդները երթով իջնեն դեպի Հանրապետության հրապարակ:

Ոստիկանները դեղին ժապավեններով փակել են տարածքը, երիտասարդների թիկունքում տեղադրել են պատնեշներ եւ պահանջել, որպեսզի ակցիայի մասնակիցներն անցնեն պատնեշից այն կողմ: Երիտասարդները հրաժարվել են կատարել այդ պահանջը, ինչի հետեւանքով նրանց տեղափոխել են ոստիկանություն:

News.am